為食雞私房工場

Open Now

Now Closed

工廠區1 樓荔枝角的為食雞，已經去過幾次，中午食飯時間，一定要排隊先有得食，無骨的海南雞飯好味，配有黃色飯，朋友點了口水雞，都話唔錯，另一個點了海南雞湯檬粉，價錢合理 $54, 正

係荔枝角好出名既雞南雞飯 平時同同事都會成日黎食 因為真係好抵食 不過lunch時間多數都要等位 食完就要走去骨海南雞飯($52)仲跟配黃薑飯 餐飲/老火靚湯 黎個性價比真係好高 首先講個餐湯 每日真材實料甘煲 而且無添加味精 黎個湯味道好濃 每次黎必點 另外個海南雞好嫩滑 連埋雞皮食都唔怕 再用埋個特製醬油黎撈飯另外同事嗌左海南雞湯河粉同薑蔥雞白飯 價錢都係一樣 湯粉有幾種選擇仲可以加8蚊轉埋冬陰功底 至於黎個清湯個湯底都好清甜 蘿蔔好入味 而個薑蔥雞都一樣惹味嫩滑推薦指數(4/5)

工廠入面有好西！今次嚟咗呢間專門食海南雞飯嘅餐廳，當然要食下佢個海南雞套餐，賣相就幾靚，海南雞份量都足夠，而且點嘅醬都幾畫龍點睛。另外仲有豬仔脾懞粉，啖啖肉，湯底好濃味，好正！甜甜地，配埋懞粉，好掛湯！

我有時都會係荔枝角工廈覓下食，今次試下呢間工廈餐廳。餐廳環境大小算適中，位置都唔會太逼，但睇落會比較簡陋。-牛丸炸魚片頭米線＄30由於雙拼需要加錢，但我又唔想得一款餸咁寡，所以就加4蚊加個餸。分別揀咗牛丸同炸魚片頭，每款大約兩粒左右。麵就揀咗米線，份量雖然唔係好多，但神奇地好入味。米線完全係吸收哂湯底嘅鹹香，唔係齋米線味，呢點同枱人都同意。幾欣賞碗麵仲有大大舊蘿蔔，入口清新鮮甜。唯一要挑剔就係女仔食完唔會飽，不過下午茶餐其實都算正常嘅。-熱檸水跟餐會有杯熱飲，30蚊下午茶而言都算幾抵。味道就普通點啦，飲落暖喉，但味道偏淡。

最近返工忙到甩肺，其實都好抑壓，咁大個人又唔會亂發洩，更加唔會帶埋情緒返屋企🙊如果唔係約朋友飲野，我諗放lunch time落街食晏就係唯一既淨土😭·🐷泰式豬頸肉飯💰HKD46唔叫野飲仲可以送碗無味精既足料中湯（但我叫左凍檸水😂）原本我就食來食去都係海南雞飯同豬扒飯既，但質素真心一時時，好果時好好，下一句你自己想像下🤣但我見我有個同事，叫左勁多次豬頸肉飯，搞到我都想試下😋 ·$46其實係荔枝角都已經算平，樓下好多餐廳郁啲都$5x🤦🏼‍♀️講返個飯，豬頸肉份量都唔少，食落好爽口，肥瘦適中，沾埋果個泰式汁好開胃好正🤤我同事話識叫一定要叫兩份汁，係成個飯既靈魂！我仲衰，直頭直接倒左啲汁落個飯度，正！·我下次講下個香茅豬扒飯，利申：唔是好評🤣🤣同埋呢間野一定要堂食😈叫左外賣既話，後果⋯自負😌·❤️為食雞私房工場 (荔枝角)☺️荔枝角長沙灣道883號億利工業中心一樓九室

今日同同事嚟到荔枝角上traning course 我地就周圍揾食 發現呢幢工廈好多餐廳😋😋 因爲同事吾想食台灣野 所以就無試過大名鼎鼎的程班長🤔 行行下我地見到為食雞就走左入去😂😂 我就叫左口水雞米線 口水雞上面有好多醬汁 雞件有d係雞胸 但有d鞋 醬汁略嫌吾夠辣 整體吾夠惹味😳😳😳😳 米線質素正常 軟硬適中彈牙以呢個價錢食到一個正常lunch我都好滿意 有機會會試下個招牌海南雞飯😝😝😝推薦：⭐️⭐️⭐️

Lunch Time 時間，同事就提議去工廠大廈食一間好出名食海南雞飯既特色小店。可能佢咁介紹，所以我就抱住好大期望去。去到餐廳環境尚可服務態度都幾好，咁出名食海南雞飯，咁我當然就叫海南雞飯來試啦。個飯來到面前見到，賣相尚可既，食落就不似預期咁好食，平平冇奇，冇咩特別，大失所望。可能同事講到好好食咁，令我有好大期望，所以食落就少少失望，冇想像中咁好食。不過下次可以try try佢既豬脾飯，見同事叫都好似幾好食。

海南雞飯 設計肉一時多一時少 ，食豬扒飯呢 ， 塊 豬扒一時 厚 一時又薄，質素好冇水準， 豬 腳 飯 就好鹹， 係得啲湯好飲啲， 啲飯又唔太熱 好似隔夜飯 ，海南雞飯啲飯呢， 又唔夠熱又唔夠味。

