炳記茶檔

Open Now

Now Closed

點了榨菜餐肉米粉，配奶茶。米粉方面，榨菜沒渣不死鹹，完整具咬口，裡面搭配少量肥豬肉，感覺香口；餐肉有厚度，不是「片皮」款式，邊邊煎得香硬，在湯裡放了一會也不變軟淋，口感能滿足愛煎脆午餐肉的人；米粉也不錯，不過軟不易斷，因為邊食邊和朋友聊天，最怕米粉索湯汁之後霉爛，所以米粉表現超乎預期。奶茶是典型港式奶茶，不算澀，滑但奶香不過濃，不會只求滑而過量加奶食物失去平衡，滿足。價錢可以，可惜可能太早（7am），未有豬扒。

品嘗炳記美食，簡直是這個周末的小確幸啦🍜🎉！一坐下就點了招牌的黑椒豬扒面，嘩，豬扒真係夠哂香口，黑椒味道撲鼻，辣得黎唔會太過，啖啖肉嘅感覺真係好滿足！面條爽滑，吸滿咗醬汁嘅精華，食落去真係過癮！跟住，我再配咗杯熱奶茶，香濃得嚟，味道得宜，齊齊湊一湊，真係正！平時以為茶檔嘅奶茶會好甜，但呢杯就啱啱好，唔膩口，仲有少少甘香，飲完之後心情大好！😋為咗試多啲嘢，我又叫咗份多士，真係滋味！🤤 鬆脆嘅外皮包住嗰份軟綿綿嘅內裡，啖啖都係幸福，花生醬同煉奶嘅甜，唔會過甜到膩，真係撈到寶了！整體嚟講，呢間茶檔給我的感覺就係「親民豪華」，既有平時茶檔嘅親切，又有小店吃唔到嘅質感。下次如果過嚟，我一定要試下其他嘅菜式，搵搵新驚喜！😉

其實同好多人一樣，被E神吸引，慕名而去，當然仲有CNN嗰篇報導，因為我本身係港式奶茶迷。。。OK入正題。我哋兩個人點了的東西逐樣點評：1. 熱奶茶$20: 大哥遞埋嚟倒咗幾啖落枱，冇俾紙巾擦番，要自備紙巾吸番乾淨個杯底。講番杯茶先，冇乜茶香，有明顯澀口感覺。小弟從小學開始飲港式奶茶30年，過百間就一定有，呢杯只能算係中等水準。為飲杯好奶茶嘅，其實去大快活同麥當勞仲好啦。2. 凍奶茶(少甜)$22：絕對冇做到少甜，所以都幾甜下，茶味同熱的差不多，冇咁澀，但都係冇咩茶香的，甜味掩蓋一切，似飲奶糖水。3. 咸牛肉蛋三文治(烘底)$15：面包入口好鬆脆，烘得有點偏乾身，味道冇咩問題，幾好。問題係：蛋同咸牛肉真係少到離晒譜，大概就3-4mm厚，蛋好薄，好少咸牛肉，所以冇咩咸牛肉味。4. 豬扒一丁面$30: 豬扒份量足，味道亦唔錯，帶些少肥肉香，唔會乾柴，味道唔知點形容，有啲黑椒汁味嘅感覺。至於個面，真係一言難盡，同之前某啲師兄評價一樣，係未煮夠時間就上，個面最多煮咗分半至兩分鐘，面條未煮熟晒仲白白哋，另外一碗(5)都係咁。冇一丁嘅味粉香，亦冇蔴油香，不過枱面有一支蔴油俾你自己落到夠，但一丁個味粉

今朝難得放假，約咗個老友特登揸車去食特色嘢，跟住嚟咗大坑十分出名嘅鐵皮檔-炳記。估唔到咁出名嘅茶檔竟然唔使等位，坐低後發覺枱面冇餐牌提供，侍應叫客人自行望牆上嘅餐牌。一望之下，原來唔似一般茶餐廳有唔同餐俾你選擇，飲品亦要另外叫。最後我同朋友都各自叫咗一碗餐蛋麵，一杯熱奶茶。碗麵味道非常普通，餐肉好似冇煎過咁，我食咗兩啖已經唔想食落去，朋友都話自己喺屋企煮可能仲好食過佢，好彩奶茶尚算香濃。雖然早餐非常麻麻，但下次有機會都會嚟試埋佢啲午餐同晚餐。

