潮味苑

Open Now

Now Closed

很久之前答應朋友要一齊來試試潮州菜，拖了很久今天終於來兑然承諾。看了這開餐廳的食評，有食客對它讚口不絕，也有食客評得體無完膚，幾極端的comments。見它的餐牌價錢非常抵食，今天即管來試試。未吃到食物前先嚐到了老細和店員的熱情。被問到是否第一次來試，我們異口同聲說了”係呀”後，老細立即好熱情地介紹他們餐廳有什麼好吃的有什麼出名的😂 不是hard-sell，感覺像街坊鄰里那種想分享吃好東西的感覺。不過其實我們已做足功課點了最熱門的幾款小菜: 魚蛋米$28 鵝片 $98 蠔仔粥(碗) $52 煎蠔餅 $78 豆醬通菜 $58這間餐廳真抵食！看價錢看別人照片都覺得份量合理，現場看原來份量那麼多！一滿枱的餸，嚇死寶寶了，哪吃得完呀？魚蛋米$28 你看這碗只要$28?! 一整碗滿滿的魚蛋只要$28?! 不是吧！是因為在深水埗？平時很少涉足這地區，這價錢在港島區找不到吧！店員一再推薦的手打魚蛋，彈牙頗濃郁的味道，個人覺得蘿蔔更出色！鮮甜美味！只要$28但米粉份量不少！驚喜！蠔仔粥(碗) $52 人人必點的蠔仔粥，我們也點了一碗來試試！很不錯，鮮甜的蠔，配上軟身的粥，粥裡還有鮮味的蝦乾，粥不是那綿

上次食完意猶末盡仲有多款菜式仲末品嚐得到，所以趁今日得閒就帶同埋奶奶再度光臨本店我地6點幾黎到，店內已經坐滿客人咁仔，好難得先搵到個位置坐低點野食！！今次我地依舊點左碗蠔仔粥同埋一份細既滷水拼盤外加點左一碟鮮蝦水瓜烙、滷水鵝片有多款潮式食品供選擇，食多幾次都唔會厭，因為d菜式多到試唔完。最好就係成班人黎食，可以點多幾款菜式，一次過試多幾款，齊齊開心share!!我見格離枱都有自備酒水到來，老闆都無say no,真係無得彈👍🏻👍🏻等緊食物到來既時候無聊周圍望下，望到牆上貼滿了多位明星等人相片合照&品評。睇得出小店雖然位於深水埗平民區當中，但仍然吸引了不少五湖四海既客人幕名而來品嘗，受歡迎程度真係不用多說，有目共睹👏🏻熱檸水$13主角終於到來蠔仔粥$52（碗）同上次一樣份量十足，蠔仔多&肥美大隻再配上肉碎、香蔥、方魚等配料，味道鮮甜美味！滷水細拼$128呢到份量足夠三個人食用，大大碟咩都有d。本人最為推介既係鵝腸，咬落去爽滑彈牙，又唔多肥膏，自己係屋企整真係末必能夠煮到咁好食，最主要係滷水味濃，全部都滷得好入味！！必點菜式之一滷水鵝片$98又係滷得好入味，肥瘦適中，咬落去啖啖肉，太好食既關

約咗幾個同學仔互相指導溫書幾個鐘，發現有不明既聲響個肚響到呢立即係附近搵間就腳既餐廳, 潮味苑入到去立即叫咗碗四寶河快靚正，share食醫咗肚先，再慢慢等其他小菜門口就見到咁多鹵水野，唔食都對唔住自己, 就叫個細既鹵水, 再睇個餐牌有個好特別既 - 三絲炒魚麵，可能我出街食飯比較少，魚麵可以炒，我地就試試，大致上方向有晒，落單!唔該，姐姐!姐姐落單後，提意我地食返個菜，飲食平衡啲，好啦，叫個方魚芥蘭四寶河 - 個河好滑溜, 滑到直入喉嚨鹵水拼盤(細) - 嘩!黎到一望之下，無十樣都有八樣，每樣試一舊都飽飽每樣鹵水都好入味方魚芥蘭 - 對我地黎啲要飲食平衡，黎個方魚芥蘭非常好食，個方魚同芥蘭大家都搶住黎食，鮮甜爽脆，姐姐一啲都無介紹錯三絲炒魚麵 - 最期待既魚麵黎啦，頭兩樣賣相都好靚，但黎個試下味先，，入口好QQ，味道唔太濃味，濕濕地好好食食完好似個肚仲差啲咁，問下姐姐有乜好介紹下(話晒姐姐介紹咗個咁正既方魚芥蘭)姐姐話食個甜品啦，綠豆爽!唔錯架! 我地已經聽晒姐姐話，每人一個呀，唔該!甜甜既綠豆爽，剛剛填飽最後既位置，姐姐真係比個叻你

