生記清湯牛腩麵

Open Now

Now Closed

【中西區】【生記清湯牛腩麵家】有一日同皮蛋哥過嚟上環做嘢，做完嘢唔算好肚餓，但又有啲口痕，想搵個地方坐低食少少嘢吹水。本身想食其他嘢，但係見到呢間喺嗰日之後要裝修，所以就食埋佢。當日有攝製隊喺呢間嘢度進行拍攝，好似有啲韓星嚟，不過我就真係唔識呢啲嘢喇。皮蛋哥想食粥，但係又唔想食有皮蛋嘅粥，所以佢就食 $37 嘅「及第粥」，佢話啲豬雜都唔錯，幾好食。我就食 $22 嘅「香煎魚餅」，係鯪魚餅嚟，都煎得幾好食，有啲屋企 feel。另外仲食咗碟 $12 嘅「炸麵」，其實即係油炸鬼，切到一舊舊咁，幾好啦。埋單 $71，因為個粥喺下午兩點半後就會減 $3，平過上晝食嘅。食完有段小插曲可以分享吓，話說嗰個韓星喺餐廳門口擺緊 pose，我影餐廳外觀嘅時候，有個攝製隊成員勸喻我停止拍攝。撞到我算佢唔好彩，我即刻問佢係邊位，分分鐘呢啲奀星名氣仲低過我。。。（地址：上環禧利街20號地舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowba

又到Lunch的時候，想出去食，又想快食，但周圍都好難搵位又未諗到食咩，經過生記，出名食粥，記得冬天時食粥幾正，而隔離的清湯牛腩麵家都係成日經但未幫襯過，見剛好唔多人即入去試下。以粉麵店來講面積都算大，傳統的格局，冷氣好勁下呢。餐牌，尚算多選擇，諗左陣都係要牛腩，價格都合理。清湯牛腩河，$50，牛腩份量適中，肥瘦均勻，口感爽腍有牛香味，湯底清甜，河粉爽滑，味道不俗。又多一個午餐之選。上環禧利街20號地舖

頂頂好食的牛丸！咬落去，每一啖牛肉鮮香彈牙，麻麻哋的彈性，好似在口裡跳舞咁！而啲牛丸嘅皮薄肉厚，湯底清甜過人，飲一啖熱辣辣嘅湯，亦同樣清新順滑，真係暢快！貢丸就略輸半籌，唔夠啲牛丸咁有口感，但都算過得去，唔會拖嘞後腿。麵條就真係叫做爽滑得滯，一條條分明，無一粒麵條係黏在一齊，每嚼一口都感覺到手工嘅匠心。飲完湯，飽足感極緻，完全無一丁點失望。餐廳環境嘅話就簡單實在，唔會洋氣，但就真心新鮮衛生。唔止咁，店員間嘅互動都非常有趣😂，聽住佢地嘅家長里短，不知不覺就食完晒一碗！這裡個味道，同人情味，都一樣非常滋味！路過千萬唔好錯過，味覺同聽覺都會得到滿足嘅食堂，就系生記！下次再嚟，我一定要試埋其他款式！🍜👍🧧

今日難得過來上環, 家人話不如去生記, 我哋叫左鯪魚球米粉, 魚腩豬潤粥和炒米粉, 鯪魚球米粉先來, 和家人share, 米粉幾好食好滑,👍, 亦質地唔碎, 鯪魚球都幾爽彈😋, 之後來炒米粉, 忽然想食, 都幾好食又不油, 可惜食落有凍冰冰的感覺😅, 如果熱d會好味d, 之後再來魚腩豬潤粥再share, 粥好綿, 豬潤都好大塊, 不過就唔係爽脆, 但好彩唔係粉個只, 魚腩新鮮唔腥, 粥係幾好味😍 性價比粉麵高💞

