熊本牛鍋 (永勝商業中心)

Open Now

Now Closed

今次我哋嚟到尖沙咀嘅熊本牛鍋，都係睇推介上咗去🤗去到嗰度搵嘅時候會比較難少少，要另外喺旁邊嘅大廈電梯進入！平時比較少去樓上的火鍋鋪，感覺都比較特別🤭第一次嚟，我哋叫咗中間價位嘅澳洲和牛套餐！第一round 我哋全部肉都叫咗一次！整體的肉都比較厚身，唔會太薄，牛白肉即係平時所食嘅胸口油，其實都有幾香嘅油味！本人比較鍾意食牛小排多啲，感覺牛小排的牛肉味道比較濃厚，感覺其實唔錯😬豚肉嚟講，都幾有豬嘅味道！味道都唔會太Hea….呢個驚喜嘅，就係佢包一個雞煲火鍋，而呢個火鍋有海鮮啦入面！估唔到佢會有原隻鮑魚！真係算幾驚喜😮不過值得一讚嘅，就係佢入邊嘅員工，全程都好有禮貌，而且好快幫我哋清走啲垃圾，令到我哋全程都食得好乾淨！同埋會及時幫我哋加湯，整體服務態度都幾好！同場見到有其他人食日本直送A4和牛套餐，見佢個擺盤都幾靚，下次可以試吓😬

好幾年無食過雞煲😂突然癮起，搵到間系尖沙咀既雞煲火鍋放題貪佢可以食成180分鐘 足足三個鐘🥹吾駛好似出面食得個半鐘⏳趕住交枱咁chur.🙈餐廳有三種和牛套餐選擇，每個套餐都會跟一煲和風海鮮雞煲.裡面既海鮮有鮑魚、蝦、蜆，種類吾算多，但系份量都ok☺️食落都新鮮🤤而主角既雞 肉質都幾嫩，雞煲個汁整得好惹味🤤 勁中意😍另外雞煲仲有d豆卜，洋蔥、蕃薯做配料，全部勁入味 正啊😍食完雞煲就可以加湯打邊爐啦😎我地揀左中價位既「澳洲和牛套餐」(ᴴᴷᴰ298/位)🐮咁就包左澳洲和牛、牛白肉、頂級牛小扒、牛肩胛、豚肉任食✨牛肉既色澤幾靚，都有番一定既厚度，吾似出面有d薄到紙片、半透明咁。佢既肉質都非常吾錯🥰 牛味幾香濃🐮個人覺得牛白肉幾特別，我都系第一次見😂一開始見到勁似切左片風乾既蘋果😂其實佢系牛胸前肋骨上一塊細小既筋膜類肌肉，食落勁重牛味同爽口😬另外餐廳仲有個自助區，可以拎其他火鍋配料、醬料同雪糕。雖然自助區只系短短十零步已經行得完，但種類都算多，竟然連田雞肉都有得拎😳其中我最中意就系墨魚滑🦑勁彈牙 瘋狂encore🥹仲有飲品同啤酒🍻都系任飲呢！基本上食完三個鐘真系飽到郁吾到😂😂臨尾用最後一口氣 食埋

位於尖沙咀既熊本牛鍋環境比較偏僻 喺工廠大廈附近會先上一鍋雞煲之後再上一個九宮格比人試足9款牛有自助區但選擇較少 衛生情況普通和牛質素唔錯呢個價錢食到好飽 性價比十分高👍🏻

有良心又高質的雞煲和牛放題首先，入口唔算難搵，係商業大廈入面入到去服務好好，未到齊都叫你坐低先，飲住野等揀好食298 食澳洲和牛餐，下次要食和平要預早book定先有😭店員會先上一個鮑魚海鮮雞煲，食完之後會上齊澳洲和牛，頂級牛小排，牛白肉，牛肩胛，豚肉片豚肉片有驚喜，不過只尸都係食牛，個人喜好澳洲和牛，嫰口d，牛小排都吸引，牛白肉即係牛脂肪，燒烤會好好食，火鍋就會留一層油騷味，未必個個岩食，我就會用兩片和牛夾住牛白肉，食落去就好似食肥牛咁🤪🤪呢到仲一大埋基本配菜，都係d急凍野黎，我就DIY左一個響鈴墨魚滑餃，拆開響鈴片，包住墨滑，出面咁就又幾十蚊一碟喇，慳番最後，食足3個鐘，加埋Oreo曲奇，同滿滿果肉嘅士多啤梨雪糕，食飽晒🤭🤭 芒果雪糕同泡芙就唔建議啦仲有會員制度😂😂📍熊本牛涮鍋地址：尖沙咀山林道21號永勝商業中心2樓A號舖#hkfoodie #hkfood #hkig #hkigfood #foodmap#food #尖沙咀美食 #佐敦美食 #和牛 #雞煲 #火鍋 #異世界生活的大食仔

