洪記餃子雲吞糖水

Open Now

Now Closed

住大埔同事推介我去這間餃子雲吞糖水店，除了糖水還有餃子、粢飯和小食。今日去了大埔順道買回家試。綜合芋圓燒仙草，裡面有紅豆、仙草、西米、珍珠和芋圓，材料非常豐富。Q彈的口感搭配適中的甜度，讓人吃得非常滿足。還有多芒小丸子，芒果肉香甜，小丸子煙韌有嚼勁，味道非常好。粟米生餃子，這裡的餃子每日新鮮製作，餡料足且粒粒飽滿，讓人吃得很滿足。炸燒賣則炸得外脆內軟，每一口都香脆滋味。洪記的各種小食和糖水有水準，怪不得這麼多街坊來光顧。

今日和朋友行完山，好想食糖水，於是買了外賣前往朋友家中進食。這間細細的糖水舖，卻人流滿滿。 有多款不同的糖水供應，亦有粢飯，小食。 最後我們叫了以下食物1.芒果西米桃膠芋圓（$38）非常足料的糖水，滿滿的西米，配上養顏的桃膠，和新鮮爽甜的芒果及煙煙韌韌的芋圓非常滿足。2.海帶綠豆沙（$23）綠豆沙煮嘅時間剛剛好，但有一粒粒的口感，同時亦非常軟糯。 甜度適中，不會太甜。3.即包粢飯（ $25）粢飯非常大份，內有榨菜，肉鬆，油炸鬼，米飯亦非常煙靭。4.韭菜生水餃（$40）星期日會留在家中工作，於是買了一份生餃。，星期日烹調。他的美rd程度拍得上媽媽包的韭菜餃子，非常足料，滿滿的餡料，皮薄餡靚。

熱門小店～看到店舖滿滿的新鮮芒果，和送貨小哥繼續送來的一箱箱🥭就知道店舖雖小，但課如輪轉，想必用料新鮮有保證🥢楊枝甘露香港人吃糖水必點，椰奶香味足夠，柚子肉亦非常多🥢多芒小丸子清新的芒果唔會過甜/酸，小丸子的份量超級多，一個小女生根本吃不完啊！感覺當正餐也很足夠🥢椰汁芋泥紅豆丸子桃膠桃膠和其他配料一樣價錢！果斷吃！桃膠煲得非常軟腍，份量十足，小女生要多吃🥰🥢芋泥西米桃膠芋圓芋泥香濃！又打得細膩、又有粒粒芋頭，非常有驚喜！而且芋圓也彈牙，非常煙靭，好好吃！

洪記餃子雲吞糖水係大埔人氣超高，經常都見到長長嘅隊等緊買嘢！🔸 粟米生餃子 🥟 $40見到好多人都推介餃子，所以我都左生餃子，返屋企自己蒸。餃子皮薄餡多，每一粒都脹卜卜~裡面包住清甜嘅粟米同豬肉，味道鮮美，真係好滿足！🔸多芒楊枝甘露 $36呢個甜品真係一個驚喜！裡面有新鮮嘅芒果，椰奶味道香濃，份量又多，搭配啲芋圓，食落去好清新🔸 綜合芋圓燒仙草 $40 呢碗糖水入面有紅豆、仙草、西米、珍珠同埋芋圓，配料非常豐富，芋圓口感煙韌，整體唔會太甜，性價比高🔸 芋泥紅豆仙草芋圓 $36呢個糖水嘅芋泥質感滑溜，紅豆同仙草搭配得好好，食落去層次高呀！

今天到大埔探訪朋友，經過寶鄉街見到餃子糖水店，立即買外賣回家品嚐。服務員很有禮貌很細心。楊枝甘露芋圓：芒果很多芋圓很多又大粒還要是芒果底很濃郁。綜合芋圓燒仙草：裏面有紅豆、西米、珍珠、芋圓、燒仙草材料很豐富不會太甜。香滑芝麻糊：芝麻是新鮮即磨每一啖都充滿濃郁的芝麻香味幼滑細膩。最後決定買生餃子回家，餃子我食過很多款式，但真係味試過用咸蛋黃來包餃子，立即買咸蛋黃鮮肉餃返屋企煮來食，食落去很特別好似流沙包的感覺加少少豆瓣醬會更美味。

