潤一潤甜品屋

Open Now

Now Closed

夏日熱辣辣☀️☀️點少得成座山咁樣嘅刨冰一見到已經透心涼，刨冰加煉奶，味道好夾，又清爽！食落又解渴，又冰涼丸子同涼粉份量都算多，丸子好有咬口！不錯😃😃重點係價錢優惠，份量大，又做到良好水準！好吸引呀

潤一潤係Poly附近既一間人氣糖水舖，好多街坊同學生幾夜都會係到食個甜品先散Band，呢晚愛麗絲都唔例外，同兩位朋友係學校做完野就去潤一潤食糖水喇👧🏽💂🏼👦🏻愛麗絲點左潤一潤既人氣代表作，牛奶丸子涼粉冰😍 首先，一見到佢個外形多數啲人都會嘩一聲😂 因為條冰柱站係中間，好觸目😂 其實係一條淋上甜奶既冰，而下面就有好多粒涼粉同丸子，超多超足料😍 真係好正呀👍🏻 仲要只係$24，十分抵食，不愧係代表作👏🏼而朋友👦🏻就點左個椰汁紅豆涼粉配雲呢拿雪糕，一樣見到好多涼粉同紅豆，份量十足，就算有椰汁都唔會話好甜，係好豐富而且大眾化既甜品😉最後就係唔多中意食甜品既朋友💂🏼喇😂 佢就叫左$18既曲奇雪糕🍦 唔會好甜，而且有兩球加一粒🍓，係好食既😂

SEM尾忙，無咩時間出去玩但朋友都要見既就約左友人係甜品鋪相聚閒聊一番綠茶芭菲雪糕無咩特別，近cream類甜多於茶澀味仲放左兩枝綠茶百力滋做裝飾紅豆蓉太甜都無咩點食但價錢相宜，不失為相聚好地方

唔開心既時候，其實最好就係食番個甜品，就會立刻cheer up 番甜品可以話係女生既第二個胃，雖然食完飯，但都一定要食個甜品令自己開心一下今日就來到潤一潤呢度，食番個雪糕西米露先。夏日炎炎，食番D凍野就最適合。首先個雪糕有濃濃既牛奶味，西米露入面D西米又煮得剛剛好，唔會太"lum"爛。同時，呢個雪糕西米露甜度剛剛好，而且都好有奶味，甜得來又唔會太膩。雪糕再配合西米露的確係一個好好既配搭，令人食過番尋味。食完個甜品的確令人心情都好番

潤一潤曾經係學生時期最常幫襯嘅糖水店。相隔咁耐無嚟，原來店舖擴建左，開埋旁邊嘅舖位。糖水都係大路野，最記得嘅係刨冰，所以都係叫返碗回味下。 $26四寶牛奶刨冰係抵食之選，配料有涼粉、椰果、紅豆加小丸子。配料俾得大方，食極都有。刨冰配練奶就至夾。刨冰好夠份量，兩個人食都夠。而且勁冰，要用羹係咁整碎先食到。夏日炎炎，食冰冰至啱。以咁嘅價錢，食到咁具份量嘅刨冰，係香港真係無嘜幾間做到。芒果小丸子個芒果汁甜左少少，幸好小丸子做得幾好，夠煙韌，而且細細粒，好好咬。配料仲有椰果，所以有不同嘅口感，而芒果亦夠哂甜。雖然未係最好食，款式亦平凡，但確係抵食。

楊枝金露布甸 就不用多說了早前既食評也有介紹只係個杯吾同左用左扎身高身既杯布甸以然仲係咁滑身榴槤西米露好大舊榴槤肉好香 用熟一熟既榴槤但西米露配上榴槤就食不到椰汁的味道食既每一啖都可以有榴槤肉 好常吸引

去完poly探朋友，一齊去食甜品，介紹我地嚟潤一潤食牛奶四寶，牛奶四寶有牛奶挫冰，小丸子，涼粉，紅豆同椰果，挫冰個形狀唔同平時既綿花冰都唔似韓式一碗個d，呢個係好似一條冰柱咁既，食既時候要小心翼翼咁刮d冰落嚟食，條冰柱都幾高，好驚佢倒塌，一齊食好有玩緊層層疊既緊張感xd 味道方面，牛奶味幾重，唔係靜係得面頭有，係淡淡都有，同紅豆好夾，融咗係底既汁勁好飲，就係平時食涼粉個種汁，太正我地飲曬。

