發仔記點心小廚 (Closed)

蒸飯＄26一個，抵食，唔錯。仲有好多種選擇。雞幾好食，仲要勁多飯。男仔應該都夠食。再叫咗小小點心，食得好開心，一人先係$50自己Office沖杯茶，就好似去舊茶樓嘅感覺P.S. 點心味道不算好

收工成11點，覺得有d肚餓，經過呢間見有點心食，就入去試下叫左幾個點心燒賣唔會太咸，大大粒，唔會太多肥豬肉，好味雞扎好大件，食落唔會油林林，同酒樓食差唔多，抵食叉燒腸粉都好多叉燒，但略嫌腸粉林左少少。都係大大份,好抵食

同日不同時, 這邊廂在澳門吃著蜆魚, 盅頭飯, 那邊廂又點到香港。晚飯後, 跟朋友到灣仔Wine Bar聊聊玩玩, 之後又回佐敦宵夜。這家發仔記, 經常坐往元朗的小巴就會知道。宵夜零晨, 不算旺場, 但總是有事在吃。店內點心近二十款選擇, 不連飲品。要不就HK$ 3一個茶位開茶, 或是幫襯其他飲品。同樣是盅頭飯, 澳門添發那個飯粒夥夥, 有彈性而乾爽; 這個就血肉模糊, 爛飯的感覺。排骨同樣, 一般而已。金錢肚紅得發光, 食用色素用多了, 而且鹹甜味不少, 相信味之作料也不少。質感上, 金錢肚比較韌, 還要嚼上一段才可咬斷。最後再來個山竹牛肉, 加點喼汁。牛肉鬆過無味, 彈性不算多, 反而枝竹會好食一點。總括來說, 這店並不特別, 只是酒後肚餓, 隨手填肚而已。不過自己卻不屬肚餓之流, 只是朋友空肚子, 所以來作陪坐而已。

佐敦真是旺整了, 廟街附近的街道全都放滿檯, 晚上十時, 仍然全街都是人. 路經此店, 發現有點心飲茶, 觀看店的外表也知質素一般了. 穩陣地, 叫了鳳爪排骨飯, 再加一籠沙嗲金錢肚. 鳳爪並不太健全, 賣相差, 扐皮扐骨, 不過味道尚算可以, 排骨肥多肉少, 飯身落水太多, 蒸得太淋. 金錢肚, 外表精美, 但全無沙嗲味, 只是淡淡口, 但非常彈牙, 蘿蔔煮得十分淋, 整體上不太差.免茶錢, 任飲.

先評一評食物, 再投訴不滿, 鹹魚肉餅飯, 鹹魚屬半霉香口感, 肉質半霉半實, 鹹味十足, 當然沒有霉香鹹魚應有濃烈氣味, 這些店當然不可要求太高, 算不錯了, 肉餅質感實實, 不似太多肥肉, 不太軟熟, 這見仁見智, 視乎你要健康還是口味, 但份量少, 肉餅圓形的邊微微拗起, 應該是熱得太耐, 收水過勁引致, 飯面加了一些薑絲, 味道尚算可以, 唯最差的是飯身不夠熱. 講完食, 要講一講服務了, 今天胃口不好, 只想吃少一些, 見有盅頭飯, 看也不看便入了店, 也沒有看檯上的餐板, 便開口問阿姐, 有無鹹魚肉餅飯? 回我話: “有”, 拿了碗筷來, 阿姐直接問我要凍奶茶還是凍咖啡? (我從無與阿姐講過要飲品, 她這樣問我, 我以為是包了飲品, 又或是跟餐有優惠等等, 當然我也會怪自己沒有問清楚是否跟餐), 於是我回問一句“無熱飲呀?”, 她答 “我地無熱既”, 誰知埋單時, 原來又沒有優惠, 又沒有跟餐, 就是盅飯和飲品分開兩個價錢, (發現原來可以叫中國茶, 而且是免費的, 阿姐無提及 不特只, 還老點我要了杯凍奶茶) 真是豈有此埋! 點解要用咁做生意呀, 就是為了多兼十多元的飲

逢星期三晚返學,上課前必搵個地方快,平,好食醫肚,路過此地,話晒都係點心,怕貴.唔敢入,一問之下,一個盅頭飯都係$17,都OK ar.上個星期食過鹹魚肉餅.我鍾意鹹魚香..不過肉餅好似好多肥豬肉.唔怕肥人士就岩晒今次食北菇雞飯.正喎.雞仲係滑既..無骨.食快d都仲得甜豉油.任你加,叫左飯.佢先問你要唔要茶.我食盅飯,仲趕住返學.飲乜鬼ar.要唔要茶都有例湯..上次感覺有味精既.但今次好清.好味..唔似有味精(但多多少少都應該落左既)$17有飯,有湯.唔駛加一.抵食之選ar

