潮福蒸氣石鍋 (Closed)

想試左好耐既蒸氣海鮮鍋，今日終於同個friend 一齊去試下尖沙咀最方便我地，6:30 就到，人未算好多，我地仲可以去睇下d 海鮮有幾生猛見到餐牌咁多選擇真係好吸引，但兩個人都食唔到咁多所以只係叫左幾款海鮮，同試下蒸牛肉，仲叫左個蒸勝瓜試下。首先我地叫左個准山雞粥底，原來係用生米同新鮮材料整個粥底，跟住開始蒸海鮮，第一樣食左蜆先mix 左兩種蜆，兩種都超鮮甜，又唔會有沙，雖然拎左調味料，但都唔需要用。之後再蒸蝦一人有兩隻，雖然只係普通中蝦，但都好大隻，肉質好彈牙，全程都有人招呼，唔需要自己搞，不過中間可以等一等，因為d 海鮮都快熟，有時會食唔切。跟住到重頭戲既扇貝同蟶子，兩款都係超級大隻有埋粉絲同蒜蓉，真係非常鮮甜，而且時間控制得好好，所以好容易起肉。最後食番少少菜平衡下，估唔到勝瓜都好甜，不過兩個人食都唔少。跟住食埋個粥，所有精華都落晒去粥底，好綿好鮮味！雖然都有少少貴，不過都值回票價。

難得同朋友出街食飯，朋友係海鮮控，所以訂枱同朋友去食潮福蒸氣石鍋，食海鮮尖沙咀個間潮福蒸氣石鍋位於厚福街，大大個招牌好易搵到座位係卡位，好寬闊有好多海鮮選擇我同朋友都好鍾意食貝殼類海鮮～好多選擇呀蜆好新鮮我地揀左一斤蜆，可以混合幾款仲有北海道元貝同蘇格蘭聖子皇北海道元貝好大隻好鮮甜我同朋友都覺得好好食呀海中蝦🦐肉質爽甜，正清蒸手切和牛賣相唔錯第一次咁食，感覺幾得意好有牛味，好食蒜蓉蒸勝瓜冇諗過咁大碟不過好彩同朋友都好鍾意食蔬菜蒜蓉味好香，好好食清蒸雜菌本來有啲擔心太淡，不過蒸完出來後又ok有海鮮嘅鹹味粥底 - 瑤柱淮山雞粥最後當然要食埋個粥底，有晒蒸海鮮蒸和牛同蒸蔬菜嘅精華～鮮甜好味，正不得不讚員工服務態度非常好，會幫手蒸海鮮同夾比客人，態度友善又有笑容，值得一讚👍🏻

呢幾日夜晚 超級凍直情得個位數字 完全！凍到一個點呀~除咗打邊爐之外～今次決定去一個暖笠笠新奇又好玩嘅地方！ 就係去食蒸氣鍋啦~一入門口就即時比巨大嘅蓋吸引住～ 由於尖形嘅設計~相信可以有效將啲 包含著海鮮鮮味嘅倒汗水回流返落去個鍋度！！而且張枱好闊同老公仔兩個人一齊坐非常舒服而且張枱啱啱好對住電視 仲要係高清電視唔錯唔錯一開始嘅時候乜都未叫～已經會有一個 前菜！ 有淡淡酸味的涼拌雲耳非常開胃～ 雲耳爽脆今次嗌咗細嘅淮山雞粥～ 唔好睇佢少少！ 我同老公仔每人足足食咗三大碗滿上燈燈燈~ 最後食曬所有海鮮 ！一打開蓋嘅時候完全估唔到會有咁大煲～ 竹仔除咗有淮山同埋雞之外！ 仲有濃濃嘅海鮮味~ 而且 加咗少少元貝仔令到粥底更加入口感同咬口黃刀貝新鮮鮮甜~ 呢度大約有一斤！$148大大嘅蝦 蝦有蝦味而且彈牙~ 基本上唔使 理個爐~ 自然會有侍應 幫你計時～ 到時到候夾去你個碗度～ 服務態度實在值得一讚特大北海道元貝~ 實物真係超級大隻㗎肉質彈牙之餘～ 好似食緊雞肉咁！ 上面有淡淡嘅蒜蓉作為調味~ 下面配粉絲在底~ 把海鮮的精華湯汁完全吸收四寶丸～ 用一個好有特色的盤子放出嚟～ 相信是希望將啲精

