百合園林海景燒烤場

Open Now

Now Closed

上星期六又約埋屋企人一起去這裡燒烤，今次是第二次來了，真係要值得一讃既係這裡的風景是很美很美的，180度全海景、藍天白雲、有山有水，風景如畫！我們一早致電老闆預約黃昏前到達，老闆便去街市買定新鮮食物預備。上次老闆煮左一個白洒大蜆煮魚，超好味呀，今次還祈待再吃呢，點知今次老闆話依家已改了煮䀋焗魚，因為很多客人要求這款煮法，我們也不妨一試，待我們燒烤到一半時，這款䀋焗魚出塲了，嘩！果然真係唔錯呀，很好味。另外還有很多特色的燒烤美食，大家真係要來百合園林燒烤塲試下呀

首先，食物質料真係非常唔掂最簡單既丸類都一陣雪味，仲要一開二好慳本D肉勁難食，係雪左好耐既肉，燒完梅菜咁自家面包，本來好期待，一咬已想吐有陣過期面粉既味，而且酸酸的難堡扒 - 一陣怪味而且酸酸地得個蝦叫入得下口老闆服務唔得，好冇禮貌，拎多隻碟同叉都黑面開爐費過5個人free但唔聲唔聲計左兩筒（其實每向只有數舊）炭錢，盛惠$80果度環景其實好危險，如果有小朋友/狗要睇實因為周邊有野圍，好易跌左落海呢間野真係唔會再幫襯

有些食物唔新鮮，有怪味又其是丸子。麵包樣子美麗，但食時有曱甴味，超嘔心。牛扒晦晦地，串燒好咸。雞翼味道不錯，煙肉蕃茄串也不錯。可惜老闆態度及語氣其差。地方太細，當下大雨時會漏水，極之唔方便。

原定12月的BBQ, 一改再改, 終於訂係天陰陰的星期六。我地一行六日就衝入西頁BBQ。今次都係小妹第一次去百合園林, 平時要求高的同事仔十個LIKE 推介, 又話高質又話好Feel, 就唯有聽佢話BBQ啦.的士司機車到我地係門口, 行左一條小路先落到去。落到去真係嘩左一聲呀!好靚呀!我地都未坐低, 老板就知我地餓, 就扲左盤麵包嚟, 係老板自己整, 冇人造色素, 純天然架!熱那那香噴噴!跟住老板就開爐俾我地啦, 佢三二下手就已經起左火啦!我老公燒到D大蝦好靚呀,佢話要燒吾斷佢D腳甘話!老板自家醃的豬仔骨老板自己焗的曹盲魚配大蜆 (老板會跟據當日有咩時令海上鮮先決定整咩)因為依日天陰陰, 只有我地一枱客, 老板好有型既扲住罐啤酒就過嚟Soso, 同我地分享佢煮野食之道, 又俾我地睇佢個廚房, 又俾我地同佢地隻狗bb玩, so nice ^^我地六人由下午二點半燒到9點半,真係超級誇張! 每人都只係$21X + $20 (自備酒水另收錢)食物選擇多, 但份量得一份/一串, 不過真係啱啱好, 吾會太多, 吾會太少 (我地有五個男生, 一個小妹)老板有心醃製,吾係是是旦旦!有機會我都會再嚟多

假日燒烤周圍都多人，有朋友搵到呢間位於西貢既燒烤場，咁就策騎架tesla黎到西貢既外郊黎試試。環境向海，每個爐都向住沙灘，可以欣賞埋日落，個畫面係幾靚。這裡私隱度高，唔怕其他燒烤場咁人煙嘈雜，可享受片刻寧靜。我地有私人雪櫃，裡面雪住燒烤食物，呢度係用燒烤爐，唔使個個都用叉咁麻煩。牛丸，魚蛋，腸仔味道無咩特別。雞翼同牛扒都預先醃好，有咖喱味同黑椒味添。不過講到正係呢度竟然有海鮮燒。每人一隻大虎蝦同一隻扇貝。虎蝦有成隻手掌咁大，鹽燒係最能帶出蝦本身既鮮味，仲啖啖肉。扇貝就係蒜蓉燒，食得出陣海水味證明用料新鮮。最後仲有條鹽焗𩶘魚，除左預先用鹽醃外，仲有檸檬片，所以食落有陣清新檸香，不過鹽醃始終令條魚鹹左少少。呢度景觀好，唔使同人迫，仲有質量既食物，不妨試下。

