玖子茶 (長發廣場)

Open Now

Now Closed

喺青衣搵個朋友👧，去完佢👧屋企之後，佢👧帶咗我嚟呢個商場🏬，行吓望吓，見到呢間餐廳，朋友👧話好似係新開嘅，不如試吓，咁我當然係冇所謂啦🤣$78「招牌星馬雞 - 例牌」：啖啖雞肉，仲有醬油、薑蓉、甜汁可以沾嚟食😁$68「砂煲肉骨茶配白飯」：有排骨、有豆卜、仲有金菇菜；湯底深啡色，可以要嚟撈白飯食 😁$29「藥膳浸菜」：係白菜，簡簡單單，感覺幾健康🤩$29「鮮油咖央多士」：有一大片牛油夾響多士中間😁跟餐 加$3 「街頭白咖啡-熱」：要咗多啲奶，熱辣辣幾滑🤩

今日經過長發見到一間裝修超特別的， 很迎合就快過中秋， 裝潢很有特色、而且掛滿五顏六色的燈泡。 在門口看價值優惠， 晚餐也是$60-80 左右。 馬拉特色台當然叫左廚師推介的砂煲肉骨茶配白飯$68 ， 這裡是免加一服務費的！ 用左砂煲煲個湯超級濃味， 充滿藥膳味道， 非常之滋潤， 當中仲有金菇、 豆卜非常入味， 整個湯我飲得乾乾淨淨。 另外叫左雞扒米粉， 炸雞扒好脆， 雞肉好juicy , 我仲自己加左炸豬扒食，食落去無炸粉的， 香脆肉又不鞋， 好食！ 最後叫左串燒， 2串牛肉， 佢配左肉醬做汁， 汁醬特別而且有風味， 牛肉串燒好多汁好香好熱， 即燒的熱辣辣， 非常之香口！

原本打算外賣自取一個下午茶餐，指住個餐牌同店員講要個下午茶餐海鮮河粉轉藥饍湯跟咖央多士，叫完黎冇詳細睇銀碼就拍左個八達通落去。到拎外賣時先發現個店員㩒左個正價河粉，冇野飲、冇多士、仲要貴左十幾蚊。咁都算，自己冇睇清楚銀碼就拍左八達通都有責任。之後拎個外賣返到屋企打開先發現連個湯都出錯，原本加錢轉既藥饍湯佢地出左做喇沙湯，Check返單發現錢就收左，湯就出錯，連三蚊都冇埋。建議大家去呢間野俾錢前睇清楚銀碼，外賣拎餐後Check埋內容先好走。

青衣長發商場最近新開了間復古風星馬餐廳「玖子茶」，主打新加坡及馬來西亞菜，提供多款經典東南亞菜式，價錢大眾化，全間餐廳都掛滿住紅色、黃色嘅燈籠🏮再加地道的霓虹招牌佈置，整間裝修風格都好有特色💕麻辣口水雞-配油飯、雞湯 $63雞肉肉質十分之嫩滑，預早去骨夠細心體貼，配上味道層次豐富的口水醬汁，辣中帶香、香中帶麻，令人再三回味，雞油飯充滿雞油香氣，粒粒分明並且十分有咬口💕馬來咖喱豬軟骨飯 $58馬來咖喱特別濃郁惹味，運用了多種香料，如望子、月桂葉、椰漿等，令咖喱辣中帶點清潤，充滿南洋風味，豬軟骨口感軟滑而肉不鬆散，份量豐富且煮至軟腍，非常入味，配白飯吃起來很過癮💕藥膳浸菜 $29菜很鮮甜翠綠，用藥膳湯底煮，味道濃郁，藥膳味香濃💕炸蝦膠豆卜 $39足料蝦膠釀入豆卜內，半煎炸到脆卜卜，蘸上泰式甜辣醬，份外開胃💕馬來西亞奶茶 （跟餐＋$5）💕百香果綠茶（跟餐＋$10）📍玖子茶 💒青衣担杆山路6號長發廣場2樓213及215號舖

路過青衣見到有間新嘢，主打星馬菜，裝修環境有種古色古香感覺，仲幾多人食，決定入！睇餐牌都算多選擇，有得揀唔同嘅星馬飯、粉麵、小食，而飲品除咗一般大路港式茶水，仲有唔少特飲揀，跟餐$15都抵飲主食海南雞飯，雞肉數量都多，仲比左髀位，夠嫩滑，個人認為佢個甜豉油最好食。油飯亦都夠香，米飯粒粒分明，唔會過硬或過軟。另一個主食肉骨茶，肉骨相當多，如果再炆腍啲就更好～湯底亦有藥材味，飲完感覺幾滋補。牛油咖央多士好邪惡，牛油好厚身，加埋甜甜地嘅咖央醬，勁滋味！飲品叫左抹茶奶綠，濃得嚟帶有綠茶嘅清香，好好飲！

