瀛豐放題料理專門店 (Moved) New Location

有冇大閘蟹迷呀？🦀見唔見到滿到瀉嘅蟹膏 😍食落又creamy又濃郁 生蠔雖然唔係好珍寶 但一樣唔差 一啲都唔腥！帶子夾住海膽 好邪惡呀😍海膽鮮甜 帶子厚肉 其他刺身一樣好新鮮又厚切 泰式生蝦個汁調得惹味 酸辣兼備！仲有壽司 泰式料理 串燒 炸物 甜品 基本上試唔哂已經飽到🤣 我覺得個放題性價比好高 店員服務都好 上菜快 所以基本上唔好急 食完先點都得 唔好浪費啦～基本上大閘蟹放題已經夠哂滿足！再升級生蠔+帶子海膽+生啤加$118/一位

～蟹～🦀🦀🦀🦀🦀🦀日泰放題～滿足晒兩個願望～入秋了，天氣涼涼地，又到左食大閘蟹嘅季節，加上無限量嘅刺身，上次食過呢度嘅生蠔放題，一試難忘！餐廳用QR code落單夠晒環保，一開始先上一盤刺身拼盤，之後每次想食邊款，都可以再落單。大閘蟹每次最多可以order三隻，15分鐘左右就有得食，即叫即蒸，速度都算快。暫時食咁多隻都多膏😋雖然唔算爆膏，勝在鮮味，肉夠實淨。除咗每日都有供應多款日式刺身，泰式食物款式都唔少，有各種串燒、泰式炒菜、泰式豬頸肉等小食都有我最鍾意泰式馬拉盞炒通菜，必叫，熱辣辣，馬拉盞嘅鹹香好足夠，又唔會太辣，係微辣帶甜嘅風味，好惹味！今次我哋訂咗位，都見到full晒，原來平日都幾好生意喎✨性價比高🤩

🦀繼早排帶爸爸媽媽嚟呢度，瘋狂食生蠔🦪，最近發現佢哋換咗Menu，黎到大閘蟹嘅季節lu。餐廳除咗有Qr code自助落單之外，仲有自助區俾大家自己攞飲品，枱同枱之間都有間隔，夠安全。😍一坐低先嚟個刺身拼盤，今次仲比上次，多咗款時令嘅魚刺身，魚身脂肪紋理分布平均，有魚油香，掛住食，都唔記得咗問店員係呢款魚添，其他刺身肥美，即叫即切冇雪味，而且上枱夠凍👍🏻食完刺身，我哋先開始食暖笠笠嘅大閘蟹，大閘蟹介乎三至四兩，隻隻都多膏又漏油，爸爸都唔理爆曬quota😆，忍唔住食咗八隻。一個放題食齊日式、中式、泰式，好特別。全家人一齊食特別有氣氛！

又到了食大閘蟹的季節，友人們知我極愛食大閘蟹，去年已提議我去瀛豐吃大閘蟹放題，但始終沒有去到，今年終於揾到一位同道中人一起嘆番餐。瀛豐放題主打日韓菜， 共有百多款菜式可供選擇，大閘蟹放題每位$409，加$118可升級任食生蠔，海膽帶子，任飲1664和朝日生啤，今晚我和友人決定揀 “星”級版，食得豪D。首先當然來一個刺身拼盤先，一般任食放題刺身的質素都是一般，但這裏刺身的質素令我相當驚喜，所以認唔住再order多一個拼盤。牡丹蝦~又大隻又爽脆，十分鮮甜美味。赤貝~ 肉質爽口，彈牙鮮甜美味。油甘魚~厚切，柔嫩鮮甜，正！生蠔~鍾意食生蠔嘅朋友千祈唔可以錯過，雖然不是很大隻，但海水味好濃郁，帶甘甜味，正！海膽帶子~帶子本身已經十分鮮甜嫩滑，再加上口感 幼滑甘甜的海膽，真係好味到唔停得口， 簡直係雙重享受。大閘蟹~對我來說大閘蟹先係呢餐嘅主角，即叫即蒸，雖然唔算大隻，但隻隻都超多甘甜的軟膏，十分滋味，我和友人每人都食左7隻，淨食蟹都回哂本啦！泰式美食都係呢度嘅主打，所以點都要order番少許。泰式生蝦刺身~ 肉質緊實富彈性，雖然係泰國草蝦，但也味道鮮甜，配泰式生蝦酸辣汁十分滋味。魚餅~魚味香濃，

6點到,6點20分先入座,衛生惡劣,一入去差啲仆直,員工載口罩露個鼻出嚟,毫無防疫意識.一入去體溫機狂咁響.等待時間過長,女性服務員入座唔知帶咗我去邊張枱,冷氣成日滴水.女性服務員成日企喺到吹水唔做嘢,舉手叫佢又唔認,叫左幾次先肯過嚟.成地垃圾,枱櫈又濕又油.食物一般般,壽司還可以.唔建議再食.建議提早10分鐘執好嘢畀客入座.吹左幾次野食,過左陣先再過嚟幫你追.嘢食永遠嚟少1-2件,同服務員講又唔應.食物一般般,服務差左啲.

