炳記茶檔

Open Now

Now Closed

長龍店，經常行過睇到食唔到（我一般懶得排隊）。 今日有機會試到，茶走、奶油多好味！特別提提奶油多，烘得好香，好特別，同外邊有啲唔同，冇留意佢點烘。我諗佢其他多士都好好味。另外食咗啲湯麵湯米， 呢樣就一般唔係太特別，豬扒麵個豬扒肉質一般，不過黑椒汁做得好好味，加煎蛋撈落湯麵度食味道好好，如果塊豬扒肉質靚啲就一流，有啲可惜。街邊茶檔環境可以想像，不過呢啲叫做特色，應該好多遊客會去，我自己都覺得OK，服務態度，環境都冇問題。整體來講，如果唔使排隊，我一定再幫襯。排隊對我來講真係致命傷😵‍💫

香港碩果僅存街邊茶檔，因為名氣太大，有時路過見到冇人都會幫襯吓😂今日七點半落到嚟，仲有位就走咗入去食個早餐。我諗喺呢度食嘅係感受佢嘅風情歷史，而唔係食物嘅味道。八點走嗰時就排滿人講真一句嘅食物味道係一般，本人比較喜歡嘅係雞翼米同埋烘底三文治。今日叫咗雞翼米，雞翼係滷水雞翼，今日煮得幾彈牙入味，米粉就比較硬身淡要落去啲辣又搬埋一齊食，佢啲麵餐有生菜配埋一齊食唔落就比較健康。腿蛋三文治，烘底夠脆，配埋凍奶茶😋豬扒米線，佢啲豬扒都入味， 但屬於偏瘦同硬嘅豬扒😌整體嚟講唔使排隊都可以試嘅，要排隊就會食其他啦。

每次入大坑都會去嘅炳記！👅今時今日，喺香港地想飲一杯順口嘅奶茶唔係必然，周不時會飲到啲伏嘢😩而炳記嘅奶茶，茶同奶比例啱啱好，非常順口👍🏻當然唔可以話係驚為天人，但就係飲過之後久唔久就會掛住，每次飲都有種「就係呢個味道啦」嘅感覺😌至於嘢食，其實都係大路嘢，我就最鍾意嗌奶醬多/奶油多，真係好好食😋雖然每次過嚟都要排隊，不過其實唔會等好耐，一路排一路諗定食乜就差唔多~一排到你嗰陣就會同你落單㗎啦~想食嘅話唔好太遲先嚟呀，佢哋大約三點就截龍❗️每次食都見好多人摸門釘🙈

連續兩日都幫襯，真心奶茶係好飲，豬扒亦夠入味。但奈何兩次都漏單，第一次以為製作需時，結果等咗20分鐘先有豬扒麵；第二次想落單時個伙記叫我等吓，然後就冇再理我，咁唯有嗌過另一個伙記叫嘢食啦。然後大批內地遊客到場，佢哋兩個伙記就殷勤招待，遊客就上食物先，我就繼續久等！封關3年，生意一落千丈，全靠香港人繼續支持先可以捱到今日未執！疫情過後，應該明白唔可以只偏重外來遊客，唔通未受夠教訓？

📍《 炳記茶檔 》大坑施弼街5號側大坑三寶之一嘅炳記茶檔，相信大部份人應該都聽過，佢仲係👦🏻讀書果陣嘅回憶添😝～ 於是食咗n次嘅👦🏻搵咗個weekend帶未食過嘅👧🏻去試吓！呢度日日都好多人排隊，所以我哋12點左右就到咗，唔使等直接入得😏！▫️ 豬扒煎蛋麵🍜 $34呢度嘅名物一定係豬扒麵😙 豬扒嘅肉質都算唔韌，同埋啲黑椒汁都好入味😋！👦🏻慣左倒少少日清麻油再加埋隻煎蛋食，簡單得嚟已經好正！▫️奶醬多🍞 $13呢度嘅奶醬多都十分推介！大件得嚟啲花生醬同煉奶都好多，個包烘咗底好脆口，好食😆▫️凍奶茶🧋$20嚟得呢度冇理由唔叫返杯奶茶！呢度啲奶茶茶味夠晒濃，又香滑，即使好少飲奶茶嘅我哋都覺得好飲👍🏻人均消費 $50 推介度🌕🌕🌕🌕🌑#hongkongfoodie #香港美食 #打卡餐廳 #thefoodie #foodie #foodiehk #foodpics #foodphotography #foodblogger #instafood #香港必食 #香港好去處 #大坑美食 #大坑 #大坑好去處 #大坑必食 #茶檔 #奶茶