小朋友每一次經過都會話中秋節餐廳，因為入面有好多燈籠，因為新開的關係每一次都很多人，今天經過沒有那麼多人即刻去品嚐一下先👅喇沙星馬雞油麵🍜星馬雞嫩滑啖啖肉，有三款香料配搭，味道突出。面底由椰醬，多款香料和辣椒熬製而成嘅喇沙，味道濃郁，口感豐富。咖哩牛肋肉飯🍛牛肋肉用了慢煮的方法，肉質變得軟口嫩滑，配上咖哩醬汁送米飯，絕配一流。馬來西亞拉茶🥤茶味濃郁，牛奶滑溜，用拉泡方式混合一起，味道融為一體。爽爆檸檬茶🍹檸檬新鮮，檸檬厚度一樣，應該用上好的紅茶配搭，好飲過出面餐廳的檸檬茶。

今日就同朋友去左玖子茶食嘢餐廳入面掛滿大燈籠, 幾有馬來西亞夜市風味, 我哋就叫左招牌去骨星馬雞配油飯及雞湯雞肉嫩滑，而且雞皮爽滑又唔會太厚油飯撈左雞油,粒粒分明, 雞湯都幾重雞味, 但又唔會好肥膩砂煲肉骨茶, 一上枱就熱辣辣, 肉骨菜有淡淡既藥材香, 排骨份量唔少, 都算入味, 仲有豆卜, 金菇等配料鮮油咖央多士多士微微烤香左, 配埋半溶既牛油, 非常邪惡😋沙嗲串燒,一串牛, 一串雞, 沙嗲醬偏甜, 花生味比較香,串燒燒得啱啱好, 面頭有d 炭香,馬拉拉茶, 口感順滑, 唔會太甜, 白咖啡, 咖啡有d 炭香味,

店內掛滿色彩繽紛嘅燈籠🏮，非常搶眼，餐廳內裝修有如大排檔，一檯一個涼亭，坐得好闊落。Menu 選擇頗多，而且價錢親民。招牌星馬雞-配白飯&雞湯$63.00招牌星馬雞，雞肉份量可以多啲就比較好，最喜歡沾黑甜醬油食。白飯用上珍珠米，粒粒分明。雞湯清甜好渴。藥膳浸菜$29.00藥膳味道溫和，白菜爽脆清甜。我知你啦薄餅配咖喱$29.00薄餅酥脆好吃，份量不少。手打蜂蜜檸檬紅茶-凍+$10葡萄乳酸梳打(凍)$26.00兩杯飲品都勁大杯，飲落酸酸甜甜，十分開胃，跟餐抵飲好多🤩玖子茶芋圓$39.00色彩繽紛嘅芋圓，除左日常見到嘅3色芋圓外，還有綠茶味嘅，幾特別，芋圓食落煙韌，還有大量的仙草和紅豆，紅豆軟糯，椰汁好味。

感覺係青衣食飯係無乜選擇，咁岩要係呢頭揾食，見到商場開咗間新既餐廳，個裝修好似幾特別，俾佢吸引咗，就坐底試試佢😆睌市算多人，咁岩比我地坐到個特色座位，坐得舒服😌食物款式都幾多，有多款小食，又有飯又有麵，主題都係以星馬為主。我同朋友選了兩款主食「招牌雞系列」的招牌星馬雞-配油飯&雞湯$63，雞肉好香滑，除咗雞翼部份，其他都係拆了骨的😍另外選了「廚師推介」砂煲肉骨茶 -配白飯$68，個排骨炆得好琳，好多肉 ，好味😋仲加了個酥炸花枝丸 $39，花枝丸彈牙😍見到有個藥膳浸菜 $29，幾得意，叫黎試吓，原來又幾好味😋因為飲品跟餐有優惠(跟餐+$10)，我同朋友分別到家了兩杯飲品，芒果綠茶，百香果紅茶，唔算太甜，都幾好飲的😋

知道長發商場開咗間馬來西亞餐廳，作為青衣人落然要去下，青衣係美食沙漠，就約咗細佬去試下，室內設計足滿馬拉風情。招牌星馬雞（油麵配叻沙湯）好幸運地，斬左隻星馬雞髀我，啖啖肉。肉質彈牙而滑。叻沙湯底夠椰香，在有啲辣辣地，增加雞肉鮮味。招牌星馬雞（配油飯）有雞湯附送仲有三款醬汁來點星馬雞，雞肉不會過肥，非常健康，好有蛋白質。唔會過鞋。沙嗲串燒（牛肉）非常惹味嘅沙嗲醬、點上燒烤完既牛肉非常惹味。沙嗲串燒（豬肉）豬肉肉質肥而不膩、夠爽口，再加埋沙嗲醬，非常好食。馬來拉茶茶味夠濃，同香港奶茶唔同味道。飲落好有去左馬來西亞既感覺。草莓抹茶奶綠（凍）有我最愛嘅抹茶，必點。來到勁大杯，飲落有草莓同抹茶味，估唔到都幾match唔會過甜。

