洪記餃子雲吞糖水

Open Now

Now Closed

趁住禮拜六 來排下每次經過都大排長龍嘅糖水店！12點開門 真係未開門就開始排😅今日仲要超熱～招牌粢飯一定要試！好多餡 好好味🤤 如果胃口細小小 真係要搵人Share 一齊食先得～見到鹹蛋黃鮮肉餡嘅餃子幾特別 就叫咗個煎餃食下～真係每一粒餃子都要好多鹹蛋黃 好味😋！一盒有十粒餃子🥟 真係要兩個人先食得晒糖水就要咗個芋泥西米桃膠芋圓 真係勁足料～我用碗裝出來食 加翻D鮮奶 裝咗三碗…….好彩外帶咗盒粟米餃🥟 如果唔係聽日又要排哈哈哈哈哈

今日帶阿仔去完學游水經過大埔墟發覺有間外賣店勁多人排隊所以就去八下究竟賣咩點知有飲品有甜品仲有煎餃一次過可以滿足多個願望阿仔話想飲黑糖鮮奶同食煎餃所以我地就試下呢個新開嘅外賣店綜合芋圓燒仙草$40用料勁多有紅豆、芋圓、仙草、珍珠、西米成杯滿滿的料而且椰汁味勁濃令鐘意椰汁嘅我非常有驚喜唔好個杯好似唔大但食極都仲有好多份量超級之多啊黑糖波波桃膠鮮奶$26呢個小朋友飲都得因為冇茶係鮮奶雖然係黑糖但唔似其他飲料店咁勁甜反而甜度岩岩好雖然食粢飯同煎餃好飽但飲呢杯野唔會增加負擔咸蛋黃煎餃$50比個讚佢呢個同啲肉勁夾食落咸香咸香咁唔會死咸反而令人想一直食雖然外賣到家已經唔脆但係竟然一啲都唔油即包粢飯$25勁大一個粢飯唔會太咸油炸鬼仲係香脆的一啲都唔油膩裡面有炸菜同肉鬆用料十足📍 洪記糖水雲呑餃子 (大埔)大埔寶鄉街47號地下D2號舖

由於要到大埔做嘢。。。當然順便睇吓大埔有咩好嘢食啦！係 openrice 見到呢間洪記餃子雲吞糖水幾多好評。。。於是便順道買碗糖水試試。。。一去到。。。見到店舖不大。。。沒有堂食。。。於是便外賣碗糖水試試。。。其實我是傍晚時份去的。。。但都幾多人在等外賣。。。結果我足足等了20mins左右先拿到我的外賣。。。我叫了價值$36的楊枝甘露芋圓。。。其實都幾大碗。。。都足料的。。。只是略嫌芒果少了點。。。和糖水偏甜。。。下次有機會要試吓佢嘅炸物。。。

聽住大埔朋友說有間食粢飯的勁多人排隊，今天忍唔住都排埋一份，都想了解下點解咁受歡迎。店鋪主打粢飯，其次係煎餃，跟住係各款甜品。粢飯25蚊一件，如果跟餐就連一支豆漿，30元。粢飯大大件，內裡有條脆卜卜的油炸鬼同埋惹味榨菜，口感相當豐富，暫時係見過的粢飯最大size的。煎茜餃都不俗，皮薄餡料足，煎到金黃香脆，沒有油膩之感，愈吃愈滋味。呢個甜品綜合芋圓燒仙草 ($40) 真係大大兜，足料各式芋圓、紅豆、仙草混在一起，絕對係台式古早味道，芋圓夠Q夠彈牙，仙草滑嫩，甜度適中，值得一讚係佢的器皿質感厚重密度高，蓋都有兩隻，相信成本都唔低。

大埔墟大排長龍嘅洪記-餃子雲吞糖水，我都睇吓有乜食物咁吸先！！嘩，原來有不同款式嘅餃子🥟之外，重有我最鍾意食嘅粢飯豆漿和甜品😍我叫咗韭菜煎餃，外脆內爆汁，滿滿嘅肉汁豐富嘅韭菜香真係諗起都流口水🤤。即包粢飯，鬆實度剛剛好，飯粒粒分明唔會過濕濕淋，餡料豐富有足夠嘅傳統材料，脆口嘅油炸鬼食入口夠曬層次，配搭鮮磨豆漿，夠曬傳統。最後食埋不會過甜嘅甜品做尾聲。楊枝甘露芋圓同綜合芋圓燒仙草！同樣地用料滿滿，真材實料！唔怪之得會咁好生意啦！#大埔美食 #綜合芋圓燒仙草- #紅豆 #仙草#西米 #珍珠 #芋圓 #即包粢飯套餐 #豆漿#yummy #happy #大埔

