王幺妹黔川米線

Open Now

Now Closed

今日早左收工，去紅磡接男朋友放工一齊食飯！紅磡原來好多非連鎖式經營既食店，有好多望落都唔錯行過寶石戲院，見到有間食貴州米線既，貴林米線就食得多，貴州米線第一次見！望望個menu，酸酸辣辣，岩哂我小食有好多款，大部分都可以自己揀辣度。米線自選配料竟然有成45款😳實在太多選擇，我懶得諗，揀左貴州遵義牛肉米線🤣除左米線，仲有另外4款粉麵，任君選擇～牛肉好惹味，肉質香嫩，遵義米線比一般米線較粗厚，好有咬感，湯底既酸味同辣味好襯。男朋友既豆角肉燥米線，豆角酸酸地，好開胃。除左米線同餸外，每碗既配菜都好豐富。有生菜，竹筍，酸豆角等。除左米線，我地仲嗌左涼拌三鮮，好爽口，特製的調味麻辣汁，別有風味。食到好辣既時候，要嗌返d飲品中和一下！連飲品都有14款，真係好多選擇食完同老闆娘閒談左一陣，原來呢到係新鋪，之前舊鋪頭細少少，又舊d，宜家新鋪乾淨左，又可以坐得舒服d啦

吃米線連鎖店吃多就没新鮮感，剛好住在紅磡的朋友推薦這家米線店給我，可以試下貴州遵義米線。朋友說換了店，環境比之前的好。果然人流不絕，有不少街坊學生來買外賣。菜單有不少特色菜，蠻有驚喜的！辣子雞拼笋尖肥腸清湯米線 ($54)芫茜/蔥/酸豆角肥腸滷得很嫩，放笋尖真的很有特色，辣子雞很香，湯底不錯。口水雞 ($68/半隻)看了傻眼了，真材實料，有腿有翼，半隻雞實在太抵食！貴州遵義牛肉米線 ($49)蔥/香菜/竹笋/生菜/酸豆角紅燒牛肉軟嫩入味，好吃。米線比一般的粗，又滑又彈牙，份量不少，也可以揀乾撈！水煮牛肉和魚都吃得多，反而沒吃過水煮羊肉片 ($98)，調料很香，羊肉醃得入味，不會腥，肉片薄又嫩，辣得過癮，十分惹味，加了竹笋，如果再加點蘿蔔和紹菜會更豐富！黑糯米紅糖冰粉 (惠顧粉麵飯滿$40 加$10/碗,原價$25/碗)，果然冰涼，辣味一下子消散了，很有效的解辣靈藥。 汽水 (飲品跟餐$7/罐)

因為紅磡重建嘅關係，好多舖頭都搬左舖，王幺妹都不例外。朋友由舊舖食到新舖，味道無變，新舖光猛左，雖然都係細舖，但無以前咁迫啦。是日黎紅磡睇戲，想食辣，朋友就介紹左呢度，中午時段要等位呢，好旺啊。餐牌看似簡單，原來都有好多配撘，先可以揀要麵定泡飯，而麵又可以揀米線，紅薯粉，河粉等。辣有酸辣或麻辣，辣亦提供多種辣度，啱哂我呢啲想食辣但又食唔到太辣嘅人，哈哈。廢話講到呢度，講返今日食左咩好味先。枱上有簡單調味品，嫌唔夠辣仲可以加辣添呀。怕太辣，叫定飲品先，王老吉同支裝茶都係跟餐加$10，凍冰冰解辣啱哂啦。朋友叫左羊肉米線（$59），bb辣顏色望落都唔太辣咁樣。羊肉幾有羊味，但唔係羶個種，個人覺得好味噃，鍾意羊肉瘦瘦地有口感。自己要左牛肉米線（$49），同樣係bb辣但呢碗紅咁多嘅，原來牛肉本身已經係辣嘅，所以加埋一齊就會辣啲。牛肉切粒狀，半肥瘦辣辣地又有牛味喎，仲好滑好軟腍添，意外呢，好好味啊。除左牛，配菜仲有酸豆角，竹筍等，都好豐富㗎。米線勁粗，淋淋地吸湯力不錯，湯底要左麻辣，夠麻夠辣好對胃，好鍾意呢種國內口味嘅辣。口痕又叫下小食，要左細size涼拌青瓜（$20），青瓜爽口帶酸味，酸酸辣辣好

晏晝搵好西食，但唔想食飯，見到呢間新開喎食米線，就走左入去食。粉類好多選擇，揀唔到仲可以自由配搭，想要幾多餸都得～ 第一次食，梗係要招牌野，於是我食紅燒牛肉粉，小辣。飲啖湯，即刻飲出骨濃湯嘅鮮味 🤤 加上小小辣，粉吸收晒湯嘅味，食落更惹味。米線雖然粗，但質感挺實又少少QQ, 係貴州版嘅QQ粗意粉 😂 值得一食。 除左米線，牛肉都炆到好腍好入味，仲有自家製酸辣肉碎豆角，更開胃醒神，愈食愈好食😋朋友就食正宗羊肉粉，可惜唔食得辣，錯過晒惹味嘅酸辣同香辣刺激嘅麻辣，不過都唔怕，因為可以走辣，原汁原味嘅骨熬濃湯就一直食到尾，佢仲話羊肉唔羶。另外，我地再嗌左兩個小食。一款係半隻口水雞，好大隻，好好肉，肉又嫩滑，稱得上係個好主菜，唔係小食 😂 麻辛香料配辣油，超好食～另一個就啪青瓜，清新得嚟好刺激，過足癮。太多辣都要中和下，飲罐王老吉，咁就無有怕～

