燒鵝大皇

Open Now

Now Closed

永不再幫襯深水埗燒鵝大王~！剛剛用220蚊 在深水埗燒鵝大王買左半隻燒鵝。半隻燒鵝比足成個鵝頭，又偷緊幾件，超搵笨 。堂食還好佢唔敢厄你，第一次外賣就瀨野，真係受教了，咁樣做生意真係可以 black list。

慕名而來食燒鵝，失望而歸，再沒有第二次，用極差來形容絕不過為，請各位想去吃的客人，一定看看我這個點評才決定去吃否。是次叫碟燒鵝飯，全碟得3件算勉強吃得落口，其餘的比燒鵝下莊鵝屁股附近拼夠算數，肥得難以形容，有照片為證，沒有冤枉食店，小喇叭，生意不是這樣做吧！嚴重欺騙了我的期望。另外有一台客，不知道因為何事，打翻一碟飯在地上，可能食店環境差導致，真心給腐皮，可一不可再燒味鋪，祝你生意單薄，早點折埋！

上一次，我在沙田遇上了一間自稱《叉燒大王》的食肆，把叉燒押上了招牌的餐廳，沒有令食客失望。因為《叉燒大王》，而令我想起在深水埗也有一間大王，同樣是燒味出色，同樣是把他們自覺做得最好的燒味押在招牌上，這一間，押的是燒鵝，名字押上去後，就是《燒鵝大皇》。 我並不能稱這《燒鵝大皇》為茶餐廳。原因就是這兒太簡單，也太簡陋。說格局，只是一般燒臘飯店仔的樣子，入到來，幾乎全場大叔，個個都一碗湯，一碟飯走人。並非第一次來的我，當然熟識要點什麼才好食，於是，我就一份叉鵝飯，再配上一個例湯。該日的例湯，是一個西洋菜湯。在燒臘店飲老火湯是最開心的。因為大多數的老火湯，都好重肉味，是用燒肉叉燒以及雞的頭頭尾尾做湯料煲成，湯味超濃，也超甜。當然，這是沒有味精的靚湯，而且多料的湯水，是不需要味精的。 主角，是叉燒燒鵝飯一碟。燒鵝皮脆，肉亦夠厚。點一點酸梅醬，固然會更惹味，但不點醬，更能夠顯出鵝肉的香味。鵝肉帶爽口，好好肉但不太肥，叉燒雖是瘦了一點，但入口蜜味，依然可以加分。 說很好食，這《燒鵝大皇》的出品一定不是。不過，在普普通通通之中，又有少少出眾既。加上夠大碟，夠飽，夠肉，夠香口。總結以上的一切，這是美味的

今日有事去深水埗，原本諗住食粉麵，到午餐時又想食飯，企喺福榮街口，好容易便望到燒鵝大皇，窗邊掛滿燒味，走近看，燒味頭上隆起一個髻，係燒鵝呀！好耐無食了，而家一般燒味店都只用燒鴨。入到去二話不說叫了一碗燒鵝飯，有一碗及一碟選擇，我見到碗裝已經很多，而且滿滿一碟燒鵝份量不少，還有很多肉，皮下有點脂肪，但不影響肉質，肉質細嫩也不干，皮燒得脆脆香口，沾一下酸梅醬，很滿足，比起燒鴨的肉質比較梅，也會帶點酥，我較喜歡燒鵝。

感覺屋村 街市 廿蚊碟燒鴨飯好似好味d， 骨多過肉， 叫樓面幫我換 佢黑面就理所當然㗎啦 ，換咗仲衰過之前 仲要畀說話我聽, 不過佢啲 可樂都幾好飲 值得一讚 係唔夠凍啫， 咁嘅服務態度一定唔會有下次囉！

十一點半諗住去食個早餐， 唔知食乜好入咗去呢一間， 諗住叫個燒我咪點知冇米粉，得， 咁冇辦法一早就食咗個飯， 今次個 燒鵝 唔係太好食，好肥全部都係肥膏。 第一時間梗係相機食先， 佢又碗上或者係碟上， 佢自動幫我揀左碗上。 凍飲另計唔知加幾錢， 不過價錢真心有啲貴。

深水埗食肆林立，要搵食醫肚真係好容易，上星期中中午同同事就在深水埗福榮街做完野後有點肚餓，經過這間燒鹅大皇，門口窗橱放了很多燒臘，有燒鵝、鸭、油雞、燒肉、义燒和乳豬…………等，特別吸引，加上店內人頭湧湧，座無虛設，决定入內一試。點了三大碟燒臘飯，有义燒，义鵝和燒肉油雞，加上例湯，十分美味。义燒好稔口，醬汁美味；燒肉皮脆啖啖肉，可惜鹹了一點兒，否則好好食；而油雞好嫩滑，肉質新鲜；至於燒鵝更是一流，不太肥腻，鵝味濃而不酥，皮脆肉厚，非常惹味。湯方面，用料十足，非常入口，可惜油咗d。大大碟，非常惹味。雖然坐得擠迫，食完無得慢慢倾計，但味道十足，值得再試。

