滷府 (Closed)

⭐️滷府 (鰂魚涌)📍鰂魚涌海光街7-9號龍景大廈地下5C號舖平時買開既滷水店都有少少老土味😅呢間新開既滷府用左老虎既Pattern 幾有玩味 😚幾特色😎 試一試佢既滷水外賣🥡果然比起傳統店有一份特色💛⭐️ 慢煮特調滷水雞 🐔雞肉口感肥瘦適中 就算係雞皮都唔會太大層脂肪🍗 滷水調味恰當 唔會太濃 死鹹既味道😋 果然係新派既👍🏻⭐️ 滷水鵝腸 🦆平時好少食鵝腸🤣但係呢度特登去曬D肥膏 食落啖啖夠爽口💕

今日去咗鰂魚涌糖廠街個聖誕市集同映下相，感受一下聖誕氣氛，然之後諗住返屋企食飯，途經一間滷味嘅店舖，個名非常有趣吸引，叫做滷府，諧音：老虎。店舖走新潮路線，一洗傳統食滷味店果種古舊味。我於是決定斬料加餸同家人分享。店舖有套餐或者單點選擇。我就買咗半隻慢煮特調滷水雞，滷水紅腸，滷水千層腐皮。落咗order後，師傅好快就斬好了，包裝係用一個圓形紙盒承載所有食物，汁醬另上，乾淨企理。返到屋企之後打開立即開飯，急不及待試吓啲滷味。慢煮特調滷水雞滷水雞個色澤好靚，食水均勻，亮麗，看樣子好入味嘅感覺。一咬落去雞肉嫩滑，相信同慢煮呢個整法有關。滷水汁果然深入雞肉裏面，好入味，滷水汁香濃，但一點都不過咸，除咗豉油嘅香氣，醬汁還有很多講不出嘅配料味道響入邊，味道好特別，令人忍不住一啖接一啖咁食。滷水紅腸紅腸就好似係一個Comfort food咁，雖然知道唔健康，但每次見到都會忍唔住食返一兩件，呢個紅腸好好味，除咗有滷水味，沾上餐廳提供嘅醋汁，別有一番風味。滷水千層腐皮千層腐皮切得薄薄一片，非常入味，腐皮軟滑，有豆香，但可能太薄關係，腐皮容易鬆散。總括而言，呢間滷味質素不錯，下次可以試吓買滷水鵝。

星期六，係附近食完午餐，諗住去換支涼茶飲，行到去海光街，成條街都幾多特式食店，一路行到街尾，換完涼茶，發現對面有間叫「滷府」既小店，未行到過去，已經聞到好香好香好香既滷水味有配飲品既套餐亦有散點既小食賣相好吸引，望入去亦都好乾淨衛生，最重要係，佢真係好香所以明明食飽，我都把持不住，買左d小食返屋企慢慢嘆$96，有五款，份量都唔少平時打冷，$100基本食唔到d咩呢度散點可以每樣試到d，真係唔錯一打開蓋，滷水香又飄出來了鵝腸，好爽口，好夠味，同好乾淨滷水蛋都好正，蛋白充滿滷水香墨魚，新鮮爽口，好容易咬得開，都有成十片千層豆腐鵝腎一隻，入味爽口！真心每款都好味、充滿滷水香

自疫情以來，外賣已成平日午餐的新常態，此府穴由開業第一天起光顧至今滷水店只作外賣不設堂食，標榜不賣老水只賣滷水，大大減少傳播疾病的機會套餐有九款選擇，附送熱飲，可加$5將飯轉作鵝油撈麵或鵝油新竹米粉點餐後師傅即場手起刀落準備食材，保證清潔衛生外賣包裝整齊，不易弄瀉慢煮滷水雙併加$20可選鵝片！滷水味濃郁，鵝肉肥美富肉味！最愛滷水墨魚那嚼感，厚實有咬口！鵝油拌新竹米線香Q麵條滿滿古早風味熱檸水份量十足，杯蓋設計人性化，方便飲用小店還有一系列滷水食品供應，適合外賣回家加餸

唔知點解出名好味馳名嘅滷水鹅都喺對面海， 即使分店開喺屋企附近 都覺得唔夠正宗～收到order今晚要去買外賣加料， 就在鰂魚涌好多食肆嘅海光街找上這間『滷府』～～ 取其諧音「老虎」， 非常易記。✨🐯就只提供外賣， 一眼望見嘅廚房，企理乾淨。喺門口準備入去之際， 已經聞到好香嘅鹵水味..慢煮特調鹵水雞($78半隻)有別於豉油雞， 鹵水味道更加芳香悠長， 入味得來依然吃到雞嘅鮮味。 慢煮嘅雞肉非常嫩滑腍身， 雞皮部分都夠爽，亦唔會油淋淋。鹵水鵝腎$28 /個果然同鴨腎唔同食法～ 切開較為大塊， 咬落軟身， 一啲都唔硬。 越嚼越有味道～ 慢慢滲出滷水香氣 ， 非常美味 ！😋👍提供嘅蒜蓉白醋也可以提升鮮味。Packing十分精緻， 外賣去 party 當禮物，手信也非常適合👍👍😋。返到去屋企人見到紙袋以為我😁去咗買蛋糕😊🌟