朋友提議天氣秋涼燒烤最正 但一班女仔 唔想準備咁多野去郊野公園 自助燒烤場又嫌悶 經過一輪網上搜索 決定去西貢百合園林海景。黃昏時間到 剛剛睇到日落和有一大片海景 心情好舒暢。每一組客人有自己一個雪櫃 入面已經有曬六人份量的食物 有部分都是一串串準備好曬 好方便。食物睇得出幾有心思 老闆話肉類是佢地自己醃的 唔會太咸 冇味精 對於味道敏感的我 真的好高興。鴨胸 煙肉車厘茄串 牛柳粒 雞翼 豆卜 丸類 漢堡扒茄子南瓜翠玉瓜 好多蔬菜 女仔特別鐘意。仲有一人一隻大海蝦。老闆之後攞了一盆被鹽焗住的東西俾我地 原來係鹽焗烏頭 鐘意食魚的朋友即刻好驚喜。哈哈。坐了一晚 傾下計 燒下野食 一大樂事。

早幾日前打左黎訂位 唔夠5位要收$50開爐費 自己帶野飲&食每人要比$20 每人$198 經過西貢 再去北潭涌方向 過左烈士碑行前少少就係 有個banner 寫住18E在右邊(對頭車方向) 由銅鑼灣出發只係渣左45分鐘就到老闆話可以泊門口 但其實個所謂門口細得可憐 佢叫我唔好遮住個banner 但係banner隔離又有幾個類似'聖誕樹'的物體擋住 果度又已經泊左兩架車基本上再泊門口就肯定擋住晒人地個入口 所以好多人就甘泊對面行人路算數...... 呢度環境真係不錯 建0係個海上面的 一片片木砌成既 所以由木罅望落去係見倒海架 好特別 分開兩邊 一邊就係對住個海 有幾張好歐陸既檯凳 另一邊就有個大風扇 每檯都有自己的雪櫃 雪櫃隔離就係個西式燒爐 放野食上去燒就ok! 雖然燒野食係應該自己渣住支叉先過癮 但其實燒一兩舊就過癮 成晚渣住支叉對住個爐係甘燒都唔好話唔累.... 0係hk未試過用呢款爐燒 感覺好舒服 你想既就埋去反下野食 玩完喇就埋位睇海景吹下水 好歎一去到個老闆就幫我地起爐 雖然識起爐 但有人幫我起埋都好正 炭任用 之前聽過有人話有d燒烤場用多d炭都要加錢...........

不快的經歷, 原因有二,第一, 食物質素平平食物質素式量比價錢低醃制方法不中不西第二, 服務態度惡劣當我們查詢有否其他蔬菜提供, 老闆以高傲的態度諷刺說: "邊到有呀?以加種比你好唔好?"我們明白食物嘅份量是預定好的, 我們明白老闆有錢唔憂做,但, 我們只不過多口問句如果你不追求西式燒烤食品不追求優質服務態度百合園林海景燒烤場是一個唔錯嘅選擇因為有良好衛生亦有優美風景An unpleasant experience2 reasons1st Soso foodThe food quality doesn’t match the pricingThe food is neither in hk nor western style 2nd Terrible serviceWe tried to ask for extra vegetable (indeed we would pay for it)The owner replied in bad manner:‘How could I have vegetable? Should I plant some for you right now?

係 Open Rice search 到呢間 BBQ, 放膽一試，果然食物質素一流﹗有獨立雪櫃擺放食物，唔駛同人爭。每人份量都好多，真係冇可能食得晒。推介海鮮餐，老闆個條鹽焗魚真係一流，好工夫﹗其他虎蝦、帶子都好好味。其實肉類都好OK，可惜真係食唔晒。老闆應該減少份量，環保嘛，識食既客係唔會以為你呃錢既﹗老闆有時都會見我地唔識燒幫手燒埋一份，可能怕我地浪費左佢既心血。海景亦一流，真係渡過悠閒周日既好地方，只可惜地方小了一點~~

這個BBQ場感覺很舒服, 由西貢市中心搭七/九號VAN仔, 講明斬竹灣18號有落就OK! 唔太難搵!入內場地細細, 看似是家庭式經營的, 老闆亦好好人! 一定要BOOK定幾多位, 方便老闆預備食物!去到坐底, 我地幾個女仔掛住影相, 因為旁邊就是海景丫!我們影相其間老闆已經開始拿出一盆盆預備好的食物放到我們的專用雪櫃, 感覺很衛生!我們是食海鮮餐, 除一般普通的肉類, 丸類等等食物外, 每人還有一隻虎蝦, 扇貝和魚!食物份量恰恰好, 還有少少吃剩, 不怕不夠食!用的是西式的燒烤爐, 而且每人也有一隻碟和刀叉, 配上長椅, 看著海景, 感覺很寫意~推薦的有香草腸(老闆說不是經常有, 是可遇不可求啊), 煙肉蕃茄(味道恰到好處), 虎蝦(很大隻而且很肉很爽), 扇貝(還配有蒜容牛油自己搽)!!場內細細, 只有數張長椅, 沒有一般燒烤場的擠迫感和燒烤味~ 還有一個小小的千秋, 水池, 哈哈, 蠻有趣, 想來一個悠閒的周末, 很值得一試~

