漢興茶檔

Open Now

Now Closed

雖然在粉嶺上班兩年 可是外出用膳次數真心少之有少 最近不知是什麼原因下 反而多了機會出外這天沒有心水意欲之下 走到呢間漢興茶檔不說不知 漢興茶檔原來已經屹立粉嶺多年 在整個北區都非常聞名大概是招牌鹹牛肉蛋太聞名了吧所以我也來一試真偽好了當日所見的確坐著有不少人 有在吃著的也有在等著的可惜是早點已經品嚐過雞蛋 唯有留待下次再試好了望望餐牌 來來去去都是餐肉、腸仔火腿之類 大概會覺得奇怪 不過亦是屹立既主要原因之一豬扒米粉豬扒是即叫即煎 上枱時熱烘烘香氣四溢是柔軟腍滑口感 煎得不會太乾身骨肉好易分離 而且沒有筋位咬不到外層脆口肉質軟滑 真的挺不錯的說雖然米粉是一般超市可買到既材料但煮到味道剛好也是一門學問 而且入口軟腍剛好多泡點湯也不會發脹至不能吃眼見其他食客大多吃鹹牛蛋大概我也要再來品嚐一次才是

平時好少去聯和墟今日去開就試下呢間10點鬆d去到已經有人排緊隊等左10分鐘左右就入得叫左鹹牛肉蛋治 同埋餐蛋麵個牛蛋治好足料～好食😋而個餐蛋麵就正常味冇特別食到好飽都係35蚊下次可以直接叫鹹牛肉蛋麵因為2樣野太飽啦～

呢一間看似普普通通的茶記，卻是人丁旺盛，經常要排隊等位的小店。要食呢一間野都真係要揀啱時間，因為呢一間野星期日休息，星期一至六就下午四點收工，搵食嘅朋友要睇實時間。佢嘅鹹牛肉煎蛋基本上係鎮店之寶，其實味道同一般茶餐廳食到嘅差不多，不過呢間野卻好有誠意，個鹹牛肉煎蛋係煎得好靚仔，所以出品就比其他食店高。鹹牛肉煎蛋配嘅野都有好多選擇，我自己就鍾情福麵，鹹牛肉煎蛋加福麵，有著細個時嘅童年回憶，懷舊下，懷念下從前嘅風味。

見openrice 啲人話雞翼好味我今次唔食咸牛肉蛋雞翼一般，無特別今日10點去食早餐，好彩早一步，之後要排隊入座食了幾次，今次才發現碗和裝糖容器，有logo聽聞已轉手，不過上次食咸牛肉蛋，水準不變

三顧草蘆，以往曾到訪漢興兩次，都沒成功享用它的名菜「蛋牛」系列。第一次是平日黃昏到達，店舖說要打烊，不做生意了；第二次星期天上午來到，鐵閘冷冷的落下，竟然全日休息。做餐飲選擇星期日例假，必是世外高人，不愁生意。心有不甘，平日驅車來回一百公里來到聯和墟總要一嘗試「漢興」馳名蛋牛食物。餐牌簡單，只有兩頁，基本零設計可言，沒有圖畫單純以文字演繹，食物亦沒選擇空間。先選三文治或出前一丁麵，然後再選配料如香腸、火腿、滑蛋、豬扒、蛋牛。餸菜款式比地道茶餐廳更少，沒了基本之五香肉丁、及沙爹牛肉供應。裝修擺設平實，置幾張圓枱圓椅子就開門做生意了。樓面侍應三名，人數有點偏多，收銀處位在店舖後邊，食客動線欠效率。【鹹牛肉蛋餅】首先，漢興的蛋牛與普羅大眾之共同認知明顯大為不同。我們吃慣的蛋牛，都是先打蛋，然後落鹹牛肉罐頭攪勻，快炒至七成熟左右，呈滑蛋狀態，再夾於三明治或加在麵內。但漢興做法另類，是煎至完全熟透呈圓餅狀、額外加入蔥粒、及與主食分開奉客。兩者味道其實沒有太大分別，始終都是使用同款罐頭，鹹牛肉味道太搶會蓋過一切。但在質地來評，個人始終習慣滑蛋狀之蛋牛。出前一丁麵，沒辦法評論，正正常常。如果也煮得難

