王朝潮盛館 (Closed)

❤️特色鹽香沙薑雞(半隻)(薑茸)雖然嗌左半隻但份量好多！😮👏🏻雞肉勁嫩滑😚啖啖肉。沙薑分開上，讓食客可以按個人喜好點多少沙薑，讚👍🏻。❤️海鮮什菜煲有白菜、菜心、雜菌、粉絲、脆魷魚、薄魚片、旺菜、蝦、西蘭花🥦等，超豐富！❤️潮盛卜卜蜆最欣賞用Gas爐煲住，可以keep住熱辣滾燙！🤣蜆鮮甜冇沙😍😋，落左辣椒辣辣地，加上芫茜和蒜蓉辟咗啲鯹味。重有大量黃芽白和榨菜，有大量蔬菜🥬好健康👍🏻。❤️脆炸牛奶卷(6條)皮薄而鬆脆～唔係好甜唔會覺得漏👍🏻。❤️小食(雙併)揀左海蜇併豬耳。豬耳係暖食的，脆口同埋好有滷水味。❤️煎釀虎皮尖椒釀左好多魚肉入去尖椒裏面好飽滿🫶🏻。

朋友圈中已傳開，潮盛館價廉物美，抵食又好食，早想到訪一試，是夜機會到了，要多嚐幾道菜式，才不枉此行😏😏環境骨子企理，牆上壁畫增添古雅的氛圍，甚好！乾淨企理，簡潔舒適！先來開胃前菜桂花紅柿 $38，小蕃茄配上桂花蜜，效果不錯。甜甜酸酸的，醒胃小菜！到潮州飯店開餐，滷水餸菜少不了，來了一份滷水元蹄 $118。 滷水味香，元蹄軟腍入味，墊有滷水豆腐，大碟抵食另外點了特色鹽香沙薑雞半隻 $88原先想要鹽甑雞的，可惜已經售罄，退而求其次，點了沙薑雞，味道還算不錯，夠嫩滑！潮式凍烏頭 $168潮州菜的重點菜式，烏頭帶有黃油，高質靚魚，配上豆醬，好食😋蝦干魚滑浸時蔬 $88白菜腍甜軟熟，湯底鮮甜帶點微辣，好好飲有驚喜👍👍，份量多價位平 👍👍👍，抵讚！在百物騰貴的日子裏，這頓算得上平靚正！

這間潮盛館主打潮州菜，價錢抵食，環境舒適，性價比高，值得再回頭。鵝件雙餅$178, 配了墨魚，濃淡適中的滷水汁醇和味香，鵝件嫩滑鵝味濃，墨魚用返天然的白色. 普遍潮州舖用色素將墨魚染成橙色，容易會變瘀黑，影響賣相，有滷水豆腐墊底，好味。蠔仔粥$58一碗，蠔仔鮮甜飽滿，粥底鮮甜，食到方魚的香味。$98 位的紅燒砂窩翅好抵食，熱度十足，濃郁鮮味，有一梳梳的翅。椒鹽竹炭豆腐，賣相很呃like, 黑黑的竹炭豆腐外層鬆脆，炸得不油膩，內邊白雪雪的豆腐就好滑，配上椒鹽及炸蒜，十分惹味，更加上金箔配襯，賣相加分！韭菜肉碎鵝紅煲，鍾意湯底清甜，鵝紅份量多，新鮮滑身，跟韭菜一定最恰配。

新蒲崗呢間潮州菜，有好多菜式選擇，滷水拼盤、小菜、飯麵都有，價錢合理，味道仲幾好！餐廳環境服務都唔錯，去開附近可以試試👍🏻🔸鵝片拼牛腱 $228食潮州菜當然唔少得滷水拼盤啦～ 可以雙拼或三拼，揀咗鵝片同牛腱，啖啖肉！鵝片入味，軟得嚟有咬口，點醋汁食更開胃！牛腱薄切，幾爽口！底係滷水豆腐，超級入味同軟滑，好食！🔸潮盛卜卜蜆 $188有gas爐煲住，keep住熱辣辣，好大煲勁多蜆！而且啲蜆唔會太細隻，鮮甜無沙👍🏻 仲有好多菜食，好啱叫嚟share食！味道有啲黑椒味，幾惹味，推薦試吓！🔸蠔仔粥（碗) $58好食！蠔仔一啲都唔細，都幾飽滿鮮甜～ 加埋其他材料好鮮味！多人可以叫一窩share食～🔸西蘭花炒帶子 $128有8粒帶子，大大隻好厚肉！帶子鮮甜唔會太熟，西蘭花爽脆！

✅️ 鄰近mikiki ✅️ 餐廳商場有停車場，不過冇泊車優惠 豐料燉湯 (HK$68位)鮮甜可口，足料入味，暖胃養生。生炒臘味糯米飯份量大，食唔哂打包番屋企炒番熱都依然味道不錯，糯米真係好香口。鵝件拼盤我哋叫咗雙拼鵝掌，鵝件肥美，底層配上鹵水 豆腐。蠔餅 加入胡椒粉、沾一沾魚露食，蠔仔飽滿冇沙，佐酒一流。生炸BB鴿 外脆內香，有肉有咬勁，水準之作。兩個湯，加埋一枝藍妹啤酒，埋單約HK$630，好坐又舒服，同街邊一般檔口仔唔同。

