王幺妹黔川米線

Open Now

Now Closed

放工諗唔到食咩，就同朋友去左屋企附近食米線，這店都是第一次過來，細小的店。我就選擇了遵義牛肉米線是店的主打菜色來試試，😍😍遵義牛肉米線牛肉肉質鮮美多汁，整得很入味，而且米線的質地都比較粗厚，我諗呢個就係遵義特色。配上惹味嘅湯底一流👍🏻👍🏻👍🏻蒜泥白肉最喜歡食蒜泥白肉，去到食粉線是不能缺少的，這店的蒜泥白切得都好厚，而且痴住好多蒜！又爽又可口，配湯麵食效果都幾好好夾，十分滋味😋😋😋

平時食米線多數都係喺譚仔之類嘅連鎖店入麵食， 今次喺寶石戲院睇完戲之後，見到樓下有呢間米線，入面都幾多人就打算入去試下。餐廳環境唔算大，但係都坐得算舒適而且感覺裝修都幾乾淨同新穎。今次我就叫咗個招牌羊肉撈米線， 呢度嘅米線同平時食開嘅唔同比較粗身。 羊肉食咯有好香嘅羊騷味，令人非常之滿意。今次我就試咗少辣，因為不嬲都唔算話好識得啦，而呢個嘅小辣食落去都算係幾辣，大家要注意下 。除咗米線之外，我仲叫咗個蒜泥白肉做小食，呢度嘅蒜泥白肉同我平時食開嘅又係好唔同，但係味道都相當之唔錯。

放工過左紅磡個邊搵野食，行行下見到呢間個名幾得意（五個字我有兩個唔識haha)超級米線迷既我決定同男友食呢間坐低睇左餐牌都幾多選擇，有配好既米線都可以自選配料，懶得諗既我地揀左推介個兩個，羊肉米線同牛肉米線男友好中諗食羊 佢碗羊肉米線一上來就聞到好蘇既味怕羊蘇味既我試都唔敢試，男友就話夠蘇又夠香，羊肉夠林易咬，米線湯底都充滿羊穌味，岩哂佢至於我就食牛肉米線，牛肉味好重，湯底又甜又辣，米線比我食開既粗，夠林唔錯另外叫左辣子雞，醬料幾香，可以再辣啲雞肉嫩口人均都係60幾70蚊都唔錯

久別了的味道，數年前光顧過的王幺妹位處通往紅磡港鐵站的天橋附近。今晚一個人的晚餐，想著那時候的味道，來到發覺店已搬到新址。新店比舊的地方大一點，但都是人滿為患。有一空位便坐下來，先來一個醬汁豬軟骨米線再寫一個口水雞，進來的客人大多說普通話，我相信是因爲家鄉的味道帶她們進來。不一會，店員端上一碗熱騰騰的豬軟骨米線，一大碟浸滿紅酒鋪上蔥花的口水雞。天氣熱我點了乾撈粉，米線面條教粗身有咬口，拌上秘制醬汁加上辣乾豆角蔥花，面條沾了醬汁蔥花豆角乾，配上汁煮軟淋入味的豬軟骨，一口一口地吃不停。口水雞差不多有半隻雞份量，雞味與紅辣油平衡度剛好，這個價錢別的做不到這味道，份量可能只有這碟三分一。吃罷，我帶著滿足撐著肚子離開，雖然店內較擠逼但是值得一去。

紅磡食嘢可以好平，呢間就係好好嘅例子同朋友一人嗌咗一個米線，一啲小食，同埋嘢飲嘢飲嚟先，我揀嘅係支裝嘅果粒橙，解辣必備冇耐之後小食都上咗，係我最喜愛嘅麻辣豬耳麻辣嘅程度啱啱好，唔會太辣，啱大部分香港人食，食落又香又麻米線方面，我揀咗麻辣牛展米線佢呢度嘅米線好特別，唔係彈牙個種，而係重粉味嘅米線，食落好索湯又飽肚牛展本身冇辣味，只係個湯底有味，而咁啱呢我又揀咗bb辣，所以整體嚟講味道十分溫和好彩檯面上有好多調味料，包括辣椒粉，客人可以自己調節辣度

