潮龍園

Open Now

Now Closed

【荃灣•潮龍園】✨————————————————————————位置鄰近荃灣街市 經過買餸食碗粉做下午茶都唔錯 主打粉麵飯 街坊價錢 飽肚超值 😀🍯｜崩沙腩撈麵｜HKD 58麵質爽彈 可自行添加湯汁調較干濕 牛腩簿切斬件 肉質夠腍 易入口 仲有腩汁撈麵 配搭絕輪🍝🐮🐄🍯｜黃金魚角河粉｜HKD 30河粉質感可以 湯底較清 可以自行加辣醬調味 魚角水準唔差 水準可以 性價比高兼飽肚🫰🍹｜甜豆漿+凍華田｜甜豆漿採用香港製造 正遠荳品公司供貨 採用優質精選大豆 豆味濃郁唔會太甜 。凍華田 多凍小甜 消暑之選

崩沙腩河（$48）凍飲（+$6）崩沙腩有六件，接近冇肥膏，筋膜爽口，肉夠腍，肉味有但唔算濃，整體合格以上。湯底望落深色以為好濃厚，飲落頗清但都夠味（過咗 2hrs+ 都冇口渴）。河粉份量足，幼身，OK滑。牛雜麵（$34）4片金錢肚（有𡁻口但唔算爽）、2舊肺（少少彈牙）、2舊腸（失望，唔彈牙，冇口感，冇肥膏，冇牛脂香）、1片膀（好細片，粉，唔痴牙），整體勉強合格。腐乳通菜（$12）正常，好在夠脆身唔老，冇痴牙。

#chuchu食在荃灣📍潮龍園 平時唔係好有胃口就會想食潮州粉麵，見到門口價錢幾抵食，入面又幾光猛，🐷媽就話要入去了！ 坐低嗌完嘢食冇幾耐就上嘢食，超有效率！—————————————————————❣️崩沙牛腩河 $48牛坑腩好淋，無牙都食到🤣好重牛味，毎一舊都係得小小肥啱啱好，食落唔會有渣唔癡牙！好大碗！腩汁湯底好但又唔會太咸！.❣️魚蛋河 $30 啲手打魚蛋魚片好好食，好爽口好彈牙好有魚味！河粉都好嫩滑，個湯都好清！.❣️通菜 +$12嗌個粉麵加$12就有碟菜，啱晒🐷屋企平時唔出街食得多，冇乜食菜🤣加上啲通菜好嫩冇根，完全冇渣！.❣️凍檸茶 +$8❣️豆漿 +$8 加8蚊就有飲品，豆漿係枝裝，大大枝！仲要唔算好甜，好重豆味幾正.💬平靚正，糧尾恩物！—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 潮龍園 (荃灣)荃灣荃灣街市街47號地舖👉🏻元朗、太子、藍田都有分店！🕑營業時間：9:00 - 21:00—————————————————————#chuchu食港式—————

今早瞓晏咗，差點忘記約咗朋友由大埔去荃灣行街，怕趕唔切，所以冇食早餐就出了門。到了荃灣，有啲肚餓，路經荃灣街市街4 7號地舖潮龍園，以為11點餐廳會少啲人，點知原來都頗多客人，我估這間餐廳的食物質素應該唔錯，於是就入去試試。餐廳大約有50多個座位，兩邊牆壁都貼上大大的餐牌，枱面亦有餐牌，方便客人選擇食物。我們叫了一碗墨魚丸河和一碗牛雜河，兩碗湯河都只是每碗$34 ，大碗夾抵食。墨魚丸湯河墨魚丸爽口彈牙，河粉幼滑，好味。牛雜河牛肚，牛腸，牛蒡，牛肺都鹵得入味及軟腍，食牛雜點少得餐廳秘製的辣椒油，食得滋味。

今日打算去城門水塘行山🧗🏻‍♀️入黎荃灣見到openrice 呢間有崩沙牛腩食，即刻去試下😍朝早去都好多人，入到去張張枱都要搭枱，好多人食‼️可惜今日無崩沙牛腩，不過唔緊要啦，叫左一碗牛腩麵🤓牛腩好淋，呀婆無牙都食到😍😍同埋都唔會太肥，毎一舊都係得dd 肥啱啱好😆份量都好多，朝早當早餐食都食唔曬！同埋牛腩湯底好juicy😗好特別 但又唔會太咸！唔覺有味精，因為飲左好多湯都唔會好口渴😊另外一入舖頭就見到有人包既餃🥟🥟都好大隻好新鮮，即刻叫多碗韮菜餃粗麵，首先粗麵好有驚喜，好彈牙🍜🍜普通湯底食落都唔會好重鹼水味！雖然得3隻韮菜餃，但隻隻都好大隻，仲大隻過個匙羹😆😆同埋d 韮菜好香，好新鮮🫶🏻呢個價錢食碗麵完全係物有所值，仲要好飽肚🥹🥹