嘩，終於踏入咗生記呢間人氣滿滿嘅餐廳！我今次唔係黎食經典牛腩，而係黎試佢嘅早餐！嘥嘢嘅A1餐咩嚟：鮮嫩牛肉出前一丁，配埋香煎雙蛋加多士同埋杯溫熱奶茶，嗰種滿足感真係...👌完美啊！面條啖啖彈牙，牛肉片鮮嫩過癮，煎蛋係古法我最中意嘅水準，又嫩又滑，熱奶茶飲落順得滑唔過癮噏！食咗呢個樸實無華嘅早餐，真係暖笠笠咁開始咗新嘅一日！🌞🍳然後就係我啱啱食咗嘅生記招牌牛腩麵呀，大排長龍果然名不虛傳！啱啱食落去嗰下，只係一口，我已經明白點解啲人啲咁瘋狂。牛腩滑嫩得嚟又唔油膩，牛筋啖啖都咁滑溜但又保持住啲咬勁，白蘿蔔段段都煮到啱啱好，鮮甜中帶點蘿蔔嘅清新。啲清湯河粉嘅世界，就咁一碗，已經係味道層次豐富得嚟又唔覺膩，口感豐富，吸收晒啲湯底嘅精華，簡直就係難以抵擋嘅誘惑。食落，簡直係一種享受～🍜💕

有次Lunch Time時間經過呢度，見到入面坐滿哂人，朋友想試下，就叫左個外賣，買左呢度嘅牛腩，牛肚，蘿蔔淨食，我都試左舊牛腩，係煮到好林同好有牛味嘅。今日自己一個行過上環附近，我醒起呢間嘢，就自己走入去試吓，今次就失望而回啦。叫咗個清湯牛腩牛肚淨食，牛腩好唔掂，好多肥膏，好失望，牛肚就正常嘅，清湯就普普通通咁，下次唔會再為咗佢啲牛腩返嚟。不過可以再嚟嘅原因係因為見到隔籬位食豬膶粥，好似幾好食同給足料，下次有機會試吓。

星期五晚六時左右，買完膠袋經過生記， 勾起想食粥麵的慾望 。 進入店舖後環顧四週，覺得店內光線昏暗，環境侷促，冷氣超凍，整潔度不合格。 坐下後向服務員叫了一碗魚腩粥及牛筋腩撈麵，粥底基本上係飯加水，不是我期望的軟綿粥底。魚很腥及無味。牛筋腩撈麵更差！只不過是將麵餅出水後放在碟上，再另上蠔油要你自己撈，牛腩更差，又柴又無味，牛筋又硬又冇味性價比低！ 不會再光顧。

店名/Shop Name：生記清湯牛腩麵(上環)地址/ Adresss: 上環禧利街20號地舖種類/Type：粉麵晚餐推介/Recommend：清湯牛腩麵人均價錢：$48推薦香港穩世小店清湯牛腩麵推介喜愛牛腩麵咪必定要嘗試，在上環上完堂，在街角看到一間小店，晚上八時，店內只有10多個座位，但也坐滿客人，店內裝潢簡單，叫了一個清湯牛腩麵，先來一啖清湯牛腩麵湯底，鮮甜美味，湯底唔肥膩但好濃厚，顏色填金黃色，麵爽滑彈牙，牛腩更是一絕，沒有任何大塊脂肪半場，肉質𣷸着光彩，入口有嚼劲，但係唔會韌，夠林炆得來好甘香，喜愛原汁原味牛肉精華湯底的，必定一试清湯牛腩麵是一道口感鮮美的湯麵，牛腩肉經過長時間燉煮，軟嫩入味，湯汁清澈，帶有淡淡的牛肉香味，清新而不膩口。配上彈牙的麵條和入口即化的蔬菜，讓人食慾大開，回味無窮。可以說是一道營養豐富、美味可口的傳統湯麵。Shop Name: Sang Kee Clear Broth Beef Brisket Noodles (Sheung Wan)Address: G/F, 20 Hillier Street, Sheung WanType: Noodle din