一個人到深水埗辦點事，循例吃個飯才回去。在這區，平民美食可謂多的是，好像是永遠也可找到新發現，新寶藏似的....這一間"潮味苑"，好像是一所新店。人流也蠻暢旺，想必是跟她身處大路當眼的地方有關吧....碰巧遇著吃飯時間，店內一位難求。但我只是得一支公，要找個位，不難....要快食，最方便莫過於點一碟鹵水碟頭飯。師傅只需嗶飯上碟，再將鹵水嘢切片後舖上飯面就可上桌....今天選了鵝肉加上五花腩肉作料。說到這兒的鹵水，味沒有過鹹，吃得出有香料的香氣，色水沈鬱，是頗出色的....有了這樣的鹵水，東西鹵出來的味道自亦不差。鵝肉是帶點肥，皮下仍存有一小層膏，入口自亦不會寡。肉不太難咬但又不算非常淰軟，水準中規中矩....至於五花腩呢，皮厚帶爽，吃下去帶點起膠。瘦肉位不柴，食起來比鵝肉更出色....而且最重要是，肉量足夠得舖滿大半隻碟，再加上有大量的鹵豆腐及大豆芽菜墊底，保證您一定吃得飽....這一類"為人民服務"的食店，我是最愛的了....

忘不了的滷水鵝呢間餐廳我已經食完再食幾次😋。但次次一個人，試唔得多菜式。今次三五知己收工輕輕鬆鬆鄧子峰一齊食，終於可以試多幾個餸。位於長沙灣政府合署斜對面，門面光亮搶眼見到個滷水架款式繁多麻葉，蜆仔肉，這些比較少有的潮洲食品都有鵝片：滷水汁正，鵝肉入味，肉下係軟綿綿豆腐加芽菜，每次都沒有令我失望。蠔仔粥：多蠔仔之餘，粒粒飽滿，好想問下老闆係邊入貨😂當然唔少得比較少見的潮州菜，韮菜裸，糖醋面，鮮蝦水瓜絡....都十分值得一試。師傅煎得兩面剛好，香脆可口。下次我重想試凍烏頭，滷水大併，反沙芋，方魚芥蘭......不過要叫多幾個朋友先得啦😂

同樣是晚上來, 客座7成, 呢次叫咗紫菜四丸河, 所有丸只有一粒, 片則有二, 大量紫菜, 河粉亦足夠份量, 價位比潮式魚旦粉麵店平易3-4蚊, 丸的味道唔差亦有咬口, 冰鎮墨魚片, 口感偏硬要點牙力, 這款平時較少吃, 但凍食則感覺不了什麼墨魚的香味, 只靠豉油同青芥辣調味可能太直接又或者呢兩種調味太霸道的關係, 除咗那兩種味道, 墨魚味則沒有多少了, 可能食輕焯會好一點,蠔餅是簿煎那一種, 感覺上會食到多一點蠔肉,少一點粉漿吸油也少一點,不過始終是用比較多油去製作的一道菜, 碟底的菜絲都索咗唔少油,豬紅好大碗, 個汁味好重, 就咁淨食會吃不了太多, 最好是一大堆人才好叫來吃!

