發記腸粉粥品 (Closed)

香茅雞翼炒麵有三隻雞翼，但三隻都唔熟。雞翼煎得香，但內裡唔熟，放棄食用。鮮蝦腸十九蚊只有兩條，比較細份。但蝦算大粒，味道尚可。蘿蔔糕份量算大，但太淋 唔夠脆口，味道中等。

星期日一早行山十公里，回家和太太下午茶，簡簡單單在區內的發記粥麵點了二樣東西填填肚子。乾炒牛河味道一般般，牛肉也不多，30元一碟，也沒有什麼期望了。砂鍋豬潤粥這鍋粥便有些驚喜，份量多，一個人吃不了。厚切豬潤6大件，火候恰當，上檯9剩多熟，還有些少血水滲在粥面肝上，在滾粥中浸多二分鐘，剛好食用。豬潤沒有異味，咬下爽脆，內里粉嫩，十分好吃。但這里的豬潤便沒有深水埗大南街名麵店那重重的薑酒味。結帳一共57元，十分底食。

今朝一早過去買腸粉外賣，係門口見到有豬潤腸咪行入去叫攞走，點知收錢個阿姐又唔講無貨，淨係叫我睇入面餐牌，我揾咗好耐先見到寫住暫停字遮住個豬潤字，大佬，你同講聲唔係咁難嘛，要我自己慢慢揾，態度極之不知所謂，如果大家諗住受氣可以上去幫襯下

粥和腸粉都做得不錯，環境也保持得光潔。作為食客，除了食物質素外，我希望有個寧靜的環境去享用我的晚餐。入正題吧，夜更的短髮阿姐真是好嘈、好趕客。作為食客，阿姐不需要大力推介撚手菜式，不需要呵護備至，叮囑碗粥好熱，小心Ｄ食。寫了單，不需再叫喊入廚房。上菜時，不需要大聲重覆食客點了甚麼食物。其實關懷食客沒有錯，但阿姐的聲量好大好大，令人感到唔舒服，好大壓迫感。我相信阿姐以為這是待客之道，但我真心覺得這是趕客。老闆，請阿姐少說話多做事，給食客一份安寧。祝生意興隆！

叫左碟叉燒蝦腸, 好多蝦同叉燒, 足料!! 可惜個腸粉一叉開就變一PAT PAT, 拉得麻麻,  同埋粉漿厚左D。BTW, 個豉油再淡D更好`。羅白糕有3大件, 入面有一絲絲羅白, 足料, 味道都唔錯, 粉GE比例都適中。

非打手，真係個個星期比錢食。懶人包：粥好平無味精，大碗抵食有質素，夜晚某個落單趕客。因為每個星期我同我家人都落黎買餸，lunch想食粥我一定揀呢間。我食開既有剩蠔仔粥同南瓜粟米粥。多數一個人食唔曬，家人就會幫我清一碗再加碟腸粉。咁腸粉多數我唔食就不便評論。粥方面唔會太稀太稠，因為我食太稠既粥胃會唔舒服。炒粉麵目測較油，但未食過味道方面請其他人評論蠔仔粥—食咁多次品質冇變，新鮮度一樣，都係咁足料。蠔好有鮮味，不過你食唔落腥既可能覺得佢腥。南瓜粟米粥—勁多南瓜絲，勁多粟米，超級足料，粥又唔會太甜，十分好味。應該冇味精，因為我食完從來冇覺得口乾口渴落單方面，下晝成日食，夜晚食過兩次。星期六一點黎果陣多數差不多全滿或爆場，一個長頭髮馬尾既落單好快手，記得邊個食乜，至於禮貌我可以接受，因為見到好忙好急趕都係佢撐成個場。夜晚呢，人流少d，我覺得有個落單既好Q趕客。自認自己對方待客之道唔洗咁高已經夠，姐係拎漏野啊落錯單say個sorry都冇乜問題。果個人呢，落單會推薦人地食乜，但係，總之你就唔會鐘意，佢同你講邊個邊個好食，加呢個會更好食，人地講完唔洗可能會繼續講。第二次係我同男朋友食，佢問我洗唔洗碗

呢度既粥熱辣辣，用砂鍋上，份量大大份，好足料。粥既款式都幾多，而我就最鍾意食呢度嘅雞粥，粥底有淡淡既雞油香，口感軟綿綿，雞肉夠嫩滑，非常推薦。不過呢間餐廳既粥份量真係好多，我未試過一個人食得晒！另外仲有腸粉同其他粉麵，價錢都唔算貴幾平民。

呢幾日就放假 所以都比平時得閒既 而且自己習慣左早起 自然就會食早餐啦 又見呢間野開左咁耐都冇去過 所以就去一試了我叫左滑牛粥 粥底好好味 食落唔會好口喝 好似加左味精咁 而且綿綿滑滑 牛肉都好夠料比起其他連鎖粥店好食太多下次一定會再黎食