☞ 上環 生記清湯牛腩麵 ☜ ———————————————間唔中會想食得清淡少少，食粥係一個唔錯嘅選擇😝———————————————◊ 牛肉豬潤皮蛋粥◊牛肉大大塊，而且好滑，豬潤爽脆而又唔會太過生，皮蛋煲到淋晒，而且令到個粥充滿皮蛋香。粥底濃稠程度啱啱好唔會太杰，又唔會太稀🤩美味程度: ㊣㊣㊣㊣.5/5◊ 清湯牛腩牛肚麵 ◊湯唔會太咸，牛腩同牛肚唔會太韌，麵都唔會好大陣鹼水味，不過整體比較普通，冇咩特別🤣美味程度: ㊣㊣㊣/5◊ 香煎魚餅 ◊上網見好多人推薦，一上枱就忍唔住咬咗半塊。口感比較軟，整得比較薄，咬落少少彈牙，魚味都幾香，但食落味道比較淡，要加返啲調味料食🧐美味程度: ㊣㊣㊣/5◊ 油炸鬼 ◊嚟到嘅時候已經凍到有啲韌，不過食落唔會太油，同埋食粥點都要嗌返個油炸鬼嚟點粥食🤫美味程度: ㊣㊣.5/5———————————————📍:生記清湯牛腩麵上環禧利街20號地舖#為食豬在上環 #上環美食#foodblog #粥品 #牛腩麵 #油炸鬼 #煎魚餅 #香港美食 #香港餐廳

生記一向出名粥品，之前食過都覺得好好食，而且lunchtime都要排隊，今次黎就想試試佢地嘅麵食，而且所以揀左dinner時間黎，唔洗排隊，直入餐廳。《牛腩淨食》$58見招牌系牛腩，叫左個淨食黎試試，牛腩肉質有點鞋身，而且湯頭的味道相當平淡，真系清湯。作為招牌菜，覺得有d失望，味道不過不失，同普遍麵家嘅牛腩差唔多味。《雙拼湯麵 》（墨丸蘿蔔） $51墨丸的質感還可以，味道正正常常，蘿蔔味道就麻麻，唔夠清甜而且有渣，應該系蘿蔔唔系當造季節。建議大家黎生記，可以食返粥品，麵食方面就普普通通，，不過不失，招牌菜牛腩都唔算話特別出色。

星期五Lunch hour排隊唔算耐，大約5 分鐘，不過入面唔算full叫左牛腩牛筋蘿蔔淨食加菜心，共HKD90湯底清香但有少少鹹，菜心蘿蔔份量足略嫌牛腩少左d整體滿意，會再來

今日經過上環，去左生記清湯腩食下午茶可惜河粉碎既，牛腩唔入味，湯底偏淡反而個香煎魚餅有驚喜今日呢餐用左83蚊，呢個質素真係唔值呢個價，其他賣牛腩既粉麵鋪好過佢下次都係過佢隔離鋪食佢D粥算

真心劣食。上年疫情叫過一次外賣，清湯牛腩河完全唔掂。今日再試堂試，一拎上嚟真係未見過咁細兜麪，飲啖湯得個鹹字，食著麪，不過不失，再咬埋舊肉，又柴又嚡，咬多兩咬攝曬牙罅。呢兜嘢賣廿蚊都要考慮下。

牛腩河🍜牛腩嚡和瘦，亦唔入味。個碗好細，所以d河粉好快就吸晒d湯，變咗好似食撈粉咁。齊體嚟講，味道好淡，誤以為佢係打企號唔落味精tim，原來唔係…清湯腩嚟講，我覺得生記真係稱唔上好食。

上次試過好食，再黎試下，牛腩河一碗。今次有d 失望，見到張相既牛腩都知道咩事，又柴又散，濕濕碎碎咁，同上次差好遠。牛腩鋪有時都係睇運氣。上次味道4分，今次3分，變成好普通的一間粉麵鋪