源品雞煲

Open Now

Now Closed

【灣仔區】【源品雞煲】同同事們一行七人去咗大坑食雞煲，呢間佢哋揀嘅，我冇所謂。食咗各 $290 嘅「招牌辣雞煲」同「花彫醉雞鍋」，前者要咗中辣，果然個辣度係出面嘅小辣，兩者嘅味道冇乜値得講嘅亮點，而且份量都唔算大，以「全隻」嚟講係肉量偏少，大家都認同。收 $20 位嘅「醬料」都正常，有幾款醬混吓咁。之後叫咗碟 $298 嘅大「安格斯牛肉」，牛味都有，肉質都鮮嫩。貴嘢仲有 $110 嘅「野生竹笙」，呢碟反而可以，幾大片，我哋叫咗兩碟。丸類叫咗「牛骨濃汁牛丸」同「椒麻味豬肉丸」，係幾特別幾好。反而之後嘅「手打墨魚滑」就麻麻哋，我哋仲叫咗「芝士豆腐」、「豆卜」、「響鈴」、「炸魚皮」、「牛栢葉」、「鵝腸」、「雞肶菇」、「日本烏冬」、「油麥菜」、「芋絲」，我一次過打包咁講，就係因為呢堆嘢都相當普通，甚至似任食場火鍋料。嘢飲就攞完計錢，涼茶類 $15，汽水就 $13，而玉泉梳打水就 $18，佢哋仲叫咗枝 $45 嘅大「健力士黑啤」，我冇份飲嘅。埋單 $2089，我哋七位食，即係平均每人 $298.4，我覺得只係正常嘅一餐，甚至我連「好濃味呀」呢啲形容詞都寫唔出，大家明嘅。。。（地址：天后大坑京街1

那一晚約了朋友吃飯，在地鐵站B出口行出來，竟然要行12分鐘，然後餐廳位置也比較偏遠，不容易找到。店舖面積不大，只有幾張桌子，我們五個人坐在一張桌子，也比較迫，材料還算新鮮，但是整體來說菜單都比較貴，而且如果我們不叫他的飲料的話，職員也不會給我們一杯水，加上只是要普通的醬料就要收每人$18 ，感覺有點小貴，不過上菜速度還算快，餐單選擇的款式也算多，只是要逐樣逐樣來收費。如果喜歡自助式火鍋的朋友，可能會不習慣在這個認識吃火鍋。

IG見到網友推介呢間雞煲，所以趁週末約了一班朋友去試試，因為店舖面積不大，所以坐得比較迫，但雞煲係咁上下啦。我們六個人，叫了一個中辣雞煲，一個小辣雞煲，中辣其實唔算好辣，比較惹味。小辣的話比較能夠吃到雞的味道，亦好好味。吃完辣雞，就加了清湯變打邊爐。我們點了很多不同的食材，包括牛肉、鴨血、脆鯇魚、午餐肉、粉腸、珊瑚蚌、蜆、水餃、醬爆牛丸….. 最後還加了粉絲，把美味的湯汁，都吃進肚子裏了！喝了好幾瓶啤酒，嘻嘻哈哈又過了一個愉快的晚上！

又一是大坑美食, 小小的一個區域潛藏著各國美食, 這次就是雞煲. 餐廳面積並不大, 大概只能坐十多人, 麻雀雖小但食物質素卻很高.首先先來一個醉雞湯鍋, 鮮甜雞湯帶有一點點酒味, 整個人都暖起來, 冬天必備. 另外材料也不少, 除了雞肉之外還有枝竹、黨參等等的材料令到雞湯非常濃郁. 另外還有鮑魚花膠雞煲, 辣度可因應個人喜好調節, 雞煲材料非常豪華, 鮑魚大概有四五隻, 花膠份量也不少而且大塊而厚身, 女士至愛. 可能是點了小辣, 辣味不是很出, 但麻辣的麻卻恰到好處, 雞肉非常嫩滑並且十分入味, 非常推薦這個雞煲.我們四個人吃完兩個鍋之後都已經飽了七八成, 之後再點些貝類、海鮮和牛肉, 剛剛好非常滿足, 下次不喝酒再好好感受一下味道, 因為這次吃到中途已經開始飲醉了😌源品雞煲大坑京街18號地下