尼間「發記腸粉粥品」，我都去黎食過好幾次，位於慈雲山毓華里。今次叫左义燒腸同魚片腸粥，都係$40。好抵食。又大份，又好味。腸粉皮薄餡靚，師傅絕不馬虎。粥底綿綿的，仲要用砂窩盛出熱騰騰的軟綿綿的粥。入面的魚片同腸粉都好多。除左野食有質素又抵食之外。我就最鍾意尼到既服務，好有人情味同好有heart. 好難得的。人流源源不絕，好多慈雲山街坊過黎食！絕對係有人情味又高質素貼地的小店！一定要推薦呀👍👍👍

比較幸福粥店，這店門面確實光鮮甫坐下點了齋腸一碟，因為已是三時多，店內除了我還有一家四口正在用膳因為腸粉是即做，所以等候了片刻等候期間最大問題是店員在清潔，令整店充滿漂白水味，這令我不適欲吐🤮，我按捺不住叫店員取消食物。店員説腸粉已弄好，說可以外賣。回家看見店方只給豉油，我嘅甜醬和芝麻呢？😭腸粉味道可以，但油略多！

慈雲山一向冇咩粥店，前排開左呢間新粥店當然要幫襯下啦！其實已經食過兩三次，之前都係食皮蛋瘦肉粥，今次就試下粟米瘦肉粥。一碗粥既重點緊係個粥底啦！呢間粥店既粥底個人認為非常不錯夠綿密、夠順滑，一定唔會稀到好似粥水咁。加上呢度既粥全部都大大碗，材料好足，一個人都未必食得曬。而今次點既粟米瘦肉粥都好清甜、好好食。不過朋友就表示，慈雲山另一間粥店既粟米粥會比較入味，而呢間既粟米粥相較之下就有點失色了。*粟米瘦肉粥 $24*呢間粥店既粥品選擇多，仲有好多唔同既中式食品。而且座位較闊，食都食得舒服啲

小小粥店，老人挺多。裝潢簡約，光猛亮堂。價錢合理，有飯有粥，炸兩腸粉，任君選擇。玻璃之後，看似悶熱，阿姐即弄，粥粉新鮮。小鍋呈上，燙手燙口。訓練耐熱，佛印口腔，不勝負荷，實在熱燙。粥身綿滑，用料充足，不會過水，或是太稠。小鍋生滾，粥極熱燙。餡料不少，粥不太水。豬潤厚大，未會過老，質感一流。炸両厚切，加甜醬吃，味道甜香，腸粉也滑，不會過厚。少女店員，似女非男，尙算友善。阿姐店員，開朗健談。街坊生意，老人不少。叔叔婆婆，齊聚嚐粥。

食咗幾次，粥底好味！無味精！份量好多，一個人未必食得唒。腸粉即製，皮薄！炸兩超好味！一定要叫！可能仲係新開嘅關係，員工仲係新，落order錯完又錯，不過服務態度好！

喺正樓下開，所以幫襯過幾次。慈雲山原本冇生滾粥食，真係想食就真係要落鳯德，依家樓下就開，所以食過幾次，幾滿意佢地既食品。粥我自己都試過幾次：滑牛，皮蛋瘦肉，豬潤，而我最鐘意係豬潤粥，大大片之餘又煮得爽口唔粉(個人口味啦)。嗰度最貴既雞粥我未試過，可以搵次試試先。除左粥品，我都試埋唔同款既腸粉-炸兩、蝦米腸，而且第一次見有叉旦腸，估唔到叉旦除左飯/麵，仲可以腸粉都得，味道都唔錯。不過有讚當然有彈，唔知係咪人手唔多夠，多人幫襯時都有時會漏單，而且有啲亂，叫開鮮蝦腸做蝦腸，去到既時候落單嗰個已經問我係鮮蝦定蝦米，冇幾耐又會有人問，r哂頭。寄望人手問題可改善。

今日見感冒完，無咩胃口，就同友人中午去左食碗粥，係慈雲山呢間粥鋪，岩岩新開的坐位唔算多，但都keep住有人流，買外賣既都幾多下我地叫左艇仔粥，炒面，同埋炸兩呢碗艇仔粥料唔多，個人覺得無咩特別之處除左艇仔粥都有好多選擇炒面呢，就太油了叫炒面個陣，因為餐單咁寫住👇🏾咁咪問佢可唔可以淨炒面，個店員無咩禮貌，話淨炒面咪淨炒面囉，點解唔得其他店員都目無表情，真係🤦🏻‍♀️另外仲有個炸兩，係三樣裡面最好個個總括黎講，唔算好差，但就一般般唔會好有衝動食第二次🙅🏻