渝老大

Open Now

Now Closed

ෆ⃛漁老大 ෆ⃛同朋友係大角咀食完lunch諗住買埋外賣返屋企食 佢就推介咗呢間食川菜嘅小店話係佢平時嘅食堂之一🧞 咁就試吓啦✨嗌咗個酸菜魚($98例) 同孜然羊肉($128)酸菜魚入面有萵苣金針菇同粉絲等配料，魚肉嫩滑而且酸味都好夠🍋孜然羊肉更有驚喜！份量好多而且爆炒得好惹味🌶️好有川式風味(๑´ڡ`๑) 再經過都會想試埋其他菜式！♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡

超鍾意食麻辣嘅我次次喺大角咀諗唔到食乜嘢，都會不自覺咁去渝老大食川菜，超級親民嘅價錢已經可以食得好滿足！▫️蔥爆牛肉 🐮 $62蔥爆牛肉好適合唔太食得到辣嘅朋友去試！超級多牛肉，啖啖肉咁送飯好惹味🤤▫️青椒肉絲 🫑 $58青椒肉絲絕對係有驚喜嘅一道菜❤️青椒帶出嘅微辣口感，配上四川辣油嘅調味，加埋肉絲一齊鋪在白飯表面，簡直完美！▫️ 大碗臘肉炒花菜 🥦 $78大讚佢哋椰菜花炒得乾身又唔油🥰食唔停口！💬 每個套餐即使喺萬事都係平均$60至$80 ，超級抵食之餘味道又正宗， 十分推介💕

自從搬咗出嚟住之後要日日煮飯都有啲辛苦，所以間中都會買下外賣。大角咀呢頭都算多嘢食，今日就試吓呢一間中式小炒菜館叫做渝老大。入到去餐廳環境乾淨衛生，侍應一見有客入嚟就已經主動招呼，聽到話買外賣就遞咗個餐牌俾我睇，見佢都幾多選擇，主要要食川菜，所以都係食辣嘢為主。我叫咗兩個小炒，川式尖椒回鍋肉同野山椒炒牛肉，加$12可以配白飯同嘢飲，就加咗，叫咗個奶茶同檸茶，都正正常常埋單二百頭。返到去試完兩個小炒都真係幾有鑊氣幾好食，尤其是佢嘅尖椒回鍋肉有好多青辣椒，我叫咗小辣，對於想食辣但係又唔太食得辣嘅人嚟講，十分又好食到舔舔脷。至於佢個野生椒炒牛肉都好好食，一份裏面嘅牛肉都好多。會再幫襯。

大角咀的小店是怎麼吃都吃不完🌟今天找到這間川菜小館，打算點兩個菜外賣回家和家人慢慢吃～午餐性價比還是很高的，出餐速度也很快🌟辣度選擇了小辣，主食可以選飯或粉面🌟我當然是選飯的～水煮魚的湯汁泡飯好吃又邪惡呀🤣魚片分量正常，口感軟滑🌟魚刺稍微有點多，食用時要小心🌟雖然只點小辣，但仍能吃到麻辣的感覺👍🏻不能吃辣的家人表示很可以了🤣肥腸處理得很好，沒有奇怪的味道👍🏻口感微脆彈牙♥️乾鍋調味很下飯，同樣是選擇了小辣🌟青紅椒和肥腸很搭，味道不會太單一👍🏻豬耳爽脆🌟很不錯👍🏻和青瓜絲一齊拌好，清爽又惹味♥️吃一口水煮魚再吃一口青瓜絲加豬耳，還可以減低油膩感🤣

唔想係商場食大型連鎖食店，黎大角咀就啱，哩度越嚟越多有特色嘅餐廳，「渝老大」係其中一間，哩度川菜晚餐每款都係$60-$80跟埋白飯，可以自選辣度，超級抵食。🌶️🐮水煮牛肉牛肉片有十幾片，全部冇筋，入面配料仲有大豆芽、寬粉同豆皮，香辣惹味🐟酸菜魚魚肉冇骨，片片彈牙滑溜，完全冇雪藏咪同腥味，而佢嘅酸菜同粉絲都好多，用黎送飯真係一流🐷 蒜泥白肉跟餐可以+$20配一款小食，我地揀左蒜泥白肉，每片肉都可以捲起份量十足嘅蒜蓉醬汁，連埋青瓜片食一d都唔膩

