潮龍園

Open Now

Now Closed

 難得放假,去左行大運出左旺角太子行街好多餐廳無開,或要收加2加3行過潮龍園,見到個價幾抵,$23起叫左碗牛什同牛腩雲吞雙拼就比較貴,單點抵食D牛什麵$29,雙拼收$37牛腩足料,接近八件,醃得入味,有點過濃,但整體食起來幾好雲吞蝦不爽口,但皮身夠滑,小口雲吞牛什麵,牛肚牛腸牛肺牛肝件數亦不少,一天沒有吃飯,吃完也好飽呢蔥花放左匙上,沒有直接放入碗,幾抵讚既做法 油膩感重,但夠濃味,牛腩最怕唔夠味河粉用幼粉,好吸湯,湯底好夠咸味 半肥半肉牛腩 魚蛋麵,雲吞25,豬手29,魚皮餃25,魚片頭25,淨麵17,肉丸23潮龍園 太子西洋菜南街237號地舖G/F, 237 Sai Yeung Choi Street, Prince Edward

潮龍園係好多年前就食過 個時只係收17蚊一碗 味道係好食既可能因為太平影響埋我既味覺啦今日我又黎到呢到 價錢雖然貴咗d 不過都只係24蚊姐 仲係好平！以前每一次我都係食腩河，今次就試佢話最出名既魚蛋 睇下有幾出名先！魚蛋粉 ($24)首先魚蛋幾彈牙同爽口 魚片香既魚味 2都都無乜腥味湯底就中下啦 無乜味之餘 又唔多好飲 河粉一樣一般啦 之不過價錢搭救！24蚊 我都無乜大要求架啦 總結，係算係平又抵食 如果要慳錢既話 呢到絕對係選擇之一！

睇完戲後行過太子, 有點肚餓, 想食個消夜. 好耐冇食過魚蛋粉了, 路經過呢間潮龍園. 未曾試過, 見冇乜人, 又即時有位, 就放膽入內試試佢. 看了一輪後, 都是簡單叫咗碗魚蛋麵, $24. 一食, 點解d魚蛋咁大魚腥味嘅! 而且口感十分之淋完全不是爽口; 湯底當然不是用大地魚淆製而成. 更是正中的味精湯十分之咸. 雖然$24不能期望太多. 但也不是這樣的質素吧! 連相也不想拍攝. 另外, 地方也不太清潔. 檯也沒有清潔好. 沒有下次. 再見!

今晚去太子上堂，心諗勞動前先要醫肚，因為覺得落堂先食晚餐就太夜，所以就去左附近的潮龍園食河粉。個鋪頭名話自己用正宗手打牛丸，當然要叫牛丸河（$28）。牛丸有牛味而彈牙，河粉滑而飮湯底唔口渴，價錢$28蚊一碗。好抵個朋友叫左清湯腩河（$28），影相比其他人問估依碗係咩，個朋友睇仲以為崩沙腩，其實只不過是普通淸湯腩咋，肉質好腍，牛腩份量都幾多，又係$28蚊，醫肚一流！雖然跟粉麵，冷熱飲加$8，叫油菜加$11，但快食趕上堂所以冇叫，結賬共$56.

而家要係旺角搵$30蚊樓下既餐廳已經係非常之難，如果一個人既午餐，或者趕時間要快食，呢間鋪頭一定幫到你。未入到門口，呀姐已經好熱情招呼，不過入面d坐位就非常之窄，咩住既背囊都無得除低。食既期間見到好多人都係一個食，佢地都係快出快入。大部份既粉麵都係$30以下。我叫左一碗牛腩河食，碗麵都只係$28蚊，非常之抵食。牛腩既份量都算叫做多。不過牛腩既肉質有d‘鞋’，但整體都ok既。如果要碗飲品就加$11蚊油菜加$13蚊如果趕時間食呢間，係一個品錯既選擇

