生記清湯牛腩麵

Open Now

Now Closed

咁岩經過，見到招牌印像中都老字號，就入去試下。上次食過x 記感覺麻麻地，用比較既心情，叫左牛腩伊麵。大家可以睇返我之前評x 記張相比較下，牛腩冇咁柴，脂肪位多d, 咬落去爽d 同油香重d, 不過呢d 可能係撞手神，始終一日咁多碗，實有好有唔好，只係今次比較之下，我鐘意呢間多d, 同埋性價比高D.

今日中午經開上環，剛好食飯時間就兜個圈搵野食，系禧利街停低車落街行個圈，睇下有乜野餐廳吸引，見到間寫住“熊”既拉麵店都有d興趣。再行入小小見到“生記清湯腩”好似老字號甘款，隔離又開多幾間鋪，以為佢主打既清湯腩實系唔錯啦，見鋪裡面又幾多人食緊。就買個外賣清湯腩撈麵反架車即刻食。點知睇落ok，咬落no way。d牛腩硬過條命，錯曬。好彩無買其他野。睇黎尼間老字號都系靠運氣上位。尼間野不可一不可再啊。下次經開上環可以唔使睇尼間。

今日lunch 叫左一碗牛腩牛肚米牛腩軟稔，但咬開仲保留一絲絲，牛肚比牛腩仲軟稔，配埋辣醬仲好食!平時成日叫外賣，但今日因為收14:00，所以堂食冇咩人。但其實鯪魚球都好出名，但一定食唔落，等下次再試試! 平時應該太忙太多野做，呢個時間黎D人態度都正常，未到不禮貌的

係上環約左朋友，做完正經野，就忍唔住行多幾條街來食碗清湯腩，難得今日唔使排隊，即刻有得食叫左兩碗淨食牛腩同牛筋雙拼，腐乳生菜，牛腩保持到水準，炆得口感啱啱好又唔會淋，湯底清得來又好夠味，適合我呢D口味比較清淡既人美中不足既係瓶浙醋面頭竟然有發霉，話比阿姐知即刻換過，衛生環境真心有待改善😂

之前幫襯過生記粥品，今天突然好想食牛根，所以經過生記於是試試佢哋麵。本人的習慣食雲吞麵時會加辣椒油及浙醋，於是取外賣時問姐姐放埋這二寶落去。點知，姐姐放係陳醋，而唔係一般雲吞麵舖的大紅浙醋。一打開蓋，見到有辣椒油係碗麵上面浮下浮下，相信係由蓋面流下去。湯底好清(清湯腩)，但我較喜歡濃湯，因此不是我杯茶，而牛根望落好似好硬，當咬下去時原來好林，牛根好香，亦有好多件，下過麵好林不夠爽口。生記都是粥做得比較好，麵就不會再幫襯。

返工係上環 突然想食牛腩就OpenRice 到呢間野 諗住好似ok 點知中伏 五十蚊食啲咁既野 又瘦又鞋都算 仲要勁少勁細舊 簡直搵笨 見到啲牛腩嬲到呢 同價位可以有更好選擇 我屋企樓下街市都好食過佢

成日好多人排隊去食，以為好好味的牛腩，可惜只是一般貨色，$50一碗外賣送到，湯底好清，見到都覺得有點兒好似無味一樣，賣相十分不吸引。牛丸反而比較好味一些，幾新鮮，有肉味。但要等好耐至有得食，不是太欣賞。試一次便夠。

這間新記清湯牛腩麵家位於上環禧利街地下，小小老店不易找，但地方闊落裝修乾淨，坐得舒服。十二點已經樓下滿座，門口照例擠滿等外賣的客人。黎得呢度梗係要試下佢哋正宗牛腩，湯做得很濃夠味道十足，蘿蔔牛腩炆得適中有口感。 另外點了碗淨牛丸，自製新鮮特別值得推薦，鮮甜彈牙夠牛味，正。大碗上的粉麵分量十足，用料新鮮，價錢公道，加上起菜夠快，客人源源不絕，難不得那麼好生意。下次一定一定一定要試下腐乳通菜和魚蛋和墨丸。