從"阿龍"走出來，肚子仍有少許空間，看來再裝多一點東西也不是問題。走多一兩個街口，看到這裡有點心賣，而且有我最愛吃的雞球大包，那就更不可錯過....十一個大洋一個，算是正路的價錢。件頭也看來真的夠大，餡料除了有雞件之外，還有豬肉、鹹蛋黃及臘腸粒等。吃一個進肚，自然就變得肚滿腸肥的了....論味道可就是極普通 ---- 包身不軟熟，給人一種很"旱"很乾的感覺；肉餡不算很鮮，而且味偏鹹；蛋黃又是"實的的"，油水欠奉；再加上欠缺了本人最喜吃之鵪春蛋及豬肚來作料，滋味當然有所不及....不過若純用作飽肚之用途的話，它倒是稱職的....

本來想去搵一間食開的鋪，但原來已經搬左，大人見到有點心店，就諗住一試的心態1. 茶係OK的，水夠熱，係沖茶葉的，試過係九龍城食，係沖D無味茶包2. 食左下列食品鳳爪排骨飯 ﹣ 飯粒OK，但只得半隻鳳爪......豉油汁自己落，幾好，但成盅飯吾多汁, 排骨都算好味燒賣 ﹣ OK，但無驚喜雞紥 ﹣ 普通，D火腿有少少益味糯米雞 ﹣ 最最失敗 ﹣ 一滴汁都無，好乾，連雞肉都無汁.......價錢吾算平，地方算乾淨， 但食品質素比普通茶樓吾差好多，味精都吾少，食完好口渴........失望可能太多跟風開的點心店，每次都係用博下好吾好食的心情去試，D老板再吾加油，好快又會失去吸引力

食完澳牛想食麥文記點知未開門,見呢間都幾多人食就入左去點知原來係食過最差的點心......叫左呢兩個大點$16, ....好怏就上台...排骨飯好求其..D排骨唔靚兼冇味...飯就正常蝦餃係我呢世人食過最難食ge, 嚴格講根本就唔係蝦餃, 好似蒸左七七四十九個中咁一挾就散晒, d蝦又見到蝦腸....簡直恐怖.. 快上台俾d咁ge野..我寧願等佢慢慢新鮮整好過! 逼不得已叫佢換其他..仲挾俾佢睇點散法, 點知個waiter竟然好唔耐煩夾大聲咁"得la換俾你la"!!....o個時真係想唔食即刻走!!! 講真唔係平過酒樓...色香味service樣樣冇...絕對冇下次!!

星期六放工, 約了齋妹先行街再去睇演唱會. 由於我遲放工. 都係慣常的, 我先去食野, 佢慢慢過來. 我地約好係永安等. 而我就一出地鐵站, 就近的, 見到一間點心鋪. 就黎個一盅兩件.這些點心小店, 一時又話自己原是什麼總廚, 一時又話自己食物平靚正. 其實好多都非常之參差. 入到去, 好唔好食, 靠運氣. 我當然也是入黎碰碰運氣啦.平常入黎點心鋪, 為了多試幾味. 甚少叫盅頭飯. 肚子餓, 而且看見不少人係度食排骨飯. 咁我就叫下一個飯, 一個點心.飯, 是鳳爪排骨飯. 從來都覺得, 排骨是一個小點, 排骨飯是一個大點. 永遠都係排骨飯抵食一點同排骨多一點. 食排骨飯, 當然, 第一步, 是落豉油, 再把排骨鳳爪夾出來另外放碗仔中. 飯, 的確是生米蒸飯. 不知是否醃得唔夠問題, 飯既排骨香唔夠, 每啖飯都要多添豉油才有好味道. 當咬落排骨中, 味道是有的, 但比較淡. 鳳爪就真係冇乜味.之後, 是燒賣, 慳皮的, 用紅蘿蔔粒扮蝦子. 味道一般啦. 沒有什麼特別, 唯一的不同之處, 就是淡口. 味道好淡.今次, 彩數低左少少,不過贈飲既西洋菜湯, 就非常有家庭feel, 好好飲.

