發記大排檔

Open Now

Now Closed

話說朝早喺英皇叉完電，諗住近近地搵間早餐。點知中伏 。 入到去得一台客人，我都唔會奢望好食得去邊。貪佢有得食煙大排檔。 叫咗個沙嗲牛肉麵會配方包，加凍奶茶沙嗲牛肉麵個湯好似清水加味 牛肉好嚡 食食吓仲有幾粒鑊屎凍奶茶飲落去好似水喉水加奶。冇茶味。最離譜。食緊個麵問佢個包幾時到。佢話冇包跟。我話你餐牌有寫 個阿姐就問水吧做唔做俾我 我當場呆咗。個幾毫子包都慳真系吾好打開門做生意。平時夜晚都有過嚟食大排檔。 質素唔係好差，但早餐就👎👎👎👎👎👎👎

山長水遠入到屯門，當然要試吓啲地道嘢大排檔小炒呢間位於屯門工業區，位置唔算顯眼，行去地鐵站大概10分鐘左右。叫埋8菜1湯，埋單都係千幾蚊，幾抵食！有機會可以再encore! 推介：避風塘蝦招牌豬手豉椒炒蜆

鴛鴦，未試過一間咁難飲，茶水味沒有啡味，蛋治超薄。再沒下次。落單$25 ，問落單姐姐，係咪寫錯單，蛋治$10 +鴛鴦（走） $13 係$23 ，跟著沒禮貌說$24 寫過張單掉下，再問她鴦走要加一蚊，不答，另一個姐姐聽到先回應，係。

果日一行四人好想打邊爐，就黎左發記，問佢有冇邊爐打，佢話有，不過話少餸選擇，肥牛果啲都有。我地就求奇坐低嗌左個重慶雞煲，兩個前菜。過左10分鐘黎既冰震豬手好味過60分鐘黎既椒鹽鮮魷唔錯過80分鐘話冇肥牛過90分鐘餸黎齊但⋯⋯個雞煲等左接近2粒鐘，催完又催先黎我唔介意選擇少，都唔介意佢地慢慢黎，但做唔切都俾位你坐，臨時煮都唔好要我地等咁耐。我地餓左兩粒鐘先有野食個雞煲加少少水都已經冇晒味，好失望

屯門工業區隱世大排檔, 可能有點偏僻, 所以不太多人。自己買海鮮帶過去代煮。分開室外室內座, 室外多枱蒸加打邊爐, 室內座位較舒適, 地方整潔, 讚!!蝦惹味, 好味!!九肚魚熱辣辣時少少脆魚雲有少少腥炒菜有點兒遜色, 不過可能其他菜式較濃味, 相比之下。。。鼓椒聖子, 有少少辣, 底下米粉吸收了鼓椒汁~烤豬手, 皮脆, 騷味較重總體來說, 味道okay! 招呼服務不錯。5個人的晚飯大約HK$600 (不計海鮮, 因為海鮮自帶)。

今日去到屯門做嘢，去到工廠區大排檔泊好車，大排檔間隔分明，搵咗其中一間餐廳，放晒圓枱膠櫈，比較簡陋，桌面黏黏的！店員攞餐牌比我，而家都幾難搵到$28一個早餐！雪菜肉絲米粉（$28）細細碗，啲雪菜片好大塊，味道好淡，米粉爽口！湯底太淡！一般火腿+牛油方包：火腿煎過，微熱鹹香，麵包軟熟！熱檸茶：鐵有耳杯，存熱能力好！茶底濃唔澀，好味！食物一分錢 一分貨，只屬ok! 店員爽手唔廢話！而家搵到$28早餐都幾難！

好食！！！呢間大排檔質素果然吾錯推介推介！食左個燒乳豬、有蛋黃既炸鮮魷、通菜、盤鱔、其他吾記得叫咩名全部都好好味，食得好開心有樣不得不提既系⋯系到食有焗桑拿既感覺

夠鑊氣既小炒已經少之又少，呢間夠晒鑊氣，仲要大大件，超好味蠔餅既蠔成大半隻手指公咁既size，豬手皮又脆，菜煲又香口，樣樣上檯熱辣辣之餘，仲要好好味必定再來的店，唯獨是啤酒就.......