尖沙咀山林道唔算人流旺盛，但係其實呢度餐廳都係琳瑯滿目。特別係今次既熊本牛鍋！平時打邊爐先食雞煲再打邊爐已經係常識？咁食完雞煲再食和牛火鍋呢？無錯，熊本牛鍋就為你帶黎如此夢幻既雙重享受！今次我地就揀左澳洲和牛套餐，牛肉包括澳洲和牛，牛白肉，小牛排，牛肩胛，豚肉！每款都帶黎唔同既味覺衝擊！特別推薦當然唔少得主角既澳洲和牛，牛肉味香濃而且口感一流！再黎就係牛白肉，唔太常見既牛白肉非常值得一試！不過講返轉頭，食雞煲先當然不得不提雞煲熊本牛鍋既雞煲味道香辣濃郁，味道同一般出面食既雞煲唔太相似一黎佢無死鹹，亦無一味只顧麻辣反而專注係香濃既醬汁之中，亦同時好清楚呢一個醬汁會成為之後火鍋用既湯底而特別調製非常用心呀食完雞煲就可以正式享受我地既和牛套餐而除左和牛之外，當然唔少得任飲任食既各種火鍋配料及飲品火鍋配料應有盡有，絕對可以滿足到你既期望飲品方面充足既程度對比大型連續既火鍋店係有過之而無不及無論係啤酒，黑啤，汽水，果酒，茶，甚至其他唔常見既飲品都係隨意任飲，值得一讚呀

🎏️ 食盡油尖旺 — 熊本牛鍋✨#90cp尖沙咀篇 #90cp中式篇➖➖➖➖➖美味指數 😋: ⭐️⭐️⭐環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)✨ 澳洲和牛海鮮雞煲套餐 $298呢個餐正在先食雞煲再打邊爐兩種風味都試到晒😌 佢個雞煲嘅醬料都幾濃郁，不過有肉食嘅位置真係唔算太多😂 不過意外嘅係居然有海鮮，仲有大大隻鮑魚！食完雞煲加清湯就開始進入重頭戲!! 不過佢嘅清湯又真係清咗少少，令到成棚湯都有少少淡🙈 任食其實肉類方面都好多款，有澳洲和牛/牛白肉/頂殺牛小排/牛肩胛，每一款都唔同風味!! 同場仲有唔少配料，包括蝦滑，冬菇等等全部都任食，款式林林總總，包保你食極都仲有新鮮感🫡雖然如此但係食物嘅質素同整體環境都係普通，性價比就真係有待商榷大家自行考慮啦😤💰Total: ard $650 for 2ppl💡溫馨提示💡大家要留意唔知點解食食吓會有隻貓出現🐱 以免大家嚇親，可以盡快講咗俾你聽先🤣➖➖➖➖➖📍 熊本牛鍋 (永勝商業中心) (尖沙咀)尖沙咀山林道21號永勝商業中心2樓A號舖

位於山林道商業大廈嘅🌟熊本牛鍋🌟，沒有明顯嘅招牌，夠晒隱秘🤪！餐廳閒日都坐滿，因為價錢唔貴，食材優質👍🏻！仲有🎂生日優惠，whatsapp訂座4️⃣位以上，壽星🥳即可免費🆓享用👑皇牌套餐or🇦🇺澳洲和牛套餐，當月生日就OK，夠晒flexible🥳！🇦🇺澳洲和牛套餐 $298/位🌟熊本牛鍋🌟主打嘅和風海鮮雞煲♨️，唔辣和風雞煲，內含大量雞件🐓，仲有腍甜嘅鮑魚、爽彈嘅🦐鮮蝦、清甜嘅🐚蜆等，大幅增加湯底嘅鮮甜度！食完♨️雞煲就可以直接加湯打邊爐🔥，食盡海鮮雞煲嘅精華！🌟熊本牛鍋🌟自設切肉機🔪，肉品🥩即叫即刨，頗為高質！🇦🇺澳洲和牛 - 肉香與脂香並重嘅🇦🇺澳洲和牛，只需$298就可以任叫任食，抵到爛🤪！🤍牛白肉 - 帶一點爽口，伴隨而來嘅係滿滿嘅脂香🤤，大滿足而且極邪惡😈！🥩頂級牛小排 - 油花漂亮❄️，口感軟嫩，係火鍋嘅良品👍🏻！自助區有大量嘅🥬蔬菜、🧆丸類、🥟餃類、🍚麵飯等！飲品方面包埋各式嘅🍻啤酒，180分鐘可以無限暢飲🍻，真係好爽🤩！