聽S說了很久紅磡有一食貴州菜的小店非常正宗，今天終於由S帶我去見識一下貴州風味細看menu, 米線的選擇都有16款之多，我又開始有選擇困難症，好多款都想試，結果S揀了什錦米線，我揀了貴州遵義羊肉米線，同樣轉配薯粉，揀左BB辣和酸辣味湯，另外再叫多2款特色小食和飲品什錦米線$48~配料非常豐富，有牛丸，魚蛋，墨魚丸，龍蝦丸，豬軟骨和酸豆角薯粉，指天椒等香料均由貴州直接送港，薯粉非常彈牙，指天椒還是在老闆娘鄉下自家種植，很有家鄉風味加入酸豆角令湯底變得酸酸的，再加上指天椒的辣度，酸酸辣辣，簡直停衝擊着味蕾，越辣越想吃，好滋味貴州遵義羊肉米線$59~除了有大量羊肉外，還有葱，香菜，竹笋，生菜，酸豆角作配料，羊肉不是很嫩滑那種，但很有羊味和鬆化，索滿酸辣汁也很美味五香豬手$68~豬手由貴州運來的五香粉醃製，炆得幾腍和好入味，豬皮本身好彈和有咬口，好正水煮魚$78~除了鯇魚片外，還加入生菜，豆卜和大量芫荽，這個水煮魚的辣味和四川口味不同，貴州的辣純為干辣，亦沒加辣油，而四川的主要加入花椒，造成麻多於辣的口味，兩者各有千秋，我都喜愛食酸辣嘢我一定要飲王老吉，飲完即刻爽哂

今日同男朋友去紅館睇演唱會時間又未到梗係去紅磡行吓睇吓有咩食啦因為我同男朋友都好鍾意食辣所以我哋就去咗一間貴州風味嘅餐廳食米線我就叫咗個辣子雞撈米線原來啲米線係粗嘅 都幾特別好彈牙而且好夠辣而啲雞丁都好正撈麵嘅關係所以好夠味你男朋友就叫咗個牛展米線原來湯麵都好好食男朋友好鍾意我哋叫咗兩個小食一個係麻辣牛肚牛肚好煙銀 去買啲辣汁真係超正之後我哋仲叫咗個口水雞個口水雞一嚟就嚟半隻真係冇諗過一間小小嘅米線鋪可以提供到半隻雞而且仲要好有雞味

身為米線控既我，最鍾意周圍食米線。平時酸辣米線就食得多，貴川味既米線真係未試過。店舖係一般米線店嘅格局，晚餐時段都幾多人食，店員服務態度亦都不錯，有問必答，細心地同我介紹每款湯底既特色。除咗有招牌嘅牛肉同羊肉米線，仲可以散叫嗌唔同嘅餸，餸嘅種類都好多選擇，價錢亦都親民。我就叫咗最招牌嘅羊肉米線，配上清湯。清湯吸收晒羊肉嘅鮮味，個湯好香濃👍🏻而羊肉既羶味唔會過火，容易接受，羊味十足。呢度既冰粉都相當正😍冰涼透心！土豆絲爽口，香口惹味，唔油膩。

通常一個人出街，都會去食米線快餐。 比起大集團，我更愛這間屬小本經營的小店米線。 今日去開黃埔買野，順道去左依間餐廳。 餐廳座位不多，但地方整潔。而且價錢唔貴，抵食又好味，仲有人情味。-點了一份小食：土豆絲。薯仔菜式令人百吃不厭。這份土豆絲，口感爽脆酸辣，絕對是舌尖上的美味。-另外點了碗什錦米線，鍾意佢樣樣都有：牛丸、魚蛋、墨魚丸、龍蝦丸、豬軟骨、酸豆角，十分豐富。 丸類相當爽彈、豬軟骨軟稔入味。米線彈牙，酸辣開胃，味道又恰到好處。-來一罐冰涼王老吉，爽呀！

今日約左朋友番學校傾project ， 先落黃埔食個快lunch 。 依間米線小店，讀書時成日黎幫襯的一間！平靚正！-今次食❤️貴州酸湯米線 本身湯底配料有芫茜、蔥、酸豆角肉燥。趁麵還是熱騰騰的，先來一口湯底，酸中帶甜，味道濃郁，清酸開胃。 喜歡這間米線🍜的口感，挺煙韌彈牙！ 另外自選配料有清甜白蘿蔔、韭菜、豆卜及彈牙貢丸，非常豐富。-除了米線外，還加了款小食。蒜泥白肉是我最愛的！豬肉片份量多肥瘦適中，配合濃郁的香蒜，十分惹味。-

以前响紅磡返工都係同事帶我去搵食，知我未食過貴州嘢，今日相聚就帶我去，佢話呢間平日午餐時間好多人架店仔細細祇有十多個坐位，不過都乾淨企理嘅。餐牌看來有好多配撘，有麵、米線、紅薯粉、河粉、泡飯等。味道有不辣、酸辣或麻辣，仲可以揀BB辣、小辣、中辣及大辣。枱上仲有調味料，嫌唔夠味仲可以自己加。我哋每人叫一個粉，再加2個小食。貴州遵義羊肉酸辣紅薯粉，未食過都係試下BB辣好啲。BB辣顏色望落都ok羊肉瘦薄有口感，幾有羊味，又唔羶，紅薯粉軟硬度適中，配菜有蔥、香菜、竹筍、生菜和酸豆角，口感豐富，滋味惹味又好味酸辣湯底，聽聞係用咗貴州黑醋越食越開胃。舊同事叫咗什錦紅薯粉，上面有好多餸，牛丸、魚蛋、墨魚丸、龍蝦丸、豬軟骨、酸豆角，佢成碗食哂，好滿足咁樣。水煮魚香辣惹味豬手腍得嚟仍然彈牙有咬口豬皮充滿骨膠原，個汁都好味當然要飲啲凍冰冰嘅嘢解吓辣啦，王老吉同豆漿都係跟餐加$10。整體食物份量多，味道質素都不錯，進食期間，見客似雲來，看來這間店是頗受歡迎的據店員說材料都是由貴州入口，連辣椒也是家鄉自種，所以口味與別不同。

