為食雞私房工場

Open Now

Now Closed

荔枝角真係唔係好多野食,你仲要平的話,十隻手指都數得曬.同事話呢間都ok所以就跟住黎食,雖然餐廳裝潢好簡陋,不過作為一個飯堂,絕對唔係問題~~午餐都幾多選擇,當我見到檬粉已經忍唔住叫,因為我真係好鐘意食!我叫gei係泰國餐廳指定動作-香茅厚切豬扒湯粉.我鐘意佢D豬扒幫我切好細細舊方便食~佢話厚切又真係幾厚.而且肉質都幾彈牙,雖然湯有少少油,但整體感覺都好清,絕對接受到~最開心係檬粉份量都有好多,感覺細細碗,原來份量都幾多同事叫左另一指定動作-冬陰公海鮮湯粉,睇落好似好辣咁,其實食落又唔係辣到接受唔到.個湯都幾惹味而且裡面海鮮材料仲好多添~~~想食飽D可以叫為食口水雞飯,呢個都算係餐廳gei招牌~口水雞無骨,方便進食,雞肉都好滑,加少少蔥油會更香口~如果唔怕肥其實可以轉黃油飯~~黃油飯配雞肉係perfect match~飯粒更軟糯~~估你唔到gei驚喜菜式仲有泰式鹵豬脾飯~點解咁中菜gei???雖然外貌係咁,但味道真係泰風味~~豬脾都幾豐腴,滷水入曬豬脾度,入口都幾林,不過我就普通,因為覺得好多肥膏(純粹個人感覺)加埋D菜食感覺好豐富,對重口味朋友黎講剛剛好,但對我呢D淡味人黎講就太咸啦

係荔枝角番工成日係億利食，最好就12點去食，1245先去其實已經要等位。裝修:飯堂裝修，橙色為主，入去一開頭有大x樂或者以為入錯大x活，預你食完快啲走。等位位置係收銀隔離，如果太多人要出店外企。食物:有海南雞同泰式野，有飯有米線，我次次都叫雞翼米線，係生炸既，所以等好耐，但有4隻，好好味，唔係細隻既，keep住食左成年都咁大隻佢配一個汁，好食，好Thai feel無呢個汁我就唔會再黎。雞飯可揀湯or野飲，油飯加錢。總括而言，會再食

1. 泰式豬頸肉飯（＄46)豬頸肉真心又多塊，又夠厚肉入味，再點少少泰式酸辣汁食就更正！ 彤樂評分：8.5/10 2. 泰式鹵豬脾飯（＄52) 豬脾皮就多，豬就比較少，女仔食就會嫌肥膩啦，不過有微辣嘅配菜用黎撈飯就幾惹味。 彤樂評分：7.5/10 3. 為食口水雞米粉（＄52) 口水雞辣度岩岩好，雞肉夠嫩滑，米粉就不過不失啦。 彤樂評分：8.5/10 4. 招牌去骨海南雞飯套餐（＄52) 賣相唔錯又大份，但飯唔夠油香味，不過雞肉同樣夠嫩滑，追分唔少。 彤樂評分：8/10

招牌海南雞冬蔭功湯米粉- 湯底辣味主要來自南薑及青紅泡椒，酸辣味平衡，溫和暖胃，惟欠缺香茅味，整體味道更似酸辣湯，雖有炸蒜增香甜度，但仍覺有點寡- 青泡椒味酸極微辣，紅指天椒新鮮辣勁足- 雞嫰微嚡，滲出一陣芳香，未知是什麼香料- 黑醬油偏甜鹹味不足亦不夠杰身，酸辣薑蓉味道清新，成功調出雞的芳香*餐廳位於工廈，收銀處張貼告示，指餐廳只能招待在該工廈受僱的人士，但店方無權查閱客人身份證以茲識別，故只能靠客人自律，相信與工廈食堂牌照的限制有關*此工場為荃灣分店供應食物，中央廚房經營模式或許有助節省成本

看過食評，盛讚海南雞飯和豬脾飯，知道午市時間會多人，所以特意早點來試。未到十二時已到，叫了上述兩款。很失望😑。海南雞飯，雞算滑，份量正常，但飯量少，食完都唔飽。一送來飯平平的，話就話黃油飯，但飯粒有黃又有白，毫不均勻，飯不熱，也不香。豬脾飯更失望，望到只得三件連皮的肉，再夾肉碎。如果之前食評是真的話，那麼這店的出品都幾參差😑。時間咁早，周圍都是空位，食飽飲杯野坐下都像被催趕。最重要是空位多的是，都要叫人逼埋坐。碟飯連埋凍檸茶$53，工廈環境，食物份量及質素不算抵，也不值。一般啦！我不會再來，這區大把選擇。

