潤一潤甜品屋

Open Now

Now Closed

之前读书的时候去过好多次的甜品屋，现在想起来还是很想吃。下面是几款我之前常点的甜品，希望可以为跟我一样有选择困难症的小伙伴一些建议:【法式焦糖炖蛋】点评：小盘非常精致，颜色很好看，有点像放大的葡挞，但最上面一层是焦糖，薄薄的硬硬的，像一层保护并且给下面的炖蛋保温的轻薄玻璃罩，上面几粒鲜果的点缀让整份甜品看起来非常完整，也丰富了色彩的层次感，炖蛋口感非常细腻柔和，建议将上面的焦糖与下面的炖蛋一起食用，喜甜食的朋友一定会非常喜欢，奶香很浓郁！甜度也恰如其分；对平常不怎么吃甜食的朋友来说可能有一点甜腻了。不管是喜不喜欢甜食，我个人认为这一份需要share，一个人吃的话会觉得腻。HK$28 ，是我每次去必点的甜品，性价比超高，推荐【榴莲黑糯米】点评：必须得说我是一个狂热榴莲爱好者，所以对榴莲是完全没有抵抗力的，一次点多份榴莲为主要食材的甜品一点都不奇怪。榴莲黑糯米是比较常见的一个搭配，并不是这家店的独创，在润一润吃的这一份，榴莲选材不错，香气和味道都是挺可以的，黑糯米比较多，整一份还挺撑的，冰淇淋什么的都没有很大的特别之处，平平。HK$41 ，主要是冲着榴莲去的，价格稍贵，性价比一般【黑白榴莲

住紅磡附近，最大既好處莫過於係周圍有好多甜品店，深夜肚餓或者朋友聚會散場前可以再去食返個甜品  潤一潤係我見過最多選擇既一間，中西冷熱甜品都有，而呢間甜品店最大既賣處，我諗係佢既刨冰同雪花冰  今次我就叫左個牛奶雪花，因為我剩係想食小丸子，所以就揀左個剩係可以選2款配料既，平d呀嘛！  如果鐘意食小丸子涼粉紅豆椰果既，可以揀牛奶四寶刨冰，食齊4款，但會貴少少  不過我都覺得係物超所值，大約30蚊就可以食到咁高既刨冰，仲要煉奶任加，真係好抵食！  另外，如果想食綿d既冰，可以食雪花冰，個人推介豆腐雪花冰，好有豆腐味，每款雪花冰都可以揀配料，同有水果伴碟架！

食完晚飯又係甜品時間，行過幾間糖水舖都唔啱心水，最後黎左潤一潤，因為見佢有芋圓食。自己一早鎖定食芋圓，但朋友則三心兩意唔知食咩好，餐牌上大大話話有過百款選擇，多到離哂普鮮雜果涼粉（$28）最後決定要雜果涼粉，鮮果加涼粉基本上係穩陣之選黎，雜果都幾多款，賣相還不錯。份量合理，雜果有西瓜，火龍果，哈蜜瓜，芒果同蕉，下層係涼粉加花奶，花奶溝埋涼粉水變成啡色，顏色上不甚討好，但味道ok的，激甜，咁先係食糖水吖嘛。綜合芋圓（$33）自己點了綜合芋圓，貪心嘛，一次過要哂所有配料，份量好大碗呀。如圖所見，有芋圓，南瓜圓，紫薯圓，三種都煙韌有咬口，口感不俗。另外仲有仙草，豆腐花，布甸，蓮子，紅豆，綠豆，好豐富呀～仙草同豆花都好滑，紅綠豆煮到熟透好綿，布甸甜甜的，好有驚喜竟然會加埋入糖水中，蓮子幾硬下好有咬口，略微同其他配料唔太夾。總括黎講都係激甜嘅，但我喜歡，哈哈。好足料，一碗都好飽下。價錢中等，味道ok，服務零，不用排隊不妨一試。

只要係poly學生都會知道，紅磡有間好食嘅甜品店叫潤一潤 持學生宿舍嘅同學更加會成日時不時宵夜就去食甜品~ 佢嘅甜品款式有好多種，好多都唔係啲傳統甜品款式，好多都係佢哋自己獨創嘅！當然傳統嘅佢哋都有，例如係中式糖水咁～ 我鍾意去食潤一潤因為佢嘅價錢唔貴 今次食咗芒果雪花冰， 佢將雪糕打爛咗做軟綿綿嘅冰感，配合粒粒嘅芒果， 對於鍾意食芒果嘅我嚟講，簡直係啖啖都有幸福感 我朋友點左個雜錦西米露，有芋圓西米珍珠小丸子仙草等等，配合椰汁嘅。 但係椰汁味好淡，朋友表示有少少失望，但係算足料嘅。

