犇道 Chef Ben- Cafe & Steak Bar (弦海) (Closed)

今日放假同屋企人去龍門居探朋友，探完朋友就喺呢間屯門知名嘅牛扒餐廳食飯🥰入邊環境幾大，好有心機裝修，所以坐得好舒服佢啲午市套餐都幾抵食，一個主菜連嘢飲大概百幾蚊左右我哋加咗錢要餐湯同麵包，當日嘅湯係蕃茄海鮮湯，麵包係蕃茄香草多士，兩樣嘅蕃茄味都好重，多士好脆口，蕃茄海鮮湯夠足料，入邊有好多蜆肉😙餐飲方面，我哋要左巨杯杯檸檬茶同埋蜜桃水果茶特飲，本身杯檸檬茶已經夠大杯，餐廳仲提供免費添飲👍🏻👍🏻👍🏻蜜桃水果茶有柚子蜜同蜜桃汁，飲落清涼爽快我哋加錢要咗水牛城雞翼作為小食， $28有四隻好抵，而且肉質夠嫩，醬汁辣辣地👍🏻終於到主菜啦，我嗌咗廚師發辦牛扒，當日係西冷扒，首先份量好足，我叫咗四成熟，咬入口都食到幾重嘅牛味，我覺得唔加醬汁都好好食👍🏻👍🏻薯條炸得好香，仲要有得免費添食😍😍😍😍😍另外要咗個好特別嘅冬陰功海鮮意粉，冬陰功醬汁好香香茅味，但食落唔會覺得好重味精或者好鹹，係真係香料味嘅香至於甜品，當然就嗌咗affogatoEspresso既香味真係沒法擋😍熱辣辣嘅Espresso淋落去冷冰冰嘅雲呢拿雪糕上面，冷熱嘅衝擊令到雪糕更滑更香明一款甜品就係雲呢拿雪糕杯朱古力醬窩夫，個窩夫10分脆，

心心想食好耐既西餐巨型檸檬茶🍋免費添飲，第一杯勁巨型打卡一流，檸檬夠新鮮夠甜，建議可以走甜少冰更健康！德國蜜汁慢煮16小時豬助骨勁入味，容易切開，蜜汁甜甜地，因為慢煮入面仲係粉紅色，真係色香味俱全！建議可選烤菜薯條，烤粟米仔，紅蘿蔔，新鮮薯仔更健康！湯品好味濃郁，屬中上等級。另加龍蝦吾會令你失望，新鮮到一叉就起肉，大推！價錢算合理，CP值高。犇道 Chef Ben- Cafe & Steak Bar (弦海)屯門業旺路101號弦海地下G01B號舖

閒日想搵間餐廳靜靜地享受下午茶剛好路過近河畔公園有間隱世西餐廳見環境不錯又冇乜人於是就入去用餐啦😋今次叫咗個午餐「廚師發辦」牛扒餐要七成熟但嚟到好失望～完全熟到牛肉乾咁樣👎套餐另選左沙律🥗及特大杯裝檸檬茶（無限任飲）呢個真係超誇張呀！本身個杯已經係啤酒杯，仲可以無限任添⋯⋯👍👍另外叫咗個下午茶餐～窩夫甜品及小食黑松露薯條😋呢兩款真心不錯！尤其本身喜愛吃黑松露嘅我，醬料另外分開上，令薯條又脆又唔會淋哂！窩夫鬆脆軟度適中也值得推介👍

係openrice睇到呢個間，睇啲comment啲人話幾好食，諗住試下。叫左2人餐，有前菜，意粉，仲有少少海鮮同牛扒，甘就700幾蚊。首先講下前菜，有個湯同個包。個包係冧架囉😱😱，跟住個意粉都好一般。個牛扒明明叫5成比左3成我都算，個牛扒仲要勁多筋。仲有個龍蝦一啲都唔新鮮，啲肉係” 梅”，啲膏係腥，啲鴨胸好似雪櫃攞出嚟冇煮過。飲品唔錯嘅，冇乜特別。但係嘢食完全對唔住七百幾蚊嘅價錢，以後都唔會再去食。

加入晏晝三點左右入到去有位坐唔使排隊，樓底高，睇單車路隔離，今日天氣非常之好出邊嘅樹陰映照入嚟啊好休閒，餐廳內有海鷗吊飾，成件事坐喺入邊好舒服，嗌咗一個漢堡餐，其實天氣咁熱真係冇乜胃口，點知個薯條一盒入口超級好食，不過個漢堡包啲牛肉最有啲散，適合冇牙嘅小朋友或者老人家，最欣賞佢就係檸茶檸水任斟，其實有陣時咁熱邊度都唔想去一間舒服嘅餐廳俾你咁樣係一個晏晝，乜都值回票價啦~再encore嘅時候佢俾咗一杯新嘅檸茶俾我，雖然係細杯啲，但係都比坊間嘅大杯，絕對有誠意👍室內環境真係一流附上lunch 餐牌以供參考

