潤一潤甜品屋

Open Now

Now Closed

同朋友去左呢間甜品鋪食，大約4,5 點，可能係岩岩開鋪掛，食物質素真係令我地不敢恭維。首先係個士多啤梨芭菲，一拎上黎，個杯身有好多士多啤梨醬，勁污糟。士多啤梨超酸，仲有陣怪味，百力枝同粟米片都變軟左，舊蛋糕乜味都無，最可怕既係舊雪糕係黏嫁。。。拉到出絲。。。有陣好假既士多啤梨味至於朋友個心太軟。。。個心係凍既，入面仲有舊未溶哂既朱古力，好明顯係焗得唔夠時間啦因為d店員望落很不友善，我地都廢事換啦，無下次

沒有比潤一潤甜品屋更「街坊」的小店，看著它由一間擴充大一半，晚晚經過也是坐無虛席。不輪是一家大細﹑理工大學生﹑街裏愛人一對對﹑連菲傭姐姐都會來買外賣糖水的。是晚晚飯完畢走來散散步順便買糖水回家：最最最大碗又抵食的石磨芝麻糊芝麻糊杰撻撻，真材實料。$17真係邊度搵？芒果黑糯米 + 芒果西米露多多芒果，黑燸米亦都好有咬口。楊枝金露芒果汁好濃，芒果大大粒又甜，配埋西柚，絕對係夏日消暑之選。餐牌仲有一款楊枝金露可以加芒果雪糕添！原味木糠布甸好多次都因為賣哂而食唔到，今次Oreo木糠布甸亦冇哂… 但老闆娘話仲有木糠布甸，所以就要一個啦～木糠布甸分三層，梅花間竹嘅香滑奶油同幼消化餅碎，凍食軟綿綿的感覺很窩心！等外賣對間老闆娘都會有講有笑，仲讚我咁乖買糖水比屋企人食。就算係外賣亦唔會減少份量，好均真！

上網見到有人推介呢間糖水，於是就同朋友一齊來試吓。我哋11點鐘左右去到，門外非常多人，我哋等左大約10分鐘左右就有位。呢間鋪頭鋪面唔算大，人手唔算多，但係竟然有超過百款嘅糖水選擇。但係同朋友都揀唔落手所以最後我哋都揀咗雪花冰，分別係綠茶雪花冰配小丸子（$30）同豆腐雪花冰配涼粉（$30）。等左10分鐘左右甜品就到啦，估唔到＄30來講份量都幾多。綠茶味道濃郁，食得出有陣牛奶味，不錯。而豆腐反而比我嘅驚喜更加大，因為食過坊間好多豆腐味嘅雪花冰，好多都淡而無味，但估唔到呢間鋪頭可以做到濃郁嘅豆腐味，超級推介豆腐味！冇食過呢間鋪頭嘅其他糖水，但係個人而言雪花冰係唔錯，＄30嘅價錢份量都算多而且入味。

本身食開紅磡另一間糖水舖，諗住試下新野，同樣叫左芝麻糊豆腐花同芝麻湯圓薑糖水。兩碗賣相不錯，不過食落去豆腐花好淡同無豆味，得水喉水味😨，芝麻湯圓正常味但係薑糖水太甜，味道實在比不上另一間，中伏一次就感受到舊不如新

同朋友食完飯就去食糖水，搵到呢間見個食評都唔差以為都ok la ,點知中伏，真係無諗過咁普通。。仲諗住叫最簡單既野，芝麻糊無，合桃糊無，蕃薯糖水無。朋友叫左個奶凍，無驚喜，而且寫3.6但一點味道都無，食完仲肚柯………另外叫左個芒果朱古力雪花冰，但味道完成唔夾，而且食完都有點肚痛。連湯丸最簡單都可以咁難食……真係唔好信食評，試完一次都陪了仲有個男待應無咩禮貌，好似唔休做咁…無下次

紅磡街多野食，而今次就因為朋友既活動，等佢等得太耐而迫左佢請食糖水，而佢就帶左我黎呢一度食。呢一度望落去其實會覺得比較細小，但係糖水既選擇並唔少架咼，而價錢位亦都中規中矩。講話係食糖水，但係我就選擇左一個綿綿冰。感覺上依家少左一啲整綿綿冰整得好食既店，而即使整得好食既店都有機會被錯既配料配搭整到唔好食。今次我點左呢個係芒果加朱古力味既綿綿冰，而配料竟然係可以選擇豆腐花！呢一種配搭我以前應該未試過。先講綿綿冰，整體上佢做得幾好，真係綿綿而唔係粒粒冰，做得粉粉地而且可以一條條咁整開黎食。而配上豆腐花既果種淡淡地既味道，甜既配上淡既，感覺上味道都唔會相撞，所以整體個感覺都幾新奇而且好食。

每次經過都想客滿，今日睇戲後見有位諗住終於可以試下係咪真係咁掂。點知，可一不可再。新春唔夠人手招待可以體諒，入到鋪無人招呼連menu都無得睇，好似食自助餐咁。想食咩無咩，番薯加湯圓無番薯，腐竹雞蛋無雞蛋，芝麻合桃無芝麻。。咁究竟有咩？滿心期待咁坐低，一樣野都無食就走左。新年唔代表要包容掛朋友食左兩個雪花冰，零特別，完全揾唔到原因點解要等咁耐食兩個唔係招牌人氣嘅甜品。招牌人氣幾本上係out of supply，基本上無枱都係食梗冰，唔通要開鋪即食先有stock？

