焗住食 (Closed)

雖然晚市開返但係買外賣返去屋企食都會減低風險🦠去咗雅都商場GOGO MALL 2樓嘅 food court 今次食呢間焗住食👏🏻👏🏻👏🏻見佢除咗焗飯之外仲有啲巴式咖喱😋咁就嗌個咖喱焗飯咁咪可以試晒兩樣😆另外見到佢哋有啲小食快餐仲有湯送😊點左個招牌咖喱汁魷魚鬚磚頭焗飯😋有好多魷魚鬚粒粒咖喱汁係比較淺色嘅淡黃淡淡的咖喱香味道亦都足夠一個飯都好大兩個人食都夠飽😊另外叫多咗個蜂蜜豬頸肉食落去甜甜地 有西多士糖漿味道兩個人食一個焗飯一個小食都夠飽😋

雅都商場野食個位都幾企理，望落好多小店，不過位唔多，3點幾去到見到都keep住滿座，雖然未見有好多人等位。行左一個圈見到有人食緊好正咁，諗左好耐最後哎左豬扒轉左芝士汁🧀，黎到個樣係幾靚🤤 麵包焗到好脆入面又保持到鬆軟，但係個芝士汁冇味😅 豬扒味道/分量都正常😂 跟餐哎左個熱朱古力又係淡淡地🤣芝士汁要加3蚊我期待會有拉絲架🤭迷你磚頭焗飯 around $50(連例湯，果日係西洋菜湯，都係比較淡味)

雅都入面太多野食啦，次次黎到都想樣樣都試下，今次見到人地食磚頭外型既焗飯幾特別幾吸引，就跟人試左呢間焗住食。一整好以為剩係得個樣，食落又 ok 喎，我揀左白汁海鮮磚頭飯，如果 d 白汁再多 d 就好啦，食到底下會有 d 唔夠汁有 d dry , 海鮮未係好出色，但用黎送飯都一流。雖然個磚頭好似唔係好大個，但又有飯又有包，食完都幾飽下架，食到最尾都食唔哂 d 包，唔驚食唔飽呀真係。同埋一定要配野飲先得，雖然佢有白湯送，但個量都唔多，食完個磚頭都幾口乾下

看過一本書叫《如何推銷垃圾》，說的是將一件無價值的物品，如何包裝成一件無可取替的產品，高價發售予潛在顧客。 讀後實獲益良多，可應用在在許多餐飲營銷策略上。這店招牌菜汕尾小米，理應運用一二招式，總比現在使用低價兩蚊一件定價，客人仍沒興趣點。晚市光顧，外賣客人眾多，價錢非常超值，$40左右一個粉麵飯，附湯及飲品，賺的不多。這商場廚房有個特點都是用電子爐具，應是消防條例規範，電爐壞處當然是食物鑊氣不足，只可慢炒，對中廚來說更是一種侮辱。焗鴛鴦汁飯，茄汁雞球配白汁海鮮。茄汁沒有新鮮茄味，顏色已猜到配方。白汁又是那配方，加急凍海鮮及蟹柳，再舖一塊芝士在上，入爐焗三分鐘微焦即成。評價正常做法，性價味高，只收回成本。XO醬干炒牛河，師傅敢用電子爐炒牛河，證明有一份自信。豉油不均勻，食油無可避免要下多點，但聰明地加了一張吸油紙。牛肉及芽菜比例多，反而河粉相對較少，XO醬淡。總結經濟實惠，這份質素絕對超值。

買咗票30號，老闆話等8分鐘左右就可以，點知等左18分鐘左右都未有，反而37、38號票都有野食，作為一間食店，必須要有信心比客人，講咗做唔到就不如唔好講，會令到人覺得你間食肆淨係做外賣生意，唔重視客人堂食，做完外賣有時間先做堂食，所以唔會再幫襯。

2019/12/19係屯門電完髮已晚上九點鐘去焗住食食焗飯，焗住食收十點鐘今次第二次去食，order同一道菜。迷你磚頭咖喱豬扒飯47元送白湯咖喱好味道，既香又辣辣地，最怕食到唔辣嘅咖喱，豬扒正常，方包外脆內軟，配上咖喱汁一流。白湯，兩次都唔啱口味，上次有𤓓味，今次冇味。迷你版Size應該有半磅方包中間藏有雞蛋炒飯面層是豬扒、咖喱汁、芝士正常版大約是一磅方包，售價54元熱飲加$2，凍飲加$3對我來講，迷你版已非常足夠。

第一次透過用某APP叫外賣，都試到熱辣辣又吾錯既餐廳，突然想食焗飯，就試左呢間焗住食啦。叫左個三人餐，可以揀有兩個焗飯，三份小食同三杯飲品焗飯揀左白汁海鮮磚頭焗飯同咖喱雞扒磚頭焗飯，原本我揀既時候無為意，點知一打開個錫紙有驚喜，原來係個麵包磚裝住個焗飯，比較兩個焗飯，個人比較鐘意咖喱個個，咖喱味香濃而雞扒份量都多，飯係炒底既，如果有更多汁點麵包就更加正小食揀左蜜汁豬頸肉、薯條同雞翼，想推介下個蜜汁豬頸肉，燒得幾香又有甜甜既蜜糖包住，覺得唔錯。今次既外賣叫左大約30分鐘度就有，送到黎仲熱辣辣，呢間小店下次會再支持啊

佢個磚頭焗飯同生炸雞脾真糸系屯門最好食，甚至系全港最好食！同女朋友食完一個都吾夠喉！仲有特色西多士汕尾小米都要試！廚師哥哥仔又好好人！屯門有這種小店真系非常幸福，真系可以成日去！

食完lunch無幾耐,經過見到商場翻新左, 變左做food court,就行入去睇下有咩食.見到呢間店d野平平地,30蚊有找,就入去試下. 叫左個吉列豬扒拼薯條,先至22蚊,外加一杯凍檸茶,加多12蚊.Total 34蚊可能係新開既關係,老細送左個粟米羹俾我.個吉豬同薯條都係即炸既,塊豬扒ok好食,唔算特別多炸粉,剛剛好.反而薯條比想像之中少,但自己唔太肚餓,而且先至22蚊,算ok啦.飲品可以去其他店舖買,總括嚟講,值得推介

即使8號風球懸掛，還是要吃午餐吧，所以下班後我又走去Gogo Mall覓食。首先第一站我去了焗住食，這裡有各式焗飯，意粉，咖哩，多士，但我的目標是小食汕尾小米，因為沒很多餐廳供應嘛，難得焗住食有賣，當然要吃呢。汕尾小米20元8顆，24元12顆，一看就知我買12顆。汕尾小米餃皮口感煙韌，不會過於黏稠，滑溜溜的。小米肉餡鮮美，帶有絲絲大地魚香，好不滋味。除了蠔油可為小米餃提味外，這裡辣醬亦很出色，令小米餃生色不少。辣醬香而不辛辣，惹味無比，小米餃都被我醮滿滿辣醬，實在太美味了，令人難以抗拒。