早前聽過好多人推介犇道嘅蝦蝦霸霸牛扒2人套餐，話呢個套餐性價比好高~ 我地前排就去試下佢地嘅套餐，假日都幾full 所以記得要預早book 定枱~套餐包恬是日餐湯、前菜、意粉同主菜~ 是日餐湯係忌廉蘑菇湯，蘑菇味好突出而且餐湯嘅口感好濃郁~旁邊嘅parma ham 同脆脆多士同個餐湯非常夾~蝦蝦霸霸牛扒2人套餐仲包括咗一個意粉，我地order 咗哈里薩辣醬黑毛豬米型意粉，估唔到呢個醬汁冇咩辣味之餘，仲好似濃郁嘅蕃茄汁~而免治豬肉嘅份量都好少，幾乎食唔出~呢個意粉中規中矩，可以carbonara會好食啲~主菜就係龍蝦牛扒，龍蝦美味彈牙但略嫌唔夠juicy；龍蝦膏就反而好鮮味~ 牛扒我地選擇咗五成熟，軟腍多汁而且好重牛味，旁邊嘅薯條亦都好香脆~

由於住屯門一直就想去試呢間餐廳，個位置不是好近車站。見openrice排名第一，所以決定同朋友過來一試。 分別嗌左三個菜式，一個係火腿蜜瓜沙律，一個係芝士蘑菇雞翼，一個係安格斯牛扒。 火腿蜜瓜沙律味道還算ok覺得都幾好味，芝士蘑菇雞翼就覺得好麻麻，首先上菜已經唔夠熱，同埋燒到黑麻麻咁，味道又麻麻地。另外想講安格斯牛排我地嗌左5成熟，但上到嚟變成7成，真心覺得非常一般。 雖然味道麻麻，但服務員態度還是好好。 諗唔到今次第一次食就覺得非常失望。

💛犇道(屯門)👍🏻西班牙豬斧頭扒沙律•金橘汁 $168斧頭扒燒到外表微微焦香鎖緊內在肉汁🤤大份抵食✨但唔太食到有金橘味，醬汁鹹左啲🤏🏻.🫶🏻忌廉蘑菇釀雞翼兩隻 $38(跟餐)大推💗無骨雞翼啖啖肉忌廉蘑菇勁邪惡，味道豐富😋.👍🏻薯仔忌廉湯+麵包 $18足料靚湯，湯底濃郁，薯仔味勁出🙌🏻.🫶🏻蟹黃蟹糕蟹肉粗管粉 $118大推💗鮮味十足🙌🏻啖啖都食到有蟹肉蟹汁🦀粗管粉軟硬度適中，必試✨.👍🏻韓國柚子茶 (跟餐) 飲落有陣陣柚子清香🍃唔會死甜，唔同茶記既質素😌.👍🏻巨杯檸檬茶 (跟餐)真係勁大杯，仲可以免費添飲😂📸13.05.2023.💁🏻‍♀️ #大推有Heart小店💗由以前舖頭仔，坐到勁迫食到依加，換左間闊落又chill既餐廳👍🏻.食物足料有質素，裝修有情調✨仲有優惠卷送，絕對會再回頭呀😋

母親節去咗犇道食飯估唔到都幾驚喜👏我哋嗌咗個牛扒二人餐同埋羊扒二人餐羊扒煎到好香同埋幾嫩滑最特別嘅係其中一樣配菜竟然用咗蓮藕 真係有種中西合璧嘅感覺，至於牛扒就美中不足有啲韌，可能下次牛扒嘅熟度都係嗌返medium會好啲另外值得一讚佢個前菜係有塊包上面擺咗火腿塊火腿都幾香同埋都食咗個手工意粉同埋Risotto 個意粉就比較普通啲，冇好大特別反而risotto 啲飯好得意，同平時食嗰隻唔同，而且都足料👍另外值得一讚佢個前菜係有塊看到幾香嘅包上面擺咗$1火腿

個湯又鹹，沙律d菜又唔凍，意粉又無味，牛扒又韌,係個薯條正常。食物完全唔掂，檸檬茶ok既，個茶底好飲，但好少冰可以無限添飲，但添飲時，下下都要問攞飲管位置又唔方便，直係唔會再食

之前由佢喺龍門居仲係細細間嘅時候就已經開始幫襯.搬鋪後第一次去, 而家餐廳系屯門河邊,離巴士站8分鐘路程左右,環境舒服清優,叫左個雙斧頭扒set,牛扒質素相當高, 件扒相當大份, 肉質嫩滑,真係好好味 下次試埋龍蝦海鮮桶套餐