平時都系食開雲南米線，今次朋友帶我去這間，等我食下另一番風味的貴州米缐，朋友重話這店搬左新舖，地方闊落左，好坐d見牆上掛上大大幅推介食品，☝️即刻二話不說我就點左紅燒牛肉粉紅燒牛肉件頭細細粒，剛好一啖一口，肉質實但不鞋，湯底味道不錯，而最特別之處就是米線米線較一般粗厚，望落外觀有點似浸了湯的意大利粉，入口滑溜和有靭勁，的確別有滋味豬手也美味，入口充滿骨膠原感覺，豬軟骨炇得非常入味，朋友也食到嘴不停

紅磡黃埔交界的一條街裡有很多家由國內同胞營運的小店，他們都有同一個共同的店舖裝修特點，就是簡單顏色也比較單調，餐牌都是比較殘舊且有污積，平均一碗麵或一疊飯價格在50元左右。 今日我經過了一家貴州風味的麵店，店裡有很多操國語的國內年輕人，應該是理工大學全資學生來的。兩個店員出奇是講帶香港口音的國語，我叫了一碗米線，羊肉湯的味道沒有被吸收到米線內，米線的質感也粉粉的，沒有譚仔米線的米線那麽Q彈，請參考圖片我叫了小小辣，味道其實真的不太值59元，眼見香港人不多，其實香港人嘴刁是全世界有名的。講真一句，這間店我不會進去第二次了。

今日終於搵到時間去觀音廟還庫，梗係係埋附近搵食家啦行下行下見到間有賣貴州遵義羊肉米，諗起一個舊同事佢之前諗住quite job 返大陸開一間賣呢種面既鋪頭！我之前聽都未聽過！既然有緣見到就不如試下係咩味啦！佢個menu 都有好多款野既！但第一個就係我想試既！坐底後諗住叫野食，但因為得兩個人，兩個都係晒廚房，坐對面既另一個食客好好人，同我講要叫佢地。咁好啦，我行去廚房落單！ 由叫到整都要大約7-8分鐘！但老闆娘好nice, 都會講聲整緊等等咁！碗米線終於到啦！見到個樣好似冇咩特別啫！但一食落，個湯幾好味！羊就當然會有小小so 味啦！但接受到！成碗野到最黎食晒終於知貴州遵義羊肉米係咩味啦🤣🤣🤣

黔川米線食店「王幺妹黔川米線」，原本位於紅磡的舖位跟旁邊的「時新快餐店」，都因為遇上樓宇重建的問題而被迫結業，結果兩舖從此被迫各散東西，「時新」甚至因此分家，本食評暫且不評論。至於「王幺妹黔川米線」上手舊舖被迫結業，最後成功在紅磡「明石街」，找到近着「寶石戲院」的舖位位置順利重開。我上次光顧「王幺妹黔川米線」，由於擔心在店內拍照會有風險，結果我選擇坐在店外用餐。始料不及「王幺妹黔川米線」不單止順利找到新舖重開，而且新舖內部的佈置跟擺設，都比舊舖來得寧靜和有安全感。因為「王幺妹黔川米線」新舖裡面，是感覺不到店內有電視機或者收音機。雖然我上次光顧「王幺妹黔川米線」的時候，沒有正式進入「王幺妹黔川米線」店舖裡面，但是「王幺妹黔川米線」新舊店舖兩者的分別，我還能略知一二，包括舊舖樓面比較窄，新舖比較闊落。另一方面，「王幺妹黔川米線」舊舖舖位內部樓面比較窄而長，新舖舖位內部樓面則比較寛落，侍應跟食客在新舖裡面走動都會比較方便自在。至於新舖「王幺妹黔川米線」的餐牌，則仍然保留以前舊舖時的設計風格，只有一張沒有過膠包裝，附有食品圖片的紙餐牌。上次我在舊的「王幺妹黔川米線」，食了一個辣味程度名副其實，

之前一直很喜欢这家店，但是有次看了下厨房，真的是反胃呀，然后最近去吃，不但菜做的乌糟糟，有点恶心，真的不能忍受，下次不会再去吃了,这种小店卫生堪忧，回家還拉肚子

隨便搵間麵食，又見裡面幾多人，諗住應該會幾好食所以就入去試下。我點左蒜泥白肉生菜酸辣米線，本來以為蒜泥白肉會分開上，點知扔埋落去米線到，d蒜味分散左。所以食落覺得麻麻，但米線係幾彈牙既，係幾好咬口既。我叫左中酸辣一開始食緊係唔算好辣可接受啦，辣呢樣野真係越食越辣，好過癮😆😆但酸就真係一d都唔酸，有點失望。