尋晚去咗太子嗰邊食下午茶，因為冇食午餐嘅關係，所以就行過經過見到平就行入去填肚😂 喺潮龍園你間食店外面叫見到大大個招牌寫住$27右面加嘢飲，覺得好抵，所以就衝左入去🤣 喺太子來講$27有嘢食有嘢飲係比較難少少🙈 除咗麥當勞之外！ 一坐低，就見到枱面Menu好多野揀～大部份都係面加一個餸！我就叫咗魚皮餃河粉，再加凍檸茶✌🏻 $28就有得食啦！真係好鬼平～好快，我諗1分鐘都冇，就已經有得食！服務員好好，仲交代俾我聽凍檸茶就到～ 好似驚我唔滿意啲服務咁🤣🤣 抵讚！ 試咗河粉，好軟身，唔差！係個湯底用清湯，比較淡少少，所以落辣椒或豉油就比較好！至於魚皮餃，好大粒！未到好好食，但係並唔差👍🏻👍🏻 同埋，呢度好好，唔會逼你快啲走，我食完之後坐咗一陣嘆埋凍檸茶都冇俾人吹過，服務好好👍🏻

天氣轉，小秘書啲萬年咳又翻發💨💨💨 經朋友介紹，千里迢迢走到去太子睇中醫👩🏻‍⚕️ 醫師開嘅「心靈雞湯」似乎有啲用，比錢果時人都舒服晒🤣🤣 醫師千吩咐萬吩咐小秘書唔好再飲奶、要戒甜... 照足做嘅話，真係冇晒人生樂趣👉🏻👈🏻比咗幾舊水，點都要聽吓... 簡簡單單食碗米粉最穩陣！行到嚟花園街附近，見到「潮龍園」喺面前，可能打風關係，入面十個客都唔夠😅 不過咁仲好，可以清清靜靜食一餐。小秘書樣樣都想試，可惜阿豬媽企定定喺度猛問我要啲咩... 唯有落碗牛什米敷衍佢😅 錯有錯著，牛什米味道好出色，滷水汁浸得啲牛什好入味，湯底又夠香濃😋 拈！

早餐時分到附近，見到有個侍應姨姨企係門口落力地叫喊招客，雖然係左右兩間猶豫不決時會好大壓力，但最後俾佢既誠意打動左...入餐廳時侍應又會跟住你尾，似乎趕你落單咁...好緊張呀😖但佢好好，見我諗唔到，就推介招牌魚蛋同牛丸...我點左碗24蚊既魚蛋米...湯底清甜，唔錯；魚蛋彈牙，似足料；辣椒油幾香，好評😄但失色地方係...最基本既米粉，煮得唔夠耐，偏硬😔仲要幾條幾條痴埋一著咁...而無奈佢係主食，佔成碗最大份量，所以扣左好多分...但總括黎講，呢個價食普通野，係旺角算抵食...不過d侍應真心aggressive,搞到食碗麵都有d緊張咁😅

這家潮州粉面跟灣仔的權記有得 fight。雖然潮龍園的魚蛋粉賣二十元一碗，比權記的貴一元，但朝龍園卻有提供牛雜粉，權記就沒有。潮龍園的魚蛋不輸給權記，而且我發现朝龍園的牛雜粉十分美味，一碗不過二十二元。牛腸裡面有一層白如棉花的肥油，我知道很邪惡，不過當入口那肥膏在你嘴裡融化時 你就豁出去了，管他什麼心臟病，吃了再說。至於牛丸就真的麻麻 可以略過。雖然潮龍的選擇很多，但不是所有粉面值得食。總體來看説，潮龍園是可以選擇的。

月尾時候，行街就話可以window shopping啫，行到倦都要搵地方醫肚㗎，見到潮龍園門口寫住23蚊碗粉麵起，即刻入去試試。店內乾淨光猛，但可能是小店關係，坐位比較迫夾，我和朋友各叫了爽滑牛筋麵及鳳城水餃河爽滑牛筋麵牛筋炆得淋滑爽口，不會太淋黏嘴，湯底牛味濃香，麵身淥得軟硬適中，但略嫌鹼水味重咗些鳳城水餃河水餃大大粒非常飽滿，一碗有三粒，但水餃皮稍微厚咗啲，但餡料非常豐富，蝦肉彈牙，筍絲夠脆，木耳絲夠爽，河粉夠滑整體嚟講，以咁嘅價錢有咁嘅質素相當唔錯，算是良心老闆，值得捧場