雨後，涼快行去聯和墟漢興茶檔只開星期一至六，下午四點關門食中學老師王sir 至愛咸牛肉蛋一丁麵仍正加葱，勁香，咸牛又多一丁麵唔使加錢一丁麵正如他所言，軟硬度恰到好處不知道他搬家後，有否再來？

個個都話粉嶺好多野食，於是就去左朋友介紹既呢間茶記，入到去就感覺到呢到有好耐歷史，而且非常local。餐牌唔係得好多野食，主要賣既就係蛋牛多士同出前一丁。佢既多士真係十分出色十分重牛味！

突然想去聯和墟食個lunch見到呢間餐廳好local仲有多士就入左去了由於疫情，餐廳都用左好多透明膠簾隔住唔同座位，d姐姐仲好細心咁提醒我地太入嘅位置無風到會好熱睇見餐牌最出名都好似係個咸牛肉蛋就一於試佢果然無令人失望佢牛肉同蛋好match！有入口即溶嘅效果！而且多士係奶醬多，好有誠意又唔會得少少醬，一d都唔吝嗇！凍奶茶茶膽唔算好濃，不錯👍🏻雞翼都值得一讚因為佢唔會得炸粉無哂肉！最後飲番個大可樂！真係好消暑👍🏻👍🏻👍🏻閒時食番香港味濃嘅lunch真係人生一大享受

今個星期一嚟到粉嶺聯和墟搵食，朋友於是介紹我去呢間茶餐廳。一打開餐牌，啲價錢相當親民，當然睇下啲食物質素點啦！今次叫左豬扒公仔麵，豬扒炸到岩岩好，加啲淮鹽，超好味，啲公仔麵浸到岩岩好，保持煙韌！之後仲嗌左碟炒滑蛋，坐喺上面沈啲胡椒粉，啲香味噴晒出嚟非常之好食！之後又再嗌左碟炸雞翼公仔麵，個炸雞非常之好食仲叫左份咸牛蛋治，烘底既，個蛋治好好食，肉同蛋比例岩岩好。整體來講，非常之抵又好食，會再來吃啊！

哩間茶餐廳一早就想黎試吓，因為俾嗰大大塊圓圓的蛋餅🥞吸引住，今朝終於黎到幫襯啦❤️🎈咸牛肉加蛋醬整成一個圓圓既蛋餅，鹹牛肉鹹鹹香香加上厚厚既煎蛋，蛋汁包著鹹牛肉，重點係加左蔥花配埋裏軟綿綿既蛋醬，好夾好夾❤️🎈炸雞翼有三件，雞翼炸到外脆內軟，火侯岩岩好，雞皮好脆口，高質😍🎈馳名豬扒，煎到表面金黃，不過就太乾太難，唔夠juicy😌😌😌配埋出前丁，係幾有茶餐廳既味道🥳🎈奶茶少奶，香滑既，可以再熱小小就出色既☕️☕️☕️

成日都見到有人介紹呢間茶記，選擇唔多，都係食公仔麵同三文治為主，不過勝在價錢經濟。中意飲玻璃樽裝汽水既朋友，黎呢度一定要加配汽水，大支裝都只係$8，比起其他餐廳細支裝起碼$10，真係平太多!!呢度最出名既係$20蛋鹹牛肉加多士，一定要試!!多士輕微烘過，外微脆內軟，又有少少焦色，熱力岩岩好可以熱溶D牛油再夾住蛋鹹牛肉，非常好味!! 唔太中意鹹牛肉既朋友都話呢個配搭好正，如果唔係因為夜晚要打邊爐，一定會叫多個….友人點左$24豬扒煎蛋出前一丁非常抵讚呢度食出前一丁都唔需要額外加錢，好有良心既一間茶記!!~豬扒肉質好實且鞋，係好傳統既豬扒口感，如果食開鬆肉粉嗱過豬扒既朋友，應該唔會中意呢度既豬扒。