系紅磡食完晚飯，跟住就直落食甜品。紅磡甘多甜品鋪，冇奶油唔食甘浪費。同fd揀左潤一潤，好似比較出名同多人食。入到去都幾多人，店面唔算大，所以位置都比較窄。坐低之後，我就揀左個熱既花奶紫米露。十幾蚊，天氣凍既時候食都幾好。食落普普通通，系一般紫米露既水準。我兩個fd就揀左芒果冰同榴蓮冰。個榴蓮冰都幾貴，好似四十蚊左右。不過好大杯，榴蓮味重，幾足料，可以兩個人share一杯。上面個雪糕口感好綿，食得出好多榴蓮系入面。芒果冰就三十幾蚊，芒果好大塊，又系一個人食唔曬，但d芒果有d酸。值得推介既系個雪糕，又系好足料，“筆”落去好“傑”。兩個人一齊食都幾抵。

朱古力芭菲真係好足料大大一個朱古力雪糕球，要食快D，因為融得好快，會滿噻出嚟除左面頭點綴嘅士多啤梨，雪糕下面，仲有好多種生果，有芒果，波羅，香蕉，奇異果🤓*好多餐單上嘅甜品，佢都冇得賣

話說以前食完飯，就最鐘意同朋友黎呢到吃碗糖水。次次黎都會叫碗楊枝甘露，咁大碗都係26蚊，好岩窮學生嘅我。楊枝甘露味道依然，面頭勁多柚肉，苦苦澀澀，酸味味，好正。友人就叫左個芒果冰，勁大份，唔算特別好食，但勝在夠抵食。

呢間甜品鋪一到夜晚就有好多人排隊，我地一行八人閒日夜晚去，都等左十五分鐘先有位😂店入面都幾多選擇，多到唔知食咩好，不過呢度芭菲好吸睛，大大杯！朋友叫左榴槤，好夠味，中意既人會覺得好香！朱古力味比較大路。好多野有得雙拼，好似楊枝甘露豆腐花。芒果丸子都唔錯。焦糖燉蛋賣相靚，又好食，只係等得比較耐。最平十幾蚊已經有碗糖水，抵食！不過預會坐得逼少少。

這間糖水相信是紅磡人必到的宵夜糖水地因為價廉物美 價格合理份量多而且味道不錯與友人於黃埔看完電影後便來個糖水吧！本來想吃牛奶冰但因為想節制一下自己所以便點了芒果黑糯米～$25芒果與黑糯米份量不少芒果夠甜！吃完滿足地離開

炎炎夏日 即使係夜晚都好需要冷氣 睇完戲經過唸起上次食唔到個士多啤梨味芭菲 又想同朋友搵個地方傾計 就入左去滿足下兩個願望啦 真心唔錯 之前經朋友介紹食過一次 再黎食個質素依然好好 可能因為係平日 等候時間亦較短 5分鐘可能都冇已經有位 叫完野食都唔洗3分鐘就送到 美中不足係多啤梨味芭菲又賣曬 始終都係試佢試唔到 不過朱古力(右上)同抺茶味芭菲(右下)都好好食 超級足料 食生果都食飽左！ 至於牛奶四寶刨冰直頭冇得輸 有涼粉紅豆小丸子同椰果 QQ口感彈牙 配刨冰真係絕 係多料到跌出黎 到最後 一碗好簡單ge甜品 楊枝甘露 講真冇咩特別 加上周圍都有得食 唔講太多 一句講晒 唔差！

食完晚飯後黎多個糖水好正常丫～ 又黎到呢間～ 呢度款式多價錢又合理～ 所以經常黎幫襯～ 九點左右黎到⋯未算太多人～上次試過芒果小丸子～ 小丸子好煙靭👍🏻👍🏻 我不嬲好鐘意食口感QQ既芋圓～ 諗住小丸子好食⋯都係麵粉類既芋圓應該都唔差掛⋯所以今次就嗌個黑糖芋圓豆腐花！充滿期待地試粒芋圓⋯唔煙靭既🙈🙈🙈 芋圓中間仲夾雜住類似麵粉粒定佢真材實料得濟既芋頭粒⋯蕃薯圓就有層透明既包係外面⋯又係唔Q既😭😭 反而豆腐花好有驚喜～ 估唔到咁滑～ 配上黑糖薑汁底好好味～ 念在平時食果d都幾好食～ 照俾好評啦～

今日放學就同同學去吹吹水吐下苦水，大家工作壓力都咁大，唔吹水可能會負能量至死。我地就揀左呢間食，見近近地又搵唔到糖蓮子，唯有委就下。我地叫左個楊枝甘露同埋芝麻糊仲有生寄桑茶（如果冇記錯個名嘅話）寄桑茶都係普普通通，都夠料嘅，反而個楊枝甘露就真係冇諗過咁細杯了。不過味道還好....至於個熱芝麻糊都ok啦，起碼夠熱，但芝麻味唔太重，所以就整體評分ok 啦下次可以再試下其他甜品嘅⋯⋯