同朋友放中午飯, 去了公司附近一間名(為食雞餐廳)話明為食雞,應該雞就是招牌,$52 包一杯熱食, 不算太貴, 餐牌上都有好選擇, 下次要試豬脾飯我就叫沙薑雞湯檬, 檬粉同雞分上, 睇落好似幾好味, 但食落真係麻麻地,成碟都係雞胸肉, 雞胸肉鞋烚烚,冇乜沙薑,勁重花生醬味,朋友叫了沙薑雞檬飯,佢這比較好少少, 話哂都是雞脾部份,食落冇鞋烚烚可以接受, 另叫了豬脾飯,這個買相得, 味道都不錯, 半肥瘦 豬脾, 醬汁好惹味, 我估其實這個先招牌菜

中午放LUNCH就去食係D2 PLACE對面的工廈入面唔係朋友介紹都唔知呢到咁多好野食入到去原來係程班長對面我叫了一個口水雞飯本身睇落好辣，但食落原來唔太辣仲有D甜甜的味道，唔錯就咁叫飯都可以轉油飯都有油香，幾好雞骨不多，都叫有雞味$52呢個價錢都OK

黄油飯配海南雞，正！荔枝角好多工廠食店，今次和朋友來到一間叫做為食雞私房工場，我本身天生就最喜歡食雞 ，所以我叫了一個無骨海南雞飯。這個飯要$52。有送餐湯，如果不要餐湯可以送飲料。海南雞配汁有2款 ，黑色似醬油汁 ，甜甜的，少少「結身」。啡色是酸辣汁，辣辣的， 配海南雞一起吃。 我覺得都幾適合，又醒胃 ，而且雞配酸辣汁 ，食下去，一點兒都不覺得肥膩感。飯是黃油飯 ，比一般白飯，又或者菜飯 ，香味更香 ，再配上無骨海南雞一起吃，我覺得簡直一流。至於，我朋友叫的是泰式鹵豬肶飯 ，這個都是$52。亦都有送餐湯，同樣是如果不要餐湯可以送飲料。鹵得都算入味，豬皮 又QQ軟彈 的，最重要是無毛，豬肶的肉質軟身，易咬 。而我和朋友選擇的是餐湯，因為如果送飲料，是送一般餐飲。所以我叫了送餐湯，因為我覺得湯對皮膚好😁，哈哈。餐湯飲下去，我覺得似無味精的湯，湯水又鮮甜，又足料 ，所以幾好飲。

Lunch諗唔到食咩，跟同事去食工廈隱世嘅海南雞飯~配湯/飲品，講明無味精老火湯，緊係要整返碗試下個湯好足料同清甜，有唔少湯渣主角海南雞飯，雖然比咗雞胸我，但係都好嫩滑，個汁酸酸甜甜有d辣，同雞肉好夾同好開胃就算夾埋雞皮一齊食都唔會好肥膩~暫時係我食過最好食嘅海南雞！黃油飯份量好多，比普通白飯香如果個汁唔夠，可以加幾蚊添多份~***唯一就係個場裝修比較簡陋同舊，係舊式70/80年代餐廳feel，速食完就走人lu~

同friend係附近搵野食 原本想食另一間餐廳但要下星期先做得番堂食 於是諗住試下呢間招牌食海南雞既飯堂 點知食完好失望 招牌無骨海南雞飯（$52 可跟湯或飲品 凍飲加$3）配上黃油飯底 但食落完全無味 得個上色 有跟埋特製醬汁一邊係稀稀地既甜豉油 一邊係辣辣地有蒜蓉既醬汁 但份量好少 而且要添仲要比多$3先有😶 到重點個海南雞 無錯肉質係滑嫩 份量都算係咁 但食落毫無雞味 而且好肥 雞皮厚脂肪多 有點失望 招牌食海南雞但未到水準 係工廠大廈內既餐廳但收呢個價錢 唔算抵食 而且質素有改善既空間

名不符實的一餐！！！！！明明只是一個普通的雞飯。黃薑飯不是特別有雞湯或是黃薑味。雞亦沒什麼特別的味道，有雞髀亦救不了味道，淡淡的比起燒味檔的更沒什麼味道。值得稱讚的是無味精的中湯，無味精卻煮得很甜，用料亦十分之足，我的一碗有一隻雞腳，但是湯的分量就相對比較小，因為可能真是用很多材料煲出來才有這種味道。如果可以再次選擇，應該會到對面的程班長或是到樓下的茶記。程班長相對貴但好味，茶記相對便宜味道亦可以接受。

在附近覓食，又想食冬蔭功，又見都有廿幾人like,所以就試。一入舖，有中伏feel,因為空冇一人，心想或者太早11:30，或者因為黃雨。一心想食冬蔭功，所以就叫了冬蔭功海鮮鳥冬，點解夾鳥冬，因為呢度烏冬唔駛加錢，另外就叫了海南雞米粉。海南雞嚟得好快，可能唔駛點煮同只得我地一台！再一陣就嚟冬蔭功。以為海南雞會幾好，因為鋪名有「雞」字，點知肉質鞋，唔算好食！冬蔭功多油，用辣油加普通湯底，冇誠意。海鮮唔算多，蘿蔔有渣，唔好食。一句到尾-唔好食！