每次去開上環都一定會食生記。個湯底真係好清甜，好適合啲中意食清淡口味既人。而且價錢都幾親民，係港島區算係幾平。一坐底睇餐牌就叫個「清湯牛腩河」。睇賣相就知唔係濃味既粉麵，雖然係清湯，但係湯底真係好清甜，唔重精調味。同埋真係無偷工減料，有好多件牛腩啖啖肉好足料。如果本身都幾中意食越南河既人，都應該會幾中意食生記，因為個湯都係清清地，唔會好heavy!雖然睇落好細碗，但女仔黎講一碗都算幾飽。始終係名店，有時lunch都幾多人食，可能要排隊同埋要等耐小小。

又到暑假，梗係去旅行嘅季節啦。所以今日同朋友去左中上環一帶唱錢，順便係附揾間餐廳醫下肚仔！聽講呢間餐廳嘅清湯腩好出名，所以就黎試下。我同朋友下午1點左右去到餐廳，可能係附近啲寫字樓嘅放lunch時間，所以餐廳出面都有唔少上班族排長龍。不過餐廳安排座位嘅方法好好，我同朋友等左10分鐘左右就入得。朋友叫左碗清湯腩牛肚麵，一上枱已經聞到好香牛腩味。牛肚入味又唔韌，清湯腩唔會太老，湯底配上腩汁，食落好好味。唯一有一樣美中不足嘅係我地都覺得麵量比較少，肚餓嘅朋友建議可以叫河粉。我就叫左碗清湯腩牛筋河，一上枱望落湯底會比朋友果碗淺色，以為會無咁入味，點知飲左一啖發現湯底依舊濃郁。午筋咬落有少少痴牙嘅感覺，係啖啖嘅骨膠原！😍牛腩唔洗講啦，入味唔老。 加少少辣椒油，簡直係絕配！店鋪重少唔同小食，聽講煎魚餅都好唔錯，有興趣可以去試下！

小弟終於由美食沙漠既金鐘黎到上環工作啦，一落到大街有幾感動大家知唔知？真係求其入一間食都得呀！我有得簡！成街都係餐廳呀 (好似太興奮太誇張😂，不過事實如此呀)係我左簡右簡三心兩意既情況下，終於入咗呢間生記清湯牛腩麵 成條街有好多生記，究竟係咪同一個老細呢？如果有人知道可否話我知？肥腩麵 $42原本嗌爽腩既，點知今日無 轉嗌咗肥腩麵勁多葱！小弟最愛 湯底唔算好清 咸咸地ok既肥腩就正啦 啖啖肉加埋肥膏！價錢方面就$42 咁夠唔夠食就見人見志啦

每次經過生記清湯牛腩都大排長龍，成日都想試一下 今日適逢lunchtime過後先去 所以就比較人少啲 唔需要等位 咁我梗係即刻入去嗌翻碗牛腩河啦！睇圖都知道份量就一定唔夠我食嫁啦，我唸一位女仕食都只係剛剛好夠姐味道方面呢 清湯就真係清湯 無乜味！而咁樣牛腩就變得好出個味 形成強烈對比 牛腩有啲根位 但唔會話好un 都咬得開既 牛腩唔算係好好食 中中即水準啦，聽到旁邊有人嗌爽腩先知道有得嗌爽腩相信會好食一點河粉正正常常啦！總結，綜合以上價錢味道環境 如果唔洗排隊既可以試下既

🔹店内空间不大，午餐需要排队。🔸牛三宝：份量蛮足的，把米线换成了宽面，但是容易夹断。卤味都很入味，好评，汤清淡有味。🔹人均50，环境7/10，口味7/10，服务7/10。

I had noticed there were constant queues outside this shop, and so decided to see what the hype is all about. And by default, ordered a classic beef and tendon rice noodle. Unfortunately, it was not even up to par, even after accounting for an above average expectation. The cut of the beef was fatty with few meat and was not soft to bite (it was relatively chewy). The tendon although was soft, which is great, was not flavorful, maybe due to insufficient time soaking in broth. The chilli paste wa

平日想食清清地， 路過呢間麵店就入去試吓啦。因為上環真係好少老字號麵店，眼見多數都係一啲特色餐廳，所以要試食下。入到去望落都覺得幾乾淨，燈光夠光猛，啲筷子餐具都唔會污糟，店員亦都好有禮貌地問下想食乜嘢。一入到去雖然唔使等位，但係客人數量都好多。眼觀大部份嘅客人都係點左牛腩麵所以最後都係決定食牛腩麵啦。店員好有效率地火速送上食物份量好多，一碗滿滿～麵上既香蔥都好新鮮！麵條又夠彈牙！牛腩夠哂冧同入味！得閒會再黎食