班蘭小館 (Closed)

I met boyfriend for lunch in Sai Wan Ho, but by the time he could pretty himself up, it was already afternoon tea session. So, we headed here: 班蘭小館. A small old style restaurant that served Singaporean food.The afternoon tea menu came with drinks. It was in Chinese only. There is no 10% service charge.I had the Hainan chicken rice ($35).  For the afternoon tea session, they offer a mini version.  The chicken was boneless and tasted pretty good. The meat was moist and tender. The rice, however, w

今日約了好朋友同佢囡囡食下午茶，在佢新屋附近，最後決定食這間新加坡餐廳。紅色軟梳化幾舒服，地方唔會太迫，空間感唔錯。服務姊姊都幾好人，好友善恩勤！下午茶2點開始我當然叫了佢出名的迷你海南雞飯連飲品。好滑的雞！真係無雪味哦 唔會太肥，雖然是迷你牌，但是份量都夠食。飯好軟好香，配雞食剛剛好，有3個醬汁：蒜蓉、辣醬同甜醬汁，更加添雞的味道我朋友叫了班蘭咖央多士配沙拉，見沙拉有紅蘿蔔、薯仔；多士都好薄脆，我朋友話幾好食餐飲我們加3蚊叫了熱意米蜜糖水，好滋潤又有口感

西灣河近太安樓有一間班蘭小館嘅新加坡菜。今次我地黎試左佢三款菜式- 海南雞飯套餐、A 黑胡椒老虎蝦、參峇鮮魷炒時菜（芥蘭）。價錢唔算太貴，除左你叫海鮮如黑胡椒蟹（$4xx) 或老虎蝦（$138）。其它都係五十幾至八十一碟。但味道整體算幾好，今餐都好滿足。最先黎到係海南雞飯套餐（$58），呢個CP 值最高，雞係無骨雞，有d 係滑嘅雞脾肉，唔係舊舊都鞋到死雞胸，三隻醬都好正宗，薑蓉係真係好均勻嘅薑蓉，唔係好多油中間加幾粒薑，油飯溫熱但雞油味唔太夠。個小例湯估唔到都有驚喜。係有雞湯味，唔係平時飲開嘅蘿蔔吉水。跟住黎係a黑胡椒老虎蝦，黎到有少少覺得份量少左d ， $138 只有兩大隻，不過虎蝦本身都貴，同埋佢好夠味，黑椒味好香，拆完肉來回沾返啲黑椒汁。咁先正！參峇鮮魷炒菜就好一般，辣加上少少咸香。唔算好美味。

年前前食過一次lunch，對佢嘅海南雞留下深圳印象，今次再試埋其他晚市菜式1）海南雞飯套餐$58， 有一碟雞，油飯，仲有碗有雞味嘅湯連大舊蘿蔔，海南雞份量不少，滑得嚟有雞味，墊底有不少清爽青瓜，絕對抵食，怪不得好多檯都有叫😋😋😋2）黑胡椒老虎蝦 $138 - 一碟只得2隻，賣相麻麻，但味道幾好，醬汁辣得嚟又甜甜地，連洋蔥條食正！蝦就新鮮大隻，蝦頭有膏又最好味😋😋😋胡椒蟹應該好正，不過要訂先有得食3）參峇鮮魷炒芥蘭 $52 - 清炒都$42，梗係加埋鮮魷啦😆😆，味道似咸蝦辣醬味，都ok ，鮮魷都唔會太少

行過見到個午餐menu幾吸引，就同老婆入去食個悠閒午餐啦！點左兩個手指公廚師推介嘅套餐，價錢唔係貴，都好實惠。招牌海南雞飯，黃油雞嘅賣相好靚，唔多肥膏，無骨，有雞味，點D新加坡鼓油同醬汁，就超有地道風味。雞件下面仲鋪滿爽脆青瓜，有肉有菜，好健康。至於個油飯就麻麻地，唔夠香，飯質唔夠煙靱。海南雞飯必定有嘅冬瓜湯，味道帶點酸又淡味。新加坡喇沙好重椰汁味，反而辣味唔多夠，材料有螄蚶係新加坡正宗喇沙嘅特色，仲有一隻🦐，太少啦！其餘魚蛋同豆卜就好多🙄

