炊豕店 (Moved) New Location

在銅鑼灣區工作，只好在這裡找找有什麼好吃的東西，其實這一區多了很多有名的小店鋪，真想續一去品嘗一下。今次便來了這間台灣肉燥飯店。看見食評的相非常的吸引。我叫了肉燥鹵蛋飯$43，友人叫了咖哩汁豬扒飯$47，一個飯還送一杯飲品，我選擇了可樂。肉燥是帶點肥肉的，我不太喜歡，因為我怕肥，所以覺得肥了點，但友人側覺得肥度剛剛好，非常的好味，蛋的味道一般，本人認為可以再入味一點，肉燥汁伴飯簡直一流，我差不多吃了全部飯，但因為真的太飽了，吃不下，飯的大小其實剛剛好，不過可能喝了汽水覺得有點飽。我又試吃了友人的咖哩汁豬扒飯，豬扒是炸的，炸得不會太油，咖哩汁內有薯仔，配上豬扒白飯真的很好吃。

十一月二十八日 (星期四)倆口子如不少港人一樣熱愛到台灣旅行，原因很簡單，地點方便，台灣人又好美食又多不過話雖如此，台菜在香港人未可以說是大行其道偶爾也會有一兩間彈出來的，就像這家位於銅鑼灣的炊豕店單是這個起初不肯定怎樣讀的店名，已吸引我倆前來拜訪炊，音吹，家豬也; 豕，音始，燒火做飯也，結合的意思，大家想一下吧店不難找，就是人氣抹茶店Via Tokyo隔鄰入店，盡是懷舊的裝潢擺設，甚有回到過去的味道地方不大，約只可容納二十人左右看看點餐紙，款式不算很多，就是預期中的東東喇價錢相宜，大都是五十元便有找，還附飲品如是者，便點了鹵肉蛋配撈幼麵和炸豬扒配白飯鹵肉蛋配撈幼麵很快便送來喇，份量的確慷慨大概是期望過高，鹵肉沒有想像中好吃入口還是挺煙韌的，不過則較乾蛋亦如是，太乾身蛋黃也太粉選了幼麵，仍甚有嚼勁，有朋友說粗麵會是加強版拌勻醬汁後，非常香口，挺不錯的~比較之下，會更喜歡炸豬扒配白飯大大塊的豬扒，炸至金黃色的外層，入口脆身非常豬扒則屬半肥瘦那種，煙韌的肉質又夾着肥膏的油香，十分香口配以惹味的咖哩汁，拌飯吃，如何可以不愛它?食物雖算不上很高質素，但也算是中上水準喇，更勝在經濟實惠不失禮若肚

雖然每個人既要求都唔一樣、但係對豬扒既肉質要求基本係可以分成兩類，一類係喜歡吃「林」身的，食落口要有軟綿綿既口感；另一類人對肉質既「咬口」有一定要求，「林」少少都覺得係「霉」。炊豕店既豬扒比較適合喜歡吃「林」既人；以咁大塊同咁厚既豬扒來講，做到肉質咁「林」咁「嫩」, 而且炸完唔會一陣油味，其實真係做得唔錯👍👍👍個肉燥汁，可能因為偏甜，即使食既係撈麵，再加埋塊咁大既豬扒都真係覺得膩左d〜整體來講塊豬扒值得一試、係亮點、其它野都ok啦，想食豬扒個陣都可以再去既〜

有留意Openrice都知Via Tokyo係邊同有幾出名; 同樣, 都知Burgeroom係邊同有幾出名, 係兩者中間的, 裝潢走懷舊風的, 吃台式野的, 叫炊豕店, 不知有多少人經過過而沒有深究過呢?今天晚飯時間來到, 食客蠻多但又不致要等位, 入面唔算大, 座位唔多, 一邊是餐檯, 一邊是放懷舊擺設同非常格格不入的可樂雪櫃, 椅子有幾種, 算是不幸嗎? 男友坐了又長又窄那款功夫椅, Patpat不能坐太出, 不太舒適。食物種類唔多, 幾款餸跟飯或撈麵或其他, 送飲品,可以加錢加汁, 另叫小食咁。台式炸豬扒肉燥汁飯炸豬扒應該是此店最出名吧, 幾乎每檯都有人食緊。標題說的「食神之黯然飯」, 因為外相+個碗真係好似周星馳套食神入面的黯然銷魂飯!! 可是, 它一點也不銷魂, 只有黯然… 失色…..豬扒肉質是淋, 卻沒有丁點鮮嫩, 炸粉有點多, 吃起來不算脆口。肉燥汁一早已淋係飯面, 汁既份量適中, 太多反而過鹹, 用黎撈飯食確是不錯, 但談不上什麼驚喜, 所有鹹鹹地既野撈飯食都是不錯的啦。滑蛋叉燒飯那個叉燒超級唔得!!! 肉質粗糙, 好韌咬唔開… 蛋又唔滑, 比茶記還要差… 

