潮龍園

Open Now

Now Closed

每到荃灣唔知食咩好，又唔想食得冇咁油，平平地就當然係簡潮龍園！相信呢度係平民、屬於街坊既餐廳！牛什幼麵咁大碗麵，食材十足，都只係$30！平時去茶樓食個金錢肚，都要成$30幾一份！咁低既價錢食到咁既一碗麵邊度揾？！講到味道，食幼麵點都唔少得辣椒油，麵條彈牙有咬口，牛肚正常味道，牛腸都干淨，成碗食晒！腐乳通菜跟餐配加$10，屬於大條果隻通菜，翠綠新鮮爽口！腐乳好香，望落去多左啲油，但好不介意比咁多腐乳汁，撈埋黎食，

呢到既招牌係手打牛丸，但我對牛丸冇乜大興趣，亦沒有太大既要求，所以你俾普通牛丸或者手打牛丸，我都食唔出有咩分別。附近都有幾間麵店，唔叫「正宗手打牛丸大王」，生意都唔容易做呢所以我都係揀咗個 賣相唔錯既牛腩河 ，結果係普通，腩汁係香濃既，但牛腩有少少「諧」，但肥皂又好肥。但後尾睇返，佢仲有一款叫崩沙牛腩，貴成 12 蚊，唔知分別大唔大呢？下次試下先。三尖八角既味道好重，啲粉碎濕濕既，或者係咁啱啫，我唔會怪佢既。呢到既環境有少少似香港仔啲魚旦河麵檔，不境都係賣麵啫。另外一提，呢到都有一種街坊情懷既，因為我見個姐姐同啲食客都有傾下計，都有不同的熟客支持既，哈哈。

今晚我就同朋友去到荃灣嗰度搵嘢食 行行下見到有間餐廳既粉麵賣相都唔錯於是就會入去食啦我揀咗個魚蛋米線， 加碟通菜而朋友就因為佢食唔曬就畀咗粒牛丸我依到啲魚蛋真係好好食 爽口彈牙 魚味十足！以note 9拍攝

如果自己一個人醫肚嘅話，食碗簡單粉面就夠曬快～今次嚟到荃灣潮龍園，食呢碗牛筋麵認真係快靚正～一碗麵裏面竟然有7 -8舊牛筋而且牛筋煮得好淋! ! 又好入味! 每一嚿食落去都好有補充骨膠原嘅感覺～只係$28，實在太幸福喇 !另外，加咗碟油菜都只係需要$ 10～見到好多人都叫腐乳通菜，賣相幾吸引～我都嗌番碟先～通菜睇樣都知，好幼嫩～而且，咁既價錢，菜既份量都算多佢哋嘅腐乳汁都做得幾好，味道適中40蚊都唔使，可以食到一碗咁足料嘅牛筋麵同埋靚菜一碟 性價比非常之高咁嘅組合，啱曬追求均衡飲食嘅人啦～

今次一行三人，其中一位朋友就話荃灣有檔粉麵好好味，尤其係牛腩！咁大家好即興就一齊去食啦！，早餐都有唔小既選擇，其中崩沙牛腩真係好小食店會見到首先，潮洲扎肉河，潮洲出既扎肉雖然同越南扎肉唔同既味道，依度食落都幾好味，河粉夠幼，同薄皮，再加腩汁！第一次試既崩沙腩，重未試過食牛腩唔黏牙既腩肉同普通既牛腩真係有分別的，好爽口，好好味啊⋯⋯牛根麵，牛根跟本係淋到唔使咬既感覺，做到真係好淋好似食jelly既口感！好味道！下次黎真係要試一試豬手，魚蛋魚蛋，潮洲扎肉等可以外賣返家煮黎食！可以買返d回家慢慢食

今日因為好夜先食晚飯，見到有間粉麵鋪未關門就去試下。我地叫左一碗魚蛋河粉和一碗牛腩麵，同埋叫左一杯熱奶茶、一杯熱檸茶。魚蛋河粉有落到魚蛋和魚片，魚蛋好有魚味、好彈牙！湯底亦都十分夠味，河粉不會糊作一團。牛腩麵係分湯上既，所以麵質可以保持都爽口彈牙。牛腩夠入味、有上湯既味道。整體黎講係一間抵食既粉麵鋪頭，係平靚正咁食一餐既選擇。除左魚蛋河同埋牛腩麵之外，雲吞麵都係潮龍園既招牌麵，之後再黎既時候都會去試下。

早兩日一個人行街經過潮龍園, 正值 lunch time, 入去醫下肚先。店舖位於荃灣鬧市, 唔算好大, 卡位坐落有 d 窄, 但整體亁浄嘅。order 了韮菜水餃米線, 另加 $8 有杯飲品, 冷熱同價。落單後大約 5 分鐘就有野食, 好快手喎, 水餃只有 3 隻, 少了 d, 但勝在皮薄, 多餡, 陣陣韮菜香味, 唔錯唔錯, 米線煮得唔會太淋, 剛剛好, 味道亦唔會好鹹。天時暑熱, 梗係整返杯凍飲啦, 凍奶茶少甜唔該, 始終餐廳嘅奶茶都係有番咁上下水準, 啱港人口味。埋單都係 $33, 抵食。

