甘永泰魚蛋 (Closed)

平日去，都見到keep住有人買，可能就係因為咁，佢一早炸定好多，我地唔知，以為佢啱啱炸，食落口，凍冰冰，有其他客人同員工反應，幾個員工黑口黑面，係咁話你食過，冇得換，最後個客堅持，員工先話最多幫你炸多次。。。食過都可以炸多次？好彩個客有良心話唔洗，如果唔係之後d人咪食佢口水尾，o晒咀。。。

📍甘永泰魚蛋🏷 魚肉炸豆卜 ($20)係用反轉咗既豆卜包住自家手打既魚肉魚肉非常有魚味 調味得宜 而且好香口 但略嫌炸過既豆卜都幾吸油下 一啖咬落去食到成口油🥵 建議店家可以控制下翻炸既方法 係臨俾客人食之前用大火炸 逼走多餘油分 呢個步驟絕非唔馬虎得🙁建議大家可以揀返自家製既手打魚蛋 好重魚味好好食！

新一年，新希望，係市區覓食完，星期六日最好去長洲搵吓有咩好食，甘永泰魚蛋喺長洲屹立多年，個個都話好食，但其實食開就知味道唔係OpenRice講得咁好食🤣❣️炸魚肉釀豆卜串 $20一串只有5小嚿，之前明明食都仲有7嚿架，冇加價但係減少左份量🥸，門口永遠都有人排隊，以為去貨應該去得快，但今次食嘅拎上手都只係微暖，豆卜好彩仲係脆嘅，但因為凍咗成口油，魚肉份量少，所以成個嘅感覺麻麻，寧願去食多串大魚蛋好過🤐👅好味度：6.5（10分滿分）價錢略貴，又冇乜魚肉味，整體感覺較油，唔推介🤪

甘永泰嘅魚蛋墨魚無可厚非係靚料嘅，唔同其他舖嗰啲大魚蛋。好多人企喺街頭食，一串20，我個人覺得偏貴，反而一斤半斤咁買返去嘅價錢好好多，又有盒包裝，都好易伶。今次買咗$88魚蛋都有成30幾粒，仲試埋半斤墨丸，伶到返屋企大家食得好開心。墨魚丸本身炸咗，所以返嚟我擺入焗爐200度焗5分鐘，出嚟又香又有少少脆面，好鮮甜好好味👍🏻👍🏻👍🏻正正正！魚蛋可以打邊爐或煮麵都好好味！去完長洲本身食得好飽，返到屋企煮碗魚蛋墨丸米，好滿足😊

💋長州大魚蛋 ($10)黎到長州十個有九個都一定會食大魚蛋 🤤 呢間甘永泰係小編每次必試，鮮味又彈牙，唔洗豉油都好夠味，仲好好彩啱啱出爐熱辣辣 😍🥰 不過服務方面都係出晒名既差，事頭婆粗聲粗氣，去之前記得做定心理準備 😅 （📈推薦程度：7/10）💋魚肉釀豆卜 ($20)呢個係小編見前面排隊好多人都有叫，所以就跟風要咗一串 🤣 不過因為唔係啱啱炸起，事頭婆亦都唔會幫你翻炸，一食落去就成口油，仲要係凍冰冰既油 🥶🥶 入面d魚肉都有鮮味既，如果熱既應該都幾好食🤧（📈推薦程度：4/10）結論：見到邊隻新鮮出爐就買嗰款啦，因為真係好大分別🥴

大大粒魚蛋，超彈牙蝦丸🥰😋😋😋大家食過未先？🤤🤤這是香港的味道🙌🇭🇰🇭🇰🇭🇰🍢🍢🍢🍢🍢🍢🍢🍢🍢🍢🍢兩者都非常彈牙，而且仲有好多汁，唔會炸完乾哂👍👍👍👍

一到長洲首先想黎食呢間既魚肉釀豆卜但點知仲未有得賣，話師傅朝早唔得閒要晏就先有咁我地就食完個lunch再黎喇～點知.....已經有成20幾人排緊隊😅😅😅第一次食完全冇諗過呢間咁犀利....買左魚肉釀豆卜，大魚蛋，炸花枝丸我覺得魚肉釀豆卜係幾好食既，好鍾意香口野既朋友一定好鍾意，炸得好酥好脆口，魚肉都好食！炸花枝丸就好彈牙，而且都好鮮甜4串盛惠＄70大洋🤣🤣🤣要睇下每人對食物既要求喇～～😎😌

踏入秋季，秋高氣爽，又是遊山玩水的好時機！ 當時10月份的週末，我專登請假跟兩位好姊妹走去長洲，先跟她們到長洲贊端路的 <Heima Heima> 補食生日 lunch！ 我們好勇，食完還一起走到張保仔洞！真係難得的體驗！ 我們基乎在長洲兜了一個圈，環境優美！長洲美景盡收眼底！令我大開眼界！ 當日每一個行程也是精彩！然後，我們走到長洲小食店集中的市集！  位於新興街，長洲的人氣小食店 <甘永泰魚蛋> 食魚蛋！ 疫情下，內地及海外遊客銳減，主要做本地客生意！在店外，只有幾個人排隊！可想而知其出品的魚蛋有幾吸引香港人！除了魚蛋之外，還有很多小食選擇呢！魚肉釀豆卜 $20/ 串炸過的豆卜的確香脆可口，卻是略嫌有點乾！加埋魚肉，有外脆內軟的口感！魚蛋 $20/ 串口感彈牙，富魚鮮味！ 不過 $10/ 粒，的確幾貴！