這店在工廠大廈，上樓後都不知點行，後來見有人行過來，我想那應該是食店了。入到這店，它沒有特別裝潢、沒有靚椅，只是比茶餐廳更一般的膠椅。既然來到，當然一試。見到餐牌，花多眼亂。食評個個都讚去骨海南雞，我也為此而來。但還有鹵水豬脾、口水雞想試。最後叫了口水雞。送來時，一味醬油的香氣。這店沒有重重的舖上大量莞茜或葱，也沒有淋上橙紅色的辣油。你會見到一大層醬料在雞件上，還有花椒。起初我怕超勁辣，但原來香辣而不過份，不覺得過鹹。雞件都很滑。給我雞翼同背部，我嫌不夠肉，骨多了，但幸好個醬汁不錯，開胃餸飯，正。杯凍奶茶，也有茶香味。$53，這樣質素，正吖。見到對面枱，四個人都叫去骨海南雞，雞件都幾多喎，配上黃薑飯。看到，都流口水。下次一定要試。

自己好鍾意口水雞 但又唔係好食得麻同辣 呢間唔係好辣 但又好夠味嘅為食雞 真係好味到會令人變得為食座位都幾多 午飯時間一定要搭檯有好多選擇 好多人都叫海南雞飯 不過我自己就比較重口味 一定叫口水雞 可以配唔同粉麵 例如米粉河粉米線檬粉 今日冇檬粉 唯有揀米粉午飯時間比較多人就要等多一陣 等多陣有好野食都值得口水雞都幾多 有一大碟 而粉都唔少 一定飽講返d雞 個醬真係好好好好好好食 喺其他地方真係買唔到而且個醬唔辣 岩哂我口味 米粉有兩件蘿蔔 都幾夠味架！$46加凍飲$3 值得再encore啦！

.哇哇哇🤤 媽好正呀🤤🤤海南雞飯 連飲品或例湯 $50 （要雞髀加$8）當然一定要加啦係海南雞飯呀！！雞好滑好滑，冇骨的、啖啖肉，好爽🤤🤤🤤飯唔係好油，軟硬適中果然係工廠區d隱世美食啊！lunch time時間好多人架 建議最好12點就去食喇提提大家呢間野星期日係唔開架，同埋平日都係收17:00咋😆

海南雞飯不嬲都係我嘅最愛，所以今次特登搵係公司附近專食海南雞飯嘅餐廳。上到去， lunch hour嘅時候比較多人，都要係長枱上面搭枱。見到佢餐牌上面都有海南雞飯同埋口水雞飯，我就揀咗海南雞飯朋友就揀咗口水雞飯佢。佢嘅雞略嫌比較實，唔夠嫩滑，海南雞醬亦都比較淡。而口水雞個醬汁就非常夠味，撈飯一流。

又到冇帶飯的午飯時間同事建議到億利吃程班長我們遲了去門口已大排長龍了唯有放棄吧 改去同一層的為食雞*其實我們經常都會點為食雞外賣但堂食我是第一次一進去就是以前讀書CANTEEN的樣子好 懷 念 呀 真 的 !*等位要在門口排隊的我們大概等了也有10分鍾吧不過這些快食的餐廳很易等位的*泰式鹵豬脾飯 $50男同事點了這個泰式鹵豬脾飯一上桌果然很吸引!!!我偷吃了一舊 豬脾肉很軟很易咬喜歡它的皮清得很乾淨一點毛都沒有還有就是鹵水汁送飯一流!*口水雞米線 $46我點的是口水雞米線下單前先問店員口水雞是分開的還是放在麵的我就怕這裡的口水雞要是太辣的話我整碗麵都吃不到結果她說分開的我才安心點*要說它的雞很大一碟!*但味道想我想像中的口水雞是不一樣的平常吃的是凍的爽的 這裡的是暖的嫩的還有它的味不算辣反而有點甜甜咸咸的感覺!?*不是不好吃 但就不是我想吃的味道價錢來說也不是特別的便宜我想下雨天時點外賣才會想到這裡吧堂食的話應該有其他更美味的選擇*最後附上餐牌參考