🎀尖沙咀。性價比極高和風海鮮雞煲➕火鍋放題雙享受🥘🎀🪄店名* #熊本牛窩🔮地址*尖沙咀山林道21號永勝商業中心2樓A號舖 🔮🗾分店地區🗾 尖沙咀,元朗💰價錢$633 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_尖沙咀剩系食呢一類👉食物類型搜尋🔍🍜#pickyme_火鍋➖➖➖➖➖➖➖➖➖➖➖➖➖🎵餐廳環境🎵餐廳位置於佐敦及尖沙咀中間 再系裡面大廈 比較隔涉 系網上見到好多好評介紹 帶埋朋友黎試下呢間火鍋放題😎上到去見到有餐廳霓光招牌 隔離推門入就可以拉～餐廳裝修唔算太特別 主打平民感 空間大約坐到10幾枱左右 另外好似見到內裡都有得包房 不過放題當然坐出面食更有氣氛拉😋大約8點開始多客人 想過黎食既記得預一預時間拉 環境乾淨舒服 播住日本熱門歌曲幾有氣氛😊🍽️食物質素🍽️有三款價位套餐可以選擇 分明系皇牌和牛套餐,澳洲和牛套餐及日本直送和牛套餐🐮而且每個套餐都送一個和風海鮮雞煲一鍋😍超過60款火鍋配料任食 飲品自取 仲可以自己加錢揀八款火鍋湯底 佢地既火鍋湯底系超級無敵濃郁 而且系即刻整 同平時出面食既完全唔一樣 唔會好似水甘 即使之後fill水

之前食日式火鍋放題都係去一啲集團式經營嘅連鎖店，肉類同其他配料嘅款式都比較standard，同埋通常都係限時兩個鐘頭，食得比較趕😅😅😅今次嚟呢一間熊本火鍋感覺比較似小店經營，feel到店家幾有心做！再加上可以慢慢食足三個鐘，唔使食得咁趕😚😚😚澳洲和牛套餐 （送和風海鮮雞煲一鍋）$298 //海鮮雞煲 //無論係邊一個套餐，店家都會上左一煲海鮮雞煲先，呢度嘅雞煲調味唔辣彈幾惹味，入面仲有原隻鮑魚、鮮蝦等等嘅海鮮🦐🦐🦐食完雞煲，店員就會幫你加湯打邊爐🍲🍲🍲// 肉類 //澳洲和牛牛白肉頂級牛小排牛肩胛佢哋嘅放題套餐，總共分三個價位，$268 會食到頂級牛小排同牛肩胛；$298 會可以食埋澳洲和牛同埋牛白肉；最貴嘅set $388 可以食埋日本A4和牛、牛板腱、封門柳🥩🥩🥩我哋今次就叫咗中價位嘅set，覺得都幾夠食！最鍾意牛白肉同埋澳洲和牛，牛白肉嘅感覺似牛胸爽，涮幾秒已經夠熟，食落索索聲同埋好有油香，澳洲和牛比較嫩滑，而牛小排同牛肩胛嘅牛味就會比較重😋😋😋// 自助區配料 //自助區嘅款式一啲都唔馬虎，除咗有常見嘅丸類之外，亦都有一啲比較特別嘅款式，例如牛舌、陳皮魚蛋、墨魚滑、自家製餃類等

