生利茶餐廳

Open Now

Now Closed

鄉愁夢思親土生故里情氣節不可止息爭萬世興時代是前進的，但富足生活就產生懷念舊物的情懷。流浮山著名的海鲜街內一道橫巷，一家保持著舊裝修、舊卡位的街坊小店《 生利茶餐廳 》。青少年人(零零後)應該到訪吓。( 奶茶和鴛鴦 ) 是考驗港式茶餐廳的不二之選。奶茶 : 茶香氣不重，無奪走奶香和奶的柔滑，表現了勞動街坊們，對補充營養和體力的要求，踏踏實實的一杯古早味道。鴛鴦 : 奶茶混合咖啡造成。要有奶茶的元素，也要突出咖啡的濃香，在理論上有一定的比例，但師傅的手藝才是重點。因為原材料總有差異，不會長年累月都是同一品質的。今次品嚐到一杯帶點濃香咖啡味的正品貨。溫馨提示 : 有多樣街坊小吃，留待日後再試，例如鳳爪麵等。

我條為食筋又返咗嚟、上網睇完某某介紹，以前就會9秒9衝過去，今次都等咗一個星期先至由港島區直踩西隧決戰流浮山，唔多唔少都有少少進步（笑）一入到去，嗰種杜琪峰PTUFeel 即刻從餐廳「射咗」出嚟，時光倒流花樣年華，你會見到三山五岳，鷹嘜煉奶不特止 ，孤陋寡聞的我都未見過茶餐廳入邊可以容許大狼狗一齊進食，總之呢鑊就「聲色犬馬奇趣錄啦」，嗱千祈唔好問我入邊有冇人食煙啊，我咩都睇唔到呀 （笑）我嚟呢間Feel 100% 就係為咗佢 嘅隱藏食物 （餐牌冇嘅～～～～蒸飯）我同太座先叫咗兩個排骨飯，個人認為食中菜、茶記首要條件要夠熱，我排骨飯一上枱就好似Space X 準備上太空咁樣熱辣辣，啲排骨望落去好有光澤，啲飯粒粒分明，感覺係將生米蒸成熟米狀態，本人比較鍾意食硬米，咬落去有粒粒分明的感覺，所以如果容易胃痛或者吃開軟飯的朋友或者未必鍾意這個飯質素感，個飯熱到要侍應姐姐額外跟個盤俾你將佢倒落去你就知佢有幾焚身似火，排骨好滑，唔需要額外落豉油，已經充滿味道 ，太座俾我第一個反應就係「呢個就係我細個食排骨飯嘅回憶」秒速食完之後梗係去到encore環節，原來佢仲有牛肉飯、雞飯、梅菜肉餅飯、雙腸飯，咁我

今日早上見得閒，突然想食排骨飯，知道流浮山有間茶記出名排骨飯，所以走去流浮山生利就係為左呢碗排骨飯。生利位置有D隱閉。喺大街直去再轉入小巷, 就發現生利茶餐廳!不過排骨飯 menu 上係無嘅, 不過10枱客有8抬客叫排骨飯，唔知都會知排骨飯出名。排骨飯 $19排骨飯黎時有隻吉碗，因隻佢係連碗蒸飯,所以好熱，所以俾隻吉碗我哋係要將嗰碗排骨飯倒落去慢慢食，D飯軟熟, 而且軟硬度適中! 排骨略為咸左D,送飯就啱啱好。加埋配茶記凍奶茶，一流。

