玥屋

Open Now

Now Closed

已經第二次吃。每次來也是滿滿的客人 ，縱不是繁忙時間也keep住有人來。壽司款式也不少 ，也有餐點。總括而言，食物新鮮 ，即叫即做,師傅做壽司也快手。最喜歡吃蔥吞拿魚腩卷，very match.汁燒帶子也不錯，淡淡肉 要趁熱包著紫菜整個吃👍🏻 喜歡吃壽司的一定要來 唯一缺點係座位太少 好像只有7-8個位 繁忙時間來一定要book定位 。本身以為自己吃甘多一定要幾百蚊了 ，結果一百蚊搞掂 ，好抵吃。希望小店可以保持水準，下次再吃！

呢間玥屋壽司小店喺大角咀開咗咁耐！平時經過都爆晒！D人話要 book 位！我一直都未有機會試！今次午餐時段過後經過見有位就即刻入去！店內座位不多！吧台坐倒六至八人左右！今次我叫咗個特上壽司定食 ($105) ！一板十一件壽司加件手卷上台！嘩！賣相幾好 wo! ！有好多款自己都鍾意食ge壽司, 仲要大大件！至正至好味係三文魚腩同海膽！食完一 set 飽到呢！$105 價錢真係幾抵食！搵日要黎試多幾款壽司刺身！唯一不足地係地方陜窄坐得唔舒服！

（❗️一定要打電話Book枱)之前上網留意到大角咀有間平民壽司店就拿拿臨打電話Book枱夜晚9點果round入餐廳, 先知道原來餐廳只有僅僅八個座位Menu上既價錢都十分親民同友人第一round叫咗我地覺得去壽司店必要既菜全部都好新鮮又唔帶海水腥味我地特別推薦既係- 海膽 ($22)超足料既海膽, 入口即融- 玥屋蛋 ($6)壽司上下各有一層蛋味道稍甜- 汁燒三文魚腩 ($10)上方微微燒灼過魚本身的味道和醬汁配合得不錯第二回合再試了不同的食物當中亦推介- 花之戀($13)- 汁燒帶子 ($14)炸物 - 雞件 ($24)不得不說這個雞件炸得很出色油膩感全無

聽朋友講呢一間係一間好好食同好抵食嘅壽司店 所以決定去試吓😋 記得記得一定要book位先好去 因為wall in多數無位 而且等唔到 🙈餐廳雖然位好少 無好舒服嘅座位（因為係高台）但重點係啲壽司好新鮮好好食同好抵食！我哋叫咗好多唔同款既壽司 🍣款款都好大件 料既份量都好足夠 👍必食嘅有三文魚腩 蛋壽司 炸蝦卷 芝麻雞翼同螺肉壽司 😋 三文魚有油脂味 炸蝦好新鮮 螺肉好多 芝麻雞翼好香好熱辣辣 而蛋壽司係招牌黎 款款都好好食！師傅係你面前即刻整 你可以一邊欣賞一邊食 睇到啲材料係好新鮮 而且價錢又唔貴！ 一定要黎試！

我大大話話都係玥屋3年多粉絲了😬我個人係勁中意食壽司 係香港都試過好多壽司店 但都只有玥屋最令我留戀 可以瘋狂到一星期食兩次😂😂 但我比較中意食lunch 因爲個set 超抵食 $105 蚊有10件定11件壽司 仲有蔥吞拿魚手卷或烏冬揀 我個人最推介必食既係蔥吞拿魚壽司， 蔥同吞拿魚既mix and match 真係冇得頂 超夾😍😍 但其他壽司都係超正 因為超新鮮 😍 飯係師傅手握 所以食黎好有口感 唔係機壓架！ 不過要留意位子不多 所以最好book 定位 同每次係食一小時 不過其實都好夠食！ 當你試過就番唔到轉頭架啦😆😆😆