阿女知道新蒲崗新開咗間潮州菜館好抵食，今晚專程同我過嚟試吓！潮盛館食物高質，價錢街坊價，仲免茶芥免加一，食幾多計幾多，而家好少餐廳做得到。皇朝滷水鵝片：鵝片切得均勻一致，紋理細緻，肉質一點都不粗糙，食落啖啖肉，肉質細嫩，咸香入味。還有嫩滑入味的豆腐，令人回味無窮。生菜豆腐鯪魚球煲，鯪魚球鮮甜彈牙，豆腐嫩滑，生菜翠綠，仲有不少爽口嘅菇菌。蠔餅鬆化香脆，蠔肉肥美，而且份量不少，點些魚露可令蠔肉提鮮。生炸BB鴿，即叫即炸，鴿皮薄脆，肉質香嫰多汁，送啤酒一流！潮州蠔仔粥一鍋，蠔仔粥非常足料，蠔仔肥美鮮香，因為加咗柴魚，粥底特別鮮甜惹味！

方魚肉碎粥 $88潮州粥最特別在米飯粒粒分明，中間香芹、冬菜同肉碎令粥底鮮甜，方魚咸咸香香嘅味道令入口更加惹味鵝件鵝翼拼盤（雙拼）$178滷水拼盆份量都幾大，鵝件唔太多骨啖啖肉，滷水嘅香料味唔算太重，食到鵝肉嘅甘香，口感結實綿密，一啲都唔韌鵝翼外皮Q彈，滷得入味，有骨落地食得好過癮，另外墊底嘅豆腐size都好大舊，滑溜入味👍🏻潮盛卜卜蜆 $188非常吸引眼球嘅卜卜蜆，店員先準備gas爐滾熱蜆煲，令湯底中嘅蒜蓉、辣椒同胡椒更加出味，熱辣辣香噴噴，卜卜蜆量十足，而且粒粒都有蜆肉，唔會得返個殼😆煲中更有旺菜索盡湯汁味道，少許胡椒辛辣感之餘更食到蜆肉嘅鮮味蝦干魚滑浸時蔬 $88食材十分豐富，除左白菜之外，鯪魚滑鮮味彈牙，大蝦干咸香加上茶樹菇嘅菌香，很有層次📌王朝潮盛館 (新蒲崗)地址：新蒲崗寧遠街3-23號越秀廣場地下G25-G27號舖評語環境舒適寬敞食物選擇多🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人

今日同屋企過嚟食晚飯，食得好滿足。價錢合理，味道👍🏻👍🏻夠晒新鮮夠晒鑊氣！啲員工好親切好友善！ 當中最鍾意：滷水拼盤，三併滷水鵝片、元蹄、墨魚🦑！食材好新鮮，鵝片質感非常好，個味都調得啱啱好。墨魚新鮮！順帶一提係份量好多好大碟！碟底配左一啲滷水豆腐，非常之惹味。酸菜鱸魚👍🏻👍🏻👍🏻好惹味！鱸魚本身新鮮，肉質鮮甜又滑口！仲配咗好多薯粉，大量酸菜！食唔停口。西蘭花帶子有好多粒帶子，抵食抵食👍🏻

尋日同朋友去新蒲崗食飯，經過呢一間潮州菜餐廳，見到入邊都好多人，就決定入去試一試！果然有驚喜！砵酒桶蠔呢個菜係我第一次食，其他地方未食過，創新得你真係好好食！桶蠔好肥美，咬落去真係爆汁，而作為伴菜嘅洋蔥都煮到入晒味！無論係調味同食材都要大贊！滷水鵝片食潮州菜最sugniture既梗係滷水鵝片啦！呢個滷水鵝片我覺得算係做得幾出色，我肉又軟又香，完全唔會覺得好殘好乾身！鵝皮油潤，亦都滷得好入味，呢度菜可以比高分！王朝特色醉鵝肝平時食開西式鵝肝，第一次食中式嘅！鵝肝入口即化，然後慢慢喺口腔中滲出一浸酒味，個人覺得幾得意！不錯蠔餅蠔餅都係必食！齋睇個樣就知道呢個蠔餅好好味，金黃鬆脆咬落去索索聲，蠔仔新鮮又肥美，好味！八景蔬呢度菜色彩斑斕，食落去青青涼涼，食得太多肉類食返啲菜真係超級滯！總括嚟講呢間餐廳創新得來味道上乘，而且價錢有適中，如果大家有興趣食潮州菜真係推薦呢間俾大家！