每次經過都有人排隊等外賣，今次終於可以喺人少啲嘅時候買外賣返屋企食。等候時間大概十分鐘。即叫即包粢飯$25拎上手好重新而且比平時買嘅更大份，一打開，一咬入面嘅油炸鬼，係即炸，非常之脆，未食過的口感，肉鬆榨菜都好足料。粟米煎餃十隻 $40 外面煎到金黃色，足料的美味。韭菜雲吞麵$33 33蚊有呢一個份量，每隻雲吞都脹卜卜，好抵食。外賣分湯分麵。另外買一個粟米生雲吞返屋企食$40芋圓紅豆仙草芋圓$36每一口都滿滿的芋頭蓉，夾雜軒煙靭靭的芋圓，好滿足。多芒小丸子$32，簡直係抵食嘅不得了。全碗放滿曬芒果同小丸子。真係會再幫襯呢間小店。

大埔寶鄉街早前新開一間主打糖水、雲吞及餃子的外賣店，每次經過總是大排長龍。除了炸薯條、炸魚蛋、炸燒賣等小食外，還有各式各樣的糖水和飲品例如陳皮紅豆沙、楊枝甘露芋圓、黑糖波波桃膠鮮奶、紅豆冰、生椰拿鐵，亦有即包粢飯及多款雲吞水餃。鹹蛋黃鮮肉煎餃 ($50)餃子半煎炸至表面金黃香脆，皮薄煙韌而餡料飽滿，豬肉鮮嫩並保留肉汁，更有粒粒鹹蛋黃增添鹹香。香茜煎餃 ($40)肉眼可見豬肉混合不少芫茜，味道相對清新而不算濃烈，相信對於大部分人而言都容易接受。多芒小丸子 ($32)椰汁與芒果向來是港式甜品當中的不敗組合，果肉香甜加上軟糯小丸子及爽滑西米口感豐富。綜合芋圓燒仙草 ($40)紅豆、仙草、西米、珍珠及芋圓滿滿當當，揉合椰汁份量十足，綿密、爽嫩、煙韌渾然一體。

平時都好鐘意食餃子🥟朋友介紹話呢間好好食以外賣為主 新開已經累積左好多人氣👍🏻有餃子·雲吞·粢飯·各款糖水全部都即叫即整 人又多 所以要等 不過都值得等待🫧即包粢飯 $25 轉套餐+豆漿$5粢飯size大過隻手入面條油炸鬼脆到不行 豆漿都好推薦 到手時係暖暖地 唔會太甜好有豆味🫧粟米煎餃 $40勁多粟米🌽鐘意粟米的朋友一定要點煎餃餃皮煎到好脆肉香十足👍🏻👍🏻🫧咸蛋黄煎餃 $50入面真係有一舊咸蛋黃 餡料除左似仲有馬蹄 口感豐富🫧淨韭菜雲吞 $38餃子出色 估唔到雲吞一樣咁正韭菜餡料的雲吞食唔小不過呢隻真心好味 份量多超滿足☺️☺️

琴晚買咗粢飯同糖水粢飯有驚喜，多料而且油炸鬼係酥脆！不過飯就略嫌厚咗少少。價錢$25，比東昌街個間餃子店嘅平少少，其實兩間都好食，呢間個油炸鬼就脆少少，嗰間啲飯就冇咁厚。糖水方面，首先非常滿意佢個包裝！其實用呢款膠兜先好，因為佢真係做到點都唔漏，又夠厚實，所以個盒真係會洗返乾淨重用！不過限塑令下都唔知用得幾耐😓我叫中式嘅紫米露，朋友就叫台式甜品。紫米露好好味，夠甜又唔太甜，足料好感好，份量都幾大。朋友叫芋圓個d，甜度就唔係太夠但都好食同足料，桃膠洗得好乾淨。今日心思思又特登再去試其他嘢。買咗椰汁紅豆仙草芋泥糖水加甜（因為琴晚朋友個個唔夠甜）同埋鹹蛋黃煎餃，即叫即整所以都要等幾個字。煎餃煎得好有心，粒粒都金黃同脆，餃子大細份量剛剛好，唔會太大件。雖然係略嫌多油但有時要整得好食就無可厚非，唯有自己食之前用紙再吸吸，煎餃真係好好食！暫時係我食過咁多間餃子嘅煎餃覺得最好食嘅一間。不過我都想講一點，餃子入面嘅豬肉睇落係有啲粉粉地色（件件都係咁），但我估計係因為雪藏豬肉嘅原因唔係唔熟，睇其他食評嘅圖片都見到係粉粉地，不過暫時食完都冇唔舒服。糖水好食，芋圓有驚喜！我個人覺得好食過鮮咩仙。希望可以一路