我返工成日周圍去，我今日去咗紅磡食晏，經過一間價錢好平嘅四川餐廳，我當然會膽粗粗入去試一試啦！睇餐牌佢哋嘅特色小食有好多選擇，我見到人數都幾多下，生意好應該幾好食啦今日實在太飽啦，但係都要以下肚！於是叫咗$30有22隻嘅小雲吞黎試吓，價錢雖然係好平，但係我唔可以玩佢好好食，而係餡料亦都唔多，味道好一般，而呢度嘅環境亦都好一般，店舖內好大油益味可以讃下佢哋嘅湯底有少少辣，好香口都唔錯！水餃果皮都好薄，入口係好滑，有啲餃子有蝦有啲沒有！

環境好過舊鋪 但味道真係麻麻地..未食野之前仲要俾我拍死枱上的蚊！第一次黎食，叫左兩個餸，豬紅同蟹柳。豬紅完全無味雖然無唔腥，但好淡！蟹柳都係普通..但好食過平時粉嗰個蟹柳。到主角米線....完全唔好食有口感..感覺似食幼既烏冬但完全唔夾份量好多 食極都唔完但唔吸引你去食曬成碗麵今次都係叫小辣 湯底似水多啲...無肉碎粒食左一半已經放棄左唔會係咪抱太大期望，唔會再食第二次。

很久以前在舊鋪已經吃過，可是實在太辣不敢經常吃。和老公到紅磡吃午餐，已經想帶他來試這間很久了，今天終於一嚐貴州米線。從前每每經過黃埔街都聞到王幺妹及另一家食肆的香辣味，現在那邊已寂靜許多了。這天，一入店舖已感受到那種熟悉的嗆味。有食評說餐廳安排混亂，似乎所言非虛，看見有侍應很有善很有禮貌，可惜又收錯錢，要和客人慢慢再計一次，也只是用張白紙寫上要收取之價錢，其實食肆也只是有四張枱，如此小店也安排失當，似乎老闆要好好改善。去過很多小舖搬大舖的餐廳也會失水準，幸好再一次吃這𥚃的米線還是那種熟悉的味道。貴州米線比一般的粗身，少許似烏冬，但口感比烏冬Q彈；所以我覺得比一般米線吸汁。雖然很想試招牌辣子雞米線，但老公最近要戒口，所以也陪他，只點了一個蒜泥白肉米線BB辣。而我覺得BB辣也的確太BB了，如果吃慣米線的起碼也可小辣吧。蒜泥白肉也弄得不錯，超多蒜蓉味！唯一批評是油太多了，不知是蒜泥白肉或是辣油的關係。老公點了笋尖肥腸米線清湯加雞翼。最欣賞的是雖說是清湯，其實湯頭非常濃郁，十分惹味。個人覺得比起雲南style有大量芽菜韮菜，更喜歡黔川style的酸豆角和大量葱（而我不知黔川在哪....）。

接上篇想食多次＂雲味軒＂，相隔一星期都無黎到發現已轉手，十分無奈，變左呢間＂王幺妹黔川米線＂佢其實係紅磡一早有鋪，見老闆娘都係到，應該是轉了鋪啦這家是主打＂貴州米線＂，食過舊鋪，今次純粹係想食辣野同俾多次機會辣子雞米線加一口小雲吞（舊鋪）價錢忘記了，似要４０蚊，唔平兩樣都係招牌菜，但就食到我黑人問號，米線粗到似烏東。。。。一口小雲吞，肉都唔多，細粒到無野可以評論；辣子雞，完成不明白有咩過人次處，明明就係一粒粒雞肉仔，亦不覺辣。原來貴州米線是這樣的，當時覺得可一不可再！！好吧到今日再來新鋪俾機會，我通常食左兩次先會寫食評想叫紅薯粉的，話無，咁好無奈地叫左米線雲吞米線中小辣麻辣，＄３０—貴州米線依舊很粗，有彈力，真係好似烏東，看個人口味啦，我是不太喜歡；—湯底有莞茜，無芽菜，中小麻辣就係一味的死辣，並不覺得有獨特過人口味；—雲吞原來都係一口小雲吞，細細粒粒，無咩特別；吃後感：一小時內沒有消化不良，但是非常的口喝。。。。服務：老闆娘沒有主張安排座位，收錢也沒有特別的多謝總結：如果你接受到似烏東的米線 就黎吧！我個人是不喜歡不推薦的，同一條街辣米線多競爭，也不需要選擇這家重點是我依加都好口喝

今天在附近，突然很想吃辣呼呼的東西，其實以往我是完全不吃辣和米線米粉之類的東西，比較喜歡點心，粵菜和茶餐廳，最近好奇怪，感覺口味辯了呀，然後看到這個就去了，辣子雞很好吃 ，豬軟骨不太軟，餐肉好吃！