小妹同朋友有次凌晨行過，見到有間賣點心既鋪頭仔雖然地方唔算好寬敞，.諗住見同朋友大家都餓.........反正好耐都無機會同朋友飲下茶食下點心傾下計....見到就係呢到落腳喇！之後小妹同幾個朋友...坐底........一叫就叫左小妹既至愛鳳爪....咁諗住遇期唔會話無味..同有雪味就算數架喇！食落去，個軟硬程度適中...而且夠入味...仲無蒸過隆tim...岩哂小妹心意，仲要wo...d鳳爪隻數都唔少架....之後都叫多籠同朋友大家分享！唔似得其他小店試過..可以蒸到乾憎憎...咁多鋪頭o黎講呢個鳳爪真係算值得一讚！跟住有個朋友就叫左雞札同排骨試下....咁我試下雞札先啦...見到好多肉汁...都知會肥架喇...無扮法小妹又貪靚但又為食...我食就試下件雞先，ｅ～～又ｏｋ wo... 又唔會有雪味既雞，唔會醃得太咸又唔會無味！個朋友都話過得去....都可以試下~好喇，到食排骨喇...眼見都唔會話肥瘦唔均勻丫...食落去...肥瘦剛剛好...醃又唔會過咸又唔會無味，d排骨既香味都幾出！我第二個大力推介就係呢個排骨！因為出面有時食，覺得有d唔知係食粉定簡水到怪怪地既感覺！而呢到呢個排骨

昨晚師傅一條友夜夜都未食飯, 到左凌晨終於支持唔住, 落左樓下搵野食; 由於凌晨後選擇唔多, 所以都幾頭痕! 啱啱行過見到呢間食店, 雖然唔係一盅兩件, 但凌晨時份仲有點心食, 師傅都覺得唔錯, 於是就決定入去試下!一坐底伙計就問師傅飲咩茶, 真係估唔到一間茶餐廳格局嘅食店,竟然做得咁仔細, 值得一讚; 於是師傅就叫佢開壺香片黎飲下先! 循例地洗下杯洗下碗筷, 接下來當然係黎一口熱茶啦, 坦白講以一間唔係茶樓嘅角度黎講, 呢壺茶確實不錯, 香片清香, 味道可口適中, 不淡不濃, 飲得出落左唔少茶葉, 不錯!接下來當然係睇下有咩好食啦, 望下個餐牌, 師傅覺得價錢又唔算特別平, 小點都要十一蚊, 中點就十三蚊而大點就十五, 好彩冇特點, 相比起一般酒樓, 其實算貴, 好多酒樓小點都係八個八式更平, 但呢度就免茶免加一, 所以在乎你點睇喇! 望左一陣, 師傅最後柯打左春蛋燒賣, 叉燒腸粉同鳳爪排骨飯!話咁快就有得食, 原來叫盅飯係有例湯送添, 師傅當然老實不客氣啦, 一兜有成枱都係野, 有冇點兒過份呢? 先講下個鳳爪排骨飯, 鳳爪有一隻, 都算幾入味, 可以啦; 而排骨就幾多, 但係骨多過

返學前, 被春旦吸引我入了發仔記.入到去感覺幾麻甩的, 因為有9成顧客都係龍哥虎哥(所以mini skirt的妹妹們, 我建議你地買外賣會好一點).1. 春旦燒賣 - 唔油, 蒸得arm arm好. 春旦好正, 好食過大良八記既春旦燒賣wor.2. 蒸雞飯 - 雞及飯是1:1的ratio. 飯比較乾身,但雞及豉油既味道好好.

Lately there has been a dim sum trend (點心風) for going to dim sum specialty stores. I am a big supporter for these stores as I LOVE dim sum and can have it anytime of the day. Dim sum at lunch time in restaurants just couldn't satisfy my continuous cravings anymore. On the other hand, just like dim sum in restaurants, not everyone is uniformly great, and I learnt a lesson at 發仔記 the other day.Sure, the room was clean and the service was pretty good. They didn't even charge you for the tea whi

在佐敦翠華隔離的發仔記,賣點心賣到廿四小時.在早上經過見到外賣的客人多,堂食的食客不多.找個位坐下,就先來壺例牌普餌.雖然是街坊點心店,但價錢不算平,小點$11,中點$13,大點$15.酒家的特價時段,隨時更平.有春蛋燒賣供應,自然逃不過小弟的法眼,此小店的春蛋燒賣,鵪春蛋生熟程度剛好,蛋黃食落甘香.下面的燒賣鬆化有肉汁,自稱為蝦餃王就是誇大之作,有王者之名,沒有王者之風.皮包不實餡料,正如我說"小朋友著雙加大碼衫".蝦餃的餡料很霉爛.是次又被"老點".同樣是大點的鳳爪排骨飯,排骨乾巴巴,飯粒就不過不失.同一些盅頭飯名店是沒有得比.口味有時是看時間性,如果在深宵來宵夜,就算水準不及也甘之如飴,但如果早上來飲早茶時間來,什麼也現形.