深味餃子 (Moved) New Location

最近都係屋企食飯多🤔🤔太耐無出過去食野了~~今日出去買餸，一於就放肆少少食埋先番啦！！雖然出去食， 但都要保持清淡少少，唔敢食得太熱氣~~ 而家身體要緊啊❤️❤️❤️咁岩見到間餃子店🥟🥟正啊正啊！每人限一碟~~酸酸甜甜十分開胃喔！！雲耳椰菜豬肉餃🥟 超級超級滿涵😍完全一點也不馬虎喔！！ 真的十分飽滿，皮薄餡靚惹味餓腎片！ 有少少辣~滷得超級入味喔~~加少少芫茜就更加香 必試~~密餞雞翼~雞翼不嬲都係我既至愛❤️ 而個密餞雞翼都係 甜甜地就咁食都得啊 佢地仲有櫻花蝦雞翼架~下次一定要試埋先得hahaha 最後不得不提要讚下佢杯嘢飲！蘋果雪梨山楂水， 雖然有少少偏酸~但真係十分開胃！最正係呢杯嘢飲係自家製㗎~~鍾意酸味味飲品嘅朋友仔可以試一試佢

本身愛吃餃子, 喜歡到不同地方嚐試不同的餃子小店, 最近在荃灣試過一間很合意的餃子店, 有驚喜, 想在這裡分享一下。蘋果雪梨山渣水 跟餐$8清甜潤喉, 天然的味道, 酸蘿蔔是免費配送的, 沒有一瓶自取, 不知是否可添食, 該是自家製的東西。醬拌秋葵 和風醬$20秋葵煮的熟度剛好, 帶有黏性的液對胃部很好, 配上了芝麻醬酸微微的感覺, 令人容易接受它。雲耳椰菜豬肉湯餃$36湯餃類都配上粉葛鯪魚湯, 家常湯的感覺, 而且沒有下鹽, 待客人按自己喜好加鹽, 不用擔心鹽份太重變太鹹的問題。這裡的餃子特色是皮很薄但包得實淨不鬆散, 功力夠, 餡料飽滿, 咬下去充滿肉汁及肉的鮮香, 雲耳椰菜新鮮爽口, 選用的食材令人有驚喜, 我不算味覺很敏銳的人, 但也輕易能分辨好壞。而且我喜歡它的餃子很少調味, 吃到食材的鮮味已足夠, 某些餃子店餡料太重醬油味就不合口味了。野菌豬肉湯餃$46評語大致一樣, 分別在它選用野生松茸來作餡料, 而近年我也喜愛上松茸的味道, 有獨特的菇菌香味。簡單的松茸混入豬肉中作為餃子餡料, 也令人吃得滿足了。湯, 完全可以喝光呢。韭菜豬肉煎餃$38不久前去過一間餃子店吃煎餃子, 因

吃貨小妹跟得小胖男友多 由唔鐘意食餃子 慢慢感染到變成鐘意食餃子 開始識得欣賞餃子既美味但好多時 好食既餃子店都比較舊同地方窄 不過最近誤打誤撞係荃灣廣場附近食左間新派既餃子小店 有別傳統餃子店 座位寛敞舒適 仲好乾淨落好單 店員姨姨好快就拎左我地order既野飲同每人一兜免費既醃蘿蔔天氣凍左又鬧肺炎 所以小妹試左熱既蘋果雪梨山楂水 係呢個非常時期潤一潤肺 味道酸酸甜甜好開胃 飲完即刻可以食多幾隻第一次食鵝腎 比食開既雞腎大塊 但又好爽口餃子可以雙拼 我同小胖男友諗都唔駛諗 湯餃揀左韭菜豬肉同雲耳椰菜豬肉餃湯餃每隻都非常飽滿 皮好薄 但又唔易穿 晶瑩剔透不過最正係舖頭自家既袐製辣椒油 香而不辣 提鮮一流煎餃同樣可以雙拼試多個味 但可惜最想試既野菌松茸豬肉餃賣晒 唯有揀黑松露芝士加再encore雲耳椰菜豬肉餃 煎餃皮薄 煎得好脆 小胖男友對香噴噴既黑松露芝士餃更係讚口不絕呢間餃子店絕對可以encore再幫襯