天氣熱，總會想食d冰冰涼涼既甜品解解暑。 琴日tea time 時間同男友去左潤一潤， 簡左楊支甘露雪糕同芒果綿花冰~ 甜品上既速度都幾快~楊支甘露雪糕本身既料都幾多， 等個芒果雪糕溶左d之後，味道更加濃郁， 唔錯！ 食左楊支甘露之後，再食個綿花冰，反而覺得綿花冰冇咩芒果味，得少少甜。。。 不過過左陣之後，將個綿花冰夾埋d小丸子食，個口感同味道又幾唔錯wo~

甘啱有朋友經過屋企附近 落去一齊食個糖水 呢間出名抵食 今次叫咗法式焦糖燉蛋 都係＄30 中規中矩正正常常 都唔會話好甜 略嫌唔夠凍 如果唔係 呢個價格都算完美 而朋友就叫咗個牛奶冰 都夠牛奶味😂 抵食過對面街個間既棉棉冰

自問食甜品都算食得多，真係從來未食過啲咁健康嘅甜品。第一款係紅豆雪糕涼粉，上到嚟果下外表唔錯，雪糕大大舊。一食第一啖，淡到冇朋友，好似唔記得落糖水咁。諗住紅豆有啲甜味唔緊要點知都係冇。最後好勉強咁完成賽事。第二款芋圓先係伏中之伏。當中使用淡奶加椰汁嘅組合。椰汁同丸子苦中帶甘。對於以上組合只能夠表達不解，食完個口澀左半個鐘。喺香港做甜品都算係戰場。14/2本身都係大時大節，適逢春假隔離大部分嘅甜品店都冇開。食完依間之後總算明白點解隔離果啲夠膽大安旨意唔開😂

喺附近食完 lunch，同朋友搵個地方繼續吹下水。去到潤一潤嗰陣啱啱開鋪無幾耐，得老闆娘一個，所以有好幾個想嗌嘅甜品都未準備好，老闆娘好好態度甘解釋翻，亦無因為一開鋪手忙腳亂就 hea你或者粗聲粗氣甘答你，令人覺得坐落都舒服好多。我最後嗌咗牛奶紅豆丸子刨冰，朋友就嗌咗芒果小丸子。刨冰大份到成座塔甘，不過冰粒感好重，口感普通之餘亦帶黎另一個問題，就係無辦法由上面開始食起，而係只能夠慢慢用勺挫個刨冰搭嘅底部甘食，於是個搭就越黎越搖搖欲墜，於此同時個碗亦裝得好滿，食嗰陣都有D驚佢冧低令碗入面嘅紅豆丸子瀉出黎。牛奶其實即係煉奶，配搭起黎味道其實係 OK嘅，不過原本嗌嗰陣以為真係牛奶，所以第一下入口嗰陣就有少少失望。呢個價錢就唔好預紅豆會大粒飽滿，但值得一讚嘅係丸子嘅份量都頗足。亦試咗朋友嗌嘅芒果小丸子，同樣地丸子份量足夠，不過唔算煙韌，芒果粒大大粒且甜度適中，微酸，個底唔會甜到漏，應該無另外加或者只係加咗少少糖水落去。總括而言，廿幾蚊嘅價錢可以有個地方慢慢坐下又食到份量足嘅甜品，都算幾抵，就價格而言，味道亦合理。埋單嗰陣老闆娘好親切，令人感受到頗難得嘅人情味。

住紅磡既朋友介紹，嚟到依家甜品鋪😛朋友極力介紹，所以我地都好有期望🙈🙈餐牌有好多款唔同既甜品，價錢都係正常甜品鋪既價錢中伏之一係好多人介紹既牛奶雪花冰($36)🙁無可否認，牛奶味好重，但係其他配料係配搭上未有令雪花冰既味道提升不停咁食牛奶糖既感覺，好快就覺得太甜，食膩左🙈我地一行三人都食唔晒，實在係太甜~芒果小丸子($27)係另一大伏，小丸子食落一陣麵粉味🙈正常小丸子應有既煙韌都欠奉好彩最好都有一個好食既榴槤雪糕冰露($44)好多口肉，好足料，榴槤味好重雪糕同冰露加埋榴槤一齊食，互相配搭令三樣嘢都更加好味總括嚟講，我地都覺得只係一間好普通既甜品鋪~

