潮盛館

Open Now

Now Closed

早兩日同屋企人黎食潮州野價錢幾親民 質素都唔錯👍🏻⭕️ 小食雙拼 $88✅墨魚用酒醃過 醉香滿滿😌每件都幾厚身 食落好爽口✅海蜇辣味海蜇好惹味 做冷盤前菜好開胃😋⭕️ 豐料羊肚菌燉湯 $68好好飲 好足料燉湯🤭羊肚菌味重 仲有幾舊雞件飲完好暖胃⭕️ 西蘭花炒帶子 $128大大碟 成個例牌西蘭花🥦嫩口 爽脆帶子粒粒好工整 好治癒😂咬開都真材實料 值得推介💁🏻‍♀️⭕️ 蠔仔粥 $68有驚喜 蠔仔🦪數量好多而且每粒都好肥美飽滿冇腥味粥底仲有芫茜🌿 魚乾等配料好有鮮味🫶🏻

最近朋友告知新蒲崗開了一間新的潮州飯店，朋友知道我們一家都比較喜愛潮州菜，而他試過亦覺得挺不錯，今晚我倆決定book來試試。餐廳位於Mikiki商場附近,由啟德地鐵站行過去10分鐘左右，地點方便。餐廳店面不算太大，所以是晚未夠7:30pm已經全場爆滿，好在朋友提醒預先有book枱。餐牌跟其他潮州菜館有點不一樣，除了潮州滷水之外，還有一些經典粵菜，最特別竟然有江南百花雞，這道菜做法繁複已經很多地方也吃不到。醉乳鴿花樽放入乾冰仙氣般飄出霧氣，乳鴿斬件而且排列成打開翅膀的模樣，感覺非常吸睛，乳鴿肉質鮮嫩多汁，味道鮮甜又不失淡淡酒香，鮮味十足。鵝片三拼（鵝片、牛腱、墨魚）鹵水鵝片鹵得入味，肉質肥瘦適中，口感軟嫩。牛腱肉質軟腍彈牙，肉味香濃。而墨魚最正有2種切法，可以食到2種不同的口感，超正。江南百花雞江南百花雞是傳統廣州四大名菜之一，雞皮藏着蝦膠餡料，傳統是蒸熟切件再加上芡汁，這兒創新的造法是先炸外皮令雞皮呈金黃色再切件上碟，雞皮酥脆香口，蝦膠鮮甜彈牙，配上沙律醬或者甜酸汁，都更加提升鮮味。

呢間舖開咗冇幾耐就已經有幾十個食評個個都讚，雖然都預咗大部份係Foodie嘅手筆，但係都係忍唔住今晚去咗幫襯，諗住至多都係伏一次啫有幾大件事。兩個人叫咗三樣餸，蠔仔粥，椒鹽九肚魚同埋小炒王。椒鹽九肚魚嘩其實都唔使講嘢大家望吓幅相，係我食剩嘅，佢炸得唔夠鬆化，粉漿又冇味，魚又薄又冇肉，至慘就成碟都炸得好油！之後第二碟小炒王，望埋去有啲奇怪，因為佢用咗好多炸芋頭條而唔係用韭菜花，其實如果佢好食嘅都冇所謂，但係啲芋頭又唔鬆脆，又實又硬，夾咗兩粒腰果不得了點解會咁腍㗎？ 忍唔住同個侍應講個侍應態度好好咁話同我炒過一碟，10分鐘之後佢嚟咗一碟新嘅，其實我覺得係等於頭先嗰碟再喺面上邊加啲新嘅腰果，嘩嘩嘩不得了嗰啲新嘅腰果有突破因為佢仲諗過之前嗰啲，而舊嗰啲腰果仍然喺入邊，沒有最腍只有更腍。對住一碟勁腍腰果搭硬芋頭嘅小炒王我都唔知點樣食落去，其實煮得唔好食已經係一個問題，但你仲要耍我又話炒個碟咁先令人氣憤！ 個廚房如果有心做嘅，自己試吓碟腰果就知道唔可以拎出嚟俾客人食啦，咁嘅態度做食肆就冇得救啦！全晚唯一可以入口嘅就係個蠔仔粥，豪仔飽滿又夠多，但係其實佢嘅味道又唔係正宗潮州式嘅蠔仔粥嚟，算啦都唔好怪