地道茶檔風味💕炳記應該開左好耐，每逢假日都會排長龍，係好地道好懷舊既茶檔風味，摺枱摺椅係開晒响馬路旁既街邊，港女小朋友唔鐘意😂大人食既就係懷舊風味，香港地真係買少見少了！豬扒米 $30豬扒幾冧幾入味，肉質口感唔錯，有好多黑椒碎，又唔太喊，最好既係通常裏面有幾條生菜都係好新鮮，整體幾好食既奶醬多士 $14正正常常好食奶醬多😂奶茶咖啡 熱飲$20 凍飲$22好飲既，但又唔係話好特別整體食物算唔錯，主要食地道風味懷舊茶檔坐街邊既情懷😂

難得帶女朋友黎到大坑她又成日係ig見到朋友仔去食 大坑名店炳記🤨我都未試過咁就當然要會一會佢啦😉豬扒 拼 雞翼黎到見到好深色諗住係豉油汁咁啦但我覺得 係 細過食台灣肉燥飯 上面既汁吳鹹，有D滑滑地今次呢款就➕黑椒豬扒 應該係梅頭位好琳，無骨係鬆軟既代表👍🏻 雞翼相對比下去因為吳入面覺得係普通雞翼咁多士上枱覺得普通碟仔就好少見點知女朋友食完飲野我想食就話只俾我食一口🥴(大家知咩事啦姐係 好食到 女朋友要曬🙈)咁食左係傳統既 薄多士上脆到下甜度適中而家做到咁既 店真係少好多啦🥲奶茶無之前見食評話店員會加埋糖所以問你 洗吳洗少甜而呢到 奶茶必推我都好認同👍🏻🤝🏻🤩未➕糖就已經好甘，滑吳澀就咁飲已經可以覺得夠喉🫡🫶🏼茶走覺得好香滑飲到一啖茶係外面練奶係中間好少食到咁結我覺得無網上講咁差亦吳知 十年前係點但覺得呢個水準好過現在茶記多多聲啦😉我覺得 依然係 大坑名店👍🏻🤝🏻#豬扒#多士#奶茶#茶走#大坑炳記

排咗十多分鐘、排到我、條伙記指住個牌話唔歡迎寵物、即刻走人、一世都唔會幫襯.行過幾個舖有幾間寵物餐廳、食得十分開心、唔明大排檔坐門口都唔歡迎寵物、咁守規則佢咪又係擺到成條行人路都係枱櫈.

黑椒豬扒面的豬扒鮮嫩多汁，每一口都充滿著濃郁的黑椒香氣，搭配彈牙的麵條，口感十足。這道菜的獨特之處在於黑椒醬汁的適中辣度，讓人回味無窮。而熱奶茶則是完美的搭配，茶香濃郁，奶味濃厚，與豬扒面的辛香相得益彰，讓味蕾在不同滋味中交織出美妙的享受。這組搭配不僅滿足了肉食愛好者的口腹之慾，也讓喜愛香濃奶茶的人感受到一種獨特的飲食饗宴。總體而言，黑椒豬扒面搭配熱奶茶，是一道令人難以抗拒的美味組合，絕對值得一試。

叫咗豬扒麵, 雞翼麵, 熱奶茶, 熱檸茶麵-可以用差形容, 煮麵水唔夠熱同煮唔夠時間嘅產物。兩碗都係咁。簡直浪費咗個丁麵(未有人排隊, 都已經咁)豬扒-有咬口,係硬果種, 個汁正常。雞翼-係鹵水,但係又唔似傳統嘅鹵水汁又唔似瑞士雞翼, 佢有自己嘅獨特味道, 但係就未入味。奶茶-普通(好多連鎖茶餐廳都好過佢),海防道街市任何一間都好過佢。除非好鍾意坐喺街邊後巷,否則完全唔值得專程過嚟甚至排隊。我唔理解點解咁多人話好食, 莫非我嗰次係個廚師失準,定係我去錯呢

其實已經係食咗十幾年嘅街坊，以前幾日唔飲佢杯奶茶會心思思掛住，有朋友黎大坑一定會帶朋友黎飲佢杯奶茶，而家做咩搞成咁，好失望........以前d公仔面好好食，係唔知點解，大家都係公仔面，但自己係煮唔到呢隻味道，係佢會好味d。而家食，只不過好普通。午餐肉煎的都ok香嘅，但唔知道係咪煎定先，擺到凍咗.... 荷包蛋流心係good嘅。奶茶真係大不如前。。。 以前奶茶味香濃，而家飲落去得苦澀味。係換咗老細定點？ 

