漢興茶檔

Open Now

Now Closed

原來呢間茶檔係OpenRice都幾岀名有粉嶺街坊推介咁我今日就嚟試吓啦朝早11點幾到都等咗一陣 入面勁多人! 仲要原來佢係開星期一至六only 要留意返啦☺️入到去 餐廳冇咩特別裝修 坐得有d迫 係以前嘅茶檔feel好多客好熱鬧咁 有種車水馬龍嘅感覺坐低之後就叫咗個雞翼米餐肉麵 同呢到嘅招牌 咸牛肉炒蛋多士(例牌) 餐肉麵正常 係岀前一丁公仔麵同湯底其實自己都煮到😂😂雞翼米嘅米粉同雞翼係分開上💁🏻‍♀️米粉exactly係福米😂不過都好食加埋佢嘅辣椒油就一流啦! 要讚嘅係個雞翼😋😋炸得好香脆好好味！搞到我好想食多幾隻😆另外都推介鹹牛肉炒蛋多士佢係分開四舊牛油細多士加一舊鹹牛肉炒蛋係碟中間我諗係想比客人自己將啲炒蛋放喺多士入面再自己夾來食😂😂咁樣又可以送米粉食又可以夾多士好DIY 😂我仲想叫朱古力奶飲😭可惜賣晒叫咗鮮奶雖然貴咗D 但都好飲嘅😂整體來講 體驗咗茶檔風味😄 推介多士! 👍🏻

放假那天，剛好這店營業於是嘗試他們出名鹹牛肉多士（例牌）味道是OK但未至於出色 ，奇怪的是我在傾電話期間明明店員是跟我說話 好像是問我幾多個人之類問題 ，之後我便掛斷電話問他們想跟我說甚麼，離奇的是他們說沒有人跟我說話還說是我幻覺，後來我跟朋友說他也在電話裡聽到店員問我問題，之後吃完我問他們是否有下午茶 ？店員說：「有呀」但最後是沒有 ，埋單俾錢個時仲話係街坊 ，但價錢是正價 那裏來的下午茶🤷🏻‍♀️百思不得其解🤷🏻‍♀️🤷🏻‍♀️

今日又黎粉嶺漢興，次次黎都排長龍，不過要食好嘢，當然等一陣無所謂，我地一行5個人，要等耐少少，呢度啲福麵加招牌蛋牛治一定係首選，加杯凍奶茶，我個仔最愛支樽朱古力奶，以前只開星期一至五，宜家星期六都開，所以放假一定落黎食，嘆！

呢間茶檔只開一至五，所以我要請假或病假先有機會食到。好珍貴。佢生意好到不得了，最近還裝修了，坐得比以前舒服。到底呢間菜檔有乜咁把炮呢？福麵- 即食麵我要食爽麵的，最怕稔到發漲的即食麵。師傅功力深厚, 真係煮到一碗食到落尾都仲係條條分明又爽口的麵，讚！試過好多茶餐廳，要數漢興的福麵煮得最合我心意。雞翼（跟麵$23）- 跟麵的雞中翼有3隻，是鮮炸的，大小剛好，炸得金黃香脆不油膩，咬開爆汁肉質爽口，調味滲有薑同酒, 高汁之作！有食客直情單叫一客雞翼大飽口福！ 喜歡生炸雞髀的朋友，一定要試試呢個雞翼！奶油多（$9） - 平靚正。 嗌多句「多烘多奶」，好邪惡好滿足。茶走 （$12）- 去茶檔點可以唔試茶走？之前飲過，茶香奶滑，無得頂！其實漢興的其他名物還有豬扒同咸牛蛋， 我覺得前者不俗但不夠雞翼出色，後者做得不錯但因份量不少都比較膩。喜歡炒蛋的朋友大概會十分迷戀這個咸牛蛋的。