海光街出名小店多😋最近發現多了一間新式賣滷味的店本身都想試試滷水鵝片但最近身體不好怕太毒所以買了雞😂⭐半隻慢煮特調滷水雞 $78⭐如果是2至3個人吃的話 買半隻雞就夠了滷水超入味 😁醬料是偏甜的那種不會太鹹因為是慢煮 所以雞肉蠻嫩的雖然不至於像海南雞那麼嫩滑但在在滷水界來說已經很OK 而且價錢也不貴 外賣回家超方便

我們閒逛太古公園後，凖備步行到鰂魚涌港鐵站乘港鐵回家，經過海光街看見一間店鋪名字很有趣；名「滷府」，店名旁邊還有老虎畫像，吸引我多看一眼，原來是滷水店，那麼順路就斬料加餸。慢煮滷水鵝掌，滷水鵝腎，滷水千層腐皮，三款滷水食品都很入味，滷水味道味醇甘香，鵝掌肉軟滑，鵝腎爽脆，千層腐皮有營養又好味道，送酒下飯都合適。從紙餸盒與包裝紙袋的設計都予我新派滷水店感覺，仍承傳食品的鮮、甘香味道，下次可以再嘗嘗其他。

今天在太古坊附近吃過午餐後，途經一間用「老虎」作標誌（取其諧音店名為「滷府」）只做外賣的滷水店。靈機一觸，買些滷味回家便可為晚餐加餸。二話不説，便進店購買喜歡吃的食物。原來這店也有集印花的優惠，每消費達80元便獲印花一個，集齊10個便可當$80現金使用。～滷水豬手豬手已起骨，吃起來啖啖肉。豬手皮肉分明，吃起來爽口卻又帶煙韌，味道適中。～慢煮滷水鵝翼鵝翼滷得入味，又不會過鹹，亦不會吃到拔不清的鵝毛，非常難得。～滷水鵝腎鵝腎滷得恰到好處，完全不韌。既有咬口，又非常入味。～滷水墨魚🦑爽口彈牙的滷水墨魚切得薄薄的，本身的味道較清淡，沾上附上的醬汁和酸醋來吃，味道更佳。～滷水千層腐皮千層腐皮有著此店獨有的淡淡的滷水味道。個人認為，腐皮若能切厚一些，口感便會好些，較有咬口。不可不提，這店的酸菜醃得入味，酸酸甜甜，又爽口，又味美。第一次光顧這店，個人覺得這店的滷水有著它的一種獨突味道，不會過濃或太鹹，頗為討人，其中如鵝翼和豬手等如用作佐酒必定更為吸引。這裏除了可買各適各樣的滷味外，亦有套餐供應，可選擇配飯、麵或米粉，又有飲品，想必甚受附近一帶街坊和寫字樓一族的歡迎。

收工經過鰂魚涌，阿媽打黎話有客人黎食飯，叫我去切料加餸！上網一睇發現原來鰂魚涌有間滷水專門店，主打滷水菜式！原來公司都有同事幫襯架喎有人試過對鋪頭信心都大啲，我就去買黎試下啦！食物選擇都唔少，價錢又唔算特別貴鋪頭擺左好多滷水食物，賣相吸引新鮮，乾淨整齊！我買左滷水鵝腸、紅腸、鵝肝！我超鐘意食鵝腸，爽口彈牙唔會好油膩，滷水味咸香又帶點甘甜，鵝腸新鮮爽口！紅腸正常發揮，鵝肝入口香口，油香滿溢！下次會黎試下滷水鵝片

玩食字嘅滷水店，用老虎做包裝裝飾，偏中式嘅老虎，傳統得黎不失時尚感唔好以為滷水舖就一定係老餅old school!同傳統嘅滷水店一樣，近門口嘅位置係一塊大型嘅玻璃望到入去滷水師傅處理食物嘅地方，見到掛晒滷水鵝同埋滷水雞，枱上面有多款唔同嘅滷水食品有滷水鵝腸腎，鵝肝等其他內臟，燒肉都有。任意配搭，有啲係用分量去計（件數），或者重量去計（兩）。同其他燒臘舖食飯好唔同，望落去唔會有嗰種滷到黑晒，姐係一係睇落去都知道好鹹嘅嗰種感覺，而呢度係仍然油亮光鮮，保持住食物原本嘅樣。除咗滷水嘅肉同皮嘅部份係比較深色之外，其他都好靚仔唔覺得似係煮到溶溶爛爛嘅感覺。千層腐皮滷得好靚，好有腐皮原本嘅味道唔會比滷水搶晒平時真係好少食潮州打冷嘅滷水，滷水鵝肝（中式）應該係第一次食。味道同西式嘅鵝肝好唔同，稍微有啲似豬潤嘅口感，但係食得出係鵝肝，超級香！