朋友今日帶我們去深水埗長沙環政府合署斜對面一間新開嘅潮州美食館—潮味苑食晚飯。八點左右已經坐無虛席, 茶餐廳的格局,餐廳牆壁上掛滿很多老闆同名人的合照,還有一些佳餚的相片。蠔仔粥,材料比例十足, 蠔仔很新鮮又肥美,比目魚碎加強蠔仔粥咬感,剛柔並重, 但工作辛苦了一天食蠔仔粥係最好,因為蠔仔可以提高精力,令自己精神。牙帶魚好甘香,外皮煎到金黃色, 。韭菜蜆肉,出事我以為是有冇食開d蜆肉,但是原來它是用，珍珠蠔肉,聽到人家說如果用手一隻一隻拆殼,這些珍珠蠔肉都是在大陸工廠拆殼的。不要看他衹是一小點，但份量真的很多,我們都食不完。但是說這一個令我想起以前在大陸宵夜的時候,好像大陸朋友也會點這個來食的。潮州打冷鵝片是不可缺少的,鵝片晶瑩通透起碼一碟有十塊以上,它比一般鵝片切得大塊,師傅刀功十足。下面配有芽菜,豆腐，花生,這些配菜加添了滷水汁分外入味。朋友點了一碗牛筋雲吞麵,它的雲吞麵質堿水味不重,尚算ok。香港雲吞麵最好一樣嘢,就係鮮蝦特別多,呢隻都算是香港典型的雲吞。朋友話牛筋也不錯。見到隔離台自己帶酒水,一邊打冷一邊飲啤酒,老闆都無唔俾,非常大方。今日肝火上昇,所以唔食煎炸野,下次可以試其

父親大人想食潮州菜，對我來說只懂得打冷找到這間潮州菜 “潮味苑”，就一試潮州菜，因為得兩個人點菜都有點困難，熱情的侍應介紹三樣食品 - 蠔餅，糖醋麵及反沙芋蠔餅有分煎及炸最後點了煎蠔餅，蠔及蛋味互相配合之下特別突出，口感滑溜，又不致於太多油，一下子成碟煎蠔餅落到肚糖醋麵接住上菜，煎到兩面黃，香脆可口，再灑上醋及糖，胃口大增，想不到兩個人都可以食清最後甜品 - 潮州反沙芋，反沙芋聽得多，但不是很多地方可以食到，當然要一試，成碟都係糖，但咬一下脆脆的糖衣，接著乾身的芋頭，非常味美，見父親大人對這餐父親節飯非常滿意，已經滿足

聽聞深水埗有間約出名號潮州食店好好味， 今日就去試吓。蠔仔粥蠔仔粥都幾大碗，，二人份量，飯粒浸咗喺湯內，軟綿綿 ，加上蠔仔大大粒，配上肉碎，方魚，香蔥，少許芹菜碎，味道幾鮮味。白飯魚煎蛋白飯魚煎蛋 ，白飯都幾大條，蛋漿煎不過煎得唔太脆， 但喺吃落就品嚐到白飯魚嘅鮮味，蛋嘅香滑，是道幾送飯嘅菜式。糖醋麵糖醋麵煎到兩面王，點完醋再加點糖齊吃，都好正。

深水埗西九龍往續領車牌後，見到間鹵水專門店， 入去試試，老闆好熱誠招待，坐底再望吓牆上掛滿招牌菜式，仲有好多與客人嘅照片，心想呢間店舖菜式應平靚正。鹵水拼盤鹵水拼盤相當有睇頭，大大碟內有鹵水鵝， 五花腩肉，大腸，鵝腎，豬頸肉，生腸，鹵水蛋，墨魚片，鵝血片，紅腸，豆腐，仲有花生，大豆芽菜，墊底， 各樣嘅食材都好淋滑，其中鵝血片喺鹵水店好少有，極滋味。是一道送酒嘅好佳餚。蠔仔粥蠔仔粥大大碗，二人份量，飯粒軟滑，加上蠔仔大大粒，配上肉碎，方魚，香蔥，少許芹菜碎，味道啱啱好。白飯魚煎蛋白飯魚煎魚蛋簡直有驚喜 ，大大條白飯被蛋漿煎都香滑，唔太脆， 咁先品嚐到白飯魚嘅鮮味，蛋嘅香滑，最啱我嘅胃口。韮菜稞 韭菜稞，可能喺煎關係，皮太油膩兼有啲硬，呢個小食有啲失望。下次叫個蒸韭菜稞，可能味道好一啲。最後都要讚吓老板真的好笑容， 待客賓至如歸。整體呢菜館都算價錢公道，可以再去試吓其它菜式