之前都經過好多次呢間鋪,見到好多人食,但中年男人居多,有點兒卻步.......今次一次,可以俾女仔朋友知一知呢間店啦!首先你要唔驚污糟,個日無著高跟鞋,唔怕一大堆中年男人,唔怕D人粗聲粗氣,唔怕同人搭檯同迫,個日又勁肚餓就可以去食,因為基本上係自已搵位坐,自已搵人落單,基本上侍應好忙,有D似澳牛嘅感覺,落左單好快就有野食,介紹野食先........燒味斬得大大件,如果你食油雞之類,就要小心仲有雞毛係食物度....自己再自行清潔;我個日食嘅燒鴘都脆口,我見到有其他食家話燒鴘唔得,我諗燒味呢家野係一時時,睇時機嘅,仲有大家黎得就要試例湯,基本上檯檯都叫,好抵,$9一大碗,又足料,雖然隻雞腳難睇,影響食慾....如果你叫左例湯又覺得太少料,可以叫佢換過俾你,我見到有侍應攞過碗俾個客,好好多料,吓親我添可以叫一碗嘅,份量就少D,叫一碟嘅就抵食多D,我自問大食都食唔晒一碟,所以女仔可以試一碗!燒味款式就隨自己鐘意或者MIXED 啦

前日去深水埗探個朋友，行完西九龍中心同鴨寮街，行到好肚餓，問朋友食乜好，佢話係深水埗真係唔知食乜好，因為實在太多選擇，但食燒味就唔駛擇，點解！無他既燒鵝大皇d 燒味夠大碟，唔會因為價錢俾少d 餸你，老火湯都係$8蚊，足料湯味。不過最緊要d 燒味真係好食！佢地d 蒸餸都唔差，咸蛋蒸肉餅，肉餅用50/50比例廋肉同肥肉，食落鬆軟，唔會實曬成餅野咁。雖然無乜裝修，但衛生老闆真係可以搞好少少，次次入去食地板油淋淋，客人好易滑低受傷，真係要好好改善下

燒鵝大皇下午茶喺深水涉，叫左燒鵝瀨同燒鵝飯。一黎到已經嗅到燒鵝香味，燒鵝皮好香脆，唔會太過肥，又多肉，D肉食落唔鞋，肉同骨都醃到入晒味，非常好食。而美中不足係燒鵝瀬如果係分開上就更好，唔會俾湯浸淋D脆皮，值得推介。

以前都有來過食呢道既燒鵝飯，都唔錯，所以再來，今次食豪點，食燒鵝肶飯，咁就出事......。一食落去，完全唔係鵝，係鴨，點解我可以咁確定? 1. D肉完全唔同，以我食鵝幾十年經驗，肉味完全唔同。2. 我望一望對面坐既食客隻鵝，跟我的完全唔同，有相有真相，看相吧。第一張係我食果隻鵝，骨頭係圓型，肶既外型比較幼，皮既色澤淺色。第二張係對面食客既鵝，骨頭明顯形三角形，肶既外型短及粗，顏色較深。我即時問店員，點解我個碟係燒鴨，佢答佢地無賣鴨，我反問兩隻既唔同，佢無答就轉身走，無視我。最後張相係等對家食完後，影個對比，明顯係唔同 (加我張單，有相有真相)回想就知有問題，叫燒鵝肶既人比燒鵝既更多，原因燒鵝飯$53，鵝肶飯$76，差1/3價錢，多數都食肶飯，但邊黎咁多肶吖，唔通其他部分賣淨唔要咩，都唔成比例。

今日行過深水埗燒鵝大王外買了一份燒鵝下庄1／4隻盛惠＄110(燒鵝全隻＄400)，回家打開後呆左。除左燒鵝髀、肥膏同鵝頸之外就咩都冇⋯⋯一盒燒鵝除左4舊鵝頸數埋居然唔夠十舊，咁其他的去左邊大家諗下就知道⋯⋯，＄110淨係買隻鵝髀仲貴過人地星級餐廳呀！！！真是搵笨搵到冇朋友！😡😡😡😡😡😤😤😤又唔係特別好食，又唔係咩高級地段，咁様做生意想好都難，做生意點様可以咁樣呃人，我問嘅時候係講到明燒鵝下庄幾錢？要都係下庄！點解到我拎外買時只有燒鵝髀！餐廳的鵝髀飯只要＄75，焼鵝大王用＄75的鵝髀充當＄110的燒鵝下庄簡直係肉酸到暈，以後請我都唔會去食！！

又到星期五晚，知道家中各人不回家吃飯，又是我獨自去偷歡時間。我所說的獨自，只是去吃晚飯，走入褔榮街，多間食肆都迫滿人，有些還要在門外等位。這一間燒臘店也不例外，店外亦有等位的人，然而，一支公的話，即刻有位。這間自稱「燒鵝大王」，我又愛吃燒鵝，點了叉鵝飯一碟，用長碟盛著送來，是我第一次見這麼大碟的燒臘飯。叉燒樣子不錯，肥瘦相間，既有肥膏香，亦有的肉香；燒鵝頗精瘦，肉質稍結實，經嘴嚼後則啖出鵝肉的甘甜，但醃料方面則稍遜，入口較平凡，皮香但不脆，可喜有幾條唐生菜。若不太挑剔，一試無妨。

入到去差不多清一色吃鵝，分別只在配飯，米，濑或河她們不說出來因為根本不夠分皮是脆的，肉骨都醃得入味如硬要挑剔，就是欠了荔枝木香味ps. 鹹蛋勁標油，靚!咸蛋靚到，碟鵝飯又正

去深水埗一支公就找下D小店風味見到有燒味，入去食下先。雙肶飯68元也不貴呀，唔知正唔正呢？雞用左雪雞有一點雪味，而且最怕有血的，但也是滑的。反而鵝好鞋，皮也不跪，當然以這價錢算係不鐠了，最愛的酸梅醬幸算不錯。有點失望。