【炳記茶檔】，因為陳奕迅經常黎而我認識的。🕰️炳記的營業時間通常是07:00～15:30（週二到週日，*週一休息，五好撞門釘XD (不過我自己去zor 3 次先成功吃到) 推薦:1️⃣炳記的凍奶茶被CNN評選為“四大奶茶王之一”。唔怪得知陳奕迅成日過嚟飲奶茶啦～落單果陣，老闆中會問你「洗五洗少糖」，我自己覺得好好飲，入口絲滑，唔會奶味太重或者茶底太濃，講真20蚊左右一杯，仲有呢個質素，響香港已經非常抵飲！2️⃣烤多士烤好嘅多士淋上煉乳，簡直酥脆，配埋凍奶茶，將煉乳嘅甜度大大降低。3️⃣雞翅：個雞翼係非常之入味😏 ⚠️: 大家要留意番始終係茶記，所以個環境就唔會話係好Grand，同埋我哋食緊嘅時候都會有好多雀仔喺周圍，有啲雀仔直程會停響你張櫈隔離，怕雀仔嘅人士就要自己考慮一下啦。

大坑名物了吧，今日咁啱早到。見唔洗排隊，決定一試。先說結論吧，很普通的一間茶記。豬排有味道，可惜醬料很厚重，而且口感冰冷。雞翼的話略為有點血水味味。如果不用排隊的話，可以試試。要排隊的話，就可以三思了。

香港人，第一次黎食，表示可一不可再，吃過一次就足夠！不要慕名而來，隨便找家街邊茶餐廳也好吃過這個茶檔！一碗黑椒豬扒公仔麵/雞翼公仔麵 ~$30 ，三文治~$20，奶茶一杯$20，老實講價錢便宜地道，同樣亦吃到坐路邊的風味！ 但.... 食物質素有夠差的！黑椒豬扒肉質硬實帶老，咬下去感覺雪藏很久的豬扒，沒有口感可言；滷水雞翼完全不入味，外皮有醬汁但內在就是普通雞翼肉。 如果來到要我推薦的，三文治跟奶茶還可以接受，但真的試一次就好，不值得浪費時間來排隊。最後，完全唔明白點解被旅客完全追捧，明星效應？食環境氛圍？我真不懂... P.S. 星期六大約1pm，排隊排左20分鐘，坐低等野食等左10分鐘。#炳記茶檔地點：大坑施弼街5號地舖

好普通既茶檔，豬扒麵好普通，奶茶好普通，多士好普通，所有野都唔難食，但好普通。如果住果頭，落街食個麵係ok既但如果特登搭車去，仲要排長龍，就真係可以免喇。周圍既茶記都做到呢個水準。

唔知大家去過大坑炳記未呢？ 陳奕迅就曾經講過一句：「無食過炳記，等於未嚟過大坑」，連美國CNN都品評過炳記嘅奶茶係香港四大奶茶王之一，身為香港人嘅你又點可以唔試吓呢？.凍奶茶 $20首先介紹下佢哋嘅奶茶🧋，茶底香濃富茶味，茶味濃而不澀，淡奶用囍牌淡奶，為奶茶增添濃厚奶味同口感。甜度不會過甜，建議大家唔好少甜/少冰，反而影響奶茶嘅完美比例。.豬扒麵 $28 雙併雞蛋 $34除咗奶茶之外，依度嘅名物仲有豬扒麵🍜。黑椒豬扒滷過再拎去煎，質感鬆軟，唔會太韌，豬扒亦醃得夠入味，帶有少少黑椒香氣，唔錯。.雞翼麵 $28 雙併香腸 $34另外就叫咗個雞翼香腸麵，滷水雞翼都幾大隻，滷水味正常，雞翼都煮的好嫩滑，但就唔算特別岀色。.奶醬多 加咗煉奶同花生醬嘅烘底多士🥪，味道正常，唔算話太驚豔，當係試吓香港嘅懷舊情懷。.如果有太高期待過嚟試炳記，有可能會令你失望。奶茶固之言係出色，食物味道其實都唔差，但當然出面嘅食物會有好多茶記會比佢做得好。但係，依種舊香港🇭🇰💭嘅鐵皮屋已經買少見少，趁佢哋仲喺香港🇭🇰，點解唔珍惜依種本土文化呢？