珍心素食豆漿豆腐花專門店 (Closed)

@janenbean 📍#旺角一間我好喜歡素食(嘢食健康而又好食,所有員工都好friendly) ：通常我都係食蕎麥麵💕 糖水1. 五色素湯麵 （面質好食！有口感唔會軟林林！高纖，有營養！連個湯都好飲 👍🏻 （另外豉油王炒蕎麥麵都唔錯！）2. 午餐：+ $8 有野飲 -> 冰糖雪耳薏米水(暖)飲落好潤 💕 3. 老闆仲送咗佢哋嘅招牌豆腐花： 建議唔落糖，試咗個原味豆香先。果然係 滑、香，不過我都係鍾意有小小甜 落左啲黃糖😗 正 ！ #旺角素食 #今日午餐食咩好

其實今次係第一次寫食評，因為真的想多點人吃多點素。這間平民素食實在被我發現得太遲了。在旺角街頭竟然有一間價格相宜的素食店，以後出旺角也要多多光顧 ：）這個麵的湯底係豆乳蔬菜湯底，好香又沒有肉的油膩感，這裡的蕎麥麵比日本蕎麥麵更好吃，足料的感覺！下次想試埋米粉，期待品嘗買回家的芝麻豆漿！

工作路過旺角，原本想午餐隨便解決就算，路過到呢間素食店，因為未試過自己一個人入素食店的，所以就試試新意思。一般餐廳套餐都是包飲品的，但這裏可選的是豆漿，豆腐花，餐湯，糖水，檸檬汁飲品，頗特別。我點了猴頭姑飯套餐，醬汁還有三款可以選擇，分別是鮮茄汁，燒汁和黑椒汁。飯量唔算多，講求健康食到7分飽其實飯量係夠嘅，餸菜好有屋企感覺，只係多左個醬汁淋面。開始感受到天氣秋涼，店員提議點個雪耳薏米糖水滋潤下，一於試下啦！佢係杯上，感覺同平時茶餐廳熱飲一樣，只係多左啲配料，又唔錯喎，更方便飲用。

今日經過一間素食店老闆說最出名係豆腐花同豆漿最後揀咗個蕃茄汁鮮竹卷飯食酸酸美味幾開胃入面材料都幾好食最重要老闆勁和藹可親送咗豆腐花俾我試食一邊等我嘅飯仲有成日同客人傾偈好有人情味呢

琴日特登唔食午餐，專誠黎到珍心素食試下個特色野 — 「五色全素湯麵」（利申本人超超超鍾意食麵）🍜🤤由於時間關係，我剩係叫左碗麵（可揀烏冬/蕎麥麵）。我等左十分鐘都唔洗就有得食😎 食材豐富有營養，入面有生菜、紅蘿蔔絲、海帶等等😍🥬由於湯太好飲嘅關係，我三七二十一已經飲曬成碗🤩臨離開時，我問個老細湯底用咩食材熬架，佢話係用蔬菜湯底同豆漿。嘩😯唔怪之得咁甜咁好飲啦😍下次經開旺角一定要再黎試下其他野食👍🏻💯

==============📍滿足心靈嘅湯麵 -- 珍心素食豆漿豆腐花專門店🥬💛前排想食清少少，喺油麻地見到一間素食專門店，仲要係黃店嚟🥰就決定支持下😛店舖細細間但選擇多樣化，有麵、飯、碗仔翅等主食，仲有好多唔同類型嘅素小食👍而且老闆好好人，環境好有家嘅感覺🥰---------------⭐️五色純素湯麵（$46）五色分別代表蘿蔔絲，木耳絲，海帶，翠玉瓜，娃娃菜同粟米，健康感十足🤤湯底飲落係濃濃嘅豆乳味，好好飲🤤食材索晒湯底嘅精華，啖啖滿足😝麵底用上蕎麥麵，感覺比較輕盈，而且口感略帶煙韌😍成碗麵只用上簡單嘅食材，再配上天然嘅湯底，食完唔單止滿足咗肚皮，仲滿足埋心靈🙈--------------整體嚟講食物幾有驚喜，間唔中想食清啲都係一個唔錯嘅選擇😛見到店舖仲有素鰻魚，素沙爹牛肉供應，遲啲一定會再試💛--------------賣相：7.1/10味道：8.2/10性價比：7.6/10回頭率：8/10--------------店舖資料名稱：珍心素食豆漿豆腐花專門店地址：旺角砵蘭街124-128號地舖前往方法：油麻地站A2出口--------------