呢日夜晚喺新蒲崗，聽朋友講附近開咗間新嘅潮州菜館幾好食，我哋就入去探一探。店面不大但非常乾淨企理，菜單都多選擇。🌟頭抽生煎走地雞（半隻）$128雞用咗頭抽炒得非常香，走地雞肉質嫩滑，連雞胸肉都非常滑。🌟鵝片拼盤（三拼） $248點了鵝片、鵝翼、墨魚。我會形容個汁係有靈魂有層次嘅滷水汁，食一塊滷水鵝片即刻品嚐到有多種唔同嘅香料味道。鵝片鵝翼都大塊又大隻，墨魚都大片香滑。🌟花膠雞煲翅（位）$108真材實料！燉湯香濃好味！🌟生菜豆腐鯪魚球煲 $98呢個煲份量多而且好健康，鯪魚球大大粒魚味濃。🌟方魚肉碎粥（碗) $48方魚粒同肉碎煮，粥底香濃，好好味。每一樣都值得推介，係好好食嘅潮州菜館。

好有驚喜既潮州菜😍以後一定係我飯堂位置係Mikiki對面 店舖唔算大但服務同食物質素都好好性價比亦好高😎⭕️ 滷水豆腐($28)/ 滷水雞蛋 ($20) 食潮州嘢 點個滷水就好能夠食得出餐廳功架兩件豆腐size好大件 睇得出滷得夠時間 滷水色上晒雞蛋同豆腐 但食物中間唔會overcook鞋哂口👍🏻⭕️ 王朝特色醉鵝肝(半份) ($118)openrice見到個個都大推 我都要試試平時食既都係煎鵝肝 今次依個煮法對我黎講好新鮮食入口有兩個層次 先係濃郁酒香味環繞整個口腔再咬兩啖鵝肝味就爆哂出黎😍 好surprise驚艷到我⭕️ 花膠雞煲翅 （$108）以上價錢係一位計 雞湯味濃翅比得好足 連花膠同雞件佔成煲2/3位置幾抵嗌💓⭕️ 西蘭花帶子 （$128）勁足料既小炒 帶子粒粒兩面煎到金黃 好香🤤西蘭花🥦係好爽口 我鍾意既硬度👏🏻蒜蓉味好香🧄

位於新蒲崗Mikki對面的這家小館，承襲了潮州順德菜的特色風味，今晚和家人吃得滿足。🏅紅燒砂鍋翅魚翅份量足，湯底鮮甜。🏅生啫白鱔白鱔肥美厚肉，肉質細嫩彈牙，配以大量薑蒜，啫啫後白鱔焦香爽口，味道鮮美，又增添了回甘的滋味。🏅滷水鵝件鵝肉軟嫩入味，底層墊了綿滑的布包豆腐，吸收了滷水汁後，別有一番風味。兩樣都很出色🏅蠔仔粥🏅方魚肉碎粥蠔仔鮮甜，方魚鹹香，湯底清鮮無比，搭配上芫荽與唐芹粒，簡單卻令人回味無窮。

一家位於越秀廣場，水準不錯的潮州菜館。裝修簇新企理、價格合理，朋友說是近月新開的。點了鵝片拼盤，選了拼牛腱，滷水鵝片肉嫩香腴，牛腱完全沒有羶味。椒鹽鮮魷惹味爽滑，炸面薄而鬆化。紅燒砂鍋翅相當足料，湯汁濃稠度剛好，排翅爽韌，份量可不少，雖說是一人份量，個人覺得二人分享亦可。頭抽生煎走地雞以鍋上，非常夠鑊氣，甫上枱即香氣撲鼻。由於店子新張不久，因此環境光鮮整潔，唯一稍嫌枱椅擺放稍欠空間感。整體服務不錯，禮貌而殷勤。

估唔到新蒲崗呢個細商場都有好野食，餐廳裝修新淨，座位坐得舒服，未到6點已經有幾枱食客，睇黎深得街坊歡迎，經濟差，見到餐廳做緊外賣自取88折，岩哂街坊買番屋企慢慢食餐牌有超多選擇，全部都好想試，而且價錢都好合理啫啫白鱔煲呢個白鱔煲好有驚喜，白鱔好爽脆，有時係街巿買到好貴，但鱔都唔脆，而且好厚切，食落好有口感，白鱔煲落左好多蒜同薑，好惹味!!福果鹹菜豬肚湯豬腸湯好香胡椒味，豬肚份量多，亦有好多其他配料，胡椒湯飲完好暖胃煎釀虎皮尖椒尖椒煎得香，唔會太辣，送飯一流

個人對潮州菜有偏好，很多時看到潮州食肆的食評，都會很留意，最近發現這裏開了一間潮州食品店，今晚便來一試。蠔餅$98，這裏的做法比較特別，蠔餅的底部比較厚，而且香脆可口，加上沒有腥味的蠔仔，值得一試。濃湯雞煲翅$98，雞湯味道濃郁，魚翅份量都不少，如果以份量比例來說，一個人都非常超值。紅燒雞煲翅$98，紅燒湯底味道不算太濃，魚翅爽口彈牙，加上煲底的芽菜，已經很飽肚了。滷水鵝片$228，鵝肉味道適中，加點香醋，可以去除油膩感之餘又可增加味道層次。蠔仔粥$58碗，雖然是一碗價錢，不過份量足以兩人享用，加上蠔仔味道鮮甜，表面加點胡椒粉，味道更佳。