大埔名物洪記餃子雲吞糖水🧡平時都大排長龍既洪記，好難得今次竟然冇人排，我都外賣返屋企食先😆😋💫韭菜煎餃首先試咗韭菜煎餃，煎得香脆，口感非常好，用料又大方，裡面有好多新鮮韭菜，咬落去好有味道，真係好滿足。💫粢飯仲有點咗好多人推介嘅粢飯，果然唔錯！裡面有肉鬆、榨菜同油炸鬼，味道層次非常豐富，油炸鬼更係脆脆的，食落去特別有口感。💫多芒楊枝甘露最後試咗多芒楊枝甘露，意外發現裡面仲有芋圓，簡直太滿足！芒果新鮮又甜，椰奶味道香醇，份量又多，真係抵食又好味。📍洪記餃子雲吞糖水 (大埔)大埔寶鄉街47號地下D2號舖

每次經過都大排長龍既大埔外賣小店😍聽朋友講佢哋既芋圓糖水好出色！今日終於有機會食到啦，除咗糖水，佢哋仲有即叫即整既粢飯、煎餃等等熱食，好多選擇😋⋆✨綜合芋圓燒仙草 $42佢哋既糖水每碗都勁大碗超足料！呢碗招牌綜合入面有仙草、芋圓、紅豆、珍珠、西米，芋圓煮到煙煙韌韌，整體成個糖水都唔會好甜，性價比真係好高👍🏻⋆🥥芋泥西米桃膠芋圓$38呢碗芋泥桃膠芋圓都好有驚喜❤️材料一樣豐富之外，芋泥既質感好綿好滑，桃膠都煮得好淋，加上椰奶底，真係好滿足，下次一定要encore😋⋆🍙即包粢飯 $25聽講粢飯都係必叫！粢飯入面個油炸鬼好香好脆，肉鬆同榨菜既份量都好多😋重點係個糯米飯煮得夠軟糯，好味👍🏻⋆🥟韮菜煎餃 $40唔知有冇人同我一樣，食親餃子一定要叫韮菜餡🤣佢哋既餃子每隻都好大粒好飽滿，外皮煎得金黃香脆，入面餡料好足料，韮菜味都好香濃❤️

呢間外賣店真係非常熱鬧，長期有好多客人光顧，有啲人專門買餃子，有啲人就鍾意買甜品。店舖入面仲有即包嘅粢飯，選擇多元，令人垂涎。因為屋企距離遠，我決定買生餃返去整水餃食，選咗兩款，分別係粟米生餃子同鹹蛋黃生餃子。兩款餃子嘅皮都煙靭有咬口，食落去非常滿足。粟米餃子比較常見，包住一粒粒清甜嘅粟米同豬肉餡，味道鮮美；鹹蛋黃餃子就比較少見，食落去有種流沙包嘅味道，十分香濃，建議準備辣椒油一齊食，味道會更加出色。下次我想試吓煎鹹蛋黃，睇吓會唔會更加鹹香。另外，我仲買咗兩碗份量十足嘅糖水，分別係芋泥紅豆仙草芋圓同多芒楊枝甘露。平時簡配料總係會有選擇困難症，但呢度一次過滿足你多個願望！芋泥紅豆嘅甜味配上仙草嘅嫩滑，再加上芋圓嘅煙靭口感，層次非常豐富，食完之後仲好飽肚。多芒楊枝甘露就係另一個驚喜，店舖嘅雪櫃裏面擺滿芒果，估計芒果係呢個店嘅特色之一。楊枝甘露呢個傳統甜品而家已經好少見，裡面有好多水果配料，西柚絲同埋芒果塊，再加埋西米粒仲有芋圓，一個清新嘅選擇。\呢間外賣店不單止食物好味，仲有多樣化嘅選擇，真係值得再試！

主打手工餃子🥟糖水及小食嘅外賣店最出名嘅係煎餃、栥飯，亦有生餃買另一主打糖水足料又抵食，亦都好出色🎈咸蛋黃生餃子估唔到餃子都有咸蛋黃做餡咁特別嘅口味不能抗拒😍一咬開見到金黃色咸蛋黃好驚喜食落好有肉汁 ，仲有木耳增加口感同時減輕膩感，食材配搭花過心思👍🏾🎈韭菜生餃子外型飽滿，外皮薄身柔韌好滑溜裡面爆晒餡，韭菜切成粗粒味道好突出加上豬肉餡充滿韭菜香，係食完會掛住嘅味道🎈海帶綠豆沙綠豆煮到起晒沙，食落有香草🌿嘅清香$20一碗足料又抵食，從此愛上綠豆沙🎈椰汁芋泥红豆丸子桃膠芋泥做得好綿密，甜度剛好紅豆🫘同桃膠帶嚟更豐富口感，同椰汁底好夾👍🏾