剛行完荃灣廣場，在後面的享和街看見一間新開的餃子店叫深味餃子。入面裝修企理，乾淨舒服，似西餐廳的感覺。.餃子口味也很創新，有黑松露芝士餃！不過我還是吃傳統的吧。.我叫了湯餃子，是跟老火湯的！粉葛鯪魚湯，看看這湯的色水，就知道是很入味又滋潤的感覺。雙併10隻是$55，我選了雲耳椰菜餃及芫茜豬肉餃。餃子大隻實在，皮薄餡多 - 肉及菜的份量balance 得好好，有肉的口感又帶有蔬菜的爽。芫茜控一定要試試芫茜豬肉餃，好香芫茜呀！份量好足，不用配麵淨餃子都好飽呀。.酸甜蘿蔔是免費的，酸酸甜甜好開胃。另外加了白灼菜芯$18，及豆漿$5。.作為街坊小店，完全做到平靚正，親切的味道及貼地的價錢。

早排見到有人推介新開餃子店，餃子足料 ，有湯餃煎餃，身為餃子控既我緊係要會一會佢__________________________鋪頭裝修修乾淨，唔係舊式餃子店，坐位好闊落餃子分湯餃同煎餃，款式可以單選或雙拼湯餃既湯底係粉葛鯪魚湯，味道幾清甜.🔹酸甜蘿蔔 免費👰🏻:🌕🌕🌕🌕🌑🤵🏻:🌕🌕🌕🌕🌗落單係自己剔紙仔，一定要記得剔酸甜蘿蔔，不過唔記得落單都可以同佢講夠酸夠爽脆，好開胃，同平時韓國嘅醃蘿蔔有啲似.🔹自家製菜甫醬 免費👰🏻:🌕🌕🌕🌕🌑🤵🏻:🌕🌕🌕🌕🌗我食餃子都幾鐘意加菜甫，呢度都做得唔錯，辣辣地幾惹味.🔹黑松露芝士+韭菜豬肉煎餃 10隻$57 (黑松露另+$15)👰🏻:🌕🌕🌕🌕🌑🤵🏻:🌕🌕🌕🌕🌑餃子可以揀兩隻味，除咗我叫果兩款，仲有雲耳椰菜豬，韭菜豬，野菌豬同芫茜豬.10隻原本係$57，不過黑松露芝士要加$15煎餃非常之脆但都幾油下，而且本身唔跟湯，想飲就要另外加建議兩個人食既話可以一個叫湯餃，一個叫煎餃.餃子真係相當飽滿，味道合格有餘黑松露餃都幾值得一試，黑松露同芝士味都好重，幾有肉汁唔乾身

近日減少了外食次數，所以好難得今晚不是吃住家飯。下班後和同是餃子控的同事，到荃灣吃餃子。如店名一樣，餐廳主售餃子。環境光鮮企理，座位也闊落。醃蘿蔔是免費點的，一份約有6-7方粒。酸甜的味道令人胃口大開。感覺有點像蜜糖雞翼，同樣是塗上蜜汁再烤焗。稍嫌雞翼肉質有點實，不過的確做得相當入味。甜絲絲味道再帶點酸香果味，第一次吃挺新奇。非常健康的點了一碟灼生菜，伴隨蠔油作蘸點。湯餃子的湯底是粉葛鯪魚湯，自家老火湯，零味精，即使乾掉整碗也不會口渇。味道若能濃一點會更加出色。餃子包得漲卜卜，好吸引。餃皮做得薄身，質感煙韌。餡料分別有雲耳、椰菜和豬肉。豬肉味好香，加上雲耳爽脆口感，不錯不錯。同行友人是芫茜控，私心必點的款式，薄薄的餃皮包著超足料餡量：豬肉和芫茜碎。芫茜因爲被切碎，草青味不算太重。筆者本身對芫茜無感，也可以接受。十分足料的煎餃子！餃皮煎至金黃且帶網花，入口香脆。內裡包著豐富的豬肉餡料，邊咬邊爆出熱溶掉芝士漿。既有豬肉香又有芝士的奶酥香，但黑松露香氣則不太明顯。