呢間係我成日去嘅雞煲之一個雞煲好啱我口味舖頭位置不多，所以每次嚟都一定會book位，如果唔係多數都會摸門釘。個<招牌辣雞煲> 落咗好多香料，例如：蔥、洋蔥、芫荽、西芹等等，非常入味，而且佢個辣係個口好麻嗰種口感，好鬼過癮真係兩個人食一隻雞都唔算多今次我地叫咗嘅配料有：<安格斯牛肉><粉腸><鵝腸><水餃><唐生菜><烏冬>整體而言食材很新鮮，特別推薦個粉腸，係預先煮淋咗，同埋好入味，再用埋雞煲個汁煮一陣，完全係邪惡到食唔停口另外個鵝腸都處理得好乾淨，滾完之後食都好爽口，值得一試最尾用個烏冬作結，吸收哂所有汁，真係不得之了中嘅不得之了我見其他食材都好正，可惜我地人唔多食唔到咁多野，要下次去再食過啦P.S. 呢度成日都有啲明星嚟食飯，間唔中都會撞到哈哈

聽幾個朋友介紹我去大坑食依間源品雞煲，就等我試下先。佢只開夜晚六點到十二點嫁咋，重要一去到就見到餐廳位置唔多，大約十枱左右，幾乎坐滿，得返一張吉枱，所以想食記得book枱啦一坐低就會比個醬料你自己加落枱面的醬油碟等左十分鐘倒，個煲就黎到喇-招牌辣雞煲 一隻$250搞掂煮好個樣，個樣好得，放左超級多既芫荽同蔥，所以成煲野都好香，份量適中，岩岩好。依個辣味屬麻香辣，所以好味道。雞件就普通，唔算好滑身。所以不過不失啦！

點了$138例牌牛肉，用一隻人哋酒樓上四寶丸嘅碟上，可想而知份量少得可憐，得大約十二塊薄牛。點了$100桂花蚌，用一隻人哋板長用嚟裝番茄沙律嘅兜上，有幾大條可想而知，下面重裝滿椰菜絲，冇一條桂花蚌長過手指一頭關節，每條半吋碎濕濕，都幾憤怒。$100係加呢個份量質素係不倒翁價。最後普通豉油加辣椒盛惠$18一位。加味精x1000。講完，冇下次。

一次無心插柳下經過源品, 眼見一個人都無…但本著一試無防既心態試下, 點知一次就愛上! 煲既選擇有四款: 有招牌既麻辣雞煲, 醉雞煲, 沙嗲湯同雜菌清湯. 麻辣雞煲係主打, 煲內用上大量花椒八角, 大蒜, 葱段同香料, 一開蓋已經香味撲鼻! D雞吸唒煲內既精華, 勁入味, 完全食到停唔到口! 兩個人食半隻雞係完全唔夠喉~而另一款醉雞煲, 味道就較清淡, 但都有香醇既花雕酒香! 食件雞, 飲啖湯都幾正! 食完D雞, 店員就會幫你加上雞湯, 可以開始打邊爐~呢度食物款式都唔係好多, 都係離不開牛肉, 丸類同菜類. 佢每日都有D時令海鮮, 又或者可以預先打嚟order! 首推呢度既膏蟹, D膏多到漏唒出嚟, 好鮮味! 仲有象拔蚌仔, 鮑魚仔都好新鮮. 其他食物如手切肥牛, 招牌墨魚丸, 九菜餃都好好味! 濃郁既湯底配埋粉絲同烏冬, 就係成餐最好既ending! 源品雞煲而家已經成為我每月至少食一次既餐廳

今晚一行6人再到此店食雞煲，環境簡潔乾淨今次因為有朋友唔食得辣關係，所以一次過叫齊兩款：醉雞煲，辣雞煲。上次已食個辣雞，依然回味，真係好香，夠哂野味！我們食完半隻還是未夠喉，所以最後都仲加多半隻。本身不喜歡太麻，但呢度既麻又剛剛適合總是覺得，唔會好似其他的麻到要不停飲水。之後加湯用來食皇帝菜好夠味！都不用點漿已夠哂味！個辣雞保持水準外，驚喜地個醉雞非常之香醇！跟食開既明顯有酒香，見個靚女姐姐幫我地倒酒入煲，更顯得真材實料！雞肉因有酒下顯得更滑稽，我跟朋友都飲了幾碗湯。值得推介！除吃左皇帝菜，脆肉鯇，響玲外，仲叫左墨魚丸，同酒樓用機打個s明顯有分別！對比下好爽好彈！最豪係今晚既膏蟹，價錢係市價，最好預先電話訂好先！可能第一次咁食法，d膏熟左依然一d都無散過，份量之多，令我可以有一種越食越有既感覺，真係好難忘！現時流行雞煲，處處皆是，但此處雖然款式不算多，但起碼種種取材皆新鮮！值得再一次支持！老闆幾nice，因為第一次就係他提我地食附近間雪榚店就快收鋪，等我地去得切食！P.s 餐牌好似有一些沒有寫到，所以最好問下有無推介會更有意外收穫！