🥡加餸首選🥡-放工返屋企途中 老媽子急call叫我加餸 要有肉有菜好下飯🍚 又要價錢親民 我第一時間諗起大角咀呢間川館 菜式有辣有唔辣 起菜速度快靚正-🐔口水雞 $59用自家川式配方嘅口水雞好受歡迎 例牌份量都幾大碟吓 招牌紅噹噹辣油好吸引 雞胸雞下脏部位都有 啖啖肉又可以吮骨 醬汁加咗蒜末🧄味道更係一絕 辣中帶香 香中帶麻 我哋留起啲汁 用嚟第二日做拌麵☺️-🥦大碗花菜 $72花菜炒得乾身爽口 鹹肉充滿嚼勁🥓 可以中和辣度 亦好下飯-🌶麻婆豆腐 $68呢個外賣餸🥡就算攞到返屋企熱度打折扣 依然無損佢嘅風味 豆腐嫩滑 紅油香口只係小麻小辣 肉碎多啲仲正-📍渝老大大角咀埃華街95號大衛樓地下3A號舖

端午節假期帶老人家出街食飯，行過見到渝老大，我自己想食酸菜魚，但驚老人家食唔到辣，係門口猶豫緊嘅時候，店員出嚟話有辣有唔辣，問清楚酸菜魚可以走辣，咁就決定入去食。入去坐低加埋我哋得3枱人，中午生意有啲冷清點咗鹵水牛舌飯酸菜魚粉絲（落單時再次確認唔要辣）番茄牛肉米線（其中一位老人家唔食飯，特別重覆講2次係要米線）之後上菜，見到番茄牛肉米線變咗飯，立刻同店員反映，話我哋係叫米線的，但店員就好堅決話我哋係叫飯 老人家就話算數照食。鹵水牛舌係幾好食嘅，但酸菜魚越食就越辣，最後係個底度翻到4-5粒切咗嘅辣椒出嚟。又問下店員，佢話酸菜魚係一定有辣椒點3樣嘢，2樣出錯，反映問題但得到嘅回應。。。。咁樣做街坊生意真係唔得

大角咀埃華街唔知大家有冇發現呢間川菜店 啱哂啲突然口痕想食重口味野嘅人🤪。。。🦔✢ 萵筍炒牛肉 $88雖然係點咗萵筍炒牛肉😂但嗰片明顯唔係牛…不過！我好鍾意佢嗰煙燻味🤤一揭開就聞到正 萵苣片無想像中厚(個人偏好厚啲🤪但一樣咁爽口！仲有啲豬耳 ✢ 魚香茄子 $78雖然睇黎好似有層辣油 但實際食落又唔太覺辣 茄子滿多的 肉碎粒都唔多肥油 撈飯食一流 💁🏻‍♀️家常小炒菜一律+$12 就有白飯+飲品 但注意番普通熱飲(奶茶檸茶檸水茶蜜)👉+$2 所以我都寧願+$5要嗰罐裝豆漿 🐾渝老大大角咀埃華街95號大衛樓地下3A號舖

【大角咀•渝老大】@ππππππππππππππππππππππππππππππ大角咀正宗川味小菜館藤椒魚皮麻婆豆腐尖椒炒臘肉從開胃的藤椒魚皮開始，每一道菜都給人留下了深刻的印象。藤椒魚皮鮮美爽脆，搭配的醬汁讓人回味無窮；麻婆豆腐麻辣鮮香，讓我不禁一口接一口；而尖椒炒臘肉的煙韌香辣，完美地展現了中國菜的獨特風味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#大角咀美食 #渝老大 #web3大角咀渝老大大角咀埃華街95號大衛樓地下3A號舖

大角咀埃華街有不少食店，今晚很想吃點辣，其中發現川菜小店「渝老大」，食物質素好像不錯。於是決定加餸外賣回家吃，店員態度親切有禮，在我等候外賣期間主動介紹他們的食材是每天早上新鮮運到的。晚餐價錢相宜，還可加$20小食四選一。酸菜魚$78:酸菜跟湯頭味道融合，魚肉滑溜無骨，就算外賣帶回家也很好吃。紅燒鴨血肥腸$88:叫了小辣，辣到正啱我的口味，豬腸與鴨血好入味。涼拌脆豬耳$20:這個小食佐酒一流，豬耳爽脆。