今日晏就自己走咗去粉嶺影相，見有少少時間得閒，聽聞聯和墟呢邊有條食街，於是走左過望下有咩好野食啦😋，真係唔嚟唔知道原來呢邊真係幾多食店，由普普通通嘅麵包店、茶餐廳、酒吧餐廳都有， 估唔到細細嘅街道都有咁多嘢食😊，事不宣遲，呢到有一間好出名係食鹹牛蛋多士，人都已經嚟到就緊係親身一試啦。🎈 鹹牛肉蛋加多士 $20啱啱一坐低望見隔離張枱食緊呢個餐已經覺得好似好正，所以決定一定係揀佢喇。呢個鹹牛肉蛋加多士🥚🐮嘅擺盤方式幾特別，四四方方咁，多士雖然金黃但唔算脆口。最特別係佢入面呢個餡，外表金黃色包住嫩滑嘅蛋，仲要真係重量級超足料， 差不多有個拳頭咁大， 咬落去啖啖肉😋食完應該又增磅喇😆另外我叫咗一支玻璃樽裝可樂， 因為樽裝可樂平時已經買少見少。如果大家有時間入嚟聯和墟食下馳名 鹹牛肉蛋多士又或者嚟懷舊下啦。😊

衣間野係聯和墟都好出名但唔係食d咩貴價野係食夠晒“佬味”ge 出前一丁同豬扒喺一間高質嘅茶記！一向都有幫襯開呢一間茶記而今次呢就叫咗一個豬扒公仔麵🍜出前一丁就個個都識煮但有時d鋪頭都可以煮得好難食漢興整出黎既至少唔會難食重點係塊豬扒係煎得幾好食😋，有油香味不特止，仲會有d香矛味 ，佢肥位又唔會煎到乾晒，處理得好好！茶記做到呢一個水準真係相當唔錯！另外我個人好鍾意飲茶走漢興既茶走就唔會太甜個人覺得係恰到好處整體來講，如果想速食食呢一間茶記呢絕對係有水準之餘，性價比亦都相當高！

首先我想講，我唔係要有咩服務，只係想落咗單就有嘢食咁簡單😂。話說我嗌咗個麵，漏咗個餸，一時唔記得，提下你冇問題好正常，跟住你誤會咗我係要多份，跟住溝通返就得啦都冇問題， 咁我見肚餓，諗住嗌多個麵食啦， 同你講咗，你望住我但冇做任何動作，咁都唔緊要啦，可能你唔得閒， 跟住我再同第二個落單， 跟住佢就隻手伸一伸，個樣又好似我阻住佢咁，咁我見你有哂動作，就即係當你落咗單喇，咁再等多陣，佢捧住兩碟嘢，問我嗌咗乜，我話嗌多咗個麵，跟住佢又笑笑口咁答，即係兩樣都唔係啦， 我都笑笑口話係呀，咁我諗住都第三次提出咗，咁真係肯定咗我有落單喇，跟住如是者等多幾個字，嚟咗冇耐嗰啲客人，啲嘢都到咗喇， 因為我已經講咗三次，你唔煩我都嫌自己煩，最後我都係埋單走算啦，其實我又唔算係好不滿嘅，我係覺得好奇怪，希望你哋見到改進下啦。

漢興係聯和墟應該無人不曉，佢係一間舊式冰室只賣腸仔蛋雞翼豬扒粉麵 及 各式多士和港式茶餐廳飲品只開平日至下午三點多，但次次黎到都好多人今日放假入開聯和墟當然要食下🤗港式茶餐廳就係要快、狠、準剛一坐低就有姐姐問我地食咩，落完單啲野食都好快就到我地叫左一份蛋牛治烘底，一碗豬扒麵加一份雞翼蛋牛治好快就到左，個人認為一定要食烘底大大份既蛋牛治，咸牛肉蛋係漢興招牌，每枱必點咁滯麵包烘過微脆帶口感，蛋牛餅熱辣辣，厚度有番咁上下入口第一下食到好香既咸牛肉，無煮到全熟所以啲牛肉都仲好滑嫩咸牛肉咸香味豐富，但唔會過咸加埋蛋一齊更加juicy同滑溜，成個蛋牛餅更上一層樓個份量係一個人食一份，飲埋杯野都會飽另外呢到既豬扒同雞翼都非常唔錯個人較鐘情雞翼，因為豬排既質素有些少參次豬扒有啲好嫩好淋，但有啲就柴左啲不過調味都唔錯，有香味得黎唔會過咸雞翼相對而言就比較出色每隻雞翼都好大隻，而且外脆內嫩咬開入面熱辣辣出晒煙仲非常juicy調味同豬扒差不多，都係非常唔錯公仔都我地跟左隻蛋，蛋黃汁撈公仔麵食好好味😋公仔麵係出前一丁，呢個價錢CP值算高👍🏻飲品我地叫左好立克同埋熱檸蜜值得一提係杯好立克超濃，飲到最後麵〇唔會因