火鍋薈 (Closed)

係深水埗同朋友hea完唔知食咩好，見到有間新開既打邊爐任食，$158加一，就決定試下。見到其他人多數叫雞煲，不過聖誕節，日日食大餐，諗住清清地，就叫左豬骨湯底試下，都幾好味，仲真係有兩大舊豬骨，飲落唔似味精湯，煲底唔會有味精粉。跟住叫既配料都幾有heart架喎！有花膠，d手打蝦滑、手打墨魚滑、蝦丸、墨魚丸，都好好食🤤 重點好中意食佢既滑鮮牛肉，真係滑啫啫，好味！其他海鮮都唔錯！仲有呀！呢到唔係飲庶水嗰d，係有洛神花茶任飲，唔太甜，酸酸地，我覺得都係正既！👍🏻總結$158加一，食到咁既質素打邊爐，性價比高，抵呀！

話說個妹響英國番尼香港放聖誕假，就話成年冇打過邊爐，要食盡佢。個老婆就話要試新野，就book左間剛剛開業唔夠十日既火鍋薈。咁我地一行三人參觀完我間鋪就一齊去打邊爐。行到樓下就見到有個妹妹非常熱情咁介紹野食，今時今日香港地年輕人有哩d服務真係可以話一流！上到去坐低就緊係先攞野飲，野飲係自助既，種類尼講有好多，全部都係特別飲品例如冬瓜茶、荔枝茶之類，仲有一渣渣既夏枯草同洛神花茶，飲落似係自己煲，有誠意，打邊爐下火就Fit曬。基本上我地一早就諗定要食雞煲，然後再打邊爐，落紙大概五分鐘左右就尼，香港既邊爐文化尼講，已經係快到不可思議，簡直接近快餐店既速度。尼到係要開爐煲多一陣先既，店員話會入味d，同埋最好食之前搞一搞個底，避免加水打邊爐果陣痴底。雞既質素尼講，雞肉食落好滑口，多肉少肥，多汁唔會乾。數量尼講呢，應該係半隻雞尼既，但係我地三個人食都覺得好多，最後連埋d雞加水打邊爐。打邊爐既食物尼講呢，丸果d正常野就必定有嫁啦，而且都幾齊，菜都有五六款。至於特別d既食物就緊係手切肥牛同花膠啦，打邊爐唔食哩兩樣都真係幾對唔住自己。手切肥牛尼講，肥瘦均勻，神奇在於通常出面既手切肥牛係較厚身，似食牛肉多過

呢幾日天氣又凍番 係時候要食雞煲打邊爐啦！呢間火鍋薈就係西九對面 又係我公司附近 樓下個姐姐幾nice 傾左幾句計又講得下笑 幾有親切感！所以係短期內我已經食左2次 上次食雞煲加打邊爐 今次一於試另1個湯底～就係滋補花膠醉雞鍋！聽到名都流晒口水～order左湯之後就去雪櫃揀野飲 竟然有我勁勁勁中e飲既冬瓜茶(最後我係飲左起碼5罐因爲太好飲)除左冬瓜茶另外仲有韓國野飲 同自己煲既洛神花茶 開胃又清熱～跟住當然去混個醬先 香茜 生蒜 炸蒜 辣椒係我必食既!!搞完個醬湯底好快送到～落左起碼半隻雞落去 d雞多肉夠嫩 醉雞味道一流!!花膠夠厚又大舊 食落口會漿住 真係真花膠!!我飲左1啖個湯 好夠醉雞味 酒落得夠多 夠足料 好好飲 我忍唔住飲左2碗 飲完個身暖笠笠!!d雞食到咁上下就落火鍋料 全部都係任食!!海蝦 帆立貝 花膠 手切肥牛 羊肉 黑豚肉 手打蝦滑 手打墨魚滑食材全部都好新鮮 而且無漏單！我好中e食海帶結 呢度都有!!好鬼正～手打蝦滑·墨魚滑真係手打 唔會腥 好彈牙 好好食!!聽講呢度未有酒牌 但可以自攜啤酒上黎飲 所以真係想飲酒可以買定上黎雪住佢～另外侍應們都好親切 個個笑容滿面

平安夜前夕...諗住同老婆出街食飯...經過呢間新開既火鍋店...門口有個女人好落力咁派傳單..就去攞張傳單睇...結果就俾佢好強硬咁扯左入去..唔俾時間我地考慮..好似有d夾硬泥..一入去...環境都ok...叫左個雞煲....同少少火鍋料...除左d蝦唔新鮮外..其他大致上都唔錯！不過我覺得派傳單既女人唔好咁夾硬泥..食完野落去都仲見佢扯客上泥..

上星期日同男友加埋啲fd黎火鍋薈食飯，任飲任食$158位，叫左個雞煲，小辣，啲雞夠滑又多肉，好惹味，其他材料又新鮮，食足兩個鐘，食完仲有雪糕食，啱晒我！下次一定再黎食！