Video
Read full review
2021-03-18
382 views
20210317。12:45今日收得早，專程約朋友揸車🚘入流浮山搵一間出名食排骨飯🐷🍚嘅餐廳「生利茶餐廳」。泊好車，由正街沿路行入去過咗球場冇幾遠，左面有一條巷仔，轉入去三幾個舖位就係啦！坐低先叫兩碗排骨飯，老闆話啱啱蒸緊所以要等十零分鐘，啲人講得咁好食😋，等下無所謂啦😉！餐廳裏頭嘅環境算可以接受嘅，乾淨光猛有冷氣，只係裝修仲停留咗喺六七十年代🙈😂。等咗差不多成廿分鐘，排骨飯終於出爐啦😍，姐姐拎住碗熱騰騰嘅飯，各人仲有一隻吉碗一隻匙羹，姐姐仲話排骨飯啱啱蒸出嚟「好好食㗎」，原來隻吉碗係俾我哋將嗰碗啱啱蒸好嘅排骨飯倒落去慢慢食嘅，否則隻蒸飯碗實在係太～～熱～～啦！碗飯嘅份量係普通屋企飯碗大概250ml咁上下，至於排骨飯嘅味道感覺如何呢🤔？排骨好新鮮，稍嫌豉油味重咗有啲啲咸😅，飯嘅軟硬度算唔錯，因為食剛剛出爐嘅飯而味道唔太差嘅都會覺得好好食㗎喇，所以並唔覺得好突出。我另外仲叫咗一杯菠蘿紅豆冰，菠蘿係用罐頭菠蘿，紅豆煮得夠稔甜，一杯兒時喜愛飲品真係冇得頂🥰🥰🥰。總括嚟講，專程開車入嚟食就⋯⋯，如果路經或者順便買海味就係唔錯嘅選擇😊😊
今日收得早，專程約朋友揸車🚘入流浮山搵一間出名食排骨飯🐷🍚嘅餐廳「生利茶餐廳」。
泊好車，由正街沿路行入去過咗球場冇幾遠，左面有一條巷仔，轉入去三幾個舖位就係啦！
坐低先叫兩碗排骨飯，老闆話啱啱蒸緊所以要等十零分鐘，啲人講得咁好食😋，等下無所謂啦😉！
餐廳裏頭嘅環境算可以接受嘅，乾淨光猛有冷氣，只係裝修仲停留咗喺六七十年代🙈😂。
等咗差不多成廿分鐘，排骨飯終於出爐啦😍，姐姐拎住碗熱騰騰嘅飯，各人仲有一隻吉碗一隻匙羹，姐姐仲話排骨飯啱啱蒸出嚟「好好食㗎」，原來隻吉碗係俾我哋將嗰碗啱啱蒸好嘅排骨飯倒落去慢慢食嘅，否則隻蒸飯碗實在係太～～熱～～啦！碗飯嘅份量係普通屋企飯碗大概250ml咁上下，至於排骨飯嘅味道感覺如何呢🤔？排骨好新鮮，稍嫌豉油味重咗有啲啲咸😅，飯嘅軟硬度算唔錯，因為食剛剛出爐嘅飯而味道唔太差嘅都會覺得好好食㗎喇，所以並唔覺得好突出。
我另外仲叫咗一杯菠蘿紅豆冰，菠蘿係用罐頭菠蘿，紅豆煮得夠稔甜，一杯兒時喜愛飲品真係冇得頂🥰🥰🥰。
總括嚟講，專程開車入嚟食就⋯⋯，如果路經或者順便買海味就係唔錯嘅選擇😊😊
Post