潮林園滷味大王

Open Now

Now Closed

諗住去「再興」食雞肝飯，但坐低落單話無，咁唯有失望離坐。行吓行吓見到呢間潮州滷味店啲嘢都幾好樣，兼且又見到有鵝肝，咁就試吓你啦。獅頭鵝肉飯（$58）拼鵝肝（+$10）獅頭鵝肉約有八件，份量足，而且無連骨（只有些少碎骨），啖啖肉，鵝肉肉質有咬口，雖然唔係嫩滑，但一啲都唔嚡，滷水入味，鵝皮都幾彈牙（有兩件皮下脂肪多少少，但唔肥膩，可接受）。鵝肝約有四分一個，切成約七片，口感粉嫩，味道正常。另外仲有兩片滷水豆腐及少量榨菜。跟餐附送例湯，清淡但夠味。

好吃兼抵食，味道十分好，夥伴十分友善，地點十分方便係軒尼詩道。滷味鵝片拼盤都好，潮州粥九菜豬血等等都可以。大家一定要來試試嚐一嚐正宗潮州美食，一定不會令你失望𠺢。

即煎蠔餅新鮮份量足，蠔仔粥蠔仔多及大隻，墨魚新鮮，鵝腸爽滑，鵝片肥廋适中，豬紅新鮮，韮菜青綠，全部水準之作。潮州的美食不僅僅是味覺的享受，更是文化的體驗，每一道菜都蘊含著深厚的歷史和傳統，探索潮州美食。

滷水風味十足，食物份量勁大份，味道好好味嘅隱世小店，平時就咁行過都冇為意，今日係朋友拍心口話試過真係好好食，所以我們一行人一定要試，就一齊嚟凍烏頭好大條又新鮮，一入口就好有魚油味，唔腥香香的，鵝肉好淋，好出色必食100分拼盤菜品種類繁多，選擇困難都唔使驚，樣樣都有得試吓。豆腐真係估唔到可以咁滑，好有驚喜呀!!!!!!!職員態度好好! 今次同朋友一齊食，個個都讚不絕口，表示一定會encore !!!!!

嚟過潮林園好多次，每次都叫招牌鵝片飯，真心好食，肉嫩多汁，好好味！仲有佢個湯，看似清淡，但其實好滑，一飲就知係老火靚湯，仲試過幾次添飲。舖頭和老闆、老闆娘都係實而不華。話雖不多，卻充滿人情味！真心推介！👍🏼😋🤩🥳

份量足夠 食物好似味 有老火湯送唔怕食唔飽 雙拼都只係要$10仲冇小份量 啲雞好有味服務態度好 要多飯都免費湯都好大碗 下午茶有免費嘢飲送 紙巾免費 辣椒醬好食 冷氣十分充足 地方闊落

之前食過幾次，都好好水準。今晚再食，鵝肉好好味，有豆腐底。魚係元朗烏頭，有Q嘜，好食。潮州春菜好少地方有得食，呢間正宗潮州煮法，好味。店員有禮貌，價錢又優惠，良心小店，撐

今日同朋友去銅鑼灣行街，決定食呢間好多好評的潮州菜。兩個人點左韮菜豬紅，墨魚鵝腸雙拼，鵝髀飯，非常地道，尤其韭菜豬紅超推薦，鴨髀飯超大份，墨魚鵝腸彈牙，老闆娘送咗例湯，服務態度超好，超抵食。餐牌上仲有好多其他選擇，例如蠔仔粥，蠔餅，走地雞等等，全部性價比都極高。進食嘅期間不停有食客幫襯，絡繹不絕，係附近居民嘅好選擇，或者嚟銅鑼灣行街都值得一試，重要嘅係價錢十分合理，無論同朋友定屋企人都值得咪一試。

很久沒有來銅鑼灣，晚餐諗住隨便食，點知有驚喜。叫咗3樣野，韭菜豬紅、滷水雙拼，有好多嘢揀，最後我哋揀咗墨魚同埋鵝腸、仲有獅頭鵝髀飯。三樣嘢都好好食，豬紅好大件，而且入味，鵝髀飯亦都很好吃，好大隻鵝髀，吃我最怕會好肥，但佢嘅我唔會肥，仲配埋有滷水豆腐，潮州咸菜，仲有例湯，整體很滿意，性價比不錯，人均$130算係唔錯了。如果下次再到銅鑼灣的話，都可以再來光顧，試一試他的其他菜式，午餐來吃客飯，解一解吃潮州菜的思念。

公司樓下既餐廳，香港地難得既良心餐廳。經常幫襯。食物大大份，味道一流，50幾蚊，大大碟肉比我，仲有湯飲。今次食墨魚飯，墨魚下面有大大舊豆腐同好好味既酸菜。希望老闆生意興隆!

