玥屋

Open Now

Now Closed

兩個人放工唔知食乜好，打去呢度問有無位，又咁啱有位喎，就試下啦。唔算難搵，響hsbc大廈一出，對面馬路就係。呢度地方細，坐滿應該只容納到8個人左右，簡單裝修，啲人食完應該都唔會坐得耐，所以期間都多人叫外賣。師傅都係香港人，比較Cool，大部分時間都係自助為主。魚生新鮮過食爭X，整體同元X差不多，以呢個價錢係食得過嘅。睇menu啲野因為樣樣都唔係貴，好容易唔覺唔覺不斷叫，不過真心覺得舊壽司飯好細，我係女仔食極都唔飽😂 (雖然我都知只有壽司連鎖店先會大大舊飯🤣) 朋友本身好怕腥唔食魚，呢度魚以外嘅選擇同熟食都唔算多。最尾兩個人埋單三百幾，兩個都係唔夠飽。不過香港小店，支持下

在大角咀評價不錯的小店，便和朋友相約來嘗一嘗！我還以為要排隊之際，原來入店是可以先預約，非常十二分之幸運地，店員讓我讓我們等了一等便有座位了。其間有不少Walk-In 客人，雖要下次請早，當日是假日非常爆滿店內氣氛很好，店主好有禮貌，看見師傳很專心地忙個不停，但仍不忘跟客人聊聊天！這裡每一小時作為一個時段，其實午餐來說都足夠，客人亦知趣地交檯讓下一輪客人入座。蟹籽沙律($30) 是新鮮的味道喔！青瓜爽脆！蟹籽好多！汁燒帶子($14) 配上紫菜，誠意之作，帶子好大粒海膽壽司($22) 海膽滿滿，令人好滿足喔！！ 回味中。。玥屋蛋（$6）這不是蛋壽司那麼簡單，原來是兩層的蛋，口感好豐富全部都大大件，絕對是超值一定會再約朋友來幫襯的！！

大角咀食店林立，應有盡有，可能因為咁所有站得住腳嘅鋪頭都有返咁上下，玥屋更加係心水食店，午市壽司套餐真係無得輸！九件再加蛋再加手卷海膽，甜蝦，赤貝，白玉豚最為推介爭x價錢💰1000両級數絕對係窮人恩物

好多人問呢間係邊間隱世小店🍣🤭呢間數埋都係得10個位 一定要去book先會有位㗎🙈.#燒三文魚奇脆卷 $50 6件呢個好食在唔係灸燒三文魚 而係入面件脆脆啊🥰佢係天婦羅碎加蟹籽再撈沙律醬🤤口感好特別 脆得嚟好香口 有埋沙律醬就絕配啦😍十個讚啊‼️‼️‼️👍🏻.#玥屋蛋 $5玥屋係佢間野既名😂讚既係甜蛋 除左個面有蛋之外 佢底層都有甜蛋 得中間有飯甜蛋好甜好香🥰👍🏻.#辣三文魚 $6超多三文魚🍣粒啊 呢隻辣好特別 有小小似wasabi味 但陣味唔會留係口好耐 完全唔嗆喉 好過癮😋😋😏.#三文魚腩 $9 #三文魚 $5係人都知我鐘意食三文魚🍣😍三文魚腩比三文魚油脂較多 當然好味啲啦🤭價錢雖然平 但係食物質素高😚.#鰻魚 $8呢個都係我至愛之一雖然唔厚身 但係冇骨㗎🥰高質啊.仲有好多款壽司🍣手卷 揚物 以呢個價錢食到咁高質嘅壽司 已經列入我自愛嘅日本隱世小店之一😆

好難book位嘅一間日本餐廳見lunch得閒就即管衝入去睇下有冇位難book係因為座位好少 十至十二個位叫左個海鮮沙律黎到見到好多唔同嘅角切魚生落左啲柚子醋 甜甜酸酸 勁開胃有三文魚 蝦 帶子 象拔蚌 劍魚腩 赤貝等你講得出都有啲 份量一啲都唔少 正👍🏽👍🏽👍🏽仲單點左幾件壽司見到師傅逐舊練下練下 好有誠意鰻魚好好食👍🏽👍🏽其實仲嗌左個角切魚生飯 同海鮮沙律一樣甘正啲飯仲有驚喜 佢用左啲腐皮碎撈埋 又加左柚子醋 真係好抵食提大家 食之前一定要book位