炊豕店裝潢是充滿懷舊風，擺設包括九龍錶行掛鐘、公雞碗、鐵風扇、鐵皮信箱、紅綠日紙等，恍如走到六、七十年代。食品方面是台灣的家常菜，款式不多，包括滷水雞翼、秘製豬扒、柱候牛腩、南乳豬手等等。醃法用上重薑蒜、香濃惹味、肉燥是用五花腩人手切成的碎粒。牆上用粉筆寫著簡單的幾個字: 淺白地道出了店子的宗旨和教曉我們讀音和意義。秘製豬扒（肉燥汁）撈粗麵 [$45 包飲品]: 豬扒幾大塊，外層是薄薄的漿粉，香脆且肉厚鬆軟。粗麵彈牙，配足夠的肉燥汁，帶少少甜味。絕對是銅鑼灣抵食之選。南乳豬手（肉燥汁）撈粗麵 [$43 包飲品]:南乳味並不突出，肉質不靭。

今朝過咗海，又記得有此餐廳，一於行去試吓先，豬扒飯，加蛋，罐裝氣水 = HK$52以下餐在銅鑼灣計，應該不算貴啦，我係荃灣工廠區飯堂都成40蚊啦！先講講個豬扒，份量多，都好味嘅！但如果只可食多一次豬扒嘅話，我一定會去大埔街市食囉！但不可不提嘅係個飯，台灣米，飯身肥嘟嘟，好正，有誠意！滷蛋都入味，又無搶咗個蛋香，又唔太硬，係好似要加7蚊，都推！

不知怎的，一直想試這家。可能是它的裝潢，讓我覺得它是一家有格調的小店。試了以後發現，其實不過是一家普通小店。朋友點的是肉燥滷蛋撈幼麵。一端上來，看到粗粒肉燥，就感覺有點不對。我以為是台式碎肉肉燥，味道是不過不失的滷水味。肉的肥膏是看得見的多，我知道滷肉是應該用這種肉，但吃起來，難免會有點內疚。麵是魚蛋粉檔的幼麵，滷水汁是足夠讓幼麵入味的，而且味道也算配合。只是這樣配搭，讓我有點搞不清自己是在吃什麼菜，我原本還以為是台式料理呢，但台灣人不吃這種麵吧。我點的是秘製豬扒飯（肉燥汁）。豬扒是炸過的，雖然沒有很油，但也沒有很脆，味道普通，不會過鹹。配搭珍珠米肉燥汁來吃，不過不失。但實在吃不出哪裡的「秘製」。由於實在是太普通，我想我應該不會再來呢。

環境方面，炊豕店係一間以懷舊做主題既餐廳，地面鋪住80年代港式茶餐廳最常用既綠色地磚，而店內既裝飾擺設亦充滿住懷舊既氣息，等野食果陣欣賞一下都係個吾錯既選擇=] 唯一吾好既地方係店面較細，食野果陣會覺得有d逼><食物方面，我今次叫左秘製豬扒飯配肉燥汁($45)。豬扒都幾大塊，味道亦非常獨特，係只有炊豕店先有既味道我朋友就叫左個叉燒滑蛋飯($43)加鹵蛋($7)，個人認為有d鹹><但朋友食開濃味既就覺得都不錯總括黎講都幾抵食!!!行開銅鑼灣都會再去

下午一時左右 已經有一條短短的人龍不過吃豬排的心意已決 唯有等等吧在等待的途中選好了 肉燥汁秘製豬排飯而店內的佈置很有懷舊的感覺 有不少的裝飾椅子更是學校課室的木椅呢 有特色!-肉燥汁秘製豬排飯豬扒果然很巨型 佈滿了整個飯碗 我鍾意!炸粉是薄薄的一層 沒有脆香的感覺但豬扒肉厚鬆軟 油脂豐腴 好味道而肉燥偏甜 只有少量肉粒和我期望的有點距離不過整體來說性價比頗高 食物質素是不錯的!

由於成日經開附近, 所以成日都係附近食野大大塊豬扒都開左好幾個月, 繁忙時間都係人流不繼由於時間都幾趕, 所以今次無影相值得一讚既係D豬扒真係幾大塊, 雖然唔係次次黎既水準都一樣, 都證明唔係工場機械式作品, 只要唔係去到難食就得, 因為四十幾蚊既飯仲送野飲係銅鑼灣都幾難搵但佢地既多飯都唔係多好多, 男仕真係可以次次都揀多飯實無走雞朋友既粗麵就麻麻地, 因為上次我係食粗麵, 所以今次都推介左朋友食, 上次我食係好香同彈牙, 今次就煮得多左龍, 同醬沖少左D, 無上次咁好食, 好在我係揀飯, 珍珠米好香好好食另外最重要既係今次黎等左好耐唔係指排隊, 係指入到去等個飯到, 平時1-2分鐘就到, 今次5分鐘都黎唔到, 搞到我地鬼咁趕所以建議各位揀啱時間黎, 而家咁既高溫加上企係出面等, 都幾辛苦!