青衣終於開新餐廳！入去好似返返馬來西亞夜市，好熱鬧❤️。由小食到甜品都有馬來西亞特色，性價比高！🥢砂煲肉骨茶：入秋🍂要進補，✨必食✨肉骨茶香味 濃郁，加埋炆到淋既排骨，沾甜醬油食更滋味👍🏻。🥢藤椒爽魚皮：魚皮出奇地脆，酸辣開胃，啱好辣人士🔥🥢沙爹牛串燒：牛肉唔老，花生🥜醬偏咸。🥢迷你薄餅配咖哩：咖哩香甜易入口，香䓤薄餅亦惹味但偏油。🥢貓山王榴槤麻薯仙草凍：✨必食✨榴槤吉士餡香濃有奶味，以清爽既仙草凍作結，感覺完美😌味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

見新開餐廳，裝修又幾特別，有一些中國風味，價錢又唔算太貴，就排隊試下，一試之下真係失望太難食啦！雖然平，但都要有番一點嘅質素。兩個人食叫左一個廚師推介砂煲肉骨茶同一個麻辣口水雞。砂煲肉骨茶，最緊要就係個湯底，個湯一d藥材味都冇，完全係冇個隻味，只係普通湯底。排骨靭到不得了，食左一個就唔食啦。麻辣口水雞，味道還可以，不過可以再麻辣少少，但d雞肉好乾身。飲品 手打蜂蜜檸檬紅茶，呢杯就幾好飲，加10蚊，但算抵夠大杯。

見佢新開，門口又有兩個姐姐熱情叫客就入去試左個二人餐二人餐包左砂煲肉骨茶、海鮮蝦粉麵、麻辣口水雞、藥膳浸菜和串燒(兩串)首先講講砂煲肉骨茶。呢味菜式應該有濃郁湯底同豐富嘅肉骨味而聞名。但呢間嘅肉骨茶雖然都食得出佢有當歸、黨蔘等藥材，有d藥膳嘅風味。但係d 肉略略有d 硬，做唔到一般入口即散開嘅口感，所以呢到真係扣左分。但係搭配一碗香噴噴嘅白飯，呢個砂煲肉骨茶都絕對比到我一種滿足感。之後海鮮蝦粉(我揀左喇沙湯米粉)。呢碗粉聞到有濃郁的海鮮香氣。但係食落唔夠醇厚，可以係調味到加強少少，但配上彈牙的米粉同鮮蝦，都不過不失嘅。麻辣口水雞就係比較好嘅一碟。佢起曬朋嘅雞肉，相當嫩滑，辣椒醬嘅辣味同麻味相得益彰，比我嘅味蕾一下子刺激到。每一啖都食到到辣椒嘅辛辣和雞肉的鮮嫩。藥膳浸菜是就普普通通，不過不失。用左肉骨茶做底味，碌熟左嘅白菜仔清甜得黎又食到藥膳湯嘅感覺。總結來說，呢間餐廳做到基本之上，作為一間屋邨餐廳足夠有餘。

*沙嗲串燒(2串）牛肉牛肉被烤得剛剛好，上面帶有炭燒的痕跡，咬下去嫩滑多汁的口感。帶有甜味的沙嗲醬為牛肉串再升級，加上牛脂，肉味超級濃郁！*薄餅配咖喱薄餅煙靭薄脆的，配上濃稠香辣的咖喱醬汁，這樣的組合令人垂涎欲滴。*鮮油咖央多士鮮油多士外酥內軟的完美結合，搭配上香氣撲鼻的厚切牛油🧈，加上咖央，令人一口接一口停不了！*砂煲藥膳牛肋肉砂煲能夠保持肉質的嫩滑和保濕度，藥膳的味道能夠融入牛肉中，為整個菜色帶來獨特的風味。*環景極有氣氛 大排檔feel!

滿心期待有新餐廳進駐，見係主打新加坡美食，荃灣又有分店同幾好嘅評價，一早book定位去試，點知由第一樣餸開始就差到難以置信。馬來咖喱豬扒飯 $55．一夾起白飯已感受到痴埋一舊，已經唔係要求粒粒分明，但竟然可以煮到近似粥咁軟爛，飯都未識煮．咖喱無咩特別，醬量唔多．最離譜係豬扒，一食只係微溫，但明明係炸豬扒嚟(對比炸物小食熱度明顯不一，唔知佢豬扒炸好放咗幾耐砂煲肉骨茶配白飯 $68．本應最濃味嘅肉骨茶可以毫無藥膳味，只係一堆煲到深色嘅湯．肉係不值一提，唔夠腍招牌星馬雞配油飯&雞湯 $63．雞同油飯係分碗裝，更顯雞件頹廢同少．未見過雞件切到咁碎上，8成都係雞皮，肉係要自己尋寶咁搵，連女仔都一定食唔飽鮮油咖央多士 $29．咖央多只可以話不過不失，但唔值得食．咖央份量少到幾乎食唔到佢嘅存在．多士有烘底．牛油尺寸有待改善，但厚度算可接受昭通醬炸雞翼 $39．食落好普通，炸到偏老，食唔出有昭通醬味椒鹽雞軟骨 $39．椒鹽味唔夠重．雞軟骨同雞翼一樣炸得夠熱，但炸衣偏厚，油益味重草莓抹茶奶茶 $15/凍．以為最伏嘅飲品有驚喜，$15嚟講幾足料．草莓、抹茶、奶茶三樣加埋比想像中和諧，入口係草莓味最重，只有