今日放假去左食蒸海鮮～雖然依家無咁hit 但我覺得最尾有個粥底食好鬼正hahahaha最後揀咗潮福既尖沙咀分店食7:30pm已經好多人lu不過都坐得都唔算太逼既散叫的話 餐牌如上結果都嗌左好幾樣海鮮樣樣都好新鮮 而且size都大啖啖肉 之後聽朋友講過話呢度啲馬拉糕好味道就叫咗個試吓先！！！我覺得真係幾好味 都好推介呢個係用黑糖整嘅 又唔會太甜 即蒸即食 熱辣辣冬天食真係無得彈而最後嗰粥底 我就叫咗淮山雞粥真係所有嘅精華都集中係個粥到 正丫咁樣食完啲海鮮啲汁落晒落個粥到 粥又綿冬天食蒸氣石鍋係冇得彈 食樣樣野都熱辣辣又唔使咁凍天氣洗嘢

今日海鮮癡發作，所以夜晚就去左尖沙咀潮福蒸氣石鍋到食新鮮海鮮餐喇。晚上八點幾去到，好好即刻有位唔洗等，坐低咗之後就出去睇吓有乜海鮮食，魚缸 D 海鮮都好新鮮同好生猛。今次選了瑤柱淮山做粥底，之後叫了龍蝦、大元貝、聖子皇、鮑魚、貴妃蚌同焦糖馬拉糕。餐廳服務十分好，佢會幫你放海鮮落去蒸，夠鐘佢會夾埋比你，唔使自己郁手。每樣海鮮都好新鮮，最後粥底吸收了 D 海鮮汁，所以都帶有一點鮮味，而且價錢都合理，值得一試。

今日為左慶祝工程提早完成，老板請食大餐，有識飲識食既同事就推介左呢度。先黎一個蒜頭蒸扇貝，真係唔知點解，蒜蓉加上粉絲，真係天作之合，仲要加埋新鮮扇貝經過蒸之後，鮮甜既汁流左落去啲粉絲度，真係好好味!我亦十分推介個蒸東風螺，因為我估唔到係呢個食到咁大隻的螺，兼且係我第一次食蒸東風螺，原來因為唔係經過灼，鮮味依然留係個螺肉入面，變左真正鮮味!桶蠔亦係我的重點推介，皆因佢係好大隻架，而且係明顯食得出佢係高質素，肉質豐富多汁，唔會太鯹!

每次經過黃金商場都見到潮福個招牌，原來不經意已記住左個名，前兩晚同個女性朋友向尖沙咀想食得少油及健康D，望幾望潮福個名又出現我眼前，既然如此天意，就上去試下啦。我哋叫左自選蒸氣鍋，粥底係瑤柱淮山雞粥美國桶蠔，好大隻，每人都有3-4隻，第一輪已經飽七成蟲草花蒸新鮮雞，部長話新鮮雞每日來貨唔多，再晏多少少好快無哂，我哋兩個人，要左半隻；隻雞蒸得好滑，蟲草花夠粗，食到雞嘅鮮味同時又食到蟲草花種淡香百花釀蓮藕片，唔係好多蒸氣鍋酒家有，對我喜歡食清淡嘅人嘅講，好啱我胃口，兩片薄蓮藕片夾住蝦膠蒸，爽脆加鮮甜，不過可能對其他人會覺得無味啦清蒸四寶丸，蝦丸清甜，豬肉丸有梅菜（類似）食到豬肉香味，牛肉丸似點心嘅蒸牛肉，鯪魚丸有果皮香味最後啖粥食左一少碗已經食唔落，所以打包返屋企，第二朝做早餐P.S.1️⃣碟餐前酸甜青瓜好食2️⃣服務周到

上星期食左一次石碢，意猶未盡，今晚再食一次，今次就揀左尖沙嘴呢間二樓嘅蒸氣石碢，今晚得兩個人，驚任飲任食會太飽，所以散叫好啲，叫左唔係好多嘢，兩隻蒜蓉粉絲聖子，美國桶蠔，加埋的蔬菜已經差唔多了，聖子喺大隻嘅size,食落口都幾爽口，美國桶蠔有6隻，都喺jumbo size，侍應掌握蒸蠔嘅時間啱啱好，食嘅時候大啖大啖食，可以話過曬自己嘅口隱，仲有一盆放到密密麻麻嘅蒜蓉勝瓜，因為我超鐘意garlic，仲特登自己喺自助形式嘅醬油區攞左啲新鮮嘅蒜蓉再鋪上勝瓜上面，蒸出嚟又香又好食。