天氣凍, BBQ最好不過啦, 但唔想食果種急凍冰肉, 勁多味精, 又或者燒完一定肚柯果隻, 結果搵左黎呢度, 位置黎講都幾搞野下, 公共交通就巴士同小巴囉, 去北譚涌方向, 未到總站會出現係你右手邊既路邊, 門口有個招牌同燈飾,唔太顯眼, 而且只係寫住園林海景, 係無百合兩個字既.我係自己渣車去既, 門口最多只可泊兩至三架車, 小心. 食物方面, 我覺得真係似私房菜啦, 除左一般既燒烤餐, 另一個就係海鮮餐, 再加上鹽焗魚魚, 但係個餐本身都好豐富下, 竟然有燒法包. 脆肉瓜, 雞軟骨串, 牛肉串燒, 豆pop串, 煙鴨胸串, 煙肉車里茄串, 其他既就係牛扒, 豬扒,全雞翼(串好既), 雞中翼(又係串好既),腸仔. 起初睇落好似好少野, 但食落又剛剛好喎. 每一台有獨立西式爐, 夾夾下唔駛整污糟對手, 仲有個獨立既雪櫃放好你既食物,乾淨衛生.另外環景都唔錯, 無左燒烤場果種迫同嘈, 人少少, 又有個唔大唔小既草地花園, 水池, 木既千秋椅, 整潔之餘又清新.係一個另類既選擇.呢個係我第一次燒完野食唔肚柯之類又唔口渴既BQ. 抵讚

基本上, 細佬我差不多都去勻全香港的燒烤場, 好的真的幾乎沒有. 一個能真正可以享受有美麗風景, 地方寬敞, 人數不多而不喧嘩的, 更幾乎沒有. 例如; 濠涌金喜花園, 地方大, 環境不錯, 但食物就非常一般, 價錢亦只是HK$128/位, 如果只是享受環境, 坐一個下午就不錯. 享受平的如小欖(垃圾中的垃圾), 大欖, 上白泥, 下白泥, 龍鼓灘, 大尾篤, 等等………等等….只不過是為約朋友找個地方敍一敍, 吃一些落重人工醃制的肉類, 味精多到你食完返去拼命的飲水. 算啦, 隨便講一講斬竹灣的園林燒烤場, 地方少, 但對住個海, 風景不錯, 燒烤採用西洋人的燒烤爐, 但食物尚算比較其他的過得去. 可借又是西唔西, 中唔中; 西得來又學唔足, 人家如果燒牛排, 一般都不用醃, 因為人家用的較好的牛排. 試想想, 如果材料是A5 和牛, 你會否給人家醃呢. 一般串鐃是可以接受, 但評分一般. 遺有可說的只有他10來吋的老虎蝦. 當然是雪藏啦, 但起碼佢會用水浸, 燒完食落口還很爽口, 蝦味還在. 只是HK$168過得去. 細佬曾經飾心教導過一間在流浮山的歡樂燒烤場, 開幾張四方枱靠近海

飲食男女唔介紹都幾難搵到o黎呢度，不過o黎過一次就冇難度，其實係從西貢入，見到北潭涌路牌個迴旅處直入剛剛好兩km 路程，望住右手面就搵到招牌，去到再call 梁先生上o黎開門接人。地方唔算好大，大概可容納四十人左右，企理乾淨，有瓦遮頭，望海景，建議4 點右左去最好，一來可以欣賞下個海景，二來時間會較為充裕，因為燒烤時間祇係到晚上11 點，老闆要等你地happy 完先可以清場，第二朝一早又要去市場入貨，不過老闆幾好人，我地第一次去唔知時間，玩到11:30 老闆都仲笑笑口叫我地慢慢燒。食物方面以人頭計，不包飲品，汽水6 蚊罐，啤酒12 蚊罐，價錢尚算合理，四．五歲小朋友免費，最少5 個人起計，5 個人以下收開爐費50 元尚算合理，一般燒烤每位$98，海鮮餐\ $168，注意：並非任燒任食，而係老闆供應一個5 人份量燒烤餐\，不過絕對唔駛擔心唔夠食，燒到咁上下，老闆會預定保鮮袋你「打包」，以小弟兩男三女計，都係食到一半多Ｄ。基本上食物種類同款式由老闆決定，客人祇可以唔要揀某種肉類，其實海鮮餐\祇係多左三樣野，一，鹽焗海鱸魚，唔駛燒，老闆焗埋俾你食，魚同鹽中間有香草同檸檬一齊焗，條魚足12 吋