源利飯店

Open Now

Now Closed

我今日去咗一間同事介紹嘅大排檔食午餐，試咗佢哋嘅肉絲炒麵，真係味道唔差！食物嘅份量好足夠，令人滿足。鑊氣夠，炒得恰到好處，保留咗肉嘅鮮甜味。食落去有啲清爽感，唔會覺得太油膩。仲有，大排檔嚟講佢哋嘅服務都好好，迅速同友善。服務員都算笑容滿面，唔西面，有禮貌地招呼客人，令人感到舒適同受歡迎。總括嚟講，佢哋食物嘅選擇都算多，見其他食客嘅炒嘢份量又足夠，價錢亦都相宜，連飲品都係$47，月尾首選。如果你鍾意食大排檔嘅菜式，呢間絕對值得一試！下次會再黎呢度食飯，同埋推薦比同事。

呢間食過幾次，因為佢價錢比較大衆化，一般$50就可落樓，凍熱飲品一樣價錢。干炒牛河就第一次食，有驚喜，夠色有焦香唔過咸，牛肉夠多唔孤寒，份量都夠，碟底冇多餘油份，下次可以再叫。

上次聽朋友介紹, 近柏架山旁邊的鰂魚涌熟食中心閣樓有間風味小炒, 例湯冇味精,食材都很新鮮, 於是上星期一家三囗去試一試。 今次點了三款地道又菜式, 鮮魷很新鮮鬆脆, 咕嚕肉肉質非常彈牙, 師父用薄砌方法, 食落囗唔會油膩。 支竹火腩大鱔很一般, 不過味道也可接受。總括是下次會再來,試多幾個風味菜!