之前同屋企人食過潮福嘅蒸氣火鍋，念念不忘，朋友未試過 ，所以今次約左朋友黎哩度試試。店員安排我地坐卡位，好寬落，好舒服。潮福最大特色就係佢個草帽蒸蓋。去到店員話當日海鮮超新鮮，同朋友八八卦卦就出去魚缸望一望，真係勁多海鮮，好似一個海鮮檔一樣。隻隻海鮮都好活潑，因為怕開殻，所以我最鍾意就係食貝殼類，店員極力推介黃刀貝，所以我地就先叫左一斤試試。平時黎到我地都係叫任食套餐，但單點就未試過，所以我地叫左一D海鮮，D海鮮明碼實價貼哂出黎。跟住就去醬料區，勁多選擇。極力推介佢地既XO醬，D料好足，無論食海鮮或蒸既野食好match。我地選左個瑤柱淮山雞粥底。跟進就開始蒸海鮮哪！第一道就係我鍾意既貝類，隻隻都肥啫啫，好大隻。一路睇住佢蒸，一路等食，店員不時留意鬧鐘過黎幫我地打點。3幾分鐘，黃刀貝同蕃薯蜆就已經煮好哪。員店先將佢地上碟。D黃刀貝我同朋友不停食不停讚，咁多隻貝係一粒沙都無，入口仲好鮮味，蒸好既海鮮喺貝殼裡面有好多好甜既鮮汁，我地都一滴都唔浪費，飲埋佢，食完我地已經即刻又再order多一斤黃刀貝哪。跟住就係蒸南非鮮鮑魚。又係蒸幾分鐘後就食得。鮮鮑魚面上面仲有幾條虫草花，賣相更加靚，肉質好新

一兩年前食過一次潮福，覺得都唔錯，不過個時所有野食都係照稱，叫下叫下都唔平。最近行過見到有任食套餐，就決定去試一試。佢個餐包半隻龍蝦、半隻乳鴿同一盅燉湯，再可以揀四款海鮮同唔同既肉類、手打肉丸，蔬菜同其他雜糧、啤酒同汽水等。所有海鮮都好新鮮，size唔細，而且款式都唔少。雖然海鮮無得任食，但係食完佢地同埋個湯同乳鴿都飽左一半，任食既野都食唔到好多。- 自選四款海鮮（四人份）- 其他任點食材最後最後下面個粥吸引曬所有海鮮食材既精華，好濃郁同好鮮甜。雖然已經好飽，我都忍唔住食左兩碗。而且侍應服務態度都好好，會幫我地將食物放入鍋，計時器時間一到又會幫我地夾起上碟；換碟速度都好快，唔會一碟一枱都係骨。

踏入冬天，就想每一餐都係打邊爐。上個星期氣溫忽然驟降，凍到個人食龍肉都冇味，朋友就介紹話成日打邊爐，不如食好啲，去食蒸氣石鍋啦！最後就造就左今次嘅真味之旅！潮福蒸氣石鍋好多地方都有分店，今次近近地去左尖沙咀分店。一上到去已經勁多人，好彩訂左位咋，如果唔係都應該食唔到！嘟嘟聲此起彼落，原來係提示每轉嘢食蒸好左嘅倒數鐘發出，感覺好似好爭分奪秒咁緊張。佢有分任食或散叫，但朋友對某啲嘢食敏感，所以選擇散叫。我地揀左幾款海鮮同個粥，原來係可以出去個魚缸度揀海鮮添！勁新鮮！overall海鮮好鮮甜，啲汁滴哂落去個粥度，搞到個粥都勁甜！海鮮推介個蜆，勁大隻！超like呀！

聖誕節點可以無聖誕大餐，我同男朋友都鐘意食海鮮，寶寶話佢未試過食蒸海鮮，所以今日就食蒸海鮮喇！講到蒸海鮮，食過幾次，始終都係覺得潮福用料新鮮。今日預約了七點，不用等位，全場爆滿，走既時候見到有人等位，唔想等位記住早d預約，尤其是過時過節。大大個魚缸，有晒價錢，客人可以行埋去睇下邊樣海鮮今日最新鮮，睇中邊款揀邊款，一個live既餐牌。可自行配搭醬料，相當多款。我地既座位，非常闊絡。點餐後，店員奉上茶和餐前小吃。食蒸海鮮另一特點係唔洗自己動手，寶寶對於這個服務是非常滿意。店員首先幫我們煮海南花螺花螺屬中型大小，但夠新鮮，每隻螺既螺頭，煮熟時已經突出，能輕易拉出，口感爽嫩，因為沒有加調味，更能突顯鮮味，喜歡亦可沾醬油吃。蘇格蘭聖子皇聖子皇是寶寶最愛，size夠大隻，清潔徹底，沒有沙。聖子十分鮮甜爽口，加上炸蒜蓉和粉絲一起蒸，增加口感和香味。南非龍蝦龍蝦控食蒸海鮮都要點龍蝦，自助餐的龍蝦經過冷藏會煙韌，蒸既龍蝦相反較新鮮較腍身，入口較易咬開，但龍蝦肉依然爽口，十分清甜。南非鮮鮑魚南非鮑魚相當大隻，最特別係佢條邊，一枝枝小刺突出，十分吸晴，我地見隔離枱d鮑魚咁吸引，所以都點一隻試下。鮑魚中間切開