⊱ 鵝紅拼豬紅⊰豬紅就食得多，鵝紅都係第一次食，原來鵝紅口感比豬紅結實少少，味道比較濃郁豐富，個汁超級香濃，帶有少少微辣，非常好味⊱ 獅頭鵝片拼豬大腸飯⊰首先中午雙拼飯真係 超 足 料！超 大 碟！獅頭鵝片厚薄適中，肉質軟腍帶甘香油脂，豬大腸肥美豐腴又唔韌，滷水鹹度適中，重點係食完完全唔會覺得口乾，墊底仲有咸酸菜同豆腐，豆味濃厚又帶油香，送飯真係一絕⊱ 獅頭鵝片拼鵝腸⊰獅頭鵝片一份真係會爭食，所以要另外再加一份配鵝腸，鵝腸爽脆彈牙，厚身有咬口，而且啖啖都有油脂香我本身唔特別鍾意食潮州滷味都覺得充滿驚喜，如果下次多幾個人一齊去就可以一次試食多幾款食物

終於喺香港島可以搵到一間好食，而且價格正常嘅潮州嘢！早幾個月前新開張，見到燈光好光猛，已經嘗試，但係一直去旅行放假冇事道，今日要外賣加送終於可以試到！試咗幾樣嘢，真係好高質素！原本冇好大嘅期望，熄咗少少發現都真係非常唔錯，所以有啲都係食咗先影：沙嗲鵝紅：第一次食沙爹煮，食落去，鵝紅好滑，唔散，好出色！滷水豆腐：好滑溜，外皮都唔會好硬或者太靭，味道夠入味！中翼同埋鵝肝正常發揮🤭大家一定要嚟支持，出色又有心，又有禮貌嘅師傅老闆，點可以唔支持小店！順帶一提，酸汁都係經過調味，係一個非常出色嘅配角。

早幾日去咗搵朋友食晏🥰成日都唔想諗食咩嘅我🙈嗰日就跟住朋友去咗喺銅鑼灣嘅餐廳🍴🤎潮林園➖米芝蓮 滷味大王🤎老實講 我平時真係好少好少去食滷味因為覺得次次食完都會好口渴🥲所以真係唔會專登去食🫠但係原來跳得好嘅滷味食完係唔會口渴㗎❗️首先一去到就即刻俾咗老火靚湯我哋飲🙈.🥢招牌獅頭鵝片飯呢個一上菜嘅時候有啲嚇親我因為我同寶寶就係驚食唔晒 所以先叫一個飯但係呢個一嚟到我心諗 成碟都係鵝片嘅😳飯呢？原來係大碟 足料到,,啲鵝片蓋住晒啲飯🫨仲要每一塊鵝片都超厚架🥹超好味💯.🥢元朗烏頭 鍾意食魚嘅我 當然要試吓佢哋個烏頭😋呢個我真係食到停唔到差唔多成碟都係俾我清晒🤣超多肉 每一啖都好滿足🤩食食吓我見到魚尾有個牌 好奇一問之下原來佢哋嘅烏頭全部都拎晒認證 有晒標籤😱全部都係本地優質烏頭黎😳.🥢沙薑雞呢個又係一上菜大碟到以為俾錯我哋😂因為我哋淨係叫咗半隻但係個份量一定唔止半隻 超足料吖‼️肉質方面超滑😋超推介💯.唔止捉料好食 而且價錢親民👍🏻大家去開銅鑼灣一定要去試吓💕

潮林園滷味大王(銅鑼灣).潮州菜又係好好食，但兩個人食嘅野選擇唔多，好彩呢到嘅野又平份量又啱啱好一黎就整碗例湯比你.▪️蠔仔粥▪️.唔係講笑啲蠔勁大粒好肥美，我諗如果食蠔餅都係咁大！有大量葱，芹同豬肉碎等，個粥好香.▪️滷水鵝肉飯▪️.下面仲有啲滷水豆腐，呢到嘅滷水好出色！鵝肉都好香！.▪️韭菜豬紅▪️.唔會勁鹹，豬紅份量超多，韮菜爽口！.📌 潮林園滷味大王 (銅鑼灣)銅鑼灣軒尼詩道446-450號軒華大廈地下C號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

潮林園滷味大王 銅鑼灣滷水鵝肉擁有嫩滑多汁的口感，肉質鮮嫩且不膩口。正確的滷煮時間能夠使鵝肉保持柔軟嫩滑，同時吸收滷汁的香氣。肉質的質地經過滷煮後更加入味，每一口都帶來滿滿的肉汁和鵝肉的鮮美。滷水鵝肉飯以其嫩滑的鵝肉、濃郁的滷汁和香噴噴的米飯，給人留下深刻的印象。這道美食結合了豐富的口感和味道，值得一試。蠔仔粥是一道以新鮮蠔仔為主要食材，搭配糯米煮成的濃稠粥品。主要特點是新鮮的蠔仔。蠔仔是一種海鮮，具有鮮甜的味道和彈牙的口感。在烹飪過程中，蠔仔釋放出豐富的海鮮風味，與糯米粥相互融合。每一口蠔仔粥都能品嚐到蠔仔的鮮美，這使得這道粥類料理成為一種美味的享受。糯米煮成的粥體濃稠，與蠔仔的汁液相結合，形成了濃郁的粥汁。煮熟的糯米釋放出澄澈的湯汁，與蠔仔的鮮味融合，使得粥的口感更加豐富。濃稠的粥汁能夠包裹著蠔仔和糯米，使每一口都充滿滿足感。