上星期放假上天要我行個大運，行完去旺角搵FD，肚餓自己去食少少野先！想食素，去好耐冇去過既珍心素食。話明食少少，所以只叫左碟腸粉+糖水！係我點既食物黎之前，老闆送左碗豆汁雪耳蓮子糖水比我試！佢話呢個時勢飲呢個對個肺好呀！試過你就知！哈，真係好飲喎！腸粉超好食的！又香又滑！加上頭抽豉油、初榨橄欖油花生醬、芝麻、甜醬絕對無懈可擊！糖水叫左芝麻腐蓉薏米，個人認為呢碗野腐蓉係主角，滑滑的腐蓉，感覺多吃人都會滑d珍心素食，真心好食！

抗疫期間，最好就盡量減少出街既時間今日就去到旺角珍心素食買外賣店員介紹外賣優惠：餐牌入面框起既全部有外賣優惠$48送昆布豆腐湯&豆汁雪耳糖水（醫護優惠$38）款式好多，抗疫期食外賣都唔怕會好重複今日買咗燒汁素菜鰻魚飯 + 燒汁素菜豬扒飯咁多盒 好多野食，開心！燒汁素菜鰻魚飯 素鰻魚上邊有紫菜單配上燒汁，好有章魚燒既感覺素鰻魚係豆乾製 一共厚厚四大塊仲有唔少生菜 滿足外食最開心就係有足夠既菜燒汁素豬扒飯比起素鰻魚，我更鍾意素豬扒既口感因為佢唔係普通豆乾，而係扮肉既口感（個人喜好，不喜咪食其他囉）同樣係有足量生菜同粟米btw燒汁係分開袋，自行決定調味最後不得不提昆布豆腐湯係好足料，飲到最後都仲有昆布豆汁雪耳糖水唔會好甜，同樣係足料每啖都有雪耳雪耳中醫話係潤肺，好啱武肺期間大家小小既養生有湯有糖水既好味素食大家不妨係抗疫期間試下佢既外賣，可能你都會同我一樣一試愛上一齊支持下呢間珍心素食

#吽旺角 | 簡單傳統最健康💚✨✨✨✨✨✨✨✨✨✨✨✨📍珍心素食豆漿豆腐花專門店 Veggie Foods旺角砵蘭街124-128號舖地下Shop C, G/F, 124-128 Portland Street, Mong Kok 評分 score : 8/10 ⭐️⭐️⭐️⭐️⭐️⭐️ ⭐️⭐️▫️▫️味Taste : 8/10飽 Portion: 8/10抵 Value: 8/10...🥦 五色全素湯麵 Noodles with assorted vegetables in soup (set with soup) - $54 豆品對一個不吃肉的人來說是非常重要‼️而來到旺角，相信很多菇仔都認識珍心素食。阿菇第一次認識珍心好像是在灣仔，但現時只有旺角一家，不禁令人惋惜😣店內老闆員工都像親切得像樓下茶記一樣有種熟悉的感覺。五色全素湯麵很清甜，可以吃足五種顏色，感覺一點味精也沒有，是全天然哦🥰🥒 麵是用蕎麥麵，挺有咬口，感覺健康的指標又上升了不少💚唷呵呵，心情會好哦😚湯是正正常常的紫菜豆腐湯，小小紫菜咸，用作套餐的湯算挺合理的。

第一次經過呢間素食館係俾佢既豆腐花吸引到，今次係真肚餓泥食。腸粉唔算好滑，但個麻醬真心香，之後問店員原來係花生醬😅但出面食唔返呢隻味唔係好夠喉，所以加多碗熱腐竹白果薏米糖水，豆腐出名，所以連腐竹都好正！煲到溶曬又食到少少，溫度夠熱，大滿足！咁又一餐下次會試埋店員推介既芝麻豆腐花，聽聞個黑芝麻醬係自家制，佢俾我試但由於我太飽，唯有留肚下次先👋🏻係旺角要食個腸粉或者齋菜湯麵，推介珍心，佢地好黃架！