來到長洲必食嘅甘永泰大魚蛋🍢相信大家都好熟啦，假日來長州🏝好多時都大排長龍🥶，證明它嘅受歡迎程度👍🏻👉 大魚蛋🍢($10)味道保持一貫水準，特別鮮味又彈牙😆👉 蝦丸🦐($30)蝦味🦐非常之濃郁鮮甜😚，好足料！價錢雖然有啲小貴💸，但真係真係推薦一試，好好味😋P.S: ▪️雖然呢間店嘅食物🍢質素真係唔錯😋，但服務態度就有待改善🙃，俾客人嘅感覺唔親切又無禮貌，幾好食嘅店舖都會扣分🤫

成30$一串蝦丸咩，其實冇乜特別咋喎，一盤盤整曬係到，見好似幾出名，長洲必試咁，難得入去就試下。哇，真係fat fat…我話老細個荷包……雖然冇咩人排隊，但係婆婆態度唔愁冇生意㗎……….

每次去到長洲，一落船都會即刻沖去呢度食返幾串野，係童年既回憶， 味道咁多年都冇變過。魚蛋依然咁好味，豆卜炸得好脆，但又唔會油笠笠。好彩早入長洲所以唔使排隊就有得食😄

入長洲住咗試咗另一間魚蛋之外，梗係要試吓呢間金永泰嘅魚蛋啦，喺門口已經見到好多人排隊買，個個都拎住幾串，望到我哋流口水，我都唔輸蝕買返一串食先。我哋買咗2串魚旦，兩串都係原味。魚蛋外脆入邊有咬口😍真係好香魚蛋味，原汁原味，相比有汁嘅魚旦，我哋真係比較鍾意食原味，我同朋友食完一串，兩個都即刻話買多串食😋😋😋因為淨係食大魚蛋已經太飽啦🤣諗住晏少少先再嚟買其他炸野，點知到最尾趕船冇返到黎買😭😭下次一定要試埋佢其他嘢❤️❤️

差唔多10年冇食，今次食返，10分驚喜，因為10分難食，加咗價$110一斤，但嚴重偷工減料，魚蛋冇彈性冇魚味，唔知食咗啲咩，四海魚蛋仲好食過佢好多，咁老字號，自己做衰自己品牌。問咗長洲朋友點解會咁，佢哋都話退步咗10幾年㗎喇，佢哋好耐冇用新鮮魚做，用咗急凍魚做好耐。用急凍魚仲要收呢個價錢…………….失望所以去到長洲都唔使特登去食，大把嘢食，但係未食過可以試一次，食過可以再食，令自己死心失望……….

一落船已經衝去排較前位置，當時得一個店員賣，甘當時佢幫我前邊果個炸緊。依個時候，有個大嬸行出黎，一黎就問我後面要咩，完全忽略左我。當時我無出聲，諗住無所謂啦，前邊果個炸完，下一個都到我啦。點知...前邊果位攞完，果個店員就去左做外賣未加工嘅魚蛋，甘我唯有同阿嬸講要乜食啦。點知阿嬸一黎就爆我，話我唔出聲。喂！我一句埋怨甘多人打左我尖都無，你使吾使先發制人啊。真係食龍肉都無味，平時睇食評都知你地態度差，點估到真係發生系自己身上，怪不知生意大不如前，真系幾好食都假，唔會再幫襯，反正長洲周圍都有得食大魚蛋。

今日去長洲玩，去咗好多遊客推薦嘅甘永泰。叫咗一個豆卜釀魚肉，$20一串，眼見佢有一個籃分開裝住左幾串魚蛋or豆卜，我比完錢佢就隨手喺個籃就咁俾咗我。我心諗可能佢啱啱炸完，點知一咬落去成口凍嘅油，好嘔心。我即刻走去叫佢幫我一係再炸炸一係換過串，佢話我食過所以唔換，雖則我唔食點知佢係凍，但我亦都冇再同佢堅持，但真係食唔落唯有掉咗佢。我覺得佢收得$20一串最起碼應該串野應該要係熱既唔理好唔好食，再者，佢間野根本就冇人排隊，佢根本就唔需要炸定啲嘢，就算你炸定都好應該係個客叫完之後再幫佢返炸。更重要嘅係，而家係疫情時期根本就唔應該炸定啲嘢就咁放喺度，長洲假期人來人往，甘永泰衛生程度大家有眼得見。真心甘永泰已經係有名無實，建議大家嚟長洲玩留返個肚食其他有心嘅小店。