聽住大坑朋友講大坑有兩大local food龍頭🐉今日去開中央圖書館就當然要黎其中一間試吓😋Lunch hour去到大約排左6-8人左右，不過等左10分鐘左右好快就入坐，朋友話「你第一次黎我幫你叫名物啦～一個豬扒麵、一個奶茶係呢到必叫嫁」🍜🧋豬排醃得好夠味（或者可以用濃味黎形容）餸嘅分量都好多，公仔麵煮得just right唔會太淋太硬。奶茶好味到可以令我住9龍都會特登過海專程黎飲，茶濃又帶少少苦澀，煉奶用得好好飲落口齒留香（given 外面好多奶茶texture好稀完全唔合格）I could call it one of 香港世一奶茶😘豬扒麵🍜🍜🍜🍜奶茶🧋🧋🧋🧋🧋

門口冇寫明排隊位置，平日去到未見有好多人排以為等緊外賣。豬扒麵，$28，湯底同麵底都同平時茶餐廳冇乜分別，我覺得出色同埋有驚喜嘅係豬扒，醬油同黑椒都好入味，肉質又唔會話好柴，而且都有4-5舊，數量唔會話好少。凍奶茶，$20，茶味十分香濃，口感亦都順滑，略嫌價錢有啲貴。個味道好特別，喺出邊暫時未飲過。奶醬多，$13，真係好抵食，大大件，啲花生醬同埋煉奶又好夠，唔會食食吓覺得好乾。本身用個包都好厚，而且兩邊都有烘底，口感香脆。

食過好多次唔係好想食咁飽嘅話，想食平啲我就會過嚟，但一定係冬天先會去呢度食，星期一係唔開嘅！千祈唔好嚟呀豬扒同雞翼都凍嘅，因為一早整定豬扒其實食落唔知點解冇乜肉質纖維，感覺似雞扒😂但我幾鍾意食，而且我中意個黑椒汁，想飽肚少少我都揀豬扒再揀多個餸，得麵同米粉揀嘅姐，通常我就揀米粉，米粉都分好多種，呢度嘅米粉唔係好索水又唔係銀絲米粉，食落去係有少少嚡口，不過我更唔鍾意索水浸到脹哂果種米粉。餐肉煎過正常發揮，叫咸牛肉加蛋，就係撈埋嚟煎嘅蛋牛。紅腸出面比較少有，所以都會叫下嚟食。而且你叫咩都有幾條菜比你🥹個人比較推介呢度嘅多士，烘得好平均👍🏻我就唔飲奶茶又唔會叫野飲，所以價錢真係好平，唔洗等下午茶又唔洗迫自己飲野。留意返，3點last order,要食都唔好太遲呀！

今日去咗銅鑼灣行街順便去搵朋友食tea 朋友話食啲簡單野 就推介咗食呢間舊式茶擋做下午茶 呢間餐廳之前係電視都有採訪 遠近馳名 今日去試吓一去到就見到好長嘅人龍，看見起碼有20個人等緊，不過唔緊要，無阻我哋嘅決心。等咗15分鐘到就入到去，有好濃厚嘅舊式茶擋嘅色彩，我就叫咗五香肉丁紅腸煎蛋公仔麵，朋友就叫餐肉煎蛋公仔麵，再叫左一份蛋牛治烘底大家share! 都飲品就叫咗佢哋最出名嘅熱奶茶，每人一杯！紅腸煎得好香，咬落有少少脆口嘅感覺，五香肉丁就standard就質素，公仔麵亦都煮得軟硬適中！蛋牛治烘底亦都係亮點至一，份量亦都唔細，我哋每人一件再加一碗麵就好飽！埋單大概每人$60，連埋嘢飲其實都算非常抵食！

星期日一早7:30就去到呢間綠色鐵皮屋，香港碩果僅存嘅茶檔，感受一下香港大排檔風情。去到自己開一張枱，坐低叫嘢食。雖然坐街邊，但係茶檔周圍環境都好乾淨。一去到八點就要開始排隊啦！今日叫咗雞翼米 - 雞翼入味，米粉爽口，仲有幾條生菜五香肉丁香腸米 -正常到不得了嘅罐頭肉丁，份量都算多腿蛋治（烘底) - 入面加左牛油令到雞蛋好滑去炳記茶檔食嘅係一種回憶，係一種風味，以味道同價錢來講，相信好多茶餐廳都已經做得比佢好。