隱沒於工業區的桑拿邊爐蒸氣邊爐流行了大半年，大鄉里還是第一次試，這店隱沒於屯門工業區內毫不起眼，幸得好網友提點順利到達。有頂的大牌檔，環境算不錯，既做蒸氣邊爐亦有特色小炒；先點個$588四人餐，再追加勝瓜白蜆、水餃及粟米一份。蒸氣邊爐好唔好食就是睇食材這兒雞是走地雞，味濃手切牛肉是頸脊靚貨白蜆隻隻開口無沙甜到不得了由於唔食魚關係轉了鮑魚仔，亦新鮮彈牙好吃。貪得意可以試吓，靠蒸就無平時邊爐有湯底咁冶味，但無添加又真的挺健康，鍋底是豬骨湯，蒸完吸收哂肉汁可飲埋佢架！雖是大牌檔，但這兒侍應們服務也很積極有禮最重要當然係價錢平，四個人食到飽飽連飲品才$802﹐超值之選難怪咁偏的地方7:30pm已座無虛席要等位，推薦！我的FB專頁: smallsmallsmalllin

聽人講平日去既發記轉手，所以決定去試新菜。無諗過咁多人，冷氣房裝修後環境好好但係full晒，唯有坐大廳。點咗嗰而家幾heat既蒸氣煱餐，有蜆，大頭魚2斤幾，雞1隻，牛肉，鮑魚仔，椒鹽九肚魚，蔬菜籃。份量睇起來好多，但唔夠食，要點多少少。好快就有得食，蒸雞蒸魚都係4分鐘，蒸出嚟，雞肉好嫩滑，但魚肉散晒，兩樣都好好味比平時起菜館食蒸魚，我自己喜歡這多啲。蜆無沙，而且隻隻好多汁，牛肉比打邊邊梗滑唔難咬，唯有菜&鮑魚仔就一般，鮑魚仔味道ok但好難咬開，菜係蒸到變咗黃色都仲係好硬唔好食。後來樓面阿姐介紹我哋嗰湯都可以飲埋，試咗，明明係豬骨湯但係味道好複雜，似蔬菜湯多啲，加咗鹽之後味道變得似平時既肉湯。埋單總數過千，因為份量真係唔夠7人1少。

由於公司係附近關係,所以成日經過呢間鋪頭~有日收工發現佢而家做埋晚市,所以就約班同事黎試下食啦,唔駛下下走到咁遠食嘛~呢日我地一行8個人,大家都唔想食太辣所以就叫左個"奇味雞煲"試下~一上枱已經傳黎好大陣香味,呢到入面係半隻雞既份量,另外半隻用碟另上,此舉幾細心,可以等我地食到咁上下先再落呀個雞煲好入味,我覺得係我食過咁耐以來最好味既一間,好有驚喜~其他配料都好抵食,必叫雲吞,大大粒又彈牙,第二到食唔到~食食下我地見隔離枱碟"椒鹽九肚魚"好似整得幾好咁,所以就叫左碟試試......一試就不得了,成班同事極速清哂! 碟野用好薄既粉去整,食得出個師傅幾比心機~呢到已經成為我地既新食堂,下次再黎試下其他野食先~~~

到左之後,佢地的樓面就即刻出來問我們想食咩,我們說火鍋或雞煲,我中好記得,佢問我地食唔食得辣.我們就叫左個特色鮮魚窩試下.之後覺得味道唔錯,就問下有冇其他好介紹,佢就介紹左佢地的雲吞,一開始我覺得d雲吞數量好似少左d,不過食完一顆發現.真是物有所值.我同d朋友想叫多一碟.點知今日的雲吞賣曬.我的食慾令我即刻問下佢,點解唔叫多d貨.我中好記得佢比我話都個樣.佢就答我唔好意思,不如試下我地d九肚魚.佢中話d九肚魚唔會散.就叫左一碟試下.點知熟左之後夾起佢.我同d朋友都o左嘴.唔只唔散,中幾好味.我就想推介一下佢d的雲吞'九肚魚'特色鮮魚窩'比大家試下.不過我一定會返轉頭試下佢地的雞煲同豬骨窩,睇下會唔會比我有更多意外的驚喜.