朋友介紹去食依間米線，舖面簡單，冇乜裝修，個feel好似返左大陸咁。有幾位食客都係講普通話，仲係一個人食，估計食物味道正宗。貴州遵義羊肉米線 59兩碗米線都叫左少辣，不過同樣惹味。湯底用左黑醋同自家製辣椒油，聞落都好香好開胃。米線好滑身，而羊肉帶少許羊羶味啱啱好。貴州遵義牛肉米線 59 有幾件牛腩，口感軟腍，仲好重牛味。湯底同配料都同羊肉米線一樣，不過我覺得羊肉同湯底嘅味道夾啲。麻辣牛展 48叫咗小辣，牛展中間嘅根位好彈牙，口感唔錯，份量都好多。涼拌黃瓜 20涼拌黃瓜嘅辣又同麻辣牛展唔同，反而更加麻香，不過辣度亦都更高。

平日愛食辣，今日又去發掘好西。餐廳環境位於黃埔一小店，枱數唔多，好多人買外賣帶走，需要搭枱。Menu米線種類幾多，可跟個人口味自由搭配。選擇困難嘅我就揀咗佢set好嘅特色米線。點咗個麻辣牛𦟌米線。之前成日食湯米線，今次見到有得揀乾撈就點咗嚟食下。$40平平地，估唔到牛𦟌都幾多。叫咗小辣，都已經幾辣。乾撈米線幾惹味，入面落咗d調味嘅辣粉、葱粒同酸豆角等，撈埋食令人食欲大增，好快食哂。估唔到細細間小店都提供到咁多特色小食，水煮魚/羊肉都有，重點係價錢唔太貴。叫咗個水煮魚，$78原來係咁大碗。味道同平時深圳食開嗰d有d唔同，可能因為係唔同地方嘅水煮魚，但都幾好食，材料幾多。有大量娃娃菜，但係可能因為浸住湯吸哂d湯味，雖然叫咗bb辣，但個娃娃菜都幾辣。魚肉結實但有骨，但唔鍾意食骨嘅話可能會唔鍾意。食完辣叫咗個王老吉解熱氣。

我今日經過紅磡，就被「貴川」呢個詞彙所吸引。我向來鍾意食唔同國家嘅特色食物，貴川米線真係未試過。米線嘅湯底分別有酸辣，清湯，麻辣同酸湯。貴川遵義羊肉米線配清湯，本來仲擔心清湯會淡而無味，點知有驚喜。因為有羊肉嘅關係，每一口湯都充滿羊既香氣。呢度嘅米線都好特別，有少少似粉仔，較易斷開，口感軟稔。而羊肉帶點輕微嘅羶味，容易入口。而另外一款酸湯米線，酸味來自黑醋，味道偏酸。餸菜嘅份量亦好足料，女仔食嘅話，可能叫少米線會比較好。我自己就比較鍾意食清湯多啲！雖然鋪仔細細，但係五臟俱全，各款嘅小食應有盡有。我最鍾意食土豆絲！本來以為係一般嘅酸辣涼拌土豆絲，但原來係熱食嘅。口感爽口，可以自選辣度。冰粉冰涼透心，甜度適中，消暑一流。

我們平時很少到紅磡區，今天到寶石戲院附近辦完事便找點東西吃。行經這間小店見到有麻辣米線，正好合我們口味。這間小店座位不多，幸好還未到午餐時間，所以我們便不用等位。涼拌黃瓜 黃瓜切成小粒，容易入口，而且辣度適中，很合我們口味。麻辣牛展 因為我們只點了小辣，所以麻辣味還不算太厲害，牛展入口即溶，只是份量少了一點。貴州遵義羊肉米線 羊肉米線的羊肉份量不少，還有少少羊騷味，很好吃。配菜有蔥、香菜、竹筍、生菜和酸豆角，算是豐富。貴州遵義牛肉米線 牛肉米線的牛肉份量還算多，而且牛肉不韌，吃起來還有鮮牛肉味。配菜和羊肉米線一樣，算是豐富。