Bookmark左另間壽司店好耐亦都打過好多次電話嘗試book位最後都係話無位同9點後先有位終於有一日我搭正開鋪時間打去 仲有最後兩個位咋！當日有早到 不過真心地方細 早到都只可以係門口等 夠鐘先放人入我地俾人安排左坐門口 環境其實麻麻 特別當日有幾位食客不斷出入店鋪🤦🏼‍♀️不過算數 食物先重要嘛味道好好 又平 性價比好高但如果下次得翻門口位 我就會next 啦因為成餐飯都需要自己行埋bar枱拎食物自己清潔，自己倒水等等

大角咀其實有好多好野食，但每隔一段時間都會再去幫趁既，就係呢間壽司店。話明係小店，只有十來個座位，而且地方好狹窄，千萬不要對環境有期望。雖然如此，小店依然十分受歡迎，日日滿座，所以一定要預早訂位，即日訂通常機會好微。除左堂食，呢度仲不停有客人致電或親身到來order外賣，店員真係做到無停手，所以使用即棄碗筷，唔多環保。點解環境麻麻，無咩服務可言都咁多fans?生意好，流轉快，食物自然新鮮啦。壽司size 細細件，一口一件，每款仲可以只叫一件試多幾款，價錢由五、六蚊至二三十蚊一件都有。佢既食物質素一向保持到高水準，以呢個價錢而言真係幾抵食既。推介食物係响其他店唔多見既汁燒帶子，每次都會encore 叫兩round 。

最好食我覺得係海膽壽司，又唔腥，又有鮮味，又夠平！其次係帶子，佢又大粒，又有鮮味，性價比好高！但係我最鍾意就係食蔥吞拿魚軍艦，因為佢真係會切碎啲蔥，撈埋啲吞拿魚！其實仲有好多都好好食㗎例如有馬刀貝，好爽好甜仲有玥屋蛋？，都好甜好有蛋味！我次次都會叫蟹籽沙律，因為佢啲青瓜切得好幼，有多蟹柳絲，撈埋啲蟹籽好好食㗎！晚市會有好生蠔食，佢會因應季節而提供唔同地方嘅蠔。我有試過係即開生蠔，有試過係擺落啲酒度1shot嗰d蠔。

大角咀隱世小店之日本料理鍾意食壽司🍣的朋友就要黎試下，平民價錢，食材又新鮮👍🏻👍🏻我今次都叫咗好多款式，食完round 1再黎round 2😂😂😂呢間店堂食得8個位架炸，所以大家黎之前一定一定要訂位呀🤪🤪🤪以下係我推薦必食的壽司😋😋😋————————————————————————🧡玥屋蛋壽司 （$6）用店名黎命名的壽司梗係有一定水準啦。本身以為玉子下面禁大件紫菜飯，真係飯多過玉子呀🤭🤭🤭點知食落有驚喜，原來紫菜飯下面仲隱藏咗一件厚切玉子，即刻開心唒😂😂😂————————————————————————🧡汁燒帶子 （$14）粒帶子真係好大好肥美呀🤩🤩🤩入口啖啖肉，好爽好新鮮。不過包住帶子的紫菜好快就軟了，建議大家一上碟就食先👍🏻👍🏻👍🏻————————————————————————🧡玻璃蝦壽司 （$6）超級新鮮呀，蝦肉好爽口彈牙，必食丫👍🏻👍🏻————————————————————————🧡炸蝦卷 （$30）炸蝦卷有六件，每件卷物都包住切絲的青瓜和吉烈蝦。蝦炸得非常香脆，但配撘住青瓜，感覺上冇禁熱氣😂——————————————————————

雖然店鋪地方淺窄，但的確係值得一試。三文魚刺身非常新鮮，壽司上既刺身都較長而壽司飯較小，比例岩岩好，，食多兩舊都唔覺得滯建議去食之前可以先預訂因為夜晚walk in通常都冇位

已經嚟呢度食過好多好多次啦，但係好多時都係外賣，因為呢度嘅位超級難book啊。呢度細細間好似日式小店咁，只係得八個位左右，每次經過都會見坐滿晒人。呢度食嘅感覺好似食緊omakase咁，樂園單之後師傅會係你面前即刻整壽司，然後放喺你面前。但係價錢係同元氣差唔多咋，超級抵食呀。三文魚奇趣卷，面頭係炙燒咗嘅三文魚，入面包住左脆卜卜嘅天婦羅碎，食落超級有口感好好味。劍魚腩，超級肥美，刺身又夠大塊好好食呀。玥屋蛋，絕對唔係頹貨，面頭同埋最底都各有一塊甜蛋，而且上面仲刻住鋪頭嘅名添！不過要留意嘅係，呢度唔算坐得非常舒服，同埋老闆有少少cool，但係呢度嘅壽司太好食啦，一定會返轉頭。