荃灣街市街潮龍園,餐廳大, 潮州麵選擇多,小至魚蛋魚片蝦餃四寶粉, 到各式潮州滷牛什牛腩都有得揀,唔怪得客似雲來。牛腩飯也份量大方,牛腩與筋膜相連爽口軟腍, 蘿蔔湯底清甜不膩。-唔想食咁多肉水餃粗也十分推薦水餃包得勁大大隻，滿滿木耳絲豬肉餡同彈牙蝦仁多汁之餘Juicy好食 '\ ^^ /'湯頭不會死鹹，粗麵而且份量也頗大碗。-通菜 跟餐配了通菜， 碧綠爽脆，鮮甜大份。- 最後仲叫埋脆炸魚皮-魚皮香脆且無腥味，鬆脆可口 

🍛#哈比四圍食 #荃灣美食 #荃灣 #牛腩麵 平時打邊爐必定去呢間買墨丸，係我鐘意嘅墨丸質地，真係好少地方買到好食嘅墨丸，如果你哋都有食過好好食嘅墨魚丸，歡迎喺下面留言話俾我知😍咁今次呢就特登坐低試吓佢其他嘢食😆嗰日11點左右都未夠已經好多人🙈我就叫咗佢哋嘅皇牌牛三寶揀咗撈粗，仲加碟腐乳通菜🤭撈粗分量都唔細而且唔會好勁鹼水味，三寶分別有牛腩、牛筋、牛肚，每款都有四至五件 真係好豐富，牛腩同牛筋都好入味，入口香軟但又唔係炆過龍好淋嗰種👍🏻.➡️ 潮龍園 (荃灣)荃灣荃灣街市街47號地舖

荃灣的潮龍園是一間地道的港式粉麵店，許多人特意前往該店購買配料回家煮。我和朋友點了魚蛋魚片米粉、南乳豬手麵、油菜-蠔油生菜、炸魚皮和跟餐的凍豆漿。⭐️️魚蛋粉$30魚蛋魚片米粉湯頭鮮美，米粉爽滑，魚丸和魚片口感鮮嫩，鮮味十足。⭐️️南乳豬手麵$34南乳豬手麵，豬皮豬肉入口即溶，充滿南乳香味，配上軟硬適中的鹼水麵，味道很好。⭐️️跟餐油菜$12油菜-蠔油生菜，山菜嫩滑，燙到剛好沒有過老。⭐️炸魚皮$15炸魚皮炸製得非常酥脆，口感一流。 店員還給了我一碗熱湯搭配炸魚皮，魚皮浸在熱湯中滋滋聲，十分美味。⭐️️跟餐冷凍飲$8凍豆漿雖然是向工廠取貨，但是豆漿豆味香濃，入口清爽，並不甜膩。還有下次可以嘗試牛腩牛雜，看到亦多顧客吃。另外，店姨姨的服務也非常友善，會主動問需要加碗熱湯餸魚皮。

今日係荃灣經過潮龍園，點了一碗豬手麵食。估唔到，豐富口感，豬肉的味道很濃郁，但同時也不會太油膩。麵條的硬度也非常的適中，完美的配合了豬肉的風味。湯汁方面都不容忽視，湯汁濃郁，卻不過分油膩。裡面還掺入了蔥花和香菜，增添了些微的香氣和清新感。如果覺得口渴，可以加枝豆漿飲下，跟餐幾多幾蚊，幾扺飲！總的來說，口感豐富，豬肉香濃、麵條適中、湯汁濃郁。如果你喜歡豬肉面條，那麼潮龍園食的豬手麵絕對是你不能錯過的一道餐點。

今晚放工經過荃灣街市街，見到呢間潮龍園就醒起個朋友曾經提過話呢間粉麵檔D牛好好味，牛魔王既我咁橋見到緊係唔會放過啦。晚市入去都好full , 我一條友入去都係要撘枱啦，所以我淨係叫一樣嘢就算, 我為牛而入黎既所以就叫左個崩沙牛腩河。碗麵一上枱，望落d崩沙牛腩確實唔錯，唔會得個瘦字，可謂肥瘦適中，中間就係要帶小小一層肥膏先係最正，未入口都知應該會好林，我夾起一舊放入口，真係非常鬆軟，濃郁既牛味來回於口腔兩側，真係非常好味。餐廳既牆上其實仲有好多推介，例如個魚皮都好想試，不過未咳完都係乖D，唯有下次再黎試啦

今朝去到荃灣街市附近己經差唔多11點,未食早餐,見到呢間有牛什,牛腩,魚蛋粉麵等,今次揀左牛什河粉$34,另加凍檸茶$8,牛什有牛膀,牛肚,牛肺同牛腸,味道唔錯,湯底唔算鹹,河粉又索湯,價錢又抵食!