咁啱去開旺角就上Open Rice睇下附近有咩素食，見到珍心素食嘅餐牌，比佢吸引住，想試試。午飯時間去到，非常滿座。見到餐牌同其他食客嘅食物，我都想試😂 最後單點咗碗麵食！I was in Mong Kok, hungry. So I looked for a vegetarian restaurant through Open Rice near me. This restaurant caught my eye - “Zan1 Sam1” Vegetarian Restaurant, located G/F, Portland Street Court, no. 124-128 Portland Street, Mong Kok. The restaurant was full house, yet it only takes me 3-5 mins for a seat. Blessed The food and menu are appealing, whichI would definitely revisit this place !! This time I orde

今日行行吓街 有啲肚餓 就上OpenRice𥄫𥄫 有咩良心小店啱揾到間素食嘅就去試試.店入面嘅人都好親切呢間小店話俾我知, 原來香港咁愛嘅小店係未滅絕. 感動!第一次去試呢間食店 係門口就感受到愛老闆 柔和嘅聲線 窩心嘅目光 温暖的笑容 問道:「幾多位啊？」 一入到去 鋪面都多人 淨得幾個位有得坐 老闆就好快咁招待我坐係近窗邊嘅位餐牌有好多款式 花多眼亂 諗咗幾分鐘都未諗定要食邊樣老闆娘見我咁耐都未落單 就問：「啊妹 食咩啊」：「未諗定啊」：「不如試吓白蘿蔔 今日啲白蘿蔔好靚呀」：「好吖」老闆娘幫我諗埋 啲野食又好味ahhh jengjengjeng Btw 最後食咗一大碗五色麵, 有海帶, 粟米 🌽 紅蘿蔔🥕 生菜 🥬 同蔬菜麵. 加埋 一大碗湯, 有白蘿蔔, 冬菇, 豆卜 好飽好滿足 因為係素食, 所以食多咗都唔會覺得滯或者個胃頂住頂住, 唔舒服嘅感覺. 店員 滿面笑容 熱情 問道 ：「小姐係咪叫咗白蘿蔔麵」：「係吖 唔該」好客嘅老闆娘 問道：「啲湯夠唔夠味吖」：「夠吖」：「麵同湯都可以落啲胡椒粉 會好味啲㗎」：「好吖」食完之後 老闆娘：「好唔好味吖」：「好味吖！」最後 埋單嗰陣

人生食過最難食嘅酸齋....一啲都唔酸之餘仲要有蕃茄皮🙄枉佢仲標榜自己係一間專食齋嘅鋪頭🤦🏻‍♀️🤦🏻‍♀️🤦🏻‍♀️🤮🤮放入口完全冇酸味，同佢講完之後佢仲好意思話比一碟喺雪櫃拎出嚟凍冰冰自稱嘅酸汁叫我再點黎食！俾多次機會佢點完都係冇酸味，仲要俾我發現左有塊蕃茄皮喺度完全唔尊重自己講咩齋舖，同埋真係好難食

今日無啦啦想食齋，所以就落樓下呢間齋鋪，發現菜式都好多，最尾揀咗沙嗲牛肉麵，入邊都好多菜，同埋如果揀套餐，佢會送埋湯，食完都幾飽㗎。啲沙嗲牛肉，沙嗲當與本身沙嗲咁好食啦，但係個味都幾似，啲牛肉我諗應該係豆腐嚟嘅，口感都OK似啦同真牛肉比。

週末本來有輕鬆心情出旺角行街先食少少野。一入門口有幾個空位，就同友人坐門口位。跟住有個戴眼鏡阿嬸叫我地坐中間枱，話門口位熱。我地話唔緊要。睇左陣menu打算落單時，個女人又要求我地坐中間枱(留意返中間都好逼，如果坐滿人根本會掂到隔離)。我地已經講多次想坐門口位，我問佢係咪唔坐得？佢好串話唔係～不過你地會阻住人入黎囉。心諗你之前熱嗰啲根本係廢話。你打開門口做生意，放得兩張櫈喺門口就預左人坐啦。有種你咪唔好放個位囉。但係又要做生意做到盡，成個場咁逼！我想講，門口坐左人後面一定行到，一定冇你中間啲位咁逼。嗰下真係好嬲，走左冇食。中間都有人一開門見到啲位咁逼唔入黎。香港做生意就係好多呢啲計到盡嘅人，明明有位都唔俾人坐鬆動啲、唔識做生意！