潮味苑

Open Now

Now Closed

星期五約咗一班同學係深水埗食飯，呢間餐廳經過好多次，但係每次都見到太多人等位，所以冇機會試，今次卒之可以試到😋😋1. 韮菜豬紅豬紅好彈牙好入味，份量好多，正👍🏻。2. 烏頭我對魚好挑剔，好多魚都唔食，但係呢條魚令我改觀，就算唔‘點’醬都好食，有魚味唔腥，由於太多食，encore多條馬友，原來馬友仲滑仲正。3. 煎蠔餅好耐好耐好耐冇食過咁好食既蠔餅，而家好多餐廳既蠔餅都只係食到粉漿，完全冇蛋味，我已經唔敢叫呢個餸好耐，但係今晚呢個蠔餅好好食，好有蛋味，蠔仔好大粒，煎得岩岩好，唔會太燶食落口唔會好油，碟底冇多餘既油，讚👍🏻，一放低就即刻冇晒，咁好食梗係又要encore啦🤣🤣！4. 鹵水拼盤😋內臟洗得好乾淨，完全冇唔好既味道，鹵水夠入味，唔係死咸，食完之後唔會要不停飲水。5. 蠔仔粥蠔仔超大粒，好鮮味，調味好好，食完冇口渴感覺😆6. 反沙芋真係好好好好好味呀，由於太多野要食，所以食既時候已經凍咗啲，但係都冇損佢既好味，呢個餸好考廚師手勢，要煮到個糖完美咁黏係芋頭度，少啲手力都唔得，呢度完全冇令我失望😍😍！我掛住食，影咗3張相之後，其他餸都唔記得左影🤣🤣。老闆非常好客，員工好有禮貌👍🏻，唔會因

深水埗呢間潮味苑係當眼處，晚市時間都幾多人斬料返屋企，今晚同朋友嚟食吓先滷水鵝片呢味必須要點！滷水汁相當之香，鵝片份量都唔少，厚薄切得適中，食落有口感，肉質結實，重點索晒滷汁精華，好入味！底層仲有豆腐同大豆芽做配菜滷水拼盤 （細）細拼入面有好多款食物，滷水鵝、腩肉、豬耳、鵝腸、豬腸、墨魚、紅腸、雞蛋，底層有大豆芽同花生。款式真係包羅萬有，一個價錢食到咁多樣，性價比高。佢嘅滷水味道好濃，食物索晒滷水汁既精華，好好味椒鹽鮮魷新鮮熱辣炸起，外皮薄薄一層，炸到好香脆，魷魚爽口彈牙，呢度小菜真係唔錯！

同朋友突然想食打冷，就去咗最近嘅打冷餐廳食。可能因為係平日夜晚，唔算好多人，所以我地兩個人唔使排隊就入到去食，唔使大汗疊細汗～ 店內氣氛好好，店員好細心，好風趣，會問客人夠唔夠飽、夠唔夠位⋯⋯ 好warm hahaha我地嗌咗最出名嘅蠔仔粥，真係好足料！撈極都仲有蠔係入面，仲要都係$55蚊一大碗！2個人share都好夠食！！不過蠔餅就略嫌普通，個人喜歡炸脆，但係佢係煎，有啲期待落差⋯⋯ （但係我明明見到其他人係炸架⋯⋯點解我係煎嘅⋯⋯可能係我嗌錯啩⋯⋯嗚）另外，椒鹽九肚魚係脆香嘅，不過就偏鹹，又飲返多啲水。

今日同朋友聚餐，簡左打冷食，估唔到平日都要等位。蠔仔粥（碗）$55一上枱，嘩左一下，咁大碗既，湯多，但蠔仔🦪份量都冇少到，食極都有🥰鵝片 $148芽菜鋪底，鵝片皮薄肉嫩，鵝香味幾濃，加埋滷水汁，好正😋豆醬通菜 $68唔錯，唔太油，通菜都爽口同入味。福果綠豆爽 $30比我想像中好食，唔會太甜，而且綠豆煲得洽到好處，再配白果，爽甜既感覺。食完之後，我明點解堂食同外賣都咁多人啦，佢價錢算經濟，重要唔駛加一，加上又幾大份，CP值頗高。

深水埗有間正野潮州打冷見好多人都推薦黎到好多街坊起到買滷水返屋企加餸見到價錢都好平岩晒唔知買乜餸既家庭主婦👍🏻滷水拼（細）黎到打冷點可以唔食滷水拼盤雖然係細，但都已經勁大碟最鍾意食墨魚，大大片又滷得好入味爽口又彈牙，咸鮮得黎好送飯蠔仔粥好大一碗，好足料2個人share黎食都好足夠蠔仔好新鮮，咬落爆汁肉碎都好多，提升粥既鮮味呢間仲會落埋魷魚乾粥底更加鮮甜豐富糖醋麵又叫糖醋兩面黃起上海江浙一帶既傳統面食朋友叫我一定要試下以為係港式既炒面原來係由蛋麵煎香再點陳醋和砂糖，好新奇又好味

約左fd 黎深水埗行街買電腦野買完經過依間潮洲野見到爆多人買外賣餐牌唔算好豐富，但各款特色打冷必定既都刈齊哂椒鹽鮮魷熱辣辣上碟，勁香脆魷魚夠彈牙，好食～～！！豉椒炒花甲個汁炒得夠惹味，花甲份量都唔少豆醬通菜通菜仲係好翠綠，唔會炒到黃哂口感夠脆又嫩滷水細併有魷魚，生腸，大腸，紅腸等等常見滷水款式都有少少，個滷水汁好夠味d 料都吸哂味，好好食最後叫埋碗綠豆爽甜品綠豆一粒粒超粉～～～唔會一粒粒好似生豆咁粉既綠豆爽真係冇得輸！