餃子，一般都係無咩特別，今日要介紹一間好特別既餐廳，佢地啲餃子，真係有料👍🏻👍🏻有不同餡料，重有其他食物可以Order，大家可以去試下😊餐廳入面坐位設計舒服，吾會迫住迫住咁。深夜時段都重有好多客人買外賣返屋企食，真係估佢吾到👍🏻我想介紹大家食一個小食，係餐廳免費提供嫁，就係酸蘿白，超好食呀，酸酸甜甜🤩我叫左和風醬秋葵，莞西餃子，芹菜豬肉餃子麵。個秋葵堅好食，又新鮮，作為餐前小食，非常合適👍🏻我必需極力推介湯餃，佢地係用粉葛鯪魚湯做湯底，但一啲都吾鯹，超好味，我飲晒啲湯，超足料👍🏻👍🏻芹菜餃入面好足料，太好味了，芹菜既香味，一咬就感覺到，流晒口水😊另外個莞西餃，我諗其他地方食吾到，莞西控必食👍🏻👍🏻啖啖肉之餘，莞西既味道勁日濃烈，配埋啲老火湯，美味到形容吾到👍🏻👍🏻好耐都無食過咁好味，同埋咁有特色既餃子，大家都快啲去試下啦👍🏻👍🏻

荃灣有間餃子店經常排長龍，星期二更休息，忽然想食餃子又遇啱星期二，點算？上網揾見呢間都好多正評，於是就試吓佢啦！叫了芹菜豬肉湯餃，係粉葛湯，冇味精不過味淡唔夠濃，都明白嘅，靚湯是要成本的，餃子咬落與別不同，係好幼細嘅涵料，味道超好，感覺好香好新鮮，很喜歡，餃子就是這樣的，各家有不同的做法，但又可以有𣎴同嘅美味！額外一提，店裡椅子加了軟墊幾舒適，可體會到店主對客人嘅細心😊總括一定回頭，下次有機會會試埋佢嘅煎餃😆

這間位於荃灣享和街的心味餃子京滬小食店，不是很大間，平時比較小食。今日午餐，外賣了餃子回公司食。雲耳椰菜豬肉餃子6隻$37雲耳椰菜豬肉餃子，裏面材料都比較豐富，有豬肉、椰菜及木耳等，外表煎得金黃，很吸引，食落都比較香口，很喜愛木耳令餃子帶來的口感。

老公推薦有間荃灣食餃子，每隻都飽滿韭菜餃子麵（$43）麵是幼麵，湯底為肉碎，韭菜餃好飽滿，韭菜的香配豬肉是最傳統及歷久不失的。淨黑松露芝士餃子（$60）新式餃子，看得出包的方式別有用心，黑松露在餃子的底部，芝士在餃子頂，中間就夾著豬肉，一咬之下，芝士流了出來，味道層次感分明，配粉葛鯪魚湯，魚湯淡淡的鮮，絕無味精。雲耳椰菜豬肉煎餃（$38）雲耳及椰菜的味相對韭菜較淡，我覺得更適合作煎。餃子皮煎到金黃色，略略脆口，但肉汁鮮嫩豐富。櫻花蝦雞翼 （$22）雞翼袐制後灑上櫻花蝦，餐廳一點也不吝嗇，滿滿的櫻花蝦提升鮮味及口感。最後要介紹一下餐廳自家制東菜菜甫，辣辣地，撈落餃子食不錯呀。

見到點餐紙上面有餃子麵可以選擇，我想試多幾款餃，所以同朋友叫咗個雙併餃子麵，兩款都係湯餃，叫咗韭菜同埋雲耳椰菜，個面仲可以轉米線或者加底，加底就加$5，分量真係多到你唔信！湯底方面都可以自由選擇大地魚粉葛湯或者佢本身有個湯底係有啲肉碎，味道有少少香辣，志在調味。佢本身個湯麵夠晒煙韌，有啲拉麵感覺，吃下去時唔會發脹，質感比較滑溜。好鍾意食佢嘅和風秋葵，份量又夠多，有芥末味仲有麻醬味，吃着餃子別有一番風味。食到濟左都可以叫返個菜心，清清地幾好食。嘢飲方面如果口渴，可以加豆漿、汽水或者佢哋蘋果雪梨山楂水，款款飲品都有凍有唔凍，任君選擇。

經過荃灣又唔係太肚餓可以試吓呢間餃子店，佢開係好彩酒家隔離，喺享和街，位置唔算太方便，所以價錢都比較平民化。今日同朋友經過，就決定試一試佢，呢間店都唔係開咗太耐，仲記得先前呢個位係做火鍋生意。我最欣賞佢嘅煎餃！呢度有款煎餃好特別就係黑松露豬肉芝士，價錢都比較昂貴，$62/6pcs，但係我覺得一定要試一試，因為啲芝士煎完好香，有流心效果，再加上裏面個餡怖滿黑松露，非常香噴噴。煎餃外表金黃色，帶有雪花脆邊。除此之外我叫咗呢度嘅小食包括係蜜餞雞翼以及惹味鵝腎片，雞翼一共有五隻，外皮被蜜餞嚷得甜甜的，帶有酒香，雞翼煮得剛剛好，夠晒大隻。另外鵝腎也有其特色，不過不失。