食放題最開心就係可以仼飲仼食，而且又多選擇。餐廳有3個放題set可選擇，包括：皇牌和牛套餐、澳洲和牛套餐、日本直送A4和牛套餐，全部任食任食180分鐘，還送和風海鮮雞煲，真係好抵食💕.♨️澳洲和牛套餐 $298/位 .🔸和風海鮮雞煲雖然係隨餐附送，但一點也不馬虎。🐔雞肉好入味，而且肉質嫩滑。另外，入面還有鮑魚、蜆、蝦🦐等海鮮，鮑魚大大隻，彈牙又鮮味，其他海鮮都好新鮮。加上其他配料，例如：紫薯、豆卜、洋蔥等，真係大滿足👍🏻.🔹肉類有澳洲和牛、牛白肉、頂級牛小排、牛肩胛、豚肉等多款肉類選擇，而且重係任食。個人最愛🐮澳洲和牛，牛味香濃，而且肉質嫩滑，真的吃不停。.🔸火鍋配料自助區火鍋配料選擇都不少，有十幾款選擇，例如：丸類、餃類、台式配料等。個人最愛🥟手工餃，粒粒都皮薄餡靚又飽滿，而且重有多款口味選擇。另外，🐙墨魚滑和鴨血同樣推薦，前者彈牙美味，後者來自台灣夠正宗。.🔹甜品有幾款不同口味的🍦Häagen-Dazs雪糕選擇，另外還有小泡芙。.🔸飲品選擇真的超多，有齊各款🥤汽水、🍵茶類、🍻啤酒，重係仼飲。.另外，餐廳最近重做緊二選一優惠，逢星期日至四$1088就包4位任飲任食澳洲和牛套餐，重要免加

預先book 咗位於尖沙咀嘅熊本牛鍋為同事慶祝生日，餐廳主打和風海鮮雞煲火鍋放題，可以盡情任飲任食。我地點咗澳洲和牛套餐送和風海鮮雞煲，可任食澳洲和牛、牛白肉、頂級牛小排、牛肩胛、豚肉、雞肉，有8種湯底可選擇；火鍋配料種類好多，其中最欣賞手工餃子，外形漲卜卜，口感肉嫩多汁。和風海鮮雞煲上枱，大大隻鮑魚好吸晴，仲有鮮蝦、蜆，金菇，洋蔥、豆卜… 雞肉嫩滑多汁，鮮蝦美味爽口，醬料調配得唔錯，好惹味。食完雞煲之後，可以加豬骨湯烚下烚下啦。澳洲和牛雪花紋理清淅，口感鮮嫩多汁，入口即化，我地encore左好多次；牛白肉開頭有些抗拒，怕會好油膩，但食落幾爽口，原來都幾好食；牛肩胛肉質結實多汁，帶點嚼勁；頂級牛小排肉質細嫩牛味濃郁，油脂較豐富。店員介紹餐廳近期做緊嘅優惠，原來逢星期日至四可以$1088/4位享用澳洲和牛套餐，仲要免加一添。另外，逢星期三會員憑會員卡惠顧日本直送A4和牛套餐四位或以上即可獲得雙倍印花，儲夠5個印花可換海鮮塔。最後，食埋雪糕就大滿足啦，有士多啤梨、芒果、曲奇口味，我一次過食咗4球雪糕，真係超級大滿足呀。🔍熊本牛鍋 (永勝商業中心) (尖沙咀)📍尖沙咀山林道21號永勝商業中心

📍熊本牛鍋 一共有3個set可以選擇，分別係皇牌和牛套餐、澳洲和牛套餐同日本直送A4和牛套餐～任食任飲3個鐘🤤而且每個套餐都會送和風海鮮雞煲一鍋！相當吸引🤤🐂澳洲和牛套餐 $298/1位 （成人）一開始職員會先上一鍋和風海鮮雞煲，雞塊數量好多！當中有唔少雞脾肉、雞翼、雞腳等部位，食落全部都啖啖肉。重點係除咗雞之外頌有唔少足料海鮮配料，有新鮮鮑魚、有蜆同蝦。鮑魚大大隻！！！食落好彈牙👍甜甜地既醬汁食落令鮑魚更入味～相當有誠意😌食到咁上下，職員會過黎問洗唔洗加水，就可以開始火鍋放題啦💓🥩套餐包6款肉類：澳洲和牛/牛白肉/頂級牛小排/牛肩胛/豚肉同雞肉任食，亦可以不停refill🤓我推薦澳洲和牛，肉質鮮嫩，淥耐左都唔會話好腍～牛白肉就比較特別，唔係每間餐廳都有得食～🥘火鍋配料外面有唔少火鍋配料，十幾款放曬係張長檯任你揀，有丸類、墨魚滑、牛舌、台灣鴨血等等任君選擇😝亦有唔少粉麵！一定夠曬飽😗🥤飲品放有2個大雪櫃裝住唔少既罐裝飲料，有汽水、茶，連啤酒都有～選擇都算多🤓🍦甜品食飽飽當然要食埋甜品，餐廳提供幾款雪糕： 士多啤梨、曲奇🍪同芒果三種口味；仲有泡芙添～🔆重點推介🔆期間限定由即日起每星期逢星