難得放假諗住手約班朋友齊齊出旺角掃街點知出到旺角先俾人放飛機唯有自己毒樂樂啦LOL掃街之前經過西洋菜南街附近見到潮龍園嘅粉麵咁抵就決定入去試下打定個底先牛腩河個人覺得粉麵最重要嘅就係湯底而潮龍園嘅腩汁夠哂濃郁但又唔會太咸，而且充滿肉香好正；河粉軟硬適中唔會夾落就斷，而且夠薄夠滑；牛腩煮得軟腍入味，加上肥瘦均勻，食落唔會太膩太韌，而且唔臊無雪藏味；雖然舖頭較細座位逼啲但係質量以廿幾蚊嘅價錢黎講真心超值

又要平又要正，係旺角食個LUNCH尼講都無咩可能，今日試左呢間粉麵舖，$23/碗粉麵，價錢算抵，加飲品都係$8，熱辣辣想坐低抖抖食個粉麵飲返杯凍野就啱哂。潮式扎肉河配凍奶茶扎肉有5塊，跟圖片一樣，扎肉夠爽口，唔係"淋謝謝"，河粉都幾滑，辣油係食河粉必備，辣度夠，但辣味一般，成碗粉既份量不多，當佢係一個下午茶咁食就算，當lunch咁食，男人唔會夠飽，另外，奶茶茶味尚算香濃，亦都算幾滑。舖頭仲有外賣雲吞及丸類，可以外賣返去打邊爐。

又到月尾糧尾，又係要食平野時間。我約左朋友仔行街，在行街之前想食又平又快晚餐。係旺角一帶其實已好難搵到我心水😲在西洋菜南街我終於揾到間合乎我心水粉麵店。大部份都係20-26粉麵。朋友仔叫了靚韭菜餃米粉，我就點了金錢牛肚米粉。碗麵雖然是＄26，製作一啲都唔馬虎，真的有金錢肚。碗麵好大好夠飽，真是性價比高。朋友的韭菜餃米粉都有三隻，佢話都好唔錯，這個價格來說（$20），佢覺得好大抵,好似食學餐餐甘便宜。😍

與友人時常在十一時左右須在太子找東西吃，東川時常臨收舖不想做生意，悔氣至極，倒不如多走兩步到這邊。潮龍園光鮮，光猛兩堂，餐牌在兩旁的燈箱顯示出來，座位不少。牛腩、韮菜餃米線牛腩雖然呈丁方狀態，但是肥瘦均勻，一層肥一層瘦，外貌還是挺吸引。而韭菜餃亦都大隻飽滿，惟可惜之處，就是韭菜餃太過遠林薄皮， 夾起時很容易散開。米線不算太多，非常之軟，沒有任何彈力。湯底而言，如果要牛腩韭菜餃就沒有那麼濃，友人的牛筋米線湯底比較濃郁，整碗啡色都好像榮記車仔麵一樣。店內環境新簇，以往經過，好像沒怎麼見過這間麵店，細問之下，店員（定還是太子女）表示此店裝修過😯五人各一碗麵條，再加兩個小食魚皮及鯪魚球，鯪魚球味道欠香濃，只屬一般而已。但座位尚算舒適，地點方便，而且金華時常吸引內地人大排長龍，來潮龍園這兒吃碗牛腩也不錯。

牛筋河😋牛筋分量多辣醬夠辣湯底夠味唔係味精湯👍🏻👍🏻價錢經濟又實惠 23蚊💪🏻💪🏻鮮蝦雲吞米粉米粉份量多 😉我仲嫌佢多得滯 鮮蝦雲吞有四粒 開頭果兩粒豬肉分量多 😕😕味道一般 後尾個兩粒就食到有蝦 🤔可惜嘅係鮮蝦雲吞唔夠香 我比較鍾意食多蝦嘅鮮蝦雲吞😋炸魚皮15蚊係夠脆 唔會硬 但調味方面麻麻 唔夠香 😫太子同旺角都幾多間＄23嘅麵食 🙌🏻🙌🏻🙌🏻其實佢呢間種類都幾多 又有牛雜 墨魚丸 魚蛋