星期六日周圍都多人，啲餐廳全部都勁爆棚，想搵間餐廳坐吓都難😅 我行勻成個荃灣市中心，都搵唔到餐廳，打算搭車走算啦⋯⋯ 但我又非常肚餓，唔死心，係都要行到條街最篤篤！見到呢間魚蛋粉餐廳門口啲人排曬長龍，以為又無得食啦⋯⋯點知原來啲人係買緊生嘅手打魚蛋外賣返屋企！掂！原來入面有位坐，我即刻拿拿聲返入去坐低！😍🔸五香牛雜 $34牛雜五香味好重，而且每個部位都好爽，唔係鞋颯颯，好好食！😆🤎🙌🏻😋🔸淨自製魚蛋 $30呢度嘅自製魚蛋，全部都係由自家嘅工場去製作，所以非常有口感！不過我覺得除咗口感有唔同之外，味道上面同普通魚蛋唔算分別好大。🔸鳳城水餃 $30🥟水餃皮好薄，入面包住左好足料嘅餡料！鮮蝦嘅蝦肉好爽彈，咬落去完全係脆卜卜，鮮味十足！我最鍾意入面嘅木耳絲！🥰🔸腐乳通菜 $12通菜份量幾多，大部分都好青嫩，不過有幾條菜顏色就偏墨綠色，腐乳醬都有好多，鐘意食腐乳醬同菜嘅人值得一試！🔸蘿蔔 $12啲蘿蔔整得非常入味，不過有啲蘿蔔有渣，麻麻地🙈🙈🥲

今日同老人家去荃灣街市行下買嘢，唔知係咪太耐冇岀街🤣原來呢邊成條街都係粉面鋪！我哋就揀咗呢間😀食物一品四寶湯河呢個啲丸好爽口！唔洗好大力都咬得開嫲嫲帶住假牙都咬到佢哋啲河粉都好滑，加上炸蒜、葱，成個湯都可以飲埋！飲埋都飽🤣牛三寶飯呢個不得了！首先啲腩汁勁好味🤤啲金錢肚超冧，但有爽口嘅感覺。好大碗68蚊真心抵食！另外仲有超大條牛筋😱個牛腩又好好食😋崩沙腩河粉崩沙腩聽就聽得多，但老公話好食嘅唔多，佢呢到有就緊係要試啦！果然正！口感一定係正過牛腩佢好入味，好冧，但又好爽口我平時都唔係好食牛，今次試咗🤣愛上左💕其他

約咗去朋友屋企燒嘢食，出發買嘢前先同另一位朋友食碗麵打打底我揀咗牛三寶米粉配韭菜餃，朋友就揀咗個崩沙腩河粉配牛筋。呢度店員介紹試下個有骨脆魚皮，我哋之前都冇試過就決定試下。等嘅期間見到有好多人嚟買生料（聽佢地咁嗌，即未煮外賣走），對我哋嘅食物更加期待！等咗陣我哋嘅食物就準備好喇，睇見都好開胃，舐舐脷！我個牛三寶有牛筋，牛肚同牛腩，份量十足，配埋非常新鮮嘅韭菜餃，好味道。 牛三寶炆得夠淋夠入味，牛肚淋得嚟又咬口，牛腩肥瘦得宜，當然同朋友嘅崩沙腩畀就佢嗰個再好味啲，但係我呢個牛腩都相當唔錯！牛筋大大條，米粉亦都好多，真係豐富又飽肚。朋友個崩沙腩河粉雖然貴過一般牛腩，但真係超值，量多唔講，係個質素，牛有肉香味，又有脂肪連住，咬落去嫩嫩油香，又係大大碗，再加大大條嘅牛筋，飽到我地都唔知之後仲燒唔燒到野食最後要讚下個有骨魚皮，比起一般無骨魚皮更好食，勁脆，脆得誇張，魚皮個種香味更香濃，係無咁吸湯，所以更脆，唔係周圍有得食，所以值得推介！

近排去開荃灣做嘢， 早2日路經呢間粉麵店門口竟然排晒隊等入座， 今日晏晝就黎試吓佢先😋🐮 崩沙牛腩米線 ($45)如果問我要揀最鍾意食牛腩部位既話，我一定會揀崩沙腩！佢係屬於牛肚皮既腩位，有層軟膠質食落爽軟腍滑，腩位炆得夠腍唔好會Dry，配埋滑溜溜既米線係唔錯既，而且崩沙腩既份量都唔少，有機會真係值得試下👍🏻🐮 五香牛雜河 ($32)牛雜就款款都有，金錢肚一格格網紋好靚且炆得夠腍咬落煙韌，牛腸夠哂肥美，牛肺清洗得夠乾淨有鮮味爽脆得黎又唔會有異味，而牛膀都不羶不澀，可以講得上整體都唔錯唔錯👍🏻🐟 炸香酥魚皮 ($15)連骨炸既魚皮你食過未？每舊原塊炸魚皮都唔細，連湯比你點，放落去牛腩湯有得，3秒定律牙記得😎不過…我決定一啖咬落去卡卡聲，好鬆脆，爽牙😏🥬 蠔油生菜 ($18)