番到大埔 戚起條筋 好想食糖水!即刻走落廣福道附近睇吓有咩糖水舖見倒有間排長龍 咁跟住食應該冇錯嫁喇~一次過叫左4碗! 其實糖水呢啲野 叫10碗都食得哂😂最後揀2碗桃膠系列+2碗芋圓系列每碗既固體配料vs液體糖水既比例都幾過分😹大約係4:1真係做到每啖多多料 少少水~勁高享受所以食完4碗之後 真係飽到上心口!性價比極高~桃膠口感正常 唔係桃膠碎! 係桃膠!芋泥夠綿 冇顆粒感 食落sup一聲就吞左 又芋頭香!西米同芋圓係normal size, 量多~最愛仙草🫶🏻口感味道好Nice 唔會好碎.

二個月前買過粢飯來吃，足料和油炸鬼外脆內軟。但今日再買左一個來吃，點知油炸鬼可能係番炸，炸到成條乾曬，得個硬字，仲要冇乜料，肉鬆和炸菜都很小，糯米飯有小小硬，好難食。可否用心做好d！

第一次食過啲芋圓覺得好好食，有驚喜，唔係一夠粉咁，軟腍腍，就算上次好多人，等咗好耐，都想翻兜。今次再買，一打開，啲芋圓痴埋一舊，都已經心知不妙了；食落，已經係一個粉了，失色、失望、失敗。就算其他配料正常發揮都無用了，主角芋圓唔好食已經係敗筆，我自己喺屋企烚芋圓可能仲好食過佢。以為鮮芋仙之後可以搵到一間芋圓好食嘅糖水鋪，而鮮芋仙係因為後期啲芋圓越嚟越難食，所以越嚟越少人幫襯，我諗呢間都會係步上後塵，因為今次已經唔需要等好耐了。唔會再有第三次，再見。

買咗兩盒生餃子（粟米生餃子同韭菜生餃子）返屋企煮，夠大隻但係⚠️食落有半盒既餃子都有碎骨/一大舊骨⚠️差啲咬爛牙🫤🫤🫤🫤以後唔敢再買嚟食🫤🫤🫤🫤🫤

最近去咗位於大埔【洪記糖水雲呑餃子】，小店主打各式各樣嘅餃子同糖水，食物新鮮又好味，絕對值得一試！即包粢飯，拎上手熱辣辣，內餡豐富，搭配特製醬汁，味道層次分明，飽肚之選。香茜煎餃，香茜味道清新，餃子皮夠薄，煎得金黃酥脆，口感非常好。粟米煎餃亦非常出色，粒粒粟米夠哂鮮甜，咬開時仲有肉汁流出，鮮味十足。另外，買咗杯生椰拿鐵，椰子味香濃，飲落相當滑順，解渴得黎又香甜，唔錯～整體而言，洪記糖水雲呑餃子提供嘅食物多元化之餘，價格亦非常合理，係大埔區內值得一試既小店！洪記糖水雲呑餃子地址：大埔寶鄉街47號地下D2號舖

冬至晚餐，家人提議去大埔墟嘅「洪記」買幾碗甜品飯後食。除了鮑參翅肚，洪記嘅芋圓甜品成為今晚冬至飯嘅亮點之一。椰汁芋泥紅荳丸子桃膠香濃嘅椰汁與綿密嘅芋泥完美融合，口感十分細膩。桃膠滑溜同蓮子嘅清香，增添不少層次感。芒果西米桃膠芋圓色彩繽紛，芒果嘅鮮甜搭配Q彈嘅西米同桃膠，口感豐富，每一口都有超多嘅芒果肉，芒果控一定滿意。我最喜歡系綜合芋圓燒仙草，材料超豐富，種類多樣，仙草、西米、珍珠、芋圓，還有大紅豆。洪記嘅甜品不會過於甜膩，正合時下講求健康嘅小甜需求，難怪長期要排隊。