今天晚上 我們走了過去大角咀埃華街 95號大衛樓地下3A號舖渝老大(大角咀） 晚飯。由于我们六时进入餐厅，时间还早，所以餐厅内未有太多客人。我们随便找了一张餐桌坐下，看了一看餐牌，我們叫了酸菜魚 (加州海鱸魚）、 炒油麥菜 和兩杯飲品，凍咸檸檬可樂和烏龍茶。 兩款菜式，經過廚師的 精巧廚藝，色香味俱全。 特別是酸菜魚，好味濃郁。紅潤鱸魚融合酸菜的清爽，酸甜融合口中。每一口都是滿滿的幸福，散發著誘人的香氣。吃過一次，難忘一生。我們十分享受 這次的晚餐 ， 希望再有机会光顾。

地道重慶菜，又香又辣送飯一流！份量都OK，配料都幾多。比較中意涼拌菜，揀左兩款涼菜同一款特色炒菜。蒜泥白肉小48HKD蒜泥白肉刀工一流，每片薄薄既肉片后都貼有一片青瓜，食落去脆脆地，非常有口感。醬料用紅油和蒜泥調配，非常美味。張飛牛展68HKD牛展提前滷好放涼，佐以辣椒，芫茜同生蒜片一起食，香，辣，脆，爽同步體驗，呢道送絕對值得encore農家小炒肉78HKD送飯必備，呢間小炒肉鍋氣十足，青椒紅椒味都好出！

有一日黎左大角咀行街,見到一間食酸菜魚既價錢好抵仲可以拎走,呢度入面好多梳化位置,平時D酸菜魚好難拎走食,今次就買左呢個酸菜魚午餐返屋企食,仲有叫左一份牛尾煲蘿蔔配飯,酸菜魚仲可以自選配米線/飯/米粉等等,我叫左米線,職員落單後就即時制作,拎外賣既時間都唔係等左好耐,另外,酸菜魚返到去打開見到份量都幾大碗同埋個湯好入味,魚片切成薄片無骨易入口同用左海鱸魚制成口感嫩滑,牛尾大大舊,湯底真材實料無添加咁飲完唔會好口渴

#20240518 📝📍 渝老大 @brotheryu.hk 大角咀埃華街95號大衛樓地下3A號舖 🍽️太子砵蘭街444號地舖➖➖➖➖➖➖➖➖➖➖➖➖➖➖➖➖#孜然羊肉 $128💭 一上枱好香孜然味同羊既香味，呢兩隻味本身已經係天作之合，好難唔好食😂仲要有芫荽同滿滿既洋蔥，將個香味昇華左另一個層次🧅如果唔食羊既朋友都可以揀牛，另外最friendly既係佢可以走辣，令頂唔順川菜既朋友都可以試下😋.#茄子豆角 $68💭 佢個菜名已經表達晒有咩😂見呢個組合平時好少見，幾得意就叫尼試下，無諗過原來茄子同豆角都幾夾，而且顏色上仲好吸引🍆唔知發咩神經叫左小辣，明明碟羊肉都識叫走辣，故事教訓永遠唔好相信川菜人既小辣，對🐷尼講算係中辣既程度，好彩仲接受到🌶️.#白飯 +$12#凍檸茶 +$3💭 叫餐牌上既小菜就可以加錢跟個餐，怕食唔晒所以跟一個餐算，野食都幾重口味，強烈建議真係要送飯食就一流👍🏼再唔係可以叫啲晚餐set就本身已經包左飯同野飲，價錢都幾親民🤑.#大角咀美食 #🐷在大角咀 #太子美食 #🐷在太子 #🐷_食

屋企人話想食川菜，外賣返屋企加餸，份量都OK，配料都幾多，預咗兩款彩色都好餸飯！而且價錢亦唔算太貴霸王辣子雞丁（$118）有乾辣椒、花生、雞粒，炒得較乾身，脆卜卜！乾鍋肥腸（$98）同樣炒得較乾身，無乜肥膏，豬腸清得幾乾淨，完全冇異味！⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 7/10服務： 8/10環境： 8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個分享可以俾”心心”以作鼓勵( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