適逢假日前夕，我與同事們都會食好野來慶祝一下。今次來到一間小店，主打食壽司。原來這間小店，同事一直都好想試，可惜人流太多，但地方不大，大約容納10位左右。餐廳的座位是似bar枱形式，可以看看廚師的用心烹調。餐牌欠奉，只有點餐紙而已。我們點了E餐壽司定食（85元），有9件不同種類的壽司及玉子，烏冬或是手卷。我以為這小店會一次過端出壽司定食給我們。原來是師傅整完兩至三件便會端出來給我們享用，有點驚喜。我最意想不到的就是連玉子上面，還加了本店的名字，可見師傅的用心制作。手卷的型狀跟我平時食的有所不同。這裡是長長的。幾別緻。整體味道都不錯，值得再來。

同事介紹話係公司附近有間非常抵食嘅壽司小店，之前佢晚上放工去過幾次，6:30前去到已經成日冇位。假期前夕，我哋決定lunch去試一試，今次同事醒目打去訂抬，又好好彩咁有位！Yeah！book左1:00, 我哋當然冇遲到啦！不過，估唔到真係好細間，最多最多只可容納10位！唔想諗食乜，所以揀咗其中一個壽司午餐嚟食就算。壽司係手握嘅！唔會好似機出嗰啲咁硬倔倔。而上面嘅魚生亦新鮮。一個set收費只係$85，唔使加一，真係好算鬼抵食。

友人其實話想試好耐，但無奈有d隔涉，一再推遲直到今日終於有心情就黎試試！😎門面有d亂同細，外面望入得幾張細枱，有別於平時去的日本壽司店但人地寫明外賣專門店又真係無預太多人店食既！傻豬豬友人唔知要訂位！一心諗住黎排隊，原來人地堂食會打黎訂位，每個鐘有限定做幾多枱！好彩今日去個個時段咁岩有一枱位俾到我地咋！其他時段都full booing，如果唔係就白走一趟🙈🙈🙈所以要黎食一定book左位先！入正題，廢話不多說！因為我食完極之推薦！先點左個蟹籽沙津。好爽脆，好好食，好有咬口，蟹籽份量十足！食完好開胃，同出面既前菜唔同，感覺新鮮！喪點好多壽司，因為真係好平，反正老遠黎到，就算食完覺得普通都唔會肉赤😂 但佢地d壽司一上枱就好驚喜！樣樣好足料，又大件！！！多到滿瀉！見咁高質！我同友人再追加海膽壽司哇！你地睇超多料！！！好好食！啖啖好creamy!!!!!!食完想再叫，但可惜開始飽😢個燒帶子又勁大粒肥美😍😍😍吞拿魚又係多到呢⋯⋯⋯⋯⋯⋯不用多說，睇圖就知！總括而言，玥屋高質CP值高！如果唔係隔涉，我應該一個月會黎3、4次！樣樣都好滿意！我好喜歡但最可惜當日有d刺身賣哂😢😢😢😢 下次一定試刺身同食多

已經唔知第幾次梨玥屋喇💓～每次食都好滿意，每一樣野食都滿分😍日式小店每日都會入最新鮮既飛機貨💓入咩貨跟返季節而定🤞🏼所以食物，永遠都好新鮮岩哂季節😍老闆都好好人～超好傾～真係好有去左日本居酒屋感覺。性價比超高，幾百蚊既價錢，食到2，3千蚊日本餐既質素～我每次食到極飽先捨得走🤣🤣我今次訂左比較多刺生，但都係400零蚊位，如果想食平d可以淨係叫壽司，大概$300應該都ok~鋪仔細細，長期full booking~溫馨提示：如果想食玥屋，最好預早一星期book定～