呢間餐廳位於新蒲崗，呢度主要賣潮州菜加順德菜，我地叫左一煲花膠雞燉翅，佢份量都ok，入面有好濃郁既雞湯味，飲落淡淡清雞湯湯底再加入雞肉，花膠同翅一齊煮都幾夾半隻鵝肉擺盤好靚出煙同乾冰既效果仲插左花花擺設，鵝肉係有鵝片鵝脾肉砌成再加入滷水汁整成，呢隻鵝既肉質嫩滑，而且滷水滷到好入味，鵝片方便易食，加埋醋食岩岩好，呢隻鵝都真係好大隻，超抵食。脆炸鮮奶卷，順德既小食，用左多士外層去包住牛奶再拎去炸成，入口外脆內軟好好味。

最近常來這間潮州菜餐廳食飯。味道不錯而價錢實惠，地點也非常方便，食完飯還可以到附近的Mikiki和Airside兩個商場散步。蜜汁燒鱔（$168）～～燒鱔和醉乳鴿最好食，賣相又靚。鱔肉香脆甜蜜，啖啖肉，好惹味。醉乳鴿（$128）～～乳鴿酒味濃郁，肉質嫩滑，外皮爽口。蠔餅（$108）～～蠔餅非常酥脆，而且油少，不會食到滿嘴油。蝦乾魚滑浸時菜（$98）～～蝦乾魚滑浸時菜用的是學斗白菜，清甜嫩滑無草青味，魚滑彈牙，味道一流。咸菜豬肚湯（$88）～～份量十足，豬肚夠腍，可以多點咸菜和胡椒。白粥（$12）～～潮洲白粥

朋友搬咗去啟德，探完佢之後就一齊去食飯，朋友知道新蒲崗呢邊有間潮盛館，主打潮州和中式菜，味道唔錯，就請我過嚟試吓，店員告知冇茶芥費又冇加一，而家啲菜館都好少做得到，值得一讚！滷水鵝片滑嫩順口, 滷汁中的香料融入到鵝肉中, 散發出濃郁的香氣。滷水豆腐口感綿滑，沾滿滷水汁甚惹味！懷舊炸子雞炸得皮脆肉嫩，充滿雞香，伴碟有卜卜脆嘅蝦片，充滿懷舊感！蠔餅即叫即炸，蠔肉份量十足，入口鬆脆，沾一些魚露來吃更覺惹味！蠔仔粥非常足料，蠔仔肥美鮮香，粥底鮮甜惹味，粥內加咗一些魚乾，令味道更鮮更甜。

潮盛館，位於新蒲崗，潮食之選，粉麵飯以外仲有潮州手工菜，係真係超精緻既手工菜😳好吸晴既有醉乳鴿、蜜汁燒鱔咁，飲返杯就開餐🍺潮盛特色醉鵝肝，難得有潮式鵝肝食⼀定要試！仲要係醉，好特別既擺盤🪿好重花雕香，鵝肝入口即溶😍相當好味，高質👍🏻醉香鴨舌，其中一道我最鍾意既下酒菜，鴨舌爽身入味🤗韮菜豬紅，超香，因為加左沙爹/沙茶落湯，好惹味😎🐻勞蘇食🐻推介 —— 滷水墨魚🦑滷水拼盤黎既，牛𦟌拼墨魚，但墨魚實在太太太高質，入口好香海鮮味，口感好滑，超厚身🫶🏻其中⼀個最好味既滷水墨魚😆牛𦟌都好入味，追加左滷水豆腐$20/2舊，真係，良心單點價✨鹽香雞，大size，鹽香好出但唔會太咸，雞肉係食得出既新鮮雞🐥正超高質既潮州菜，仲要真 · 街坊價😮‍💨性價比爆標🌟必食既潮州菜館！🤞🏻

潮盛館發現親民價錢潮州菜! 但係小編被Google Maps fake 咗, 原來啟德站岀再行過去近過鑽石山站行好多…🥹 ————————————————食物:❆ 午市2人套餐 $168/兩位- 是日豐料燉湯 - 鵝肉雙拼 (+ 墨魚) - 翠綠炒蝦球帶子- 白飯兩碗性價比幾高! 每人會有碗燉湯🥣兩碗都非常足料, 而且味道鮮甜! 食潮州餐廳一定要試吓滷水菜式😍鵝肉雙拼可以揀拼鹽香雞、牛腱、大腸、元蹄、豬腩肉或者墨魚其中一樣! 選擇咁多, 一定有一個combo啱你 ٩(˃̶͈̀௰˂̶͈́)و 鵝片好入味, 墨魚超爽口! ————————————————整體:✦ 價格: 4.4/5✦ 味道: 4.3/5✦ 服務: 4.1/5✦ 環境: 4.1/5✦ 再訪指數: 4.2/5潮盛館 (新蒲崗)📍地址:新蒲崗寧遠街3-23號越秀廣場地下G25-G27號舖⏰營業時間: 星期一至日 11:30-22:00