如果你試過係哩間食晏晝，你未必會再去，因為環境真係麻麻。但如果你黎食過夜晚，包你一定想再去多次。無他，好抵，好抵，而且都有啲水準。而只要你唔介意比多少少錢，你就會有意外收獲。今次既omakase真係有意外驚喜，試到剝皮魚，口感一係一流。其他魚生亦都好新鮮，你食得岀佢唔係比流野你食。如果你唔係太介意地方迫既，哩間真係誠心推薦。

上網見到啲人話好難book位佢舖仔細細 夾埋都得十個位第一次黎食 見到張紙 就唔理三七二十一係甘寫見到三個師傅好認真甘lin啲飯 真係甘嘅價錢仲有甘認真 真係少見佢會幾件幾件整好 之後放係你前面個壽司架唔知你以為自己去左間好高級嘅日本餐廳見到啲魚生好大好厚 食落去好鮮甜上面呢個海鮮沙律 好多唔同種類嘅角切魚生放埋一齊 再加啲柚子醋真係一啲都唔講得笑 好開胃😋😋😋雖然三個師傅目口目面 好有個性但佢地認真努力 真係一間好值得支持嘅小店👍🏽👍🏽

可以用‘爭鮮的價錢，千両的質素’來形容絕對無誇張。好好彩在一星期前book到枱，因為都知道只有7個座位，比較難訂，雖然得個半鐘（7:30-9:00）用餐時間，但非常足夠，最後好似食左1個鐘，已經走左。壽司即叫即整，而且用料非常新鮮，海膽、象拔蚌、赤貝之類一點都唔會腥，味道帶甜，特別推薦蔥吞拿魚腩壽司，食完再落order。雖然環境一般，而且要坐高椅，但咁既價錢，咁既質素，絕對不能挑剔。

四人下午點了自選魚生飯，坐底左就見到成個廚房，見到周圍也不算乾淨，有好多積，其間見到師傅整整下打電話，打完冇洗手継續切，睇落電話污糟，三位廚師感覺也不衞生，吃完飯比現金，師傅用整緊油淋淋的手收錢找錢，天啊...講到食物，魚生飯黎到用黑色膠碗裝住，但我覺得個膠碗不是新的，係用過的，有油積同手指毛😱，魚生只可說好一般，吾好食，飯都吾好食，其他鼓油碟或碟覺得有積洗吾乾淨，wasabi 係用出面外賣壽司附上小小包個D，不是新鮮的， 整體就是見到三個師傅在不乾淨的廚房整魚生，過程也不覺衞生，雖然好平，但不會有下次囉

因為想食壽司，朋友介紹了這間餐廳，所以決定來試試，點知最後我當放題咁食，質素好過放題，價錢仲平過放題。我們7點多來到，已經無晒位，原來要book位，而不斷有人叫外賣，攞外賣，生意十級好，但服務都有質素，之後我決定等下，點知就有人食完就走，之後我地幸好還有位。我們一坐下，就急不及待點野食。我們先點了唔同嘅壽司，有三文魚、火焰三文魚、油甘魚、八爪魚、蟹棒、帶子、北寄貝、象拔蚌、甜蝦同白玉豚，啲壽司嘅刺身都十分新鮮嫩口，種類也有很多。先要讚的是壽司飯份量是剛剛好，不會太大舊。基本上上面的魚生都比壽司飯大。火灸也燒的很香。最值得一推嘅係，白玉豚，入口即溶又唔漏，直係剛剛好，我地最後total 叫左每人4件，食完再加單，在場每枱同外買嘅人都有食，可想而之，依度嘅白玉豚幾受歡迎，唔食就浪費啦。我地仲叫左一板海膽刺身，真係十分出色，係超值嘅價錢食倒👍這裡的服務員都很快手，而且上食物的速度十分快，沒有漏單的情況。無論食物水準、速度，都十分滿意！今天十分滿足，下次一定會再來！