突然超想食雞煲，但又喺火鍋同雞煲之間猶豫不決，所以嚟到「熊本牛鍋」醫醫我嘅選擇困難症先😂✨澳洲和牛套餐✨呢個套餐可以任食各種肉類，包括澳洲和牛、牛白肉、頂級牛小排、牛肩胛等，另外豚肉、雞肉、飲料及啤酒、全場火鍋配料都係任食，重點係食足180分鐘，時間十分充足，可以慢慢食唔駛急急腳😬一坐低我哋就去咗拎飲品，雪櫃裡飲品款式極多，剩係韓式飲品已經好多可以揀，另外啤酒亦都係任飲，收工嚟同同事啤啤佢係唔錯嘅✨隨餐附送一個和風海鮮雞煲，入面有鮑魚、蜆、大蝦、紫薯、豆卜、洋蔥等等，嫩滑嘅雞肉加上秘制醬汁喺鍋裡翻炒，濃濃嘅醬汁包裹住每件雞肉😋一次過食到牆嘅咸香同雞肉嘅肉香；鮑魚亦好Q彈，吸滿醬汁之後更加分，另外蜆肉就算放放喺雞煲醬汁煮過後都係好鮮甜！食到咁上下店員就會加入豬骨湯以及送上肉類，打邊爐正式展開🤝肉類方面我哋叫咗澳洲和牛、牛白肉、頂級牛小排、牛肩胛等及豚肉。特別要點名表揚澳洲和牛💁‍♀️肉香四溢，肥瘦適中，燙熟後有股屬於牛肉嘅奶香，配上胡麻醬食就特別香，實現真正嘅和牛自由🤲另外亦推介牛白肉，含豐富骨膠原，油脂一觸即發入口即溶，香口而不膩‼由於用餐位置同火鍋材料區及調味料區都幾近，所以都幾方便😚

每枱仲會送和風海鮮雞煲🐔因為我唔食辣，走辣後就直接變咗雞煲湯底😂佢加咗豬骨湯入邊嘅蝦係鮮蝦🦐仲有鮑魚、蜆，海鮮比雞肉出色✨雞肉食落似炸過，所以有啲乾，不過送嘅算啦，主要都係睇牛肉質素，正常係食完辣雞煲會再加豬骨湯底變火鍋，如果想轉其他湯底就加錢😲澳洲和牛/牛白肉/頂級牛小排/牛肩胛都係任食！我最鍾意澳洲和牛同牛小排，油脂分布均勻，encore嘅質素都一樣好，全部肉都係師傅廚房即切✨火鍋配料都幾多選擇，好多芝士丸類🤤芝士獅子狗、芝士魚腐、芝心丸💖仲有生雞蛋，點牛肉必備✨飲品都有自家製！冰糖紅棗燉雪耳、雞骨草，唔會好甜好養生❤️幾欣賞佢哋嘅雪糕，唔知係咪自家製😍唔會好甜！而且好多果肉💖最鍾意食士多啤梨味，encore左2次，曲奇同楊枝甘露都唔錯✨

今日見完客，在尖沙咀放工，同事提議不如去食雞煲，於是上open rice 睇下我地附近最近既雞煲店，最後我地搵到呢間熊本火鍋。餐廳在商廈入面，冷氣好夠。我地點咗澳洲和牛套餐，雞煲上枱很吸引，味道惹味而濃郁。和牛真係好正，一睇就知係靚牛，好好味好滿足呀。🔎熊本牛鍋 (永勝商業中心) (尖沙咀)📌尖沙咀山林道21號永勝商業中心2樓A號舖