不久前，食店貼出「內部裝修」告示；又不久前，同事告知食店已重開，但食店格局不但沒有改變，就連翻新的痕跡亦不太覺；再不久前，同事打聽到食店已易手，之前的「內部裝修」其實只是交接！無論怎樣，食店一直是我們的飯堂，重開當然繼續幫襯！打算外賣腸仔雞翼通粉及餐蛋治，但店員告知餐廳暫不供應通粉，唯有改為米粉啦！返到公司才發現，腸仔竟由一直沿用的廚師腸被不知名品牌腸仔取替，而該不知名品牌腸仔的味道與廚師腸都有幾大差別，唯一差別不大只有雞翼；而餐蛋治的餐肉則相對以前薄身，雞蛋整體過熟，沒有太多蛋汁，但味道還是可以！想不到以前一碗普通的「腸仔+雞翼+通粉」組合，現其中2樣都已改變，就連餐蛋治亦不及從前，令人懷念從前的味道！

平，令，正。出前一丁,福麵,米,通粉,同價。出前一丁煮到剛好絕對唔系淋哂,個湯熱到出哂煙,我諗出面無幾多間做到,鹹牛肉蛋外脆內剛熟,雞翼好香脆,全部食物都超熱辣口。當我食到出哂汗又要抹下鼻水,發現無帶紙巾,我:唔該要包紙巾,阿姨:呢度無得賣紙巾,比幾格紙巾你喇。隔離枱學生阿姨話雞翼賣哂,佢就諗左超耐都唔知食咩好,阿姨耐心推介又等待學生的order,全部侍應姐姐都好好人有人情味👏🏽簡單但有心的出品,令人食得開心又窩心。

一間可遇不可求既小店，因為係清晨開店，中午3點左右就關門，仲要只開平日，週末及假期都休息。難得見到開門，食個地道港式茶餐，叫咗個豬扒米粉，雖然款式冇咩特，不過食落個豬扒就覺得好彩有嚟食，個豬扒煎得好軟，味道又香口，完全冇雪藏味，亦唔似BBQ果D豬扒，估唔到小店煎塊豬扒都咁好味，唔怪之得好多食客都會另加豬扒或雞翼，下次要試埋個雞翼先得。個米粉係福米，一路食，其實都幾有家既感覺，餐廳地方細細，但見住D 食客同職員阿姐，都已經感受到街坊味，係人情味！

病咗成個禮拜，又發燒又喉嚨痛，睇咗兩次醫生都仲未好，Lunch唯有喺度外賣個火腿通粉返公司食啦！嗰度嘅姐姐好好人，我印象中食過佢哋嘅火腿通粉，嗰啲火腿係煎嘅，但佢地可能知道我病，所以就幫我改為用水煮！但都同平時一樣咁好味，佢哋嘅湯應該都係用味精粉，但我就係鍾意食味精粉其實平時喺聯和墟返工真係冇乜餐廳可以選擇，呢間算係我幫襯最多嘅一間食店，一星期最少都會食兩日，有時仲會食埋早餐或者下午茶！我之前食過炸雞翼粉面、奶醬多、餐蛋三文治、鹹牛肉煎蛋等等，每一樣都好好食

從前在北區住過一陣子，最愛吃漢興茶檔的食物。其實這裡的食物頗junk food ~ 公仔麵、炸雞翼、炸豬扒，沒營養又熱氣，但這裡的食物對小時候的我就像有種魔力。今日來吃久違了的美食，別有一番風味。裝潢跟二十年前的一樣，老員工仍舊在這忙碌工作，落單阿姐仍是黑面說話沒尾音，餐牌仍是老款式，碟子仍是有顏色的膠碟。坐在這裡，彷彿時光倒流二十年。雞翼仍是一份三隻，依舊香脆美味，只是價錢翻了三倍。從前的炸雞翼像是加予少少薑絲醃好來炸，現在好像沒有了。奶油多仍是依舊香脆美味，奶和油的份量不多不少，份量剛剛好。也許，你會覺得漢興的食物平凡不外如是。但是，這對我來說卻是No. 1 的美食。因為，它記載著的童年的回憶，每吃一口，它的味道讓我憶起童年種種快樂的片段。