見到都有很多好評，於是昨晚去試試，點知中服，不是预期的那麼好。1. 飲品選擇少，雪糕得一款。2. 食放题，居然可以上菜慢3. 有些食物居然售罄4. 坐得逼逼澀澀，地方又细5. 因為食第一輪，食完後， 侍應居然叫我地坐後電梯走，讓食第二輪的客人進埸。

我哋係一班好耐冇見嘅朋友 趁疫情放緩梗係出嚟happy下啦今次去黃店放題試吓魚生食落好新鮮有三文魚 油甘魚 中吞拿魚 北寄貝 希靈魚 最好食嘅魚生就係佢個赤蝦 大隻得黎肉又甜美 任叫食到你飽為止🤭🤭另外櫻花魷魚壽司都好味 魷魚好爽口 不過小心食得多就好快飽😔😔帶子壽司都好正 帶子係新鮮甘甜嘅🤪🤪有海膽壽司你叫 不過海膽有少少苦🙊🙊熟食來講 燒菠蘿係意外驚喜 食咗兩塊食得出即叫即燒㗎😜😜佢個炒通菜好好味 有腐乳調味🥰🥰

呢間野上年見到宣傳單張嘅時候已經好想試，直到今天終於有機會去試，但真的非常失望大閘蟹放題，啲大閘蟹一食落去就知道係烚，唔係蒸的，因為烚出來，所有鮮味因而流失，蟹膏變得好水水，蟹肉亦都很鬆散，冇蟹味，中伏…刺身方面，馬刀貝同刺身蝦算ok外，其他刺身質素都唔好，感覺唔新鮮壽司方面，壽司飯好實，上面嘅材料亦都唔新鮮，尤其係和牛壽司，吐都吐唔切，完全咬唔開，劣食炸物，係新鮮炸出來，但係炸粉太厚燒物，除咗燒菠蘿OK，之外其他完全唔得呢間野真係好難食，下次唔會再幫襯

同一班朋友慶祝生日，識揀一定揀應季大閘蟹放題🤩更有豐富刺身拼盤😋日式同泰式小食等緊你！最推薦，必定係海膽帶子~嫩滑帶子包住肥美海膽，一啖一粒零捨滋味🤤🦀肥美多膏夠鮮味🍣特色魚生日本船🍢驚喜串燒羊扒酥😚甜品雪糕糯米糍刺身最推薦手指長珍寶赤蝦🤩手指長超大隻夠甜美~豐富壽司，手卷，更要試下火炙芝士船🔥泰式小食，冬陰公湯，炸蝦餅，無骨鳳爪酸辣夠開胃❤甜品Tiramisu，香滑椰汁糕，榴槤糯米糍更有驚喜~好豐富，選擇多，四個食慶生真係夠盡興！🥳@yingfeng_food 📍銅鑼灣

看到OpenRice這裏的日式放題，價錢都只是$229 ，便安排時間來到。到達之後侍應介紹升級放題，可以吃大閘蟹放題、海膽帶子刺身和愛爾蘭生蠔加任飲Asahi和1664 生啤。刺身拼盤有赤蝦、三文魚、油金魚、醬油吞拿魚、八爪魚、鮑魚片、冰山蚌、象拔蚌和馬刀貝。以乾冰製造的煙霧迷漫效果，非常吸睛，每一款都很新鮮，其中以三文魚刺身最為先甜美味。愛爾蘭生蠔🦪，非常新鮮，尺寸偏細，不過味道非常鮮甜可口，追加了三次以上。大閘蟹，應該是三兩重，味道偏淡，是時令食品。海膽帶子刺生，將帶子包着海膽，兩者的鮮味融合在一起，只需加點醬汁和日本芥辣，便已經很好味了。泰式食品：燒海蝦、炸蝦餅、燒菠蘿、燒豬柳。其中以炸蝦餅最為令人驚喜，爽口彈牙。和味一口牛，牛肉味道十足，加上翠玉瓜的鮮甜味道，是一道不錯的小食。甜品，都是自家製的糕點，其中以榴槤糯米糍最為吸引。飲品有特式飲品和啤酒🍻，Asahi是自取的。