男朋友最近係荔枝角駐場, 荔枝角係主場嘅我當然要帶佢周圍食吓野啦!呢一區真係十分之多人, 尤其是係午飯時間人流真係多不勝數. 今日帶佢嚟咗億利工業大廈呢度搵嘢食, 帶咗佢來啲間都頗為出名食海南雞嘅餐廳唔好睇小呢間餐廳外型咁單調, 裝修極為樸素, 橙色做外牆, 加上數十張枱以及膠椅, 望落去好似係食頹飯嘅一間茶檔, 實質上不能野少!叫得為食雞雞當然出名, 不過個人覺得佢嘅豬手飯質素都幾好, 上星期一個同男朋友黎左兩次, 12點半嚟到但係已經要排隊, 幸好啱啱係排第一個, 等左10分鐘到就已經有位$50一份碟頭飯其實都幾貴, 不過呢度既豬手好軟熟, 豬手皮帶帶些少口感, 沾上職員送上既酸汁增加豬手味道嘅層次! 好味👍🏻👍🏻👍🏻而且豬手飯配上嘅配菜有少少辣, 用黎撈飯極之惹味! 你男朋友一向不太喜愛食太軟熟野既都話好味! 海南雞飯$50海南雞飯係配上黃飯, 不過黃飯嘅顏色睇起嚟有啲過火, 都沒有太大油香味, 睇嚟只係一個顏色不過雞嘅份量頗多, 而且雞肉控制得恰到好處，好嫩滑的! 口水雞＄50呢度口水雞其實係第二日食, 不過一次過介紹呢度係雞係有一定水準! 肉質好鮮嫩的, 不過口水雞嘅醬汁唔似

為食雞。一家鄰近荔枝角地鐵站在工廠大廈內的小店。。跟有名的程班長在同一層的另外一邊，只做早午茶餐，晚餐欠奉。它的海南雞很軟滑，但可能人有失手，間中招牌冇骨海南雞飯會有小骨頭的踪影。 使用的雞油黃飯，很香亦沒有油膩的感覺， 很好吃。但有時可能見點的人是男生就多给飯了。對比感覺作為餸的雞肉好像變少了似的。始終是人手弄的，總有一點點偏差在。50元已包熱飲或湯。香茅厚切豬扒飯: 雖然豬扒沒有真的很厚， 但味道非常之香，再加上獨有的小辣醬汁，用來配飯非常合適。套餐價只要44元。鹵豬肶也是招牌之一，可選配飯或湯米。湯米套餐只是46元。這裡午餐時間天天排長龍 ，但味道好價錢合理，就算要排隊也是值得再来光顧的!

每次黎食lunch 都要偷偷早走，因為太多人排隊啦。入面唔係大，d台都拍得好埋有少少迫。 有時都要搭台傾計有少少辛苦。海南雞- 荔枝角黎講。呢到真係幾大碟同隻雞唔算好肥，油飯比較乾身唔會好油。鹵豬脾 - 大部分人好似都叫海南雞，但鹵豬脾其實都好好食，唔油唔肥唔咸，大家可以試下

泰式海南雞飯🐓 ($56)-海南雞飯癮起，近近地搵到一間係荔枝角工廈既飯堂，咦！又有驚喜喎😮！-加6蚊就有得轉髀🍗，咁司令更係要唔執輸試試啦😚。嗌完唔洗五分鐘就上枱，黃油飯多到兩個人食都夠飽！主角海南雞夠滑夠香，連埋滑滑雞皮一齊食簡直係享受呀☺。記得食既時候要點啲泰式辣醬🌶，仲開胃架！豬脾飯食落都唔錯，個皮炆得好淋，但係略嫌入面既肉乾身左啲，未夠係泰國食咁juicy，但過口癮黎講相當唔錯。

一開始同朋友打算去荔枝角行街，我想食海南雞飯，所以揀呢間餐廳。之前黎過呢度食飯，中午時段Full哂，不過嗰陣時賣晒海南雞飯了今日終於都試到海南雞飯，味道唔錯，雞肉好滑，配上醬汁。我成碟飯KO咗。友人就試咗呢款泰式酸辣香炸脆腩肉飯，一咬就知道點解叫香炸！好脆，不過啲肉有少少乾身，但可以一試。因為我鐘意食扎肉，所以必點。可能配湯麵會更好食，配飯嘅感覺有點怪怪同埋無味道。呢2個餐都包飲品，叫咗2杯茶走。飲完暖粒粒就埋單，女收銀員好友善同我地講拜拜。整體上都唔錯