今晚又嚟左食我最鍾意食嘅潮福啦！估唔到又有驚喜！就係下面依幅圖show嘅蕃薯蜆 真係又大隻又先甜！比平時食開開蜆都要大隻好多！照例又有龍蝦同鮑魚，兩樣都冇令人失望！隻鮑魚上嚟果陣有蟲草花同d薑絲係表面，蒸完之後幾隻味互相襯托，完全帶曬d鮑魚味出嚟，好正！跟住就仲有聖子同桂花蚌，彈牙又鮮甜！之後又覺得未夠飽，叫多左一分花螺，拿牙籤慢慢篤出嚟食，很不錯。落埋d菜就開始食個粥底啦，依個係鮮雞淮山粥底，完全調動到d海鮮嘅鮮味，完美咁結束左依餐！

天氣咁凍, 梗係要慰勞下嘟嘟媽生左咁可愛既嘟嘟啦嘟嘟媽話想食海鮮, 第一時間諗起好耐之前食過既潮福, 我地就滿心期待咁上左黎食離TST地鐵站B出口五分鐘, 位置方便上到黎已經爆晒, 好彩一早訂左位鮑魚: 好大隻, 而且係鮑魚切開個井字, 可以令D蟲草花既味滲入去吊返起鮑魚既鮮味, 而且好彈牙蟶子: 有少少粉絲係蟶子底, 吸左蟶子既鮮甜, 好正；而隻蟶子真係蟶子皇黎, 超大隻!超彈牙! 我好LIKE南非龍蝦: 大大隻, 開邊蒸, 蒸熟後, 輕輕一拉, 大大舊龍蝦肉就係我眼前, 放落去個口度, 彈牙, 鮮甜, 太好味了蒜泥蒸開邊蝦飯: 蝦大大地, 開左邊後方便食, 蝦唔梅而且彈牙, 蒸完後D精華滲晒落去個糯米飯度, 食極唔停口馬拉糕: 又係潮福一樣必食既食物, 食落鬆, 軟, 香口, 唔會太甜, 唔怪得咁出名粟米: 老婆大人話食左咁多海鮮要食返D粟米中和下, 我梗係聽話啦, 食落都幾甜, 我都LIKE!榣柱雞粥底: 食完咁好食既蒸氣鍋一定要食埋最後既精華粥底先滿足, D個粥底有好多榣柱同雞, 加埋之前食既食物既精華汁, 鮮甜綿滑, 我一個人食左三大碗, 超滿足咁落樓潮福令我地D個預早冬至飯

天氣凍最好就係去食野, 打邊爐, 韓燒都係好選擇, 但今次想試下少D食既野, 食下蒸氣鍋就去左係厚福街位置好方便既潮福佢有SET, 有散叫, 但今次想食D SET冇既野, 所以叫左散叫, 下次先再試下SET鍋底粥一開始放D料同粥落去, 係冇水的, 再用蒸氣經過D配料, 逼返D精華汁落個粥度食, 個粥煲完鮮甜味美, 我地叫左係雞粥, 令粥除左海鮮味仲有雞味, 好好味蟶子+龍蝦蟶子鮮甜大隻, 冇沙, 上面係生熟蒜黎, 咁整吊起晒蟶子既鮮甜, 高質；另外叫左個南非龍蝦, D肉都幾大舊, 唔錯東風螺我地叫左半斤, 都算幾大隻下, 好易挑出黎, 冇令我失望蒜蓉開邊蒸蝦糯米飯D個我地都好鐘意食, 係大大隻既開邊蝦上面, 放左好惹味既蒜蓉, 蒸完之後蝦同蒜蓉既精華落左去糯米飯度,  超好味馬拉糕聽FD講黎潮福一定要試馬拉糕, 試完, 果然鬆軟無比, 甜度剛好, 唔怪得出名蔗汁$30蚊有咁大瓶都算平, 好過飲汽水啦總結黎講, 潮福真係幾好食, 唔怪得咁出名, 期待下次再黎食任食SET