期待咗好耐，終於有機會一試，大坑比較吊腳，要特登過嚟，時間金錢都洗唔少。😢排隊唔算太耐，職員有禮貌，食物一般，慕名而來，奶茶唔夠濃香，熱央算收貨，還有奶醬多可以接受。試一次就夠，而且麵類係完全唔使試。麵有漂白水味，等得耐，麵用大光麵，似用清水煮，食得清淡啱晒！唯一可取嘅係啲麵加咗菜，而家啲菜貴，俾多條菜當賺咗！叫咗餐蛋麵同豬扒雞翼蛋麵，餐蛋麵中規中矩，好難整得難食，豬扒係沙爹味道ok, 可惜凍咗，雞翼係得皮有味道，而且都係凍嘅。真心唔需要下次！

唔係住係港島區住的我們, 難得因為週年紀念所以係附近staycation, 早餐(其實都已經係lunch😆)就想去d 特別d 既野, 成日都cafe都會嫌無咩新意, 就去大坑比較多人會去既炳記茶室當然都係要排隊, 但當然等啦, 通常要排隊既都好食, 就算差都唔會差得去邊啦🤣叫左我地都好鍾意既茶走, 佢既茶味好濃, 好味, 懷舊老店既奶茶多數都好好飲咁我地就叫左個餐蛋麵同埋奶醬多, 因為我地驚熱氣所以無烘底,烘底應該好好食, 雖然唔烘我都覺得好味😁, 野食唔會差得去邊我覺得對住對面的建築物食野好正好有香港的氣色真係愛上了大坑lee 個地方❤️

新年過來附近廟宇參拜，之後在附近發現了此茶檔，原來該區這一帶不少細檔餐飲。見炳記幾有特色，便試一次。排隊第一個，好快入座。之後見後面客人都等了十幾分鐘。服務人員都好繁忙，街邊檔，著重服務的人就不要來了。沒有套餐，全部單點，不算以便宜主打，但食物品質唔錯。多士非常外脆內軟，連吃兩份，另外兩份麵食，有新鮮生菜，d餸都唔錯，比普通茶記好好多。熱奶茶清香，同茶記濃郁重奶唔一樣，別有一番風味。見隔離枱d 豬扒雞翼幾吸引，下次路過再來試。 可能有做旅遊宣傳，離開果陣都唔少人來排隊。

週末早上，母親大人帶我食好西。她都算是茶記kol 🤣 因為2蚊雞的威力，成日都到港九新界不停食。是日我們來到了大坑，終於食到我想食已久的炳記茶檔。綠鐵皮屋的懷舊茶檔是炳記的特色，然後還有馳名的豬扒麵同奶茶。🍜.不出所料，排隊是必須的，只是差在排幾耐而已。幸好，最後25分鐘就等到了。幸得母親大人提醒諗定食咩，基本上一坐底就無思考嘅空間lol .最後點了：✥ 豬扒紅腸麵💲26✥ 榨菜肉丁麵💲21✥ 占醬多士💲12✥ 熱檸茶&熱奶茶 💲18/杯豬扒有黑椒醃製過，與平常的豬扒麵不同，味道獨特，紅腸不夠脆邊。麵是供應出前一丁，特別好味。母親大人點的榨菜肉丁麵，榨菜十分爽脆，平時不好榨菜的我，都多吃了兩條😋枱上仲放左好多不同的調味，麻油、辣椒油、鮮辣椒製的醬汁、美極、胡椒粉，可以因應個人喜好增加不同的鮮味。個人認為那不知名的鮮辣椒製的醬汁好好味(✯◡✯)占醬多，醬的份量剛剛好，不會好膩。同枱坐了一對夫婦加1個工人姐姐，佢哋一共叫咗四份多士(⊙_⊙)睇到我都呆咗，就證明多士幾好食喇。熱檸茶就正常，茶香，不會太澀。奶茶點了少奶，同樣地茶好香濃，好滑，都幾好飲。不過都帶返個頭盔先，我就唔係奶茶專家嚟嘅😛

呢間炳記想試好耐，我覺得特色之處係大排檔嘅環境風味，香港真係越來越少，但食物質素真係麻麻地，原本都抱有期望，每之入大坑都見到好多人排隊，心諗一定都幾好食啦～長長嘅人龍 ，等咗接近40分鐘先有位置入座豬扒同雞翼都好普通，豬扒多筋肉質比較硬，雞翼唔入味，黑椒汁似李x記嗰類現成醬汁，無咩特別。奶醬多都係一般嘢，多士唔鬆脆，連杯奶茶都唔好飲 到此一遊 ，結論係：根本無排隊食嘅必要，普通茶餐廳嘅水準