潮州仔食堂 (Closed)

喺尖沙咀搭車去荃灣，落車大雨到對鞋陣亡左。淋左雨諗下食咩驅寒。突然諗起呢一間舖頭，第一次嚟食心大心細，樣樣野都想試。就嗌咗個豬什米線胡椒湯底，另外嗌多個牛肉腸粉。湯頭胡椒味有，但唔算重，如果可以再辣啲就好啦。不過我見佢枱面都有另外白胡椒可以自行加，不過都係感覺滾過嘅胡椒先會出味。豬雜嘅份量都多，但係米線份量就比較少，張相嗰個係未食任何米線，都淨係可以夾到三小注。牛肉腸都蒸得幾滑唔會過老，啲滑口水都好好味，但係如果係牛肉片就更加開心啦。個辣椒油好桂林feel~都正。唯一希望佢米線嘅份量多返少少，咁就完美啦。

久唔久就想去潮洲仔，回味飲佢個白胡椒豬肚湯。今日食豬什王配河粉，一次過食齊晒所有豬內臟，豬肺丶豬粉腸丶豬心、豬潤丶豬大腸丶豬肚、豬黃喉丶豬紅、蝴蝶腩共十款，唔會煮得個老，配埋滑捋捋河粉食，份量十足，一碗就飽晒。白胡椒湯底微辣，容易入口，不含無味精，真材實料，飲完真係暖笠笠。

呢到最多人叫係豬什王（$54） 再加魚皮（$8）我本人麻麻豬什最後叫豬手米 （白胡椒沙底）加蘿蔔 老公叫豬粉腸娃娃菜 （半胡椒湯底）配白飯但係發生咗小插曲，老公唔食得辣，但嚟咗白胡椒湯底，飲咗兩啖，辣到佢飛起！最後餐廳都幫佢加湯變返無咁辣！我自己食得辣，個人推介白胡椒湯底，冬天飲落暖笠笠，唔食得辣都可以叫半胡椒湯底。食落無味精，但去到最後有啲咸。豬手米加蘿蔔 都好大碗下豬手乾淨 但可以更淋魚皮都好食 薄脆！浸湯食一流！豬粉腸娃娃菜配白飯淘飯一流 但去到最後覺得咸整體來講會再下次幫襯附近米線排隊排到癲 呢間可以直入！

呢間潮州仔食堂自從疫情期間之後， 每日都收晚上7點， 所以夜晚好少嚟食， 今日行過就過去食吓啦！ 兩個人叫咗一個豬什河粉， 因豬什河粉啲餸較多， 所以我就叫豬黃喉米， 兩個都叫半胡椒湯底， 凍檸檬茶少甜少冰。咁耐冇食， 佢嘅味道份量同以前差唔多， 半胡椒湯底夠晒味， 如果叫全胡椒應該仲會較辣， 我覺得半胡椒已經夠晒😋， 凍檸檬茶味道好好， 有茶味👍🏻

我好鍾意食豬什，但平常真係唔太知邊度有得食。昨日去開荃灣就見到，決定一試。去果時大約中午1點半，都差唔多坐爆晒。呢度有腸粉呀，普通啲既粉麵，一見到有豬什，點都要嘗試下！ 淨豬什$54， 加麵底就加$6。環顧四周，大家好似都係食緊豬什。豬什洗得幾乾淨，份量都好多，湯底同辣椒醬就正正常常。 我幾鍾意個豬紅同埋豬腸～食完好飽肚，暖粒粒，我諗冬天食幸福感會加倍。好難得食到豬什，好開心，一定要再嚟食下其他野～！！

必推介正綜手拉腸粉$20-30，食材新鮮，記得試蛋腸粉口感煙煙韌，營養豐富，除左蛋也有其他肉類既配搭供選擇。必食白胡椒湯底豬什米粉$5x，豬雜很難搵到間做得多種類豬內臟，而且洗得好干淨，新鮮好味，仲有配合埋特色白胡椒湯底！推介你地必食去左好多次，晏周時間無咁多人，環境闊落，每張枱都有2樽啲小配菜供自己夾來食，如果叫腸粉，粥夾來配就好夾。留意返營業時間，比較早關門，星期六日18:00就關門，17:00 Last order. 要試就早啲去啦！

我去了一家潮州仔食堂嘗試了他們的胡椒豬手湯飯。我必須承認，這道菜的味道非常不錯。豬手湯的肉質非常嫩滑，而且湯汁非常好吃加入了胡椒粉調料，使整道菜的口感更加豐富，吃起來非常開胃。😋😋😋不過，就我個人而言，我認為這道菜的味道還有提升的空間。豬手本身的味道有些單調，如果能夠加入一些其他調料，比如蔥、姜、蒜等等，會讓這道另外，我也希望這道菜的美味豬手能夠再煮得更加入一些味道，這樣湯汁的味道也能夠多一些。

豬什王（$54）有豬肺、豬粉腸、豬心、豬潤、豬脷、豬大腸、豬肚、豬黃喉、豬紅、蝴蝶腩。每款都有兩三件，份量合理。豬心、豬黃喉、蝴蝶腩呢三款幾好食。各款都沒有豬臭味同腥味。湯底要咗半胡椒，辣辣哋，不錯。白胡椒豬手河（$46）有三件豬手，皮爽肉唔韌有咬口。河粉尚算滑。白胡椒湯底都幾辣，但可接受。鮮豬潤腸粉（$34）即叫即蒸，需時大約十數分鐘。腸粉夠滑。豬潤份量偏少。味道還可以。可以自助出去拎菜脯。PS：下午茶時段（2:30-6:00），熱飲+$2，凍飲+$3