今個月老媽子大壽，決定今年帶佢黎食日式放題🤣平日佢偏愛刺身，生蠔，海膽，相信佢可以係「瀛豐放題料理專門店」得到大大嘅滿足感😍.上到去先知，原來依家推出左$409大閘蟹放題，加埋$118任食生蠔同$98海膽帶子，雖然荷包大出血，但堅係值回票價👍.一開波先上勁量級刺身盤，有大甜蝦，三文魚，螺片，油甘魚，冰山蚌，鮑片，八爪魚刺身等等，先每款食幾件，岩食再encore🥳.再黎生蠔盤，生蠔吾算好肥美果種，但勝在新鮮爽甜，唧D檸檬汁落去，到配搭埋茄汁，好鮮甜😎.跟住係海膽帶子，厚肉帶子中間嘅滿滿嘅海膽。海膽嘅甘甜配上柔軟嘅帶子肉，口感極次豐厚飽滿😆不過建議，一碟即可，再encore會過飽🤣.終於到今晚主角-大閘蟹出場啦～八隻大閘蟹，熱騰騰咁上枱🤓目測有一隻手掌咁大嘅size! 隻隻蟹公都係膏多肉多，澎湃金黃色既蟹膏，口感細膩又綿密，入口濃郁香甜。慢慢整出蟹肉，肉質爽嫩蘸上黑醋，真係好完美😘 .雖然我地主力食刺身同大閘蟹，其實仲有好多款式係哂電子菜單上，掃一掃QR code 即可落單。有刺身，手握壽司，軍艦，卷物，火炙，涼菜，炸物，天婦羅，燒物，仲有泰式料理。由於肚皮有限，只係揀左幾款😂小編心水最推

佢哋嘅大閘蟹放題真係好豐富😚而且menu上邊，仲有好多唔同嘅小食配料可以試埋，dinner time buffet食得非常滿足❤.壽司選擇豐富👍嫩滑和牛火炙壽司，足料蟹肉蟹膏軍艦，甘香鵝肝帶子壽司，可愛海膽親子花之戀，🔥火炙芝士魚生船夠特色，烤香芝士醬，再配日本魚生半熟三文魚好正~.都有經典日式小食，芝麻八爪魚，夠彈牙，醬汁都好香滑😍我friend最鍾意特色泰式無骨鳳爪，🌶食落甜辣，好開胃！

呢排開始轉季 就成日心郁郁想食嘢呢排勁想食放題見到前排instagram有人介紹瀛豐放題料理專門店今次心郁郁去左食佢地食物種類都有好多選擇刺身款式都多 而且都好新新鮮佢地既天婦羅都好好好好食炸得好香脆串燒個方面燒完出黎仲有肉汁 而且係肉嫩不得不提既係生蠔佢地鮮甜得黎帶有淡淡海水味超讚Location: Causeway BayPrice (10 is expensive): 6.5/10Environment (10 is chill): 7/10Yummy (10 is delicious): 7.5/10

喺香喺港食咁多野,未試過有一間餐廳,食d野全部都係凍,d大閘蟹全部都係死又苦,好難食咁大個仔未試過OpenRice寫評價,哩間真係唔鬧唔得,我以後都唔會再嚟食,呢間野真係要永遠back list。首先服務員又要一直吹你埋單，啲蟹又要勁耐先上，叫嗰啲食物好多都冇黎，其實真係冇一樣野係好食，全部野係凍，又難食，真係出去食碗雲吞麵冇咁嬲。環境好迫，蟹殼一直冇人清理，莊蟹殼個兜又細，地下又滑又污糟，服務員個個都黑面對住你

屋企人聽朋友講呢間好抵食，決定今日放工孝敬下兩佬～平日晚上放題$229加一，如果加海膽帶子同埋法國生蠔，就每位升級加$118～先黎一round法國生蠔，好鮮嘅生蠔，肉質結實唔creamy，帶淡淡海水味，估唔到咁高質～質素直逼酒店級數～升級仲包埋呢款帶子火焰海膽，如圖咁正，海膽刺身裏面包着一大塊海膽，海膽超肥美，帶子鮮甜，就咁嚟食呢兩個升級食物都抵晒～巨型刺身盤～刺身種類非常多，比起一般放題仲多，而且仲好新鮮～質量非常高質，食到爸媽好滿足～火炙壽司～種類又係好多，有火炙三文魚、一口鰻魚、和牛、鵝肝帶子，師傅輕輕燒過壽司面，入口溶化，正～泰式野食我哋叫咗泰式燒扇貝同燒蝦，燒扇貝加埋蒜蓉好惹味，蝦肉結實～天婦羅～唔會厚粉，上菜時仲係熱辣辣，好味熟食有驚喜～飛天通菜同一口和牛粒勁有大排檔風味，竟然係放題食到咁高質嘅熟成，食到想encore任食甜品同飲品～甜品方面榴槤糯米糍大推薦，入面滿滿嘅榴槤肉，榴槤控必試～總結，黃店放題，質量超有保證，必食！