20210317。12:45今日收得早，專程約朋友揸車🚘入流浮山搵一間出名食排骨飯🐷🍚嘅餐廳「生利茶餐廳」。泊好車，由正街沿路行入去過咗球場冇幾遠，左面有一條巷仔，轉入去三幾個舖位就係啦！坐低先叫兩碗排骨飯，老闆話啱啱蒸緊所以要等十零分鐘，啲人講得咁好食😋，等下無所謂啦😉！餐廳裏頭嘅環境算可以接受嘅，乾淨光猛有冷氣，只係裝修仲停留咗喺六七十年代🙈😂。等咗差不多成廿分鐘，排骨飯終於出爐啦😍，姐姐拎住碗熱騰騰嘅飯，各人仲有一隻吉碗一隻匙羹，姐姐仲話排骨飯啱啱蒸出嚟「好好食㗎」，原來隻吉碗係俾我哋將嗰碗啱啱蒸好嘅排骨飯倒落去慢慢食嘅，否則隻蒸飯碗實在係太～～熱～～啦！碗飯嘅份量係普通屋企飯碗大概250ml咁上下，至於排骨飯嘅味道感覺如何呢🤔？排骨好新鮮，稍嫌豉油味重咗有啲啲咸😅，飯嘅軟硬度算唔錯，因為食剛剛出爐嘅飯而味道唔太差嘅都會覺得好好食㗎喇，所以並唔覺得好突出。我另外仲叫咗一杯菠蘿紅豆冰，菠蘿係用罐頭菠蘿，紅豆煮得夠稔甜，一杯兒時喜愛飲品真係冇得頂🥰🥰🥰。總括嚟講，專程開車入嚟食就⋯⋯，如果路經或者順便買海味就係唔錯嘅選擇😊😊

流浮山俾人既感覺系嚟呢度系食海鮮，啲野食都系好貴，因為依家流浮山有個蠔會，所以嚟左行下，突然行到一條巷子度，見到有間舊式既茶餐廳，佢既装修都系复古既，環境就冇依家新式嘅甘舒服，但杯茶走系以前既味道，同埋價錢便，啲野都足料，我哋食左個餐蛋治+茶走 西多士+凍檸茶，埋單$62，隱世茶記

嗰日去流浮山，本來想買魚乾 ♪(´ε｀ ) 點知行吓行吓，都買唔到合心水的 (￣▽￣)’’結果心有不甘，諗住一定要買啲嘢或者食啲嘢先走╮(￣▽￣"")╭揾食路上，眼見只有大量海鮮酒家，我心諗冇理由中午就走去食海鮮吧，我哋又唔係遊客 ╭(╯3╰)╮結果行吓行吓，比我個友人見到有人正在喺後舖蒸排骨飯，經過兩次，因為都揾唔到食咩，於是友人就膽粗粗咁走去問阿姐，係咪有排骨飯食，阿姐就答有，但要等十分鐘，過對面舖等啦。講真，如果係得我一個人經過，一定唔會走入嗰間舖，因為門面真係好舊，又唔會知係茶餐廳，一啲都唔吸引，好彩結果入面唔太差。睇餐牌，完全冇寫排骨飯。結果佢哋話除咗蒸排骨飯，仲有蒸雞，蒸肉餅。我哋於是就叫了一碗蒸排骨飯，一碗蒸雞飯，但完全唔知幾多錢過囉 ╮(￣▽￣"")╭再加兩杯凍檸茶，盛惠$65。總而言，兩個蒸飯都好新鮮，啲飯亦調教得好，軟硬整合適中。豉油配合不太咸，個飯份量細細的，不會太飽。係咪好出色？有heart囉(>^ω^<)

早早去流浮山就係為左呢碗 "排骨飯"! 1pm 後就無得食喇 😋 如果唔係有人帶路, 其實都唔知點搵😳 喺大街行行下突然轉入小巷, 初時以為係茶居, 沿路周圍望都無, 點知原來係一間茶餐廳!Btw, 排骨飯 menu 上係無嘅, 不過搵到間舖嘅應該都識 order 😂😂 10枱客有9枱一坐低就嗌排骨飯! 排骨飯 $19連碗蒸飯, 飯軟熟, 軟硬度適中! 排骨醃得剛剛好, 肉汁流入飯, 唔加豉油都好夠味! 😋😋蛋治 $10蛋有蛋香, 麵包軟熟新鮮, 地點偏遠都用上新鮮麵包! 讚👍

友人發生了一件急事, 我必須跑去 流浮山 處理處理 .... 辦好事件之後, 在這間茶記吃東西 ~銀芽肉絲炒麵麵炒得不乾身也不脆口, 肉絲粗幼不一, 銀芽份量多, 芡汁厚又杰身, 調味得宜, 油份少~ 以一般茶記出品來說, 算是中規中矩, 不過不失 ~本篇完 ~