好耐冇黎呢度食嘢，今日就去食佢嘅豬什王油麵$54+6,豬什有豬心，猪粉腸，猪肚，猪肺，猪大腸，猪黄喉，猪紅等，個白胡椒猪骨湯飲落幾重胡椒味，個味道同以前食嘅時間冇乜分别！

每次來荃灣都要去呢度食返碗豬雜麵、炆豬手和豬膶腸，又平又好食。呢度好多特別部位都有，必食豬黃喉、豬肺、豬粉腸、豬大腸，個白胡椒豬骨湯底好濃郁，夠辣又夠熱，每次都會飲晒啲湯。我通常會叫多一份淨豬手同老公 share 食，大大件，豬皮好彈牙，肉炆得好腍，要用手食慢慢嗒。再加一碟豬膶腸，潮式腸粉唔係一碌碌而係一摺摺的，超滑溜，個豉油甜甜地，真係超好食。間舖雖然細細哋，有卡位有梳化位，都坐得舒服，真係百吃不厭。

男朋友以前喺度返工，強烈推薦呢間餐廳比我食！講咗好耐，終於有機會來附近食佢~當然叫咗佢哋嘅招牌胡椒豬肚湯底，叫咗米粉💖 個湯底真係好濃，好重胡椒味，好暖胃 🤭 而且好足料！白蘿蔔好入味～出面食嗰啲多數啲胡椒湯底都冇咁濃味，仲可以自己加白胡椒！我哋仲叫咗個豬粉腸腸粉加蛋～推薦✨✨出面好少有得食呢啲，估唔到粉腸同腸粉咁夾 🥰 個甜鼓油同炸蒜撈得好好味 🥺可惜埋單先發現原來啲醃菜可以自取 🤣如果有機會再嚟附近都會去食多次😋

終於搵到間做豬雜嘅餐廳都唔係易搵早餐下午茶menu 揀咗個豬雜王配飯 半辣半辣胡椒味啱啱好有豬肺 豬腸粉 豬心 豬潤 豬脷 豬大腸 豬肚 豬黃喉 豬紅 蝴蝶腩豬黃喉好似脆骨咁口感幾特別蝴蝶腩就似肥肉咁係好味嘅配嘅白飯好難食似係隔夜飯再掉返落飯煲咁少硬得嚟又乾

已經忘了什麼時間去過呢間食店，只記得那時是舊舖在街角，現在已搬到新的舖位，在班馬線前。記得那胡椒湯很美味，今次也很不錯，味道很濃郁，可能有些人會覺得比較咸，但我吃完如果是口渴的話，你再淡再甜也不會再幫襯，看情況應該不會發生，因為吃完了仍然末口渴，不過，喜歡清淡口味的人，這裡可能就不太合適。我個人喜歡吃自家煲的白粥，而且不喜歡下任何味道，就是吃那米的香味，當你見得幾次白米粥，你的味覺便會变得非常敏銳，這可能是一種訓練。潮州仔食堂，可以再去，下次要試吓不要半辣

很久沒有過來潮州仔，今早突然很想吃他們的腸粉，於是過來，原來已搬了隔離舖，面積比從前大咗少少，裝修仍是豬豬佈置⋯⋯可愛的壁畫，閉路電視也有豬豬貼紙還有豬豬做瑜伽的可愛動作，食店在這店舖的裝飾擺設都放下不小心思。他們的辣椒油值得一讚，香口得嚟，辣度也有層次，更欣賞他們用一次性的醬油碟放辣酒，在這個疫情下，感覺乾淨俐落。牛肉腸粉~晨早早餐包括飲品一杯，但在飲品類別，欠缺茶檔嘅吸引，重點只放在腸粉項目。碎牛腸粉質地夠滑溜，喜歡他們將腸粉包著一條條生菜，比生菜絲更爽口，甜甜嘅豉油，加上點點自家製的辣椒油，就是吸引筆者會記得他們的味道。豬潤腸粉~外貌和牛肉腸粉冇分別，只是牛肉轉左豬潤，餡料中仍有生菜。但豬潤過熟，兩者相比，牛腸較為吸引。炸魚肉條~即叫即炸，熱騰騰的端上枱，喜歡吃煎炸野的朋友，相信會喜歡。整體來說:腸粉仍然吸引，除腸粉夠滑外，就是喜歡他們甜甜的豉油，久不久都會過來早餐一下。

多次經過，一直以為佢係打冷店，因為叫潮州仔 而且外面望入去好暗終於有一次停低望吓門口餐牌，咦，原來係食粉面㗎喎！仲要有豬什？一入去原來都唔少人落單要咗碗白胡椒湯豬什王米粉$63講真一嚟到係聞到浸怪味（我諗係雜都有呢種味）一飲啖湯不得了好好味！如果可以再辣啲仲好啲豬什望落去非常乾淨，食得好放心！而且種類好多..最令我驚喜係豬黃喉牛就食得多 第一次食豬嘅黃喉出邊仲有自助拌菜拎只限堂食㗎咋好食到一星期食咗兩次不過始終食內臟都唔太健康唯有少食多滋味啦！