星期六瞓醒已經係晏晝了🕛，當好肚餓啦😁，但又唔知食乜好，就去咗這間荃灣街市街嘅潮州粉麵餐廳，即刻食番個“早午餐”先🤣！坐低我地叫咗 ：牛肚水餃河牛腩雲吞河生菜（腩汁）脆魚皮兩杯凍奶茶講真，其實佢地嘅食品都係一般，不能話好好食，但都不是太難食，佢地嘅牛肚及牛腩都夠淋同入味，但個麵嘅Size 越來越細碗，有將價就貨之嫌。個脆魚皮都夠脆，但$15蚊得這個 size 就好似“食水深”咗D，生菜亦是。。。只得番杯凍奶茶還過得去！

落雨天十一點幾想食番個河粉，求其入左潮龍園。店面無乜人，都算闊落企理，姐姐都幾熱情。揀左一陣，叫左魚皮餃河，$25幾平。等左幾分鐘就到左，有四舊魚皮餃, 麵嘅份量都夠嘅，女仔食。其實呢個組合都唔難食得去邊嘅。湯就普通茶記清湯，得調味料味。魚皮餃就還好啦，個皮比較鞋同厚，入面啲肉就實，都唔會有咩鮮味，同四海就無得比嘅，不過都算幾大粒。總括黎講，就係最普通嘅粉麵，唔難食但又唔會好好食。唔會再叫魚皮餃喇，不過下次可以試牛腩河，$28都幾抵。

光顧此店約十次，最近兩次吃的牛腩麵，令我知道不能再次光顧了。剛剛這次，六塊牛腩有3塊幾乎是全肥膏，其餘的所謂牛腩也只是頭尾碎，湯鹹而且油，若是標榜潮州式清湯腩，這質素簡直就是地獄級別！說真的若質素好的牛腩麵28蚊還算很合理，可是如果我連續吃兩次都是吃到用幾舊肥膏來完全取代牛筋的話，那就極為不便宜了！我不知道是師傅問題還是這店的經營方針，完全當客人是死的，所以特此發表，希望告誡大家不要再支持這食店。

室內的裝修與太子分店一樣，問過店員，她也說和太子的店舖其實一樣，但是食品質素卻有天淵之別。明明在太子吃過三四次，每一次都覺得非常不錯，牛腩有肥有瘦，即使是丁方形的牛腩，也不至於這麼瘦，瘦得非常痴牙。這次在荃灣分店吃的牛腩麵，牛腩瘦得甚至乎像木頭一樣，看來賣相已經不吸引，如果勉強咬下去，只會吃得滿口痴牙，甚至乎覺得吃下去徒添難受。米線有比太子的分店差啊，非常之軟林，由於小朋友吃的粉仔一樣。即是我只是一個其貌不揚的男子，給你20多30元的生意，也不用給我這種質素的牛腩吧，我寧願數量少，但是質量好。

本來要吃最平的，看到有23元粉麵就一心要試下，誰知大眼睇過龍，沒留意牛丸是28元就叫了牛丸米。。。。牛丸很彈牙，肉質爽口，但卻少了牛肉味，這就是牛根丸的特性嗎？米粉份量多，湯頭中上。可以一試。

今日要落馬灣做活動，在做活動前當然要食飽先出發，因為本人唔知那邊有沒有東西吃和買，最方便當然在轉車位荃灣覓食。因為只想食個快早餐，所以選擇了這間，人人一個麵，劃一23蚊。我想了很久，最後選擇了炸醬撈麵。因為其他麵店根本很小會有這個價錢。但這間麵店如果加飲品就要加錢，沒有套餐的。變相其實消費多左。以上是今次的早餐，肉絲很入味、那個湯我差不多飲曬，那杯奶茶，我叫了小甜，但其實都很甜，有點扣分，但總結這餐早餐都算抵食，我用了十五分鐘就吃完，証明我的選擇是對的。

以前他們的崩沙牛腩是很㝝和好味的, 不過此情不再, 每況越下! 今天下午再來幫襯, 看看有沒有改善! 我要了碟“蘿蔔崩沙牛腩飯”和凍檸茶。我下單時曾要求伙記替我把腩汁分上, 結果,食物來的時候又是用d好咸嘅腩汁浸住D好咸嘅牛腩來! 伙記仲解釋話佢地唔識把牛腩和腩汁分開, 就係咁樣上㗎啦!到試味了, 豈料蘿蔔入口是硬的, 用筷子都很難把它刺穿, 肯定蘿蔔係應該未熟, 然而一崩沙腩份量明顯比以往少了三份之一, 白蘿蔔就勁多勁大舊, 崩沙腩肉質很硬, 完全唔㝝, 仲要十分咸, 若給老人家吃應會立刻吐出來。未食過d崩沙腩可以煮得咁硬就拿給客食! 杯檸檬茶仲要超甜我以後都不會再俾機會呢間食市! 超難食!

牛腩好好食，乾淨又衛生，連廚房到見得到。抵食，大碗，又有quality,又快又好味！一定會再去，下次可能試手打魚蛋或咖哩牛腩飯。冷氣有啲涷但係店員很有禮貌，真的值得推介！