路經餐館看見下午茶餐牌吸引，於是便和家人進處嘗嘗。下午茶有不少選擇，還有餐飲附送。迷你海南雞飯，油飯足夠，雞份量比想像中更迷你，海南雞入口嫩滑，雞味濃郁，蘸上醬汁仍然吃得出是新鮮雞而不是雪藏雞，但送飯略嫌太少。反而喇沙相比不太迷你，用料充足，未吃已經嗅到陣陣椰香味，湯頭香甜，不會過咸過辣，配料有蝦、魚片、豆腐卜、芽菜等，味道正常，整體份量較多。特別一提附送的奶茶茶味濃厚，茶葉份量明顯比奶多，適合愛茶人士。不過這裡的午餐價錢為五十元以上，同區來說算貴，餐廳要想想有何對策吸引更多顧客幫襯。

今天吃饭非常不爽，一开始去华记士多，发现没开门，店主贴了一张纸条，表示给自己放暑假了，九月一号开始营业，我有时候觉得香港人真的很会享受生活，在大陆，就算店是你自己的，也很少有想关门就关门几天的。底下很多人都是骂店主的留言。。吃饭带笔真是好习惯，哈哈哈然后我又去了对面合时小厨，坐定后，店主礼貌的把我请出去了，说full booking，只能又转战到了班兰小馆，说实话，我内心是绝望的，我压根不想千里迢迢跑来吃新加坡菜。最不爱吃海南鸡饭的我完美错过了这家的主打菜，随便选了个柠檬黑椒猪骨，服务员叽里呱啦说了一串粤语，我表示完全没懂，后来她终于意识到我不会粤语。。大意是说我点的这个没有米饭，没有汤，就是单点，她觉得我一个人单点并不合理，推荐我点反面页的套餐，但是我坚持了我的选择，外加了一碗米饭。上菜时我才明白她的意思，因为这明明就是西餐，我却叫了米饭😂不过我本来也不是讲究的人，胡乱开始吃我的中西合璧，然后惊艳到我了！猪肉非常嫩，味道也恰到好处，环顾一周，看到有人点黑椒螃蟹，看起来特别赞，需要提前预约，价格也随季节变化。我觉得这个可以尝试！一扫今天的疲惫心情

星期四早上同事們又開始為LUNCH食咩而頭痛，公司附近的餐廳都差不多已經全部試過，今日有同事提出想食喇沙，經Openrice搵完一輪後，揀左呢間係西灣河的小館。雖然要搭一乘車先去到，不過訂到位動作快少少時間上都問題不大。我地訂左1點鐘枱，去到時雖然仍未需要等位，不過都已經差不多坐滿客人。餐廳唔大間裝修普通，空間都幾寬敞。午市套餐有6款選擇，專程來到我地當然係點新加坡菜色: 招牌海南雞飯、肉骨茶同新加坡喇沙，另外餐飲加$5可轉馬來酸柑特飲。招牌海南雞飯份量都幾多，雖然雞肉唔算好鮮嫩，不過唔太乾，味道都唔錯，午市$60都幾抵食。新加坡喇沙湯底都算香濃，可惜材料味道比較淡，份量都適中。同事食的肉骨茶藥材味都幾濃，不過配飯食比較淡口左少少。馬來酸柑特飲味道真係比平常飲的酸。班蘭小館的午市套餐味道唔算好突出，不過唔需要加一，$60左右一位，性價比都唔錯。

雞好滑呀～好似雞脾肉咁滑雞皮唔算厚，我都有食到少少皮（怕肥嘛）個油飯都好香～軟硬適中～好少d飯咁好食估唔到杯凍啡都好飲！個湯就不過不失～好想再食！要數不足既話我覺得d醬爭少少，唔太出味同香。我都算半個醬人，所以有少少失望好似$60左右～12點去到無咩人，食食下接近1點就接近滿座，我地都識脆走人。個喇沙沙底好香～不過個米粉唔多入味D送夠料既都，蝦有兩隻，有我最鐘意既豆卜ok ge~~~下次未必再叫（因為個麵唔入味）

天氣熱辣辣更係要食下星馬菜啦咁啱下午茶時段更係坐底試試叫左個 迷你叻沙餐跟餐加5蚊，要埋杯吉仔水湯底夠椰香, 唔太辣, 飲晒材料ok啦，實惠呀嘛朋友就叫左個 迷你海南雞飯餐都好足料㗎吉仔水就偏甜但係都好好味