呢度係住Poly Hall 必食夜宵 係大家嘅集體回憶😋😭 去左外國exchange 兩個月 最掛住嘅就係潤一潤嘅宵夜 我最愛嘅四寶刨冰😋😋 係外國冇啖好食 夜晚得d bar 就會好掛住係香港夜晚12點落街食碗好正嘅甜品！呢間點超多款甜品選擇,中西式都有,超多芒果榴連甜品！有好多款雪花冰&刨冰🍧 中式有我最愛嘅黑糯米😋😋一見到餐牌有咁多款簡 我d選擇困難症就發作@@ 呢間店係家族生意 老闆娘都好好人 服務唔錯👍 好鍾意香港d 小店最有人情味👍

第二次幫襯呢間甜品店，價錢未致於好平好抵，但比起平時出面食同款甜品，價錢已經算平果批了；雖然店唔大，但款式亦都好多，試了幾款，朋友們亦一致認為好味。本人最鐘意既係抹茶雪花冰，冰底好夠抹茶味，雪糕好滑抹茶味濃，唔會太奶。朋友試既榴蓮冰評價亦好高，好夠榴蓮味。而多人分享既芒果涼粉$90，都算大盤，但同b仔相比下就稍為失色，b仔會大盤d，生果亦多好多。店內座位唔多，但食完店員亦唔會9秒9收曬枱面既野趕你走，當然我地亦識趣只係坐多5分鐘，抹好嘴就離開

紅磡抵食甜品店，大學生聚腳地😜時值考試季節，同朋友係學校溫書溫到半夜，肚餓又唔知食咩好，行行下想食甜品，就梗係去潤一潤啦🤤係正火車站隔離，附近又有大學，餐廳同甜品店多如天上繁星，競爭相當激烈，潤一潤能夠係紅磡區立足多年，味道當然極為之好，同時價錢亦在可接受範圍之內。🤑考試期間早出晚歸，三餐都係錢，一貧如洗既我就簡簡單單點左個芒果椰汁紫米露，味道中規中矩，芒果應有既甜，椰準既香，同紫米既香相輔相成，咁既組合，味道絕對唔差，同芳間好味既甜品店差不多。荷包仲有彈藥既朋友當然就叫左潤一潤招牌雪花冰🤤牛奶雪花冰有濃郁既牛奶味，加上伴碟，大份得黎又唔貴（$34），韓國黎既交換生食完贊不絕口👍

同老公拍完拖後，食完晚餐後去這間糖水店食糖水 一共吃了54元。糖水店最值得推介是 “楊枝甘露涼粉”！ 楊枝甘露超級清甜，芒果很新鮮很甜，可能是當造的關係，西米露軟硬程度剛好， 西米露糖水汁很濃厚很豐富～ 涼粉咬落去很軟，像放了很久， 我喜歡吃有“爽口”的涼粉另外一款糖水是“什果西米露”，味道不錯，但是水果款式較少，不太新鮮 價錢感覺不是很便宜，可能是水果質素及款式的關係

同朋友去左呢間甜品鋪食，大約4,5 點，可能係岩岩開鋪掛，食物質素真係令我地不敢恭維。首先係個士多啤梨芭菲，一拎上黎，個杯身有好多士多啤梨醬，勁污糟。士多啤梨超酸，仲有陣怪味，百力枝同粟米片都變軟左，舊蛋糕乜味都無，最可怕既係舊雪糕係黏嫁。。。拉到出絲。。。有陣好假既士多啤梨味至於朋友個心太軟。。。個心係凍既，入面仲有舊未溶哂既朱古力，好明顯係焗得唔夠時間啦因為d店員望落很不友善，我地都廢事換啦，無下次

沒有比潤一潤甜品屋更「街坊」的小店，看著它由一間擴充大一半，晚晚經過也是坐無虛席。不輪是一家大細﹑理工大學生﹑街裏愛人一對對﹑連菲傭姐姐都會來買外賣糖水的。是晚晚飯完畢走來散散步順便買糖水回家：最最最大碗又抵食的石磨芝麻糊芝麻糊杰撻撻，真材實料。$17真係邊度搵？芒果黑糯米 + 芒果西米露多多芒果，黑燸米亦都好有咬口。楊枝金露芒果汁好濃，芒果大大粒又甜，配埋西柚，絕對係夏日消暑之選。餐牌仲有一款楊枝金露可以加芒果雪糕添！原味木糠布甸好多次都因為賣哂而食唔到，今次Oreo木糠布甸亦冇哂… 但老闆娘話仲有木糠布甸，所以就要一個啦～木糠布甸分三層，梅花間竹嘅香滑奶油同幼消化餅碎，凍食軟綿綿的感覺很窩心！等外賣對間老闆娘都會有講有笑，仲讚我咁乖買糖水比屋企人食。就算係外賣亦唔會減少份量，好均真！