深味餃子位於一條車行林立的街道，竟然有一間自家製餃子店係到所以顯得格外獨特。餃子店裝潢以「簡單」為主，感覺營造得舒舒服服。另外餐廳亦有提供免費的酸甜蘿蔔，如果有需要的可以係點餐紙到填上就可以，當開胃菜咁食非常配。🔷和風醬拌秋葵 💰20 💙80/100秋葵係一種極具營養價值的食物，本身以為以和風醬拌會係冷拌，點知食落秋葵原來係熱熱地暖暖地，喜出望外。秋葵本身已經新鮮，估唔到個和風醬同樣出色，和風醬係完全無溝稀之餘仲格外濃，貨真價實。🔷雙拼湯餃子 － 10隻 💰55 💙85/100湯餃子可以食到濃濃的住家feel，因為其以老火靚湯為作湯底而非一些雞湯或味精味濃的湯。所謂老火湯即是粉葛鯪魚湯，味道非常清甜健康，完全無添加味精，尤其是個粉葛味特別出眾，不經不覺會飲哂整碗湯呢。🔻芫茜豬肉餃子包得大大隻卻能如此完整，可見技術絕不普通，以芫茜味為主帶有豬肉的餡料，相當有份量。🔻黑松露芝士 💰+15呢款口味可以話都頗為創新少見，以黑松露作外圍中間夾住芝士，兩種食材相輔相成。除了食到明顯的黑松露香，另外仲有流心概念的鹹香芝士作內部，錦上添花。🔹凍豆漿 💰+5以$5加配左一杯福豆漿，飲落不會太甜，豆香味濃

買完AEON食野，星期三血併完！酸甜蘿蔔每人限點一份免費嘅！好似以前屋企老人家整到味道呀！住家味，酸得入味、酸得半透明同酸得開胃！和風醬拌秋葵 $20芝麻醬加少少芥辣幫到整走秋葵既青青味，咬開左再點芝麻醬就更可以混合埋d滑潺潺既秋葵汁喔！三款醬汁ready~ 有醬汁、紅醋同自家辣醬汁！有咸酸辣，差甜就回味。但。。。好少食甜餃子既，哈哈！韮菜豬肉併芫茜豬肉煎餃 $47六隻煎餃寫明等15分鐘以上。不過香口嘅嘢，等下都值！證明佢夠新鮮！韮菜豬肉煎餃濃味過芫茜，多汁d！芫茜豬肉煎餃就比韮菜淡d，但其實兩者本身都係重味。少食芫茜既朋友可以try，易入口。雲耳椰菜餃麵 $43雲耳同椰菜都係比較爽口嘅蔬菜，配落豬肉做餃子就有啲似食豬肉嘅朋友豬耳，哈！芹菜餃麵 $43芹菜比較濃味，配上微辣肉湯係雙重重味覺享受！配紅醋食更提芹香喔！如果點豉油食就比較港風幫左豬肉！煎or湯餃加配自家製蘋果雪梨山楂水 $8冷熱都係同價。好味順喉，解一解煎餃既熱氣先！

同朋友系荃灣睇完戲，搵到間餃子店位於享和街，店舖整潔舒適闊落，坐得舒服。餃子款式唔算多得六款，今次試佐其中四款好好食，一定會再食，試埋其他。店舖有免費酸蘿蔔俾客人享用，但並非主動提供，如客人想食可以點餐紙上落埋。一落完單就上佐酸蘿蔔，爽脆開胃。和風醬秋葵新鮮白灼秋葵加埋和風醬，有另一種風味，好味到震。雙併湯餃子(芫茜，黑松露芝士)湯餃子碗湯完全冇味精，飲落好淡味，但飲得出係粉葛湯幾好飲，成碗飲曬。啲餃子皮夠薄，好足料。芫茜餃子，鐘意食芫茜既人士必食。黑松露芝士餃子，芝士溶在豬肉中加埋黑松露，好吃！雙併煎餃子(韭菜，芹菜)韭菜同芹菜呢兩款餃子都好足料，煎得香口而不油膩。飲品(蘋果雪梨山楂水，豆漿)叫佐湯和煎餃可以加$加配飲品。蘋果雪梨山楂水系自家制，酸配甜甜令人開胃。豆漿普普通通，唔甜。