之前去一直都覺得這家反沙芋好正，其他嘢又好食又大份，今晚經過深水埗就第一時間諗起這家，但令我徹底失望😞我大約九點鐘點菜9:40左右我已經食完晒所點的菜只剩下反沙芋，之後問其中一位姐姐反沙芋煮左未，佢直接話煮咗，之後話你都冇入廚房問一問， 佢跟住走入廚房問完，原來真係流咗單，我就話取消去啦，跟住另外一位姐姐八婆，就第一時間衝入廚房叫廚房即刻煮（好大聲），跟住出返嚟同我地講煮左，得五緊要，但起碼煮得好啲 ，入邊完全吾熟，出邊根本係炸芋頭，整到成Pat屎甘， 總之非常失望啦，可能我對佢期望太大了

叫左煎壕餅 椒鹽鮮魷 同鹵水豆腐加蛋鹵水野都還好 一食個壕餅 成舊都係油 冇其他肉又冇蔥成壕有小小味之外 全部都係油味 又唔夠熱 咁我不如去拎支油黎飲？到個鮮魷黎到 我諗住 算啦 壕餅難整姐 鮮魷冇事既 即刻夾一舊 一入口 唔錯呀 椒鹽整得ok 再咬 冇錯唔係咬落去 因為根本咬唔到 硬過鐵咁 都係個句 不如我叫碟椒鹽直接對落口之後先發現 周圍d食客都唔係叫潮州野 咁不如轉做茶餐廳算啦 搞咁多野開潮州茶館做乜我地真係食唔到落去 臨走呀姐仲話我地浪費食物 冇錯 係呀 但浪費個個係你地個廚囉 d壕同魷 比你煮到咁 你對唔對得住佢地呀

開店可能不足半年, 位置在馬路邊紅綠燈口, 行人如鯽但多是路過趕時間的, 店內裝飾簡潔, 坐的位置空間有點狹窄, 由打冷食物至潮州粉麵都有, 麻雀雖小五臟俱全, 第一次來必試的鹵水鵝件$88 有整隻鵝下脾,相當划算, 鵝肉柔軟度剛好沒太咸及濃味, 皮下脂肪不太厚已經算係相當滿意的第一碟,第二道係蠔仔粥, 這裡的蠔仔粥加什入了土魷絲堵加鮮味, 一個不錯的點子, 平易之餘又有些少趙口, 調味亦是剛剛好, 蠔仔亦多,第三樣係油菜, 因為這裡有粉麵做所以就咁叫油菜都OK, 無須為想食菜而叫一碟炒菜,第四樣係潮式炒魚麵, 同炒的唐芹菜特別多, 再加上有大量甘筍絲,九王, 還有幾隻蝦, 交足功課嘅魚麵, 價位中間之餘,份量夠而且阿姐服務態度蠻不錯呢! 絕對會再來的小店!

七點幾黎到，原本安排門口卡位，但個位勁熱，最後轉番入去座，好好多叫咗蠔仔粥本身叫了一窩的份量，跟住入完單，有個姐姐同我地講，見我哋叫咗其他嘢食，驚一鍋太多會食唔晒叫我地轉左一碗先唔夠先再叫真係好好人跟住蠔仔粥梗係足料，食過幾次啦今次叫埋冰鎮墨魚，點Wasabi雖然Wasabi唔太辣，但墨魚真係好好食呀又夠薄正正正炸蠔餅超好食粒粒都係蠔，不得了仲要有兩大塊食得好滿足方魚芥蘭，一般！勁少方魚最後食咗＄280左右好抵又好味

今日黎開深水埗黃金商場，又想食打冷，經過見到就入黎試下...原本想要個鹵水細拼，但問過店員細拼沒有鵝腸，於是叫左個雙拼鵝腸拼豬耳($88)，鵝腸爽口，沒有太多肥膏，正合我意^^ 豬耳柔韌爽脆，滷水汁不俗。鮮虾水瓜烙($78)漿粉比較厚，食得出下油頗重手，幸好水瓜烙本身調味不重，點上魚露都幾滋味!除左小菜，依到晚市仲有提供碟頭飯，我地叫左個鵝飯送例湯 ($56)嘩，好大份鵝飯！鵝肉分佈均勻，有胸有脾有骨落地，十分好味。例湯無味精，籮白好腍好軟。抵食又好食