店舖位於聯和墟入面，交通唔算方便但都值得去試一試，可以由上水廣場or粉嶺火車站轉車前往，駕駛者都唔怕附近無停車埸！店內裝潢有古舊茶餐廳感覺，大部分係圓台圓凳，坐就唔太舒服但勝在懷舊，亦有好多街坊會去嘆個早餐飲下奶茶咖啡，衛生情況都ok！價錢方面都合理，因為無套餐，飲埋嘢會同平時茶記差唔多，齋食個面就會平啲！嘢食方面我推薦蛋牛福面，老闆煎嗰塊咸牛肉蛋無得輸，即叫即煎，所以多人點嘅時候都要等一陣子，另外亦見到有人點雞翼/豬扒，炸出黎賣相就麻麻但應該都好食先多人點嘅！

唔係成日入黎粉嶺，但每次入黎都會掛住漢興既野食～～今日咁岩入黎就去左食lunch叫左豬扒，咸牛肉蛋，同雞翼，佢既奶茶係好好飲！每次黎都必叫的，仲叫左個奶醬多😋每次食完都會好滿足，價錢唔貴，我地3個人每人人均消費50-60左右，算是幾高質的小店！

漢興茶檔沒有什麼高檔食物，沒有舒服環境，沒有高質服務，一張細檯可以圍坐六個大人，大家都不介意空間，只為食得開心食得滋味，就是一份人情味讓我念掛著！☕️🍜看似簡簡單單的出前一丁麵是在別處找不到的孩童味道，特別香特別好食！👍金黃色的雞翼睇到都教人垂涎欲滴，咬開外脆內軟帶雞肉汁又嫩滑超滋味！😋睇餐牌都知有幾地道，充滿著香港人舊有味道係人情味道。其實這裡的鹹牛肉蛋係必食的，今次胃口不爭氣留下次再挑機。

返深工作，冇好似往常咁先停靠在上水石湖墟去「廣成冰室」或「陳六記飯店」，改為入咗粉嶺聯和墟，幫襯久違了嘅「漢興茶檔」。午市時段嘅「漢興」當然係人頭湧湧，點咗佢馳名嘅鹹牛肉蛋餅福麵，蛋餅煎得恰到好處，有燶邊，但個心就剛剛熟，蛋香鹹牛肉香交織在一齊。天氣太熱，好少飲凍飲嘅我叫咗杯凍奶茶少甜多奶，茶底好靚，好飲。滄海桑田，聯和墟近年的發展好快，十年前港味濃郁，楊千嬅陳奕迅主演的電影「每當變幻時」取景所在地「聯和市場」，已經變為四五十層高的巨廈。近年來，純港產片已逐漸如鳳毛鱗角成為瀕危品種，但是港產片在我的青少年時代帶給我的無限歡樂和對香港的自豪，就一生都不會改變。

呢間響晒朵，被譽為全港最好食既咸牛肉炒蛋，難得閒日唔洗番工可以有緣去試食，門口排晒長龍，最正咁岩係獨食即刻有位比我入去✌️坐低見到差唔多陣一大半人都食咸牛肉炒蛋同公仔麵，於是有樣學樣試食下😎蛋牛例牌咸牛肉一食就知番唔到轉頭，終於明白點解咁出名，味道唔會太咸，夾起亦唔會太散，仲可以用多士夾埋一齊食，唔會太dry.豬扒公仔麵個麵底唔會好淋，有少少硬身，岩我個人口味，豬扒亦都出乎意料地出色，唔會太硬，下次想試埋個雞翼。

我好鍾意食蛋牛治，一向都食開深水埗好出名果間，但只要發現到新嘅好評蛋牛治，我都會去試下。今次就試漢興嘅蛋牛多士，佢同平時蛋牛治唔同嘅就係包同餡係分開嘅，蛋牛煎成圓餅形，四邊就放左烘到香脆嘅多士。咁樣嘅好處係由頭食到尾個多士都一定係脆，不過就有d麻煩，要不斷放d蛋牛上多士度。另外仲食左碗豬扒麵，豬扒入味夠淋，同麵分開上，所以麵嘅湯唔會整淡豬扒。然後杯凍奶茶麵係好飲嘅，夠香濃夠滑。依間野星期日係唔開架，最食就要避開喇！