最出名海南雞飯同laksa, 我鐘意食雞，就試招牌海南雞飯。見有7成人都係食佢個海南雞飯，因此準備好，上菜都好快呀，只要切好雞就可以端上比客人，中午趕頭趕命，速度都好重要架。個雞真係好滑架，嫩嫩滑滑，份量都幾多，仲有青瓜片添。個雞皮都好厚，我唔食皮因為健康，就比我夾就曬先起筷。個油飯就濕左d,但甘香美味，明知好肥好多油都食碗食曬。當然個3個醬都唔可以無，我會撈埋一齊食包一碗白蘿蔔湯，中午60蚊有找。

今天要去柴灣拜山，原本拜完山打算去大坑找美食，但拜完山已經兩點鐘，太肚餓就去咗西灣河！之前朋友講過太安樓附近有間食海南雞飯好出名， 所以就去試吓！一去到門面裝修像普通茶餐廳，但入到蒲頭乾淨整潔！不要多講叫嘢食先，海南雞飯超，雞肉入口嫩滑，飯香湯清甜！喇沙湯麵！足料，湯底味濃多帶椰香味！再加星洲黑胡椒虎蝦，這個胡椒虾，虾入口爽，已經吸收晒黑胡椒味道，食到舔舔脷！店員推介可加牛油酥餅伴食，食完我已經要計劃下次再來食

剛開張時單拖試過叻沙和海南雞。食完後一直都無乜mood翻兜。 今日tea想食啲特別野， 就嚟呢到試下啲下午茶餐。 Lunch食咗麵所以唔想叫叻沙。 想食甜野就叫咗班蘭咖央西多， 包普通熱飲(奶茶 檸茶檸水 菜蜜) $32. 凍飲加$2, 特飲如薏米水加$3. 西多薄， 裡面嘅綠色醬薄到你食唔出滋味. 怪唔得呢個鐘數無乜人啦， 比多幾蚊過對面間大茶餐廳大把選擇， 平玩嘅行前幾步去大乜樂都得。 香港人做飲食就係咁無heart. 好食嘅就越做越衰兼有持無恐， 普普通通嘅就hea住做唔諗計改善質素。

今日難得過黎太安樓食野，男人話原來附近有間野食海南雞都出名，我地就行左大約6分鐘到達。仲好好係剛剛2點鐘可以食到下午茶餐係海南雞，喇沙同肉骨茶…直情吾知點知選擇好，點知見到有下午茶$35就有而且仲有飲品添！～當然二話不說叫啦，再黎個多午餐肉骨茶$62黎試下肉骨茶有驚喜喎，第一口飲落去係好有胡椒味重又香，肉夠淋身同香好入味，食落去好易分開骨，可想而知應該都煮左吾少時間，而且仲有蒜味好特出。仲配上一碗白飯和油炸鬼，油炸鬼吾油都新鮮，和肉骨茶一起吃好味道，非常暖胃，不可不講肉骨茶的肉份量多都幾飽肚下反而海南雞和喇沙總體合格！～海南雞黎到其實份量一點都吾細喎，飯好香又軟熟味道好味，雞都嫩滑但都多肥膏。喇沙只屬普通啦，味道偏淡左少少椰汁味較重，面質地太軟身（自己鐘意有口感），餸都正常有蛋，蝦…分量吾叫多，下午茶剛好

星期五帶同事到西灣河見識見識兼午餐，看了幾間食店最後選出班蘭小館。我們12：15到達還未有太多人，午餐有幾款套餐，包一杯飲品。我點了叻沙少辣配熱檸水＄58，同事就單點點了炒貴刁＄58。叻沙最先來，喝了一口湯，不太辣有椰香及蝦乾味，好喝但個人覺得湯可以更濃稠一點，可能正常辣會更好吃。面是米線，配菜有魚片條，兩隻蝦，豆卜，兩粒半熟螄蚶，半隻熟蛋及芽菜。豆卜相信是分開煮的，沒有吸收到湯的味道，魚片條跟螄蚶都很鮮，蝦是靚蝦，爽口彈牙，熟蛋正常。雖然湯不夠濃稠，但我也喝了很多，最後只剩三分一的湯，好味！而同事的炒貴刁一上枱已經聞到那陣獲氣，超級香口，比我的叻沙還要出色。這食店雖然小，沒有高級裝修，但食物質數很高，值得一試！