📍 #潮味苑 in Sham Shui PoChineseFood: 💛💛💛💛 🤍Décor: 💛💛💛💛🤍Service:💛💛💛💛🤍Price Value: 💛💛💛💛🤍Price Range:💰 $100-$200Favourite:💖 Chiuchow style marinated food------------------------------- Nice local restaurant serving Chiu Chow dishes- Very delicious- Generous portions- Servers are also great and always efficient, happy and polite- Food is stunning- Can’t wait to return and wouldn’t hesitate to recommend to anyone looking for somewhere to eat in Chiuchow style marinated food- The menu offers a wide vari

去開深水埗諗住斬料返屋企加餸, 潮味苑主打食打冷, 於是叫左D滷水番去食滷水細拼 超豐富 估唔到有咁多料有豬頸肉、墨魚、豬耳、五花腩肉、豬大腸、雞腎、紅腸、雞蛋、豆腐、芽菜同花生個滷水汁好得, 所有配料都滷得非常入味,而且唔會太咸豬頸肉同墨魚好彈牙, 豬大腸夠爽又好味豆腐好滑,加上吸盡惹味既滷水汁好好味一個拼盆已經食到咁多款式, 好抵食!滷水鴨份量都幾多 滷水汁同樣醇香肉質嫩口 啖啖肉食好有口感底層仲有滷水花生、豆腐和芽菜, 沾滿滷汁好好味價錢唔貴, 成家人食都夠分, 性價比超高

好耐冇去打冷，見到呢間潮味苑好多人斬料，等我又買d返屋企食先！🔸滷水細拼 $148呢盒拼盤簡直包羅萬有: 豬頸肉 大腸 腩肉 紅腸 墨魚 鵝腎 豬耳 滷豆腐 芽菜 花生超級豐富！成盒裝滿哂～滷水汁好惹味 香得嚟又唔會死咸豬頸肉好好味 好入味豬耳口感爽口彈牙鵝腎都唔錯 口感實淨啲 無怪味豆腐勁出色 索哂滷水汁 好滋味～🔸滷水鵝片 $148鵝片肉質真係好嫩口 必食推薦配埋滷水汁 兩者真係好夾 啖啖肉食超爽 底層仲有豆腐墊住 份量好多好味又軟滑 口感一流

見好耐冇食過滷味，所以經過深水埗見到潮味苑都外賣左兩隻滷水鵝翼試吓，$40/隻。有少少貴，不過原來兩隻鵝翼都幾大盒，肉質都幾嫩滑，滷水味都正常，不過不失。滷水鵝飯大概60幾，70蚊。價錢唔平，不過喺深水埗嘅旺區，都冇辦法

上次試過碟頭鹵水鵝飯，覺得都唔錯，今次決定買個鹵水拼盤番屋企今晚加餸。鹵水鵝大拼（$228），大堆頭，大份量。除咗鵝件，仲有鵝腸、鵝肝、鵝腎、鵝紅、墨魚、生腸、豬大腸、豬頸肉、豬耳、豬肚、紅腸、鹵水蛋、鹵水豆腐、花生芽菜、酸梅。至於味道如何？整體嚟講，款款都合格以上，而且味道係好的。如果要選三甲，我會揀鵝件、鵝肝、豬耳。

好耐無去深水埗喇😎，今日經過深水埗，見到有間潮味苑潮菜館，睇落d鹵水鵝好吸引😍叫左一碟鵝髀飯，另外加左一杯熱杏仁霜。鵝髀飯賣相幾吸引，而且非常大碟，絕對夠飽除左鵝髀之外，下面仲有芽菜、花生🥜等等，唔會太單調。熱杏仁霜也不錯，香味撲鼻，而且喝下去的時候有較重的杏仁香味👍🏻👍🏻👍🏻。

好來都冇寫食評，食完之後即時有寫呢一篇嘅衝動⋯之前想打電話嚟訂位，阿姐話不設訂位，好啦坐完地鐵再轉的士來食，睇吓係咪真係咁堅…入到去，茶餐廳格無加一，當然亦都冇招呼。坐咗卡位冷氣機滴水，唔緊要始終來食嘢，咁就點餐啦。椒鹽九肚魚脆口嘅，但係冇乜味。雙棗比較出色，值得食嘅。滷水鵝同鵝腸都OK新鮮，但係滷水味好淡，非常一般。鵝血韭菜又係好似白灼咁，冇乜味。最經典呢碟啦-大鵝肝，收$180，諗住好有驚喜，點知份量少不特止，又乾又老衰過食豬潤，係我食過鵝肝入邊最差最差嘅一間，沒有之一。我懷疑佢根本係買晒，攞啲細鵝肝嚟充數。總括嚟講，你食快餐粉面冇問題，我叫餸食飯就免啦，唔會有下次！

難得去到深水埗，見到有潮州嘢食想試下，就入咗去。一個人食叫咗個滷水鵝件，你都大大碟，好滿足！賣相又吸引💕💕 忍唔住影咗幅相😆 食落味道、口感都好好！肉質都幾嫩口，真係好想食完再食！最後一個人食到太飽，食唔晒，打包拎走留返夜晚再食埋佢😆

潮味苑 (深水埗)深水埗長沙灣道254-258號亞洲大廈地下A舖今日外賣自取潮州炒麵線乾炒牛肉可由落單到拎得都係講緊10分鐘內熱辣辣 河粉炒得幾香最怕係好多油 食到成口都係