今日朋友帶我去shopping，大豐收！因為時間關係，所以就匆匆忙忙買外賣返去食。見門面設計新穎，唔似平時舊式滷水店，門外都幾多人等，加上朋友之前試過都話不錯，所以就試試。係鰂魚涌區搵食真係唔平，見套餐六十幾蚊有交易，又包了飲品，性價比！同行朋友話滷水鵝片很好味，所以就點了。低碳飲食的我，還點了滷水豬手。鵝片夠入味，鵝皮的厚薄適中，肉質嫰淋，一口吃下有肉有油脂，十分美味。而豬手大大塊，彈牙有咬口，軟硬適中，食肉獸最愛，大滿足！而配送的配菜丶滷蛋更是伴飯一流，很滿足的一餐！下次可以試試我的至愛豬耳，值得encore!

今日放假，同老公行完街，記起之前去海光街買魚生丼，隔離新開咗間滷水外賣店，乾淨企理，有唔同嘅滷水出品，標榜，就去買滷水回家加餸😄滷水店仲有滷水飯套餐，買飯送飲品，仲可以俾💰18加油菜😄滷味菜單配搭靈活，每款份量可以自由選擇，我要咗鵝翼、鵝腸、鵝腎同紅腸😄等咗一陣，師傅就砌好滷味，放入一個外賣紙圓碗，用埋紙袋携帶，嘅環保，又有時代感👍滷水用慢煮方式滷製，鵝翼滷得十分入味，肉質軟腍，鵝翼單骨切開，方便易食👍鵝腸係功夫餸，除去咗多餘肥膏先滷製，滷汁渗透入鵝腸，味道啱啱好，食落甘香爽滑😋鵝腎切片，都有幾多片，食落唔韌，入味有嚼勁😋滷紅腸就正正常常，唔太鹹😄

係太古坊返工, 每逢lunch-hour附近食肆都大排長龍, 有限嘅食飯時間唯有分秒必爭去買個外賣返公司食。早排見隔離同事食嘅鹵水鵝飯幾吸引, 今日就去買黎試試。所有選擇有如招牌一樣, 都為鹵味。其中set menu就最岩我地上班一族。【慢煮鹵水雙併飯】HK$78 先選要鵝肉、鵝腸, 再+$5 轉鵝油撈麵麵底為油麵, 略為彈牙, 冇預期中咁油, 每條麵條都濕濕地, 很有鵝香。鵝肉都有些少肉食, 很有肉汁又冇相連過多肥油層, 肉質偏林, 容易咬開; 但鵝腸有部份都連帶肥膏, 鵝腸雖然薄, 但幾爽口。set menu仲額外配有半隻鹵水蛋、千層腐皮同埋酸菜。整體更加豐富。另外再額外買咗【鹵水紅腸】HK$10入味得黎唔會過鹹。set menu 免費跟熱飲, 而我再+$10轉特飲-凍紅豆奶茶茶味濃郁, 口感幼滑, 底部有大量甜甜地又夠林嘅紅豆, 飲完夠醒神。

最近剛好在位於鰂魚涌上班，而正值下班時間，我想買一些外賣回家吃。而經過朋友之前的推介，說位於鰂魚涌的一間滷水店的食物相當好吃，而我當然不能錯過！！該餐廳名為滷府，而我看到該餐廳展示的食物也是相當吸引的。最後我決定了買一個自由搭配的滷水拼盤，如果選擇搭配的便是無骨滷水豬手以及滷水豆腐。首先我必須要稱讚這個餐廳，因為這間餐廳的外賣盒是用環保紙盒，真的是又美觀又環保。然後進入正題便是介紹一下我所點的食物了，首先先來談及滷水豬手，該店舖的豬手相當入味，而且肉質的口感也不錯，但吃得出是用了很長時間滷製的。接下來談及豆腐，豆腐的口感不會過度鬆散，相當實在，而且豆腐也充滿大豆味，能吃得出是高質素的豆腐。誠意推介大家來這間餐廳嘗試一下滷水拼盤！

據說是每天新制滷水，不会用千年滷水，以減少不健康的物質。只能外賣，不能堂食。慢煮滷水鵝肉飯 $68味道ok，肉和配菜能再多些就更好了。不過68块也不能要求太多是不🤔等餐等了好久，一問先知早就做好了，卻没有通知我。內部流程還需要優化。