班蘭小館 (Closed)

西灣河近太安樓有一間班蘭小館嘅新加坡菜。今次我地黎試左佢三款菜式- 海南雞飯套餐、A 黑胡椒老虎蝦、參峇鮮魷炒時菜（芥蘭）。價錢唔算太貴，除左你叫海鮮如黑胡椒蟹（$4xx) 或老虎蝦（$138）。其它都係五十幾至八十一碟。但味道整體算幾好，今餐都好滿足。最先黎到係海南雞飯套餐（$58），呢個CP 值最高，雞係無骨雞，有d 係滑嘅雞脾肉，唔係舊舊都鞋到死雞胸，三隻醬都好正宗，薑蓉係真係好均勻嘅薑蓉，唔係好多油中間加幾粒薑，油飯溫熱但雞油味唔太夠。個小例湯估唔到都有驚喜。係有雞湯味，唔係平時飲開嘅蘿蔔吉水。跟住黎係a黑胡椒老虎蝦，黎到有少少覺得份量少左d ， $138 只有兩大隻，不過虎蝦本身都貴，同埋佢好夠味，黑椒味好香，拆完肉來回沾返啲黑椒汁。咁先正！參峇鮮魷炒菜就好一般，辣加上少少咸香。唔算好美味。