聽聞這裡是人氣店，名物是炸豬扒，其實本人對炸嘢的興趣不太，但既然來到又沒有人排隊，一試也無妨。 店舖的裝修有很多舊式的點綴，但來幫襯的都是年輕人，後生仔果然喜歡食炸嘢。原來這裡是屬於台式食物，因為有肉燥，滷蛋，但又有叉燒炒蛋，所以又屬於港式，是但啦，搵食啫。 看看價錢，又幾相宜喎，慳慳哋＄45 就有個飯仲有嘢飲，銅鑼灣區算平。 點了秘製豬扒（肉燥汁）＄45，配了撈粗麵，豬扒出現的時候果然好大件，鋪滿成個碗，熱辣辣，不過始終是雪藏豬扒，肉質只是一般；粗麵配肉燥汁，其實和豉油撈粗沒有甚麼大分別，整體上勝在大件夾抵食，到此為止。意思是只吃正餐好了，小食可以不吃，那＄18 七粒的香蒜炸魚蛋真係搵笨，又唔好食，＄18三隻的滷水雞中翼，自己整罷啦；店員也沒禮貌可言，總括來說一試無妨。 會不會再來，很難說。

我當然冇咁笨同你逼, 梗係揀啲落場時間先去去完明白點解咁多人, 因為扮外地嘢, 同埋大件, 仲有平,先唔好講味道, 以上幾樣嘢已捉正大眾心理味道其實同上海排骨差唔多, 醃味偏甜肉係幾鬆化, 皮有啲厚, 食落幾油, 再配肉燥飯, 都幾滯吓店內冇冷氣, 一路食一路標汗叫做試過就算, 下次食豬扒都係去返tonkichi或勝博殿

見openrice咁多好評，所以好奇一試，只可以說裝修幾得意同埋平，味道可以說是難食，就像不太懂得煮飯的人在家自己煮的，牛腩無味和霉，個汁係好杰嘅生粉汁，粗麵不彈牙，咖哩汁係日本咖哩唔香，豬扒唔鬆脆，太多漿粉，店員無禮貌，整體來說絕對不值得試。

港人一向鍾情台式美食 例如咖啡弄 茶木等台式餐廳大行其道是次到訪的是主打懷舊的小店由不知何時開始 禮頓道一帶開滿不少特色小食店via tokyo, waffills, 亦有多年歷史的丹麥餅店及burgeroom正好一次過滿足不同食家的願望大概下午一時到達 眼見有一大堆人在店舖前等候還以為要等好久幸好她們只是等候外賣自取 在炎熱的天氣下等了15分鐘都真不好受店鋪很細 最多只可坐10多人左右 很大程度是因為餐廳只用了其中一邊的空間擺放座位另一邊則放置了不同的懷舊擺設 連地下的磚都用上了70,80年代常用的pattern整間店都營造了vintage的感覺 可惜的是地方小難以容納好多客人 有心試的食家可能要花點耐性等候 還記得上次7時多經過 有接近10多人在門口等候!食物方面1) 叉燒滑蛋飯老實說這不算是餐店的名物 但出奇地比想像中好蛋好滑 叉燒並非平時在街市買的紅色品種 而家日式拉面的叉燒飯可選多飯 適合大食一族2) 豬扒撈面 (可選粗/幼面,配咖哩/肉躁汁)豬扒是店方的推介 當然要一試啦 是次未有機會試肉躁飯 所以選了肉躁汁份量不少 一個女生未必可以完成 豬扒看起來很脆 有8多塊第一眼覺得

呢日朋友話想試食呢間,所以已經做定RESEARCH叫左粗面+滑蛋+忌廉個面黎左一陣,罐野飲都未到(其實個雪櫃就係正我後面,但我又唔知可唔可以自己拎)舉手叫左WAITER好耐都無人SERVE後黎竟然係廚房個姐姐行出黎見到我地舉手主動問咩事,仲拎埋野飲俾我地成個面都好濃味,不過D肉碎食到最尾先見到,但我覺得有少少太重咸味,晒左舊豬肉滑蛋就幾好味後黎出去埋單俾錢時,見到門口埋單個妹妹仔係咁玩緊電話,唔怪得叫極都無人黎追單我覺得試一餐都OK,不過我應該唔會食下一次同埋呢間野應該寫明係自助服務/請過D留意客人既STAFF另外就係唔係坐貼牆個邊既客會坐得幾辛苦下,因為要坐條大約得8CM既橫木食成餐飯,個屁股會有D痛