有晚心血來潮就咁飛去諗住食，點知賣哂定收檔無得食，朋友就一早訂定位去食lunch，只有一個鐘無問題，即管試試有什麼厲害。一入到去，安排座門口單獨吧枱，但一坐低無耐就發現有架車個玻璃反哂光，我本身都諗住背住坐可以，但朋友側面望响我都已經照到反哂眼，所以我地要求換位，當時店內係無其他客人。店員嘅回應係:個個都係咁座㗎喎⋯⋯不過最後都肯調比我地點咗特上lunch set，加埋沙律汽水，都係110，價錢真係無得輸。小小的麻醬沙律。第一件食咗帶子，軟綿甜身。呑拿魚乾澀無鮮味。劍魚腩油脂多，但都有啲乾。以上三件同之後嘅壽司飯都係暖的。玉子凍冰冰唔緊要，無蛋味又無調味。鰻魚就係霉霉散散嘅肉質。油甘魚油潤味不錯。白玉豚我本身真係麻麻，一件好油嘅纖維咁。甘蝦唔錯，赤貝腥腥地，三文魚腩幾好。海膽得甘無甜，都叫鮮。蔥呑拿魚手卷最驚喜，有魚油香，有綿順口感，師傅又好似已放好調味，點豉油會過咸。總結係咩價錢未必全部差嘅，只要識揀。不過這裡價錢就絕對反映服務啦，但佢地係師傅又要招呼又要整單又要聽電話。最後就係店鋪嘅乾淨真係有待改善。

大角咀一般都不是大家考慮食好東西的地方， 但其實只要細心觀察一下其實這個地方都是臥虎藏龍的地方。這間日本小店雖然樓面不大，但他們一定能夠保證用熱誠來服務光臨的每一位客人。辣吞拿魚腩脆卷十分香口。辣椒醬混和蛋黃醬，再配合脆炸的吞拿魚腩，油香味十分重，真的食過返尋味！海膽三文魚丼的刺身十分新鮮，三文魚刺身溫度剛好，肉質鮮嫩。加拿大海膽有海水味，口感順滑，每一口都十分滋味。每一個菜式都是即叫即做，全部都是心機之作，如果打算到訪的話記得預先訂位啊 ！

不得了～黎食第2次啦每次食都食到好飽好滿足其實一直都想去玥屋，但奈何真係好難訂位有心去既朋友一定要訂位！佢既訂位仲要唔係非一般既訂法淨係可以訂一星期內既日子，想食就要先過訂位呢關--入正題由於是小店，所以得幾個座位第一次去係平日9點，第2次去係平日6點（仲講到明一小時內要離座）點都好，一個鐘都食到好飽了！睇相就知飯同魚生既比例差幾遠真係好夠份量好大片魚生啊-拿 有圖有真相海膽壽司 $22件完全唔腥 錚鮮甜！好好食既海膽吞拿魚蔥蓉既份量又係多到滿瀉--帶子壽司好令人驚喜，每次必點兩大粒厚身既帶子--第二次去被安排坐bar抬睇住各位師傅一整好壽司就即刻放我面前好食好食喔-芝麻雞翼都係每次必食，絕唔可以走寶-海膽，炙燒三文魚，同吞拿魚蔥蓉都唔多作介紹了--第2次黎令我最難忘既係炙燒三文魚脆卷，成個配搭好夾好岩口味外面三文魚想溶未溶既口感加上內裡脆卜卜，連埋沙律醬，完美啊--每次黎，除左以上既必食推介之外劍魚腩係我心目中既Number 1，夠肥美，口入面既肉質同魚油一齊溶化--想食既朋友記得要預先訂位同埋對個環境唔好期待太高，坐位唔算坐得太舒服～

知道好難book,所以成個月前已經同兩位朋友約好book左三位，去到唔使點等，坐好之後即刻order，之後就飲茶傾計，就喺呢個時候，有隻壽司飯咁大嘅曱甴從天而降，我個朋友即刻大叫，咁師父就用紙巾打死佢，但成個經歷已經令我地無哂胃口，隔離嗰兩個都呆哂，但職員都好無咩歉意，而我地因為知道好難book又期待左咁耐都無即刻走，但都肯定唔會再去，而都勸一句，大家諗清楚先好去，因為隻曱甴同落完雨喺坑渠走出嚟一樣咁大隻！

去爭鮮都$8一碟壽司，仲要唔係真三文魚/吞拿魚。而玥屋呢到$5有一嚿三文魚壽司，呢到價錢平民化，質素又好，三文魚雖然唔係超肥美，但係呢個價錢已經係高質，仲有油甘魚、吞拿魚，唔同壽司唔同價錢，除左壽司，仲有手卷、壽司飯等等任你配搭，全部都非常新鮮好味。所有食物因為即叫即製所以要等耐少少，但係值得嘅，同朋友傾下計，好快有得食。去前大家一定要book位，因為店內得8個位，而且都好多人，唔想等就book定位了！.