前幾日同朋友再去犇道食餐勁嘅，真係隔幾個月你就會諗起佢嘅斧頭扒🤤，每次去都覺得食物質素越黎越好🥹👍🏼👍🏼👍🏼開頭嘅風乾火腿配火箭菜同多士，係色彩繽紛嘅前菜！火腿風乾鹹香濃郁，同火箭菜微辣口感好夾，而toast嘅鬆脆增加咗層次感，仲有碗蘑菇湯，味道濃郁，入口即化好creamy。跟住嘅主菜，就係我哋嘅最愛雙斧頭扒 Tomahawk Set！巨型牛斧頭扒同豬斧頭扒，仲有即炸粗薯條。牛扒煮得恰到好處，五分熟嘅口感嫩滑多汁；豬扒表面焦香，肉質鮮嫩，altogether 好滿足！跟餐嘅鮮帶子龍蝦汁手工意粉，意粉煮得剛剛好，彈牙有勁，配上5粒鮮美大帶子肉同濃郁龍蝦汁，口感層次豐富👍🏼至於飲品，試咗粉紅富士山下、梁山伯與祝英台同免跳三款特色調飲。粉紅富士山下係用士多啤梨為基調嘅鮮打奶昔，味道清新，甜而不膩，漸變粉紅色好似富士山下嘅櫻花，一見鍾情好靚😍；梁山伯與祝英台係蝶豆花芒果梳打特調，獨特嘅藍紫色搭配芒果甜香，好味又啱打卡；免跳就係水蜜桃香橙梳打，果味濃郁，口感清爽。而且犇道嘅環境好舒服，放住以 jazz 改編嘅流行歌曲，好啱享受美食。餐廳嘅黃銅餐具、燈具、掛牆單車裝飾、牆身嘅slogan ，反映到

第三次泥到犇道食晚餐，真係好高質，忍吾住都要係重要嘅一刻泥食個斧頭扒4人set !犇道環境其實越泥越舒服，由開頭行田園風到宜加改做扒房風，暗暗嘅環境，播住jazz咁真係好有fu一坐低就先上個頭盤：風乾火腿火箭菜多士同蘑菇湯風乾火腿同火箭菜好夾，味道好香口感又脆，多士就好脆身，蘑菇湯味道好creamy，真係好得👍🏼之後就上Main course～Tomahawk Set，雙斧頭扒：巨型牛斧頭扒同豬斧頭扒，陪埋即炸粗薯條。牛扒同豬扒都好juicy，都係熟度啱啱好，唔會太煮過。配埋即炸粗薯條，好香脆，同扒一齊食真係好正。麵食我地叫左鮮帶子龍蝦汁手工意粉。麵條好彈牙，鮮帶子同龍蝦汁味道好濃郁，真係好好食。而且，啲鮮帶子好新鮮，味道好鮮甜。最後就係飲品啦。叫咗1/ 粉紅富士山下同梁山伯與祝英台。粉紅富士山下就係士多啤梨鮮打奶昔，味道好濃郁，而且好滑口，士多啤梨味道一啲都吾會覺得好假，開胃之選2/ 梁山伯與祝英台就係蝶豆花芒果梳打特調，味道好清新，同埋顏色真係好靚～ 打卡一流！3/ 兔跳，啫係水蜜桃香橙梳打特調，味道好爽口，真係好適合食左油膩野之後飲今晚可以嚟到犇道食野真係好正！ 味道同口感都好正

搬咗新鋪之後第一次嚟 樓底高咗好多 環境靚咗好多 坐都寬躺咗好多 出邊係河畔公園 睇住人哋跑步踩單車都chill🤣下午茶時間嚟到 都坐滿晒人食物試咗慢煮牛丼配溫泉蛋 牛肉慢煮都幾juicy!肉質雖然未去到好林 不過都唔算柴皮 都唔差☺️☺️另一個午餐套餐，試咗A餐米形意粉 呢個食落就比較普通 口感似食緊飯多個意粉😂餐飲可以揀超大杯無限添飲嘅檸茶檸水😂見到個杯果下真係嚇親 係平時超大嗰隻啤酒杯 如果有時間坐喺度慢慢嘆飲杯茶其實都唔錯～小食另外仲加咗個明太子玉子燒 明太子沙律醬加咗喺面 味道不過不失

今日🐯👩🏼帶我去屯門龍門居龍門居最出名就係宵夜諗住可以掃下街點知佢話去鋸扒🤔🤔🤔去咗間叫做犇道既餐廳🐮🐮🐮雙斧頭扒4人餐🌟🌟🌟🌟🌟35oz南美洲特級戰斧牛扒🪓🐮+10oz 西班牙穀飼豬斧頭扒🪓🐷，份量真係勁足😱😱😱，絕對夠4個人既份量，叫咗7成熟，但係佢都唔會燒過龍，牛扒同豬扒都鮮嫩多汁，仲會配埋黑椒汁，當然唔少得嘅就係會配埋薯條🍟，佢嘅薯條都係即炸，值得加分鮮帶子龍蝦汁手工意粉🦞🦞🌟🌟🌟🌟🌟佢嘅意粉軟硬度啱啱好，龍蝦汁嘅味道都好濃郁，醬汁嘅味道都唔會蓋過晒其他配料嘅味道，鮮帶子仲會配埋少量嘅三文魚子，令到成個意粉帶出一啲鮮甜👍🏻👍🏻大大大杯檸檬茶🍋🌟🌟🌟🌟🌟一杯絕對唔夠，所以佢係可以無限添飲嘅🥰🥰🥰，同埋佢跟餐只係半價粉紅富士山下🍓🌁（士多啤梨鮮打奶昔）🌟🌟🌟🌟🌟奶昔飲得出係用新鮮士多啤梨，而唔係用糖水，口感都好豐富回頭率：100%