朋友生日飯後到了這間店吃甜品。。4個人分別點了雞蛋腐竹糖水, 什果西米露加番石榴雪糕, 四式牛奶冰和抹茶芭菲 雞蛋腐竹糖水 ~ 好味。。d 腐竹溶晒。。勁正西米露ok..個雪糕好滑。。牛奶冰和芭菲朋友說不錯

芒果芭菲芒果雪糕改左曲奇雪糕雪糕大大個 配上忌廉旁邊有芒果 非常新鮮有好多棉花糖兩支芒果棒 味道一般有好多既朱古力脆脆中間有椰果 爆爆珠 小丸子最底雜果 一粒藍莓 一片奇異果 一片菠蘿乳酪西瓜冰最頂有一球乳酪冰 乳酪味較少西瓜冰 冰太少 最好既係原汁原味既西瓜汁 沒有加糖水 所以吾會咁甜

星期六, 晚上8:30pm, 以前得一間鋪, 而家有二間啦. 唔使等位.有齊中式, 西式, 新款甜品. 有凍有熱. 好齊款, 總有一款岩心水.友人只愛雪花冰, 我就中意榴槤.- 榴槤黑糯米配榴槤雪糕 ($37) : 黑糯米有咬口, 帶煙韌, 配椰醬好香, 又唔會太甜.榴槤好足料, 而且又甜又香. 榴槤雪糕既榴槤味比較淡, 可能因為榴槤太好味, 個雪糕就比下去. - 朱古力雪花冰 (棉花糖) ($32) :雪花冰整得好輕盈, 天氣夠凍所以唔會靼快溶, 朱古力味濃郁. 生果都好鮮甜.

呢間既木槺布甸有兩款味 原味或Oreo味Oreo就吾係成日有所以每次問左有冇先決定食木槺布甸Oreo有4層上下各一層 中間兩層Cream位有3層Oreo適中 不會太少配上中間Cream 凍凍地 又吾會太硬23蚊朋友食榴槤黑糯米27蚊

真係食極不厭朋友們都愛來今次就要試下另一款了不能次次都一樣 冇新意芒果朱古力棉花冰配上Oreo碎 仲有雜果（哈蜜瓜 西瓜 火龍果 菠蘿有少少酸）芒果味不夠 朱古力味一黎就聞到 夠灑濃配上Oreo碎幾好食朱古力香蕉咼夫賣相好靚有朱古力雪糕有朱古力榛子醬 就好似金莎入邊既醬一樣 將咼夫點上醬食真係好配以下兩個不說了因為以前已經打左食評同埋都係朋友食既

有兩款餐牌 硬身餐牌就方便睇芒果涼粉糖水味不夠 煉奶也很少芒果份量足夠 酸酸甜甜咁小丸子刨冰我剩係食左啲小丸子 原來呢到啲小丸子好林 好in un 好有咬好芒果河粉上面有透明一粒粒 吾知係乜河粉係有椰子味 配上芒果汁

很少地方仲有平民價但睇住佢由開鋪18蚊刨冰柱勁大依嫁加到22蚊刨冰柱勁幼好在可以多煉奶 佢內裡刨冰要普通水製成加上煉奶 同 牛奶 食到中間會開始得水味丸子一般味道但趕時間者建議食其他 我最耐試過等個半鐘都未有

每次來到紅磡經過這裡都大排長龍，心郁郁想試一試。這天晚上跟家人覓食，剛好又經過，而又不用等位，就入去試吧! 我們一行10人，要拍3張四人長枱成1大枱，也坐得有少少逼。打開餐牌，款式多的是! 最後敵不過香蕉船的誘惑，可從曲奇、綠茶、豆腐、雲呢拿、朱古力、芒果等，自選3款雪糕，而我選了曲奇及豆腐，再加朱古力點綴一下。香蕉船賣相不錯呢，香蕉好甜及十分新鮮。雪糕好軟滑，朱古力雪糕味道亦足，剛剛好，不太甜。豆腐味就較遜色，幾乎吃不出味道。另曲奇真是值得推介，曲奇碎足料，味道夠濃。不過整體朱古力醬不太夠，如多些會更好。偷了細佬選了曲奇芭菲吃幾口，杯上插了幾塊OREO餅餅及阿華田粒粒，內藏芒果添，好好味。另外家人叫的甜品貌相也不錯呢，但沒有試過，所以不能盡錄......下次也會再來的吧!