行過見到寶鄉街有新餐廳 大埔group 同OpenRice 都好多人介紹🤩🤩🤩今次試下呢間小店啦😆位置好方便 近大埔墟街市岩晒買完餸再過黎買外賣先返屋企～店裡冇堂食都係即叫即整 3點幾黎都有好多人系鋪頭等食物種類好豐富有粢飯餃子同糖水今次揀左兩款煎餃同兩款糖水☘️鹹蛋黃煎餃 $50 有10隻餃子香脆金黃 大大隻 好足料 口感豐富 ☘️粟米煎餃 $40 有10隻皮既厚度岩岩好 好香口 粟米香甜 份量很多☘️綜合芋圓燒仙草 $40好大碗好足料！分左幾碗同屋企人share 有紅豆仙草西米珍珠芋圓 味道岩岩好 唔會太甜 媽媽都讚好🤪🤪🤪☘️養生桃膠雪燕 $30大大碗 甜度適中 美顏之選😍😍等既時候見到好多人都叫粢飯 好似好正咁😍😍下次再試😋😋😋😋

粢飯即叫即做，只係得一種口味。入面有肉鬆油炸鬼，榨菜等等。油炸鬼冇益味幾脆。糯米皮比較厚，令到成個飯團好大嚿。所以有少少難度包。如果個皮包得博少少容易入口。份量一個人女士食太多。可以分開兩餐。店舖面積唔大主要做外賣有一個牆邊枱俾你站立食。週末去人比較多，因為即叫即做，所以要等一段時間但都可以接受。店員積極有禮，後面有三個姐姐即叫即做煎餃包粢飯整體都幾乾淨。單點$25，加$5有豆漿。粢飯細少少價錢平少少會再好啲。整體都幾好食。

早排經過見到寶鄉街有間小店新開業🎉 排隊的人數不少，好受歡迎😋 店家主打自家製水餃、雲吞和即叫即製粢飯，還有不少台式、中式糖水。✪ 粟米水餃米線有4大粒粟米水餃。每隻都爆餡，好豐富。充滿粟米的香甜味道。配菜蘿白同生菜都好清甜。✪ 鹹蛋黃鮮肉水餃水餃內餡豐富多汁，肉餡鮮嫩。鹹蛋黃增加了獨特的口感。同樣有清甜的蘿白同生菜作配菜。✪ 粟米煎餃新鮮熱騰騰煎好。這款煎餃外脆內軟，香氣四溢。份量非常豐富。✪ 椰汁仙草西米珍珠桃膠 好大一碗糖水。口感濃郁，味道不會偏甜。仙草和珍珠桃膠增添了口感的層次感，清涼又滿足的享受。【 洪記糖水雲呑餃子 】📌 大埔寶鄉街47號地下D2號舖

小店主打手製餃子及多款港式糖水，仲有好受街坊歡迎嘅栥飯，只做外賣，生意依然好好🎈鹹蛋黃鮮肉水餃🥟香茜水餃🥟餃子可以選擇湯餃或煎餃，淨湯餃會配有白蘿蔔及生菜🥬外型飽滿，餡料夠晒多鹹蛋黃餃子裡面有粒粒鹹蛋黃碎，口感特別好而且食到鹹蛋黃嘅鹹香🥢香茜水餃味道相對清新，有香濃芫茜香，肉汁豐富🫶🏼🎈栥飯小店嘅栥飯份量十足，糯米軟糯，超香脆嘅油條好加分，再加上榨菜同肉鬆鹹香，味道豐富，有驚喜🎈海帶綠豆沙糖水都係招牌之一，清甜綠豆沙清熱一流，煮到起沙，加上海帶絲同粒粒軟綿綠豆，甜度適中，滿足🥣

公司附近開左新小食店仲要所有食物都係我喜愛嘅所以一於試下好唔好食晚上8：30以為冇咩人點知人山人海新鋪有呢個陣容心裏都加左啲分即包粢飯 $25和家人分享所以用刀一切開發現油條咔嚓一聲糯米軟熟、餡料多（炸菜、芝麻、肉鬆、老油條）啖啖都有餡料好滿足兩人食一個都夠飽糖水和家人一起分享兩人食一碗都夠所以好抵食綜合芋圓燒仙草 $40一碗滿足曬我所有想食嘅包括紅豆、仙草、西米、珍珠和芋圓底味本身唔算好甜所以食到每種食材嘅原味芋泥西米桃膠芋圓 $36芋泥綿滑非常出色芋圓硬度岩岩好有芋頭香非常足料多芒小丸子 $32芒果清甜新鮮一啲筋都冇小丸子煙韌度岩岩好所有食物都係大件夾抵食仲要好好味下次我會再試下佢嘅餃子

喺大埔好耐冇食過粢飯夜晚7點半8點唔少人買餃子糖水粢飯前面大概有5,6張單大概等左10分鐘內$25粢飯比想像中大件， 好墮手即包個飯仲喺幾暖既裡面既油炸鬼好脆👍🏻係好食既小小建議：用既肉鬆偏甜，如果可以減dd 肉鬆加dd 榨菜，味道會再平衡d