鍾意食潮州菜嘅朋友，成日周圍試新嘢，今日就帶我一齊食呢一間位於新蒲崗嘅「潮盛館」晚飯時間大約七點嚟到，已經有好多食客，睇嚟好受歡迎。一入門口，見到侍應上菜都非常吸睛，擺盤好靚，煙霧彌漫，仙氣🤓🤓餐牌食物選擇都幾多，穩陣打冷菜式都有凍烏頭魚見到魚尾嘅牌仔，就只係正嘢！之前喺其他地方食過幾次，有元朗烏頭認證嘅牌仔，啲魚真係好食啲！魚肉唔會散修修👍🏻👍🏻👍🏻👍🏻👍🏻真係要比夠五個like再加埋仙氣效果，好睇又好食🤓🤓潮盛特色醉乳鴿坐低冇耐就聽到話乳鴿剩返一隻，咁梗係要把握機會，快啲叫埋最後嗰隻啦😄😄好彩有叫到，精彩喎！擺盤非常靚，一半以上嘅位置已經做咗起骨，細心👍🏻酒味香得黎易入口，絕對唔會太嗆，最好食嘅竟然係啲皮，脆卜卜，又入味，推薦！椒鹽九肚魚非常香脆，而且味道好惹味，細細件，易入口，配啤酒一流！暖暖個胃，黎一大鍋蠔仔粥就最適合不過。蠔仔份量好多，新鮮，成件事好舒服🥰🥰果然冇介紹錯，下次想食潮州嘢，又多一個選擇🤓🤓

人均$150起｜新蒲崗｜潮州菜｜潮盛館發現了暫時我認為香港最好吃的潮州菜！ （至少我認為是這樣的）一個人在新蒲崗流浪的時候，發現了這間新開的潮盛館！中午來吃午飯也不貴！平均$40就有交易！這次一個人來吃晚餐，花了不到$150就吃得非常滿足的說！來到潮州餐廳，肯定要點上方魚肉碎粥裏面香脆的方魚碎真的很惹味潮州粥加上了許多的蔥花和鹹酸菜，風味真的很不錯點上了這個小吃拼盤， $88就可以吃到墨魚和牛腱墨魚跟你說，真的超級爽脆牛腱是紅色的外皮，感覺在香港很少見，沾上醬汁很惹味。看到餐廳每個人都會點上這裏的老火湯，原來跟餐只需要額外加上$28今天的猴頭菇惹菌湯，用上了幾個小時熬煮，非常香甜。推薦這間潮州餐廳！——————為食分界線——————📍 潮盛館 (新蒲崗)新蒲崗寧遠街3-23號越秀廣場地下G25-G27號舖人均消費： $150#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger

新蒲崗出名有唔同特色餐廳，每間小店都品嘗到最拿手的小菜，而最近依間餐廳新開，主打食潮州菜，於是趁媽媽生日，帶佢重回舊地，請佢食一餐優質潮州美食。豬耳滷水（⭐️⭐️⭐️⭐⭐）豬耳作為餐前小吃實在適合不過，份量不會太小，適合兩口子慢慢品嚐，喜歡豬耳的爽脆口感，香口而不膩，而且餐廳將豬耳清潔乾淨，每一條切割均一，豬皮部位膠質豐富，煙靭可口。百花雞（半隻）（⭐️⭐️⭐️⭐💢）不得不試這道功夫菜，首先要讚師傅手勢，鮮雞連皮拆骨起肉，每一塊外皮大小均一，雞肉跟蝦膠混和一起，但又能分明的品嚐兩者味道。蝦膠爽彈，味道中略帶醋味，外層的雞皮炸得乾脆，達至外脆內軟。醉乳鴿（⭐️⭐️⭐️⭐⭐）首先擺盤十分精美，以乾冰噴霧的效果登場確實有驚喜，乳鴿外型依舊，只是浸泡在濃濃的紹興酒之中，師傅刀功厲害，每一片鴿肉薄身得來吸滿酒水，而且肉質鮮嫩，份量亦對得住價錢，欣賞乳鴿油脂較少，能清清楚楚品嘗到鴿肉的鮮味。醉鵝肝（半份）（⭐️⭐️⭐️⭐⭐）又是另一道必食小菜，喜歡鵝肝吸滿酒水，濕潤的外表顯得鵝肝鮮嫩，紛紛紅紅的中心表示鵝肝不會過熟，而每一片滑膩富油香的口感則代表用料上乘。蠔仔粥（窩）（⭐️⭐️⭐️⭐💢）粥底用料豐富多元，湯底用上鮮甜魚湯，肉碎

之前夜晚去新蒲崗經過呢間餐廳見到好多人幫襯，呢排終於約到朋友一齊試下呢間餐廳；餐廳喺mikiki附近，位置都幾方便。當日係平日夜晚，餐廳都坐到滿座。🍽️晚市孖寶套餐 （包白飯+罐裝飲品）🐟剁椒蒸鱔👍平時喺屋企好難處理鱔，難得餐廳做優惠，梗係要叫黎試下；鱔嘅肉質都頗彈牙，下面放咗粉絲，吸收哂鱔同醬汁嘅味道，非常入味！🥦蝦乾鮮菌浸時蔬蔬菜嘅份量都幾多，湯底帶清甜嘅味道，而蝦乾增加咗湯嘅鮮味，令湯底無咁單調。🍽️醉乳鴿👍👍呢個係餐廳嘅招牌菜，當日有其他客人都想點佢，但佢已經售罄，建議大家去餐廳點咗呢個菜式先！乳鴿切成一片片嘅肉，擺盤非常精緻；一入口就已經食到香濃嘅酒味，同時又唔會搶到乳鴿嘅味道，而肉質亦都非常嫩滑，值得一試！🍽️小食雙拼（海蜇+金錢肚）海蜇口感非常爽脆，每一條海蜇都沾滿麻油同淡淡辣味，呢個冷盤好適合熱辣辣嘅夏天食；而金錢肚非常入味，肉質都頗軟嫩，又唔會好韌。

今天9月3日星期二, 見到食評不錯 中午午飯時間一行5人. 由彩虹道公司行過嚟試試. 11:55就出發 過到嚟門口幾12:10分. 店鋪已坐滿. 拎飛C1 5位. 等 等 等 到12:30有張6人枱. 竟然比左後嚟的6位客人..真的激氣了. 很憤怒 😡 攞飛時又吾講明等幾張枱, 午飯時間係打工仔都趕頭趕命..真係想講操口罵員工. 香港飲食業搞到咁真係吾好怪人北上消費. 一行5人改去酒樓食..如此垃圾安排 永不幫襯, 祝佢生意興隆🤬🤬🤬🤬附上有關照片作證實

店名/Shop Name：潮盛館 (新蒲崗)地址/ Adresss: 新蒲崗寧遠街3-23號越秀廣場地下G25-G27號舖種類/Type：潮州菜，順德菜推介/Recommend：煎蠔餅，滷水鵝片人均價錢：$200店舖環境: 簡約中式設計，座位尚算寬敞，坐得舒適交通: 啟德地鐵站C出口行12分鐘上菜速度: ⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️滷水鵝片（例）（醋） $228滷水鵝片色澤誘人，肉質鮮嫩，味道濃郁，醬香四溢，加埋個醋汁超好味。蠔餅 $108潮式煎蠔餅外脆內軟，蠔肉鮮嫩多汁，搭配香蔥魚露，口感豐富，香氣四溢，好吃到唔停得口韭菜豬紅$68潮式韭菜豬紅是一道經典的潮汕小吃，韭菜與豬紅的搭配，帶來獨特的風味

上次嚟過呢一間潮州餐廳食夜晚，覺得呢間餐廳嘅食物質素好好，今日晏晝經過發現佢哋午餐同埋下午茶好抵食，於是決定再返兜幫襯！午市二人套餐👯 $168午市二人套餐嘅內容好豐富，包括咗是日豐料燉湯2客🥣、鵝肉拼鹽香雞🪿、翠綠炒蝦球帶子🦐、白飯兩碗🍚、茶或咖啡☕️，當日嘅燉湯係海底椰螺頭燉雞湯，燉湯非常足料而且比起平時嘅燉湯大碗，平時嘅舖頭賣$50-60 一盅都絕對唔過分～鵝肉拼盤份量又係多到嚇親😂😂而且佢哋嘅滷水鵝真係整得好好食，大家記住嚟試吓！砂薑豬手 🐷$53豬手酸酸地好爽口，有好多蒜粒同埋沙薑碎，好惹味！煎釀虎皮尖椒🫑$48不嬲都好鍾意食尖椒，呢度嘅尖椒仲要釀左超級多鯪魚肉，真正真材實料！宮廷